Monday, 13 August 2018

டி.என்.பி.எஸ்.சி. 1199 குரூப்-2 பணிகள்

தமிழக அரசுப் பணியாளர் தேர்வாணையம் (டி.என்.பி.எஸ்.சி.) குரூப்-2 பணியிடங்களுக்கான அறிவிப்பை வெளியிட்டு உள்ளது. இதன் மூலம் மொத்தம் 1,199 பணியிடங்கள் நிரப்பப்பட உள்ளது. இது எழுத்துத் தேர்வு மற்றும் நேர்காணல் மூலம் நிரப்பப்படும் பணியிடங்கள் என்பது குறிப்பிடத்தக்கது. இந்த பணியிடங்களுக்கு வி்ண்ணப்பிக்க விரும்புபவர்கள் 30 வயதுக்கு உட்பட்டிருக்க வேண்டும். சில பணிகளுக்கு 40 வயதுடையவர்கள் விண்ணப்பிக்கலாம். அரசு விதிகளின்படி வயது வரம்பு தளர்வு பின்பற்றப்படுகிறது. விண்ணப்பதாரர்கள் பட்டப்படிப்பு படித்திருக்க வேண்டும். விருப்பம் உள்ளவர்கள் ஆன்லைன் வழியே விண்ணப்பிக்கலாம். 9-9-2018-ந் தேதி விண்ணப்பிக்க கடைசி நாள். செப்டம்பர் 11-ந் தேதிக்குள் கட்டணம் செலுத்தலாம். இதற்கான முதல்நிலை எழுத்து தேர்வு நவம்பர் 11-ந் தேதி நடைபெறும். அந்த தேர்வில் தேர்ச்சி பெறுபவர்களுக்கு முதன்மை தேர்வும், அதில் வெற்றி பெறுபவர்களுக்கு நேர்முக தேர்வும் நடத்தப்படும். அனைத்திலும் தேர்ச்சி பெறுபவர்கள் பணி நியமனம் பெறலாம். இது பற்றிய விரிவான விவரங்களை www.tnpsc.gov.in என்ற இணையதள பக்கத்தில் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

கப்பல் பணிமனையில் 318 பயிற்சிப் பணிகள்

இந்திய கடற்படைக்குச் சொந்தமான கப்பல் பணிமனை ஒன்று மும்பையில் செயல்படுகிறது. மும்பை நேவல் டாக்யார்டு எனப்படும் இந்த பணிமனையில் தற்போது ‘அப்ரண்டிஸ் டிரெயினி’ பயிற்சிப் பணியிடங்களுக்கு விண்ணப்பம் கோரப்பட்டு உள்ளது. மொத்தம் 318 பேர் தேர்வு செய்யப்படுகிறார்கள். பிட்டர், மெஷினிஸ்ட், வெல்டர், பிளம்பர், மாசன், மெக்கானிக், ஏ.சி. மெக்கானிக், பெயிண்டர், பவர் எலக்ட்ரீசியன், இன்ஸ்ட்ருமென்ட் மெக்கானிக், எலக்ட்ரோபிளேட்டர், பவுண்டரி மேன், பைப் பிட்டர், ஷிப்ரைட், கிரேன் ஆபரேட்டர், ரிகர் போன்ற பிரிவில் பணியிடங்கள் உள்ளன. இது சார்ந்த பிரிவுகளில் ஐ.டி.ஐ. படித்தவர்கள் இந்த பயிற்சிப் பணியிடங்களுக்கு விண்ணப்பிக்கலாம். சமீபத்தில் ஐ.டி.ஐ. முடித்த விண்ணப்பதாரர்களுக்கு பிரெஷர் குறிப்பிட்ட பணியிடங்கள் ஒதுக்கப்பட்டு உள்ளன. விண்ணப்பதாரர்கள் 1-4-1999 மற்றும் 31-3-2006 ஆகிய தேதிகளுக்கு இடைப்பட்ட காலத்தில் பிறந்திருக்க வேண்டும். எஸ்.சி., எஸ்.டி. மற்றும் படைப்பிரிவு பணியாளர் களுக்கு அரசு விதிகளின்படி வயது வரம்பில் தளர்வு அனுமதிக்கப்படும். விண்ணப்பதாரர் குறைந்தபட்சம் 150 செ.மீ. உயரமும், அதற்கேற்ற எடையும் இருக்க வேண்டும். மார்பளவு 5 செ.மீ. விரியும் திறனும், பார்வைத்திறன் 6/6 முதல் 6/9 என்ற அளவுக்குள்ளும் இருக்க வேண்டும். விண்ணப்பதாரர்கள் எழுத்துத் தேர்வு, திறமைத் தேர்வு, உடல்உறுதித் தேர்வு, நேர்காணல் ஆகியவற்றுக்கு உட்படுத்தப்பட்டு, தகுதியானவர்கள் சேர்க்கப்படுவார்கள். விருப்பமும், தகுதியும் இருப்பவர்கள் இணையதளம் வழியாக விண்ணப்பம் சமர்ப்பிக்கலாம்.www.bhartiseva.comஎன்ற இணையதளம் வழியே 17-8-2018-ந் தேதிக்குள் விண்ணப்பிக்க வேண்டும். தேவையான இடத்தில் குறிப்பிட்ட சான்றுகளை பதிவேற்றம் செய்ய வேண்டும். விரிவான விவரங்களை மேற்குறிப்பிட்டுள்ள இணையதள பக்கத்தில் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

ரெயில்டெல் நிறுவனம்

மத்திய ரெயில்வே துறையின் கீழ் செயல்படும் துணை நிறுவனங்களில் ஒன்று ரெயில்டெல் கார்ப்பரேசன் ஆப் இந்தியா லிமிடெட். இது ரெயில்வே தொடர்பான தகவல் தொழில்நுட்பம் சார்ந்த பணிகளை கவனிக்கிறது. தற்போது இந்த நிறுவனத்தில் அசிஸ்டன்ட் ெஜனரல் மேனேஜர் (டெக்னிக்கல்), சீனியர் மேனேஜர்/ஆபரேசன் சப்போர்ட் சிஸ்டம் சீனியர் மேனேஜர் (சர்வீஸ் அஸ்யூரன்ஸ்), அசிஸ்டன்ட் மேனேஜர் (டெக்னிக்கல்) போன்ற பணியிடங்களுக்கு விண்ணப்பம் கோரப்பட்டு உள்ளது. மொத்தம் 53 பேர் தேர்வு செய்யப்படுகிறார்கள். ஒவ்வொரு பணிக்கும் வயது வரம்பு வேறுபடுகிறது. 37 வயதுக்கு உட்பட்டவர்களுக்கு பணியிடங்கள் உள்ளன. அரசு விதிகளின்படி வயது வரம்பு தளர்வும் அனுமதிக்கப்படுகிறது. பி.இ., பி.டெக், பி.எஸ்சி. என்ஜினீயரிங் படித்தவர்களுக்கு பணியிடங்கள் உள்ளன. அந்தந்த பணியிடங்கள் தொடர்பான என்ஜினீயரிங் பாடப் பிரிவுகளை முழுமையான விளம்பர அறிவிப்பில் பார்க்கலாம். விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். 18-8-2018-ந் தேதி வி்ண்ணப்பிக்க கடைசி நாளாகும். இது பற்றிய விரிவான விவரங்களை www.railtelindia.com என்ற இணையதள பக்கத்தை பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

மத்திய அரசு நிறுவனத்தில் வேலை

மத்திய அரசின் பொதுத்துறை நிறுவனங்களில் ஒன்று மெக்கான். உலோகவியல் மற்றும் பொறியியல் ஆராய்ச்சி நிறுவனமான இது மத்திய உருக்குத் துறை அமைச்சகத்தின் கீழ் செயல்படுகிறது. உருக்கு நிறுவனமான ‘செயில்’ நிறுவனத்தின் துணை நிறுவனமான இந்த நிறுவனத்தில் தற்போது உதவி திட்ட பொறியாளர், திட்ட பொறியாளர், இளநிலை நிர்வாக அதிகாரி, முதுநிலை திட்ட பொறியாளர் உள்ளிட்ட பணியிடங்களுக்கு 205 பேரை தேர்வு செய்ய அறிவிப்பு வெளியாகி உள்ளது. இவை காண்டிராக்டு அடிப்படையிலான ஒப்பந்த பணியிடங்களாகும். என்ஜினீயரிங் மற்றும் பி.டெக், ஆர்கிடெக் போன்ற பட்டப்படிப்பு படித்தவர்கள், டிப்ளமோ என்ஜினீயரிங் படித்தவர்களுக்கு பணியிடங்கள் உள்ளன. ஒவ்வொரு பணிக்கும் வயது வரம்பு வேறுபடுகிறது. அதிகபட்சம் 39 வயதுக்கு உட்பட்டவர்களுக்கு பணியிடங்கள் உள்ளன. குறிப்பிட்ட பிரிவினருக்கு வயது, மதிப்பெண் சதவீதம் போன்றவற்றில் அரசு விதிகளின்படி தளர்வுகள் அனுமதிக்கப்படுகிறது. விண்ணப்பதாரர்கள் ரூ.500 கட்டணம் செலுத்தி விண்ணப்பிக்க வேண்டும். எஸ்.சி., எஸ்.டி. பிரிவினர் மற்றும் மாற்றுத்திறனாளிகள் இந்த கட்டணம் செலுத்த வேண்டியதில்லை. விருப்பமும், தகுதியும் உள்ளவர்கள் www.meconlimited.co.in என்ற இணையதளத்தில் முழுமையான விவரங்களை பார்த்து அறிந்து கொண்டு விண்ணப்பிக்கலாம். இணையதள விண்ணப்பம் சமர்ப்பிக்க கடைசி நாள் 20-8-2018-ந் தேதியாகும்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

எய்ம்ஸ் மருத்துவ மையத்தில் வேலை

அகில இந்திய அறிவியல் மருத்துவ மையம், எய்ம்ஸ் எனப்படுகிறது. இந்தியாவின் பல்வேறு இடங்களில் இதன் கிளை மருத்துவ கல்லூரி மருத்துவமனைகள் செயல்படுகின்றன. தற்போது ேஜாத்பூர் மற்றும் புதுடெல்லி எய்ம்ஸ் கிளையில் குறிப்பிட்ட பணியிடங்களை நிரப்ப அறிவிப்பு வெளியாகி உள்ளது. ஜோத்பூர் கிளையில் பேராசிரியர், உதவி பேராசிரியர், கூடுதல் பேராசிரியர், இணை பேராசிரியர் உள்ளிட்ட பணியிடங்களுக்கு 73 பேர் தேர்வு செய்யப்படுகிறார்கள். புதுடெல்லி கிளையில் சீனியர் பயோ கெமிஸ்ட், சயின்டிஸ்ட் உள்ளிட்ட பணியிடங்களுக்கு 36 பேர் தேர்வு செய்யப்படுகிறார்கள். பணியிடங்கள் உள்ள பிரிவில் முதுநிலை மருத்துவ படிப்புகள், மருத்துவ முனைவர் பட்டம் பெற்றவர்களுக்கு ஜோத்பூர் கிளையில் பணியிடங்கள் உள்ளன. பேராசிரியர் மற்றும் கூடுதல் பேராசிரியர் பணிக்கு 58 வயதுக்கு உட்பட்டவர்களும், உதவி பேராசிரியர், இணை பேராசிரியர் பணிக்கு 50 வயதுக்கு உட்பட்டவர்களும் விண்ணப்பிக்கலாம். விருப்பமுள்ளவர்கள் ரூ.3 ஆயிரம் கட்டணம் செலுத்தி இணையதள விண்ணப்பம் சமர்ப்பிக்கலாம். 24-8-2018-ந் தேதி விண்ணப்பிக்க கடைசி நாளாகும். இது பற்றிய விவரங்களை http://www.aiimsjodhpur.edu.in/ என்ற இணையதள பக்கத்தில் பார்க்கலாம். பயோகெமிஸ்ட்ரி முதுநிலை படிப்பு, சைகா லஜிஸ்ட் முதுநிலைப் படிப்புடன் ஆராய்ச்சி படிப்பு, சிவில் டிப்ளமோ என்ஜினீயரிங், பிஸியோதெரபி பட்டப்படிப்பு, ஸ்பீச்அண்ட் ஹியரிங் பிஎஸ்.சி. படிப்பு படித்தவர்களுக்கு புதுடெல்லி எய்ம்ஸ் கிளையில் பணியிடங்கள் உள்ளன. விண்ணப்பதாரர் 40 வயதுக்கு உட்பட்டிருக்க வேண்டும். விருப்பமுள்ளவர்கள் ரூ.500 கட்டணம் செலுத்தி, 30-8-2018-ந் தேதிக்குள் விண்ணப்பம் சமர்ப்பிக்கலாம். இது பற்றிய விவரங்களை www.aiims.edu என்ற இணையதளத்தில் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

மெட்ரோ, ரெயில்டெல் நிறுவனங்களில் வேலை

பெங்களூரு மெட்ரோ மற்றும் ரெயில் டெல் நிறுவனங்களில் வேலைவாய்ப்புகள் அறிவிக்கப்பட்டு உள்ளன. இது பற்றிய விவரம் வருமாறு:- பெங்களூரு மெட்ரோ ரெயில் கார்ப்பரேஷன் லிமிடெட் நிறுவனம் சுருக்கமாக பி.எம்.ஆர்.சி. என அழைக்கப்படுகிறது. தற்போது இந்த ரெயில்வே நிறுவனத்தில் ‘அசிஸ்டன்ட் எக்சிகியூட்டிவ் என்ஜினீயர்’ மற்றும் ‘அசிஸ்டன்ட் என்ஜினீயர்’ பணியிடங்களை நிரப்ப அறிவிப்பு வெளியிட்டு உள்ளது. மொத்தம் 99 பணியிடங்கள் நிரப்பப்படுகிறது. இதில் அசிஸ்டன்ட் எக்சிகியூட்டிவ் என்ஜினீயர் பணிகளுக்கு 31 இடங்களும், அசிஸ்டன்ட் என்ஜினீயர் பணியிடங்களுக்கு 68 பேரும் தேர்வு செய்யப்படுகிறார்கள். சிவில் என்ஜினீயரிங் தொடர்பான பி.இ., பி.டெக் பட்டப்படிப்பு படித்தவர்கள் அசிஸ்டன்ட் எக்சிகியூட்டிவ் என்ஜினீயர் பணியிடங்களுக்கும், டிப்ளமோ என்ஜினீயரிங் அல்லது பி.இ., பி.டெக் படித்தவர்கள் அசிஸ்டன்ட் என்ஜினீயர் பணியிடங்களுக்கும் விண்ணப்பிக்கலாம். அசிஸ்டன்ட் எக்சிகியூட்டிவ் என்ஜினீயர் பணிக்கு 40 வயதுக்கு உட்பட்டவர்களும், அசிஸ்டன்ட் என்ஜினீயர் பணிக்கு 35 வயதுக்கு உட்பட்டவர்களும் விண்ணப்பிக்கலாம். விருப்பமும், தகுதியும் இருப்பவர்கள் குறிப்பிட்ட மாதிரியான விண்ணப்பத்தை நிரப்பி அனுப்ப வேண்டும். விண்ணப்பம் 31-8-2018-ந் தேதிக்குள் பெங்களூரு, மெட்ரோ ரெயில் நிறுவன முகவரியை சென்றடையும்படி அனுப்ப வேண்டும். விரிவான விவரங்களை www.bmrc.co.in என்ற இணையதளத்தில் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

முப்படை அதிகாரி பணிகளுக்கு 414 இடங்கள் பட்டதாரிகள் விண்ணப்பிக்கலாம்

இந்திய ராணுவ அகாடமிகளில் 414 அதிகாரி பணியிடங்கள் அறிவிக்கப்பட்டு உள்ளன. பட்டப்படிப்பு படித்தவர்கள் இதில் சேர விண்ணப்பிக்கலாம். இது பற்றிய விரிவான விவரம் வருமாறு:- ராணுவத்தின் முப்படை பிரிவுகளில் அதிகாரி பணியிடங்களை நிரப்ப, மத்திய அரசுப் பணியாளர் தேர்வாணையம் (யூ.பி.எஸ்.சி.) அறிவிப்பு வெளியிட்டு உள்ளது. ஒருங்கிணைந்த பாதுகாப்பு பணி களுக்கான தேர்வு (சி.டி.எஸ்.-2018(2) மூலம் இந்த பணிகளுக்கு தகுதியானவர்கள் சேர்க்கப்படுவார்கள். மொத்தம் 414 பணியிடங்கள் இந்த தேர்வின் மூலம் நிரப்பப்படுகிறது. இதில் இந்திய மிலிட்டரி அகாடமியில் 100 பேரும், இந்திய கடற்படை அகாடமியில் 45 பேரும், விமானப்படை அகாடமியில் 32 பேரும், சென்னை ஆபீஸர் டிரெயினிங் அகாடமியில் 237 பேரும் சேர்க்கப்படுகிறார்கள். பயிற்சியுடன் கூடிய இந்த அதிகாரி பணியிடங்களில் சேர விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்... வயது வரம்பு: ராணுவ மிலிட்டரி அகாடமி மற்றும் கடற்படை அகாடமி பணி விண்ணப்பதாரர்கள் 2-7-1995 மற்றும் 1-7-2000 ஆகிய தேதிகளுக்கு இடைப்பட்ட காலத்தில் பிறந்திருக்க வேண்டும். விமானப்படை அகாடமியில் சேருபவர்கள் 1-7-2019 தேதியில் 20 வயது முதல் 24 வயதிற்கு உட்பட்டவர் களாக இருக்க வேண்டும். கல்வித்தகுதி : ராணுவ மிலிட்டரி அகாடமி மற்றும் சென்னை ஆபீஸர் டிரெயினிங் அகாடமியில் சேரும் விண்ணப்பதாரர்கள் பட்டப்படிப்பு அல்லது அதற்கு இணையான கல்வித்தகுதி பெற்றிருக்க வேண்டும். விமானப்படை அகாடமியில் சேருபவர்கள் பள்ளிப்படிப்பில் இயற்பியல், கணிதம் பாடங்கள் அடங்கிய பிரிவை தேர்வு செய்து படித்திருப்பதுடன், பட்டப்படிப்பு தேர்ச்சி பெற்றிருக்க வேண்டும். கடற்படையில் சேருபவர்கள் என்ஜினீயரிங் பட்டப்படிப்பில் தேர்ச்சி பெற வேண்டும். தேர்வு செய்யும் முறை: எழுத்து தேர்வு, உளவியல் திறன் தேர்வு, நுண்ணறிவுத்திறன் தேர்வு, ஆளுமைத்திறன் தேர்வு மற்றும் நேர்காணல் ஆகியவற்றின் அடிப்படையில் தேர்வு செய்யப்படுகிறார்கள். விண்ணப்பதாரர் உடல் தகுதி பெற்றிருக்க வேண்டும். கட்டணம் : எஸ்.சி., எஸ்.டி. பிரிவினர் தவிர்த்த மற்றவர்கள் ரூ.200 கட்டணம் செலுத்தி விண்ணப்பிக்க வேண்டும். எஸ்.சி., எஸ்.டி. பிரிவினர் மற்றும் பெண் விண்ணப்பதாரர்கள் இந்த கட்டணம் செலுத்த வேண்டியதில்லை. விண்ணப்பிக்கும் முறை: விருப்பமும், தகுதியும் உள்ள விண்ணப்பதாரர்கள் www.upsconline.nic.in என்ற இணையதளம் வழியாக விண்ணப்பங்களை சமர்ப்பிக்கலாம். பார்ட்-1 விண்ணப்பத்தை சமர்ப்பித்த பிறகு கட்டணம் செலுத்திவிட்டு, பார்ட்-2 விண்ணப்பத்தை சமர்ப்பிக்க வேண்டும். முக்கிய தேதிகள் : ஆன்லைன் விண்ணப்பம் சமர்ப்பிக்க கடைசி நாள் 3-9-2018-ந் தேதியாகும். இதற்கான தேர்வு 18-11-2018 அன்று நடைபெற உள்ளது. கூடுதல் விவரங்களை பார்க்க www.upsc.gov.in என்ற இணையதளத்தை பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

நிலக்கரி நிறுவனத்தில் 480 பணியிடங்கள்

நிலக்கரி நிறுவனத்தில் ஐ.டி.ஐ படித்தவர்களுக்கு 480 பணியிடங்கள் அறிவிக்கப்பட்டு உள்ளன. இது பற்றிய விவரம் வருமாறு:- மத்திய நிலக்கரித் துறையின் கீழ் செயல்படும் நிலக்கரி நிறுவனங்களில் ஒன்று ‘சென்ட்ரல் கோல்பீல்ட்ஸ் லிமிடெட்’. பொதுத்துறை நிறுவனமான இதில் தற்போது மைனிங் சர்தார் மற்றும் எலக்ட்ரீசியன் போன்ற பணியிடங்களுக்கு விண்ணப்பம் கோரப்பட்டுள்ளது. மொத்தம் 480 பணியிடங்கள் நிரப்பப்படுகிறது. இதில் மைனிங் சர்தார் பணிக்கு 269 இடங்களும், எலக்ட்ரீசியன்/ டெக்னீசியன் பணிகளுக்கு 211 இடங்களும் உள்ளன. இந்த பணிகளுக்கு விண்ணப்பிக்க விரும்பு பவர்கள் பெற்றிருக்க வேண்டிய தகுதி விவரங்களை இனி பார்க்கலாம்... வயது வரம்பு விண்ணப்பதாரர்கள் 10-8-2018-ந் தேதியில் 30 வயதுக்கு உட்பட்டவர்கள் விண்ணப்பிக்கலாம். கல்வித்தகுதி மெட்ரிகுலேசன் தேர்ச்சியுடன் ஐ.டி.ஐ. படித்தவர்கள் எலக்ட்ரீசியன் பணியிடங்களுக்கு விண்ணப்பிக்கலாம். மைனிங் சர்தார் சான்றிதழ் பெற்றவர்கள் மைனிங் சர்தார் பணிக்கு விண்ணப்பிக்கலாம். கட்டணம் பொது மற்றும் ஓ.பி.சி. பிரிவினர் ரூ.100 கட்டணம் செலுத்தி விண்ணப்பிக்க வேண்டும். எஸ்.சி., எஸ்.டி. பிரிவினர் இந்த கட்டணம் செலுத்த வேண்டியதில்லை. விண்ணப்பிக்கும் முறை விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். 10-9-2018-ந் தேதி வரை விண்ணப்பம் செயல்பாட்டில் இருக்கும். இணையதள விண்ணப்பம் சமர்ப்பித்தவர்கள், 20-9-2018-ந் தேதிக்குள் நகல் விண்ணப்பம் சென்றடையும்படி அனுப்ப வேண்டும். விண்ணப்பிக்கவும், விரிவான விவரங்களை தெரிந்து கொள்ளவும் www.centralcoal fields.in என்ற இணையதள பக்கத்தைப் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 6 August 2018

நாடு முழுவதும் 24 லட்சம் அரசு பணியிடங்கள் காலியாக உள்ளன மத்திய மந்திரிகள் தகவல்

வேலையில்லா திண்டாட்டம் இந்தியாவில் தலைவிரித்தாடும் நிலையில், நாடு முழுவதும் 24 லட்சம் அரசு பணியிடங்கள் காலியாக இருப்பது தெரியவந்துள்ளது. அரசுப்பணிகளில் காலியிடங்கள் குறித்து நாடாளுமன்ற மழைக்கால கூட்டத்தொடரில் உறுப்பினர்களின் கேள்விக்கு மத்திய மந்திரிகள் பதில் அளித்தனர். அதில் மத்திய, மாநில அரசுகளின் கட்டுப்பாட்டில் உள்ள துறைகளில் மொத்தம் 24 லட்சம் பணியிடங்கள் காலியாக இருப்பதாக தெரிவித்து உள்ளனர். இதில் அதிகபட்சமாக பள்ளிகளில் 10 லட்சம் ஆசிரியர் பணியிடங்கள் காலியாக உள்ளன. மாநிலங்களின் பட்டியலில் உத்தரபிரதேசம் முதலிடத்தில் உள்ளது. இங்கு 2 லட்சத்து 24 ஆயிரம் ஆசிரியர் பணியிடங்கள் காலியாக உள்ளன. குறிப்பாக நாடு முழுவதும் காவல் துறையில் 5 லட்சம் பணியிடங்களும், ரெயில்வே மற்றும் சுகாதாரத்துறையில் 4 லட்சம் பணியிடங்களும் உள்ளன. எய்ம்ஸ் மருத்துவமனையில் மட்டும் 2 ஆயிரம் பணியிடங்கள் காலியாக உள்ளன. ராணுவத்தில் 1 லட்சத்து 20 ஆயிரம் பணியிடங்களும், நீதித்துறையில் நீதிபதிகள் உள்பட 5 ஆயிரம் பணியிடங்களும், அங்கன்வாடி மையங்களில் 2 லட்சத்து 20 ஆயிரம் பணியிடங்களும், தபால் துறையில் 54 ஆயிரத்து 263 இடங்களும் காலியாக இருப்பதாக மத்திய மந்திரிகள் தெரிவித்து உள்ளனர்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

வேலை - கால அட்டவணை - 06 AUGUST 2018

வேலை - கால அட்டவணை - 06 AUGUST 2018

விரிவாக படிக்க இங்கே கிளிக் செய்யுங்கள் | READ MORE | CLICK HERE

அணுசக்தி மையத்தில் 224 வேலைகள்

பாபா அணுசக்தி ஆராய்ச்சி மையத்தில் 224 பணியிடங்கள் அறிவிக்கப்பட்டு உள்ளன.

இது பற்றிய விவரம் வருமாறு:-

பாபா அணுசக்தி ஆராய்ச்சி மையம் மும்பையில் செயல்படுகிறது. மத்திய அரசு நிறுவனமாக இதில் தற்போது ஸ்டிபென்டியரி டிரெயினி பணியிடங்களை நிரப்ப விண்ணப்பம் கோரப்பட்டுள்ளது. மொத்தம் 224 பேர் தேர்வு செய்யப்படுகிறார்கள். இதில் கேட்டகரி 1 பிரிவில் 86 இடங்களும், கேட்டகரி 2 பிரிவில் 138 இடங்களும் உள்ளன. ஒவ்வொரு பணிப்பிரிவு மற்றும் இட ஒதுக்கீடு அடிப்படையிலான பணியிட விவரங்களை முழுமையான விளம்பர அறிவிப்பில் பார்க்கலாம்.

இந்த பணியிடங்களுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்ப்போம்...

வயது வரம்பு

கேட்டகரி 1 பணி விண்ணப்பதாரர்கள் 19 வயது முதல் 24 வயதுடையவர்களாக இருக்க வேண்டும். கேட்டகரி 2 பணி விண்ணப்பதாரர்கள் 18 வயது முதல் 22 வயதுடையவர்களாக இருக்க வேண்டும்.

கல்வித்தகுதி

பணியிடங்கள் உள்ள பிரிவுகளில் டிப்ளமோ என்ஜினீயரிங் மற்றும் பி.எஸ்சி. என்ஜினீயரிங் படித்தவர்கள் கேட்டகரி 1 பணிக்கு விண்ணப்பிக்கலாம். ஐ.டி.ஐ. படித்தவர்கள் கேட்டகரி 2 பணியிடங்களுக்கு விண்ணப்பிக்கலாம்.

கட்டணம்

கேட்டகரி 1 பணி விண்ணப்பதாரர்கள் ரூ.150-ம், கேட்டகரி 2 பணி விண்ணப்பதாரர்கள் ரூ.100-ம் கட்டணமாக செலுத்தி விண்ணப்பிக்க வேண்டும். எஸ்.சி., எஸ்.டி. பிரிவினர் மற்றும் மாற்றுத்திறனாளிகள் பெண் விண்ணப்பதாரர்கள் இந்த கட்டணம் செலுத்த வேண்டியதில்லை.

விண்ணப்பிக்கும் முறை

விருப்பமும்் தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். 20-8-2018-ந் தேதி விண்ணப்பிக்க கடைசிநாளாகும்.இதுபற்றிய விரிவான விவரங்களை http://www.barc.gov.in/ என்ற இணையதள பக்கத்தில் பார்க்கலாம்.





விரிவாக படிக்க இங்கே கிளிக் செய்யுங்கள் | READ MORE | CLICK HERE

சென்னை பெட்ரோலியம் நிறுவனத்தில் பயிற்சிப்பணி

பொதுத்துறை நிறுவனங்களில் ஒன்று சென்னை பெட்ரோலியம் கார்பரேசன் லிமிடெட். தற்போது இந்த நிறுவனத்தில் டிரேடு அப்ரண்டிஸ் பயிற்சிப் பணிகளுக்கு விண்ணப்பம் கோரப்பட்டுள்ளது.மொத்தம் 142 பேர் தேர்வு செய்யப்படுகிறார்கள்.

பிட்டர், வெல்டர், எலக்ட்ரீசியன், மெக்கானிக், மெஷினிஸ்ட், டர்னர், இன்ஸ்ட்ருமென்ட் மெக்கானிக், டிராப்ட்ஸ்மேன், கம்ப்யூட்டர் ஆபரேட்டர், லேப் அசிஸ்டன்ட், அட்டன்ட் ஆபரேட்டர், அக்கவுண்டன்ட், பேக் ஆபீஸ் அசிஸ்டன்ட், எக்சிகியூட்டிவ், செக்யூரிட்டி கார்டு போன்ற பிரிவில் பணியிடங்கள் உள்ளன. ஒவ்வொரு பிரிவிலும் சேர்க்கப்படும் நபர்களின் எண்ணிக்கை விவரங்களை முழுமையான விளம்பர அறிவிப்பில் பார்க்கலாம்.

இந்த பணிகளுக்கு விண்ணப்பிக்க விரும்புபவர்கள் 1-7-2018-ந் தேதியில் 18 வயது பூர்த்தி அடைந்தவர்களாகவும், 24 வயதுக்கு உட்பட்டவர்களாகவும் இருக்க வேண்டும். எஸ்.சி., எஸ்.டி. பிரிவினர் ஓ.பி.சி. பிரிவினர் மற்றும் மாற்றுத்திறனாளிகளுக்கு அரசு விதிகளின்படி வயது வரம்பு தளர்வு அனுமதிக்கப்படும்.

8,10-ம் வகுப்பு தேர்ச்சியுடன், ஐ.டி.ஐ. படித்தவர்கள், பி.எஸ்சி., பி.காம், பட்டப்படிப்பு, எம்.பி.ஏ., பி.ஜி.டிப்ளமோ, எம்.சி.ஏ, சி.ஏ., ஐ.சி.டபுள்யூ.ஏ., எம்.எப்.சி. போன்ற படிப்பு படித்தவர்களுக்கு பணியிடங்கள் உள்ளன.

விருப்பமும், தகுதியும் உள்ளவர்கள். இணையதளம் வழியாக விண்ணப்பம் சமர்ப்பிக்கலாம். 12-8-2018-ந் தேதி விண்ணப்பிக்க கடைசி நாளாகும். விண்ணப்பிக்கவும், விரிவான விவரங்களை தெரிந்து கொள்ளவும் https://www.cpcl.co.in/ என்ற இணையதள பக்கத்தைப் பார்க்கவும்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

தெற்கு ரெயில்வேயில் 257 பணிகள்

தெற்கு ரெயில்வேயில் 257 பணியிடங்கள் அறிவிக்கப்பட்டு உள்ளன.

இது பற்றிய விரிவான விவரம் வருமாறு:-

மத்திய ரெயில்வேயின் கீழ், சென்னையை தலைமை இடமாகக் கொண்ட தெற்கு ரெயில்வே மண்டலம் செயல்படுகிறது. தற்போது இந்த மண்டலத்தில் ‘சபாய்வாலா’ பணியிடங்களுக்கு விண்ணப்பம் கோரப்பட்டுள்ளது. இது கீழ்நிலை அலுவலக பணிகளாகும். மொத்தம் 257 பேர் தேர்வு செய்யப்படுகிறார்கள். இட ஒதுக்கீடு அடிப்படையில் பொதுப் பிரிவுக்கு 130 இடங்களும், ஓ.பி.சி. பிரிவினருக்கு 69 இடங்களும், எஸ்.சி. பிரிவினருக்கு 39 இடங்களும், எஸ்.டி. பிரிவினருக்கு 19 இடங்களும் உள்ளன.

இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்...

வயது வரம்பு

விண்ணப்பதாரர்கள் 1-1-2019-ந்தேதியில் 18 முதல் 33 வயதுக்கு உட்பட்டவர்களாக இருக்க வேண்டும். அரசு விதிகளின்படி வயது வரம்பு தளர்வு அனுமதிக்கப்படும்.

கல்வித் தகுதி

10-ம் வகுப்பு தேர்ச்சி அல்லது அதற்கு இணையான கல்வித்தகுதி பெற்றவர்கள் விண்ணப்பிக்கலாம்.

கட்டணம்

பொது மற்றும் ஓ.பி.சி. பிரிவினர் ரூ.500 கட்டணம் செலுத்தி விண்ணப்பிக்க வேண்டும். எஸ்.சி., எஸ்.டி. பிரிவினர் மற்றும் மாற்றுத்திறனாளிகள், பெண் விண்ணப்பதாரர்கள், பொருளாதாரத்தில் பின்தங்கியவர்கள், சிறுபான்மையினர் ரூ.250 செலுத்தி விண்ணப்பிக்கலாம்.

விண்ணப்பிக்கும் முறை

விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். விண்ணப்பிக்க கடைசி நாள் 27-8-2019-ந் தேதியாகும்.

விண்ணப்பிக்கவும், விரிவான விவரங்களை தெரிந்து கொள்ளவும் http://www.sr.indianrailways.gov.in/ என்ற இணையதள பக்கத்தைப் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

என்ஜினீயரிங் பட்டதாரிகளுக்கு பயிற்சியுடன் அதிகாரி வேலை

என்ஜினீயரிங் பட்டதாரிகள், கடற்படையில் பயிற்சியுடன் கூடிய அதிகாரி பணிக்கு சேர்க்கப்படுகிறார்கள்.

இது பற்றிய விரிவான விவரம் வருமாறு:-

இந்திய ராணுவத்தின் ஒரு பிரிவான கடற்படை, கடல் எல்லையை பாதுகாக்கும் அரணாக விளங்குகிறது. நாட்டுக்குச் சேவை செய்வதுடன், நல்ல அந்தஸ்தையும் பெற்றுத்தரும் கடற்படை பணிகளில் சேருவதை இளைஞர்கள் பலரும் கனவாக கொண்டுள்ளனர். கடற்படையும், தகுதியான இளைஞர்களை பல்வேறு பயிற்சி நுழைவின் அடிப்படையில் படைப்பிரிவில் சேர்த்து வருகிறது.

தற்போது எக்சிகியூட்டிவ் பிராஞ்ச் மற்றும் டெக்னிக்கல் பிராஞ்ச் -ஜூன் 2019 பயிற்சியில் சேர, பட்டதாரி என்ஜினீயர்களிடம் இருந்து விண்ணப்பங்கள் கோரப்பட்டு உள்ளன. திருமணமாகாத ஆண்கள் மட்டும் இதில் சேர விண்ணப்பிக்கலாம். ேநவல் ஆர்கிடெக்சர் பிரிவில் பெண்கள் சேர்க்கப்படுகிறார்கள். மொத்தம் 115 பேர் இந்த பயிற்சி சேர்க்கையில் சேர்க்கப்படுகிறார்கள். இதில் எக்சிகியூட்டிவ் பிரிவில் 43 இடங்களும், டெக்னிக்கல் பிரிவில் 72 இடங்களும் உள்ளன. இவை ஷாட் சர்வீஸ் கமிஷனின் கீழ் வரும், குறுகிய கால பணிவாய்ப்பாகும்.

இந்த பயிற்சியில் சேர விரும்பும், விண்ணப்பதாரர் பெற்றிருக்க வேண்டிய இதர தகுதி விவரங்களை இனி பார்க்கலாம்...

வயது வரம்பு:

விண்ணப்பதாரர் 19½ முதல் 25 வயதுக்கு உட்பட்டவராக இருக்க வேண்டும். அதாவது 2-7-1994 மற்றும் 1-1-2000 ஆகிய தேதிகளுக்கு இடைப்பட்ட காலத்தில் விண்ணப்பதாரர் பிறந்திருக்க வேண்டும். இவ்விரு தேதிகளில் பிறந்தவர்களும் விண்ணப்பிக்கத் தகுதி உடையவர்களே.

கல்வித் தகுதி:

விண்ணப்பதாரர்கள் பி.இ., பி.டெக் துறை பட்டப்படிப்பில் ஏதேனும் ஒரு பிரிவில் தேர்ச்சி பெற்றவர்கள் எக்சிகியூட்டிவ் பிரிவு பயிற்சியில் சேர விண்ணப்பிக்கலாம்.

டெக்னிக்கல் பிரிவு பணிக்கு விண்ணப்பிப்பவர்கள் மெக்கானிக்கல், மரைன், ஆட்டோமோடிவ், மெக்கட்ரானிக்ஸ், மெட்டலர்ஜி, ஏரோனாட்டிக்கல், ஏரோஸ்பேஸ், எலக்ட்ரிக்கல், எலக்ட்ரானிக்ஸ், டெலிகம்யூனிகேசன் உள்பட குறிப்பிட்ட என்ஜினீயரிங் பிரிவில் பட்டம் பெற்றிருக்க வேண்டும்.

எக்சிகியூட்டிவ் மற்றும் டெக்னிக்கல் பிரிவு விண்ணப்பதாரர்கள் இந்த படிப்புகளில் குறைந்தபட்சம் 60 சதவீத மதிப்பெண் பெற்றிருப்பது அவசியம்.

உடல்தகுதி:

விண்ணப்பதாரர்கள் குறைந்தபட்சம் 157 செ.மீ. உயரமும், அதற்கேற்ற எடையும் இருக்க வேண்டும். எக்சிகியூட்டிவ் விண்ணப்பதாரர்கள் பார்வைத்திறன் 6/12 என்ற அளவுக்குள்ளும், டெக்னிக்கல் பிரிவு விண்ணப்பதாரர்கள் 6/24 என்ற அளவுக்குள்ளும் இருக்க வேண்டும்.

தேர்வு செய்யும் முறை:

சர்வீஸ் செலக்சன் போர்டு (எஸ்.எஸ்.பி.) மூலம் இதற்கான தேர்வு முறைகள் நடத்தப்படும். ஸ்டேஜ்-1, ஸ்டேஜ்-2 என இரு நிலைகளில் தேர்வு நடத்தப்பட்டு விண்ணப்பதாரரின் தகுதிகள் சோதிக்கப்படும். நுண்ணறிவுத் தேர்வு, படங்களை புரிந்து கொள்ளுதல், கலந்துரையாடுதல், உளவியல் தேர்வு, குழு தேர்வு மற்றும் நேர்காணல் ஆகியவை நடைபெறும்.

இவற்றில் தேர்ச்சி பெறுபவர்கள் மருத்துவ தேர்வுக்குப் பின்னர் பயிற்சியில் சேர்த்துக் கொள்ளப்படுவார்கள். பயிற்சியிலும் தேர்ச்சி பெறுபவர்கள் பணி நியமனம் பெறலாம். இது 14 ஆண்டுகள் பணிக்காலத்தைக் கொண்ட ஷாட் சர்வீஸ் கமிஷன் பணியாகும். அதற்கு பின்னர் விருப்பமும், தகுதியும் இருப்பவர்கள் பணி நீடிப்பு பெற முடியும். சப்-லெப்டினன்ட் முதல் கமாண்டர் பதவி வரை பதவி உயர்வும், ஊதிய உயர்வும் பெற முடியும்.

விண்ணப்பிக்கும் முறை

விருப்பமும், தகுதியும் உள்ள விண்ணப்பதாரர்கள் இணையதளம் வழியாக விண்ணப்பங்களை சமர்ப்பிக்க வேண்டும். அப்போது தேவையான சான்றுகளை பதிவேற்றம் செய்ய வேண்டும். இறுதியாக பூர்த்தியான விண்ணப்பத்தை கணினிப் பிரதி எடுத்து வைத்துக்கொள்ளவும். நேர்காணலுக்கு அழைக்கப்படும்போது விண்ணப்பம் மற்றும் சான்றுகள் எடுத்துச் செல்ல வேண்டும்.

முக்கியத் தேதி:

ஆன்லைன் மூலம் விண்ணப்பிக்க கடைசி நாள் : 24-8-2018. மேலும் விரிவான விவரங்களை www.joinindiannavy.gov.in என்ற இணைய தளத்தில் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

இந்தியன் வங்கியில் 417 புரபெசனரி அதிகாரி பணிகள்


இந்தியன் வங்கியில் புரபெசனரி அதிகாரி பணிகளுக்கு 417 இடங்கள் அறிவிக்கப்பட்டு உள்ளன.

இது பற்றிய விவரம் வருமாறு:-

பொதுத்துறை வங்கிகளில் ஒன்று இந்தியன் வங்கி. சென்னையை தலைமை இடமாக கொண்டு செயல்படும் இந்த வங்கியில் தற்போது புரபெசனரி அதிகாரி பணியிடங்களை நிரப்ப அறிவிப்பு வெளியாகி உள்ளது. இந்த பணிகளுக்கு மொத்தம் 417 பேர் தேர்வு செய்யப்படுகிறார்கள். இட ஒதுக்கீடு அடிப்படையில் பொதுப் பிரிவுக்கு 212 இடங்களும், ஓ.பி.சி. பிரிவினருக்கு 112 இடங்களும், எஸ்.சி. பிரிவினருக்கு 62 இடங்களும், எஸ்.டி. பிரிவினருக்கு 31 இடங்களும் உள்ளன.

இந்த பணியிடங்களுக்கு தேர்வு செய்யப்படுபவர்களுக்கு முதுநிலை வங்கி மற்றும் நிதிப் பணிகளுக்கான ஓராண்டு டிப்ளமோ பயிற்சி வழங்கப்படும். மணிப்பால் வங்கிப்பணி பயிற்சி கல்லூரியில் இதற்கான டிப்ளமோ பயிற்சி வழங்கப்படுவதுடன் அதில் தேர்ச்சி பெறுபவர்களுக்கு சான்றிதழும் வழங்கப்படும்.

இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்...

வயது வரம்பு

விண்ணப்பதாரர்கள் 1-8-2018-ந் தேதியில் 20 முதல் 30 வயதுக்கு உட்பட்டவர்கள் விண்ணப்பிக்கலாம். அரசு விதிகளின்படி வயது வரம்பு தளர்வு அனுமதிக்கப்படுகிறது.

கல்வித்தகுதி

ஏதேனும் ஒரு பிரிவில் பட்டப்படிப்பை நிறைவு செய்தவர்கள் விண்ணப்பிக்கத் தகுதியானவர்கள். இதற்கு இணையான கல்வித்தகுதி பெற்றவர்களும் விண்ணப்பிக்கலாம்.

கட்டணம்

விண்ணப்பதாரர்கள் ரூ.600 கட்டணமாக செலுத்தி விண்ணப்பிக்க வேண்டும். எஸ்.சி., எஸ்.டி. பிரிவினர் மற்றும் மாற்றுத் திறனாளிகள் ரூ.100 கட்டணம் செலுத்தினால் போதுமானது.

தேர்வு செய்யும் முறை

ஆன்லைன் தேர்வு, நேர்காணல் ஆகியவற்றின் அடிப்படையில் தகுதியானவர்கள் சேர்க்கப்படுகிறார்கள். ஆன்லைன் தேர்வு முதல்நிலைத் தேர்வு, முதன்மைத் தேர்வு என இரு தேர்வுகளாக நடத்தப்படுகிறது. அதில் தேர்ச்சி பெறுபவர்கள் தனிநபர் நேர்காணலுக்கு உட்படுத்தப்பட்டு பயிற்சியில் சேர்க்கப்படுகிறார்கள். பயிற்சியிலும் தேர்ச்சி பெறுபவர்கள் அதிகாரியாக பணி நியமனம் பெறலாம்.

விண்ணப்பிக்கும் முறை

விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். இணையதள விண்ணப்பம் சமர்ப்பிக்க மற்றும் கட்டணம் செலுத்த கடைசிநாள் 27-8-2018-ந் தேதி ஆகும்.

முக்கியத் தேதிகள்

ஆன்லைன் விண்ணப்பப் பதிவு தொடங்கிய நாள் 1-8-2018

விண்ணப்பிக்க கடைசி நாள் : 27-8-18

முதல் நிலைத் தேர்வு நடைபெறும் நாள் : 6-10-2018

ஆன்லைன் மெயின் தேர்வு நடைபெறும் நாள் : 4-11-2018

நேர்காணல் நடைபெறும் நாள் பின்னர் அறிவிக்கப்படும்.

இது பற்றிய விரிவான விவரங்களை www.indianbank.in என்ற இணைய தளத்தில் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

ராணுவ நிறுவனத்தில் 494 தொழில்நுட்ப பணியிடங்கள்

ராணுவ ஆராய்ச்சி மற்றும் மேம்பாட்டு கழக நிறுவனத்தில் சீனியர் டெக்னிக்கல் அசிஸ்டன்ட் பணியிடங்களுக்கு 494 பேர் தேர்வு செய்யப்படுகிறார்கள். இது பற்றிய விவரம் வருமாறு:- ராணுவ ஆராய்ச்சி மற்றும் மேம்பாட்டு கழக நிறுவனம் சுருக்கமாக டி.ஆர்.டி.ஓ. என அழைக்கப்படுகிறது. இந்த அமைப்பில் “சீனியர் டெக்னிக்கல் அசிஸ்டன்ட்-பி” பணியிடங்களை நிரப்ப “செப்டம்” எனப்படும் நுழைவுத் தேர்வு அறிவிக்கப்பட்டுள்ளது. இந்த தேர்வு மூலம் 494 பணியிடங்கள் நிரப்பப்பட உள்ளன. இட ஒதுக்கீடு அடிப்படையில் பொதுப்பிரிவினருக்கு 260 இடங்களும், ஓ.பி.சி. பிரிவினருக்கு 130 இடங்களும், எஸ்.சி. பிரிவினருக்கு 68 இடங்களும், எஸ்.டி. பிரிவினருக்கு 36 இடங்களும் உள்ளன. இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை அறிவோம்... வயது வரம்பு விண்ணப்பதாரர்கள் 18 முதல் 28 வயதுடையவர்களாக இருக்கலாம். மத்திய அரசு விதிகளின்படி வயது வரம்பு தளர்வு அனுமதிக்கப்படும். கல்வித்தகுதி டிப்ளமோ என்ஜினீயரிங் அல்லது ஏதேனும் ஒரு அறிவியல் பிரிவில் பட்டப்படிப்பு படித்தவர்கள் விண்ணப்பிக் கலாம். கட்டணம் எஸ்.சி., எஸ்.டி. பிரிவினர் மற்றும் மாற்றுத் திறனாளிகள், முன்னாள் படைவீரர்கள் தவிர்த்த மற்றவர்கள் ரூ.100 கட்டணம் செலுத்தி விண்ணப்பிக்க வேண்டும். விண்ணப்பிக்கும் முறை விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். 29-8-18-ந் தேதி விண்ணப்பிக்க கடைசி நாளாகும். விண்ணப்பிக்கவும், விரிவான விவரங்களை தெரிந்து கொள்ளவும் www.drdo.gov.in என்ற இணையதள முகவரியைப் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

வேலைவாய்ப்பு அலுவலகங்கள் மூலம் வேலைவாய்ப்பற்ற இளைஞர்களுக்கு உதவி தொகை.

வேலைவாய்ப்பு அலுவலகங்கள் மூலம் வேலைவாய்ப்பற்ற இளைஞர்களுக்கு உதவி தொகை | தமிழக அரசால் வேலைவாய்ப்பற்ற இளைஞர்களுக்கு உதவி தொகை வேலைவாய்ப்பு அலுவலகங்கள் மூலம் வழங்கப்பட்டு வருகிறது. 10, பிளஸ்-2 மற்றும் பட்டப்படிப்பு போன்ற கல்வித் தகுதிகளை படித்து வேலைவாய்ப்பு அலுவலகத்தில் பதிவு செய்து 5 ஆண்டுகளுக்கு மேல் வேலைவாய்ப்பு அலுவலகத்தில் பதிவு செய்து காத்திருப்பவர்கள் உதவித்தொகை பெற சென்னை, சாந்தோமில் உள்ள மாவட்ட வேலைவாய்ப்பு அலுவலகத்தை அணுக வேண்டும். குடும்ப ஆண்டு வருமானம் ரூ.50 ஆயிரத்துக்கு மிகாமல் இருக்க வேண்டும். மாற்றுத்திறனாளிகள் பதிவு செய்து 1 ஆண்டு உயிர்ப்பதிவேட்டில் உள்ளவர்கள், கிண்டி மகளிர் தொழில் பயிற்சி நிலைய வளாகத்தில் உள்ள மாற்றுத்திறனாளிகளுக்கான சிறப்பு வேலைவாய்ப்பு அலுவலகத்தில் உரிய விண்ணப்பத்தினை பெற்று விண்ணப்பிக்க வேண்டும். மாற்றுத்திறனாளிகளுக்கு கல்வித்தொகை மற்றும் குடும்ப ஆண்டு வருமானம், உச்சவரம்பு ஏதுவுமில்லை. இவ்வாறு சென்னை மாவட்ட கலெக்டர் வெ.அன்புச் செல்வன் தெரிவித்து உள்ளார்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Friday, 3 August 2018

பிளஸ்-2 சிறப்பு துணைத்தேர்வு விடைத்தாள் நகல் இன்று வெளியீடு.

பிளஸ்-2 தேர்வில் தேர்ச்சி பெறாதவர்கள் உள்பட சிறப்பு துணைத் தேர்வு எழுதியவர்களில் விடைத்தாட்களின் நகல் கோரி விண்ணப்பித்த மாணவ- மாணவிகளுக்கு இன்று(வெள்ளிக்கிழமை) விடைத்தாள் நகல்கள் வெளியிடப்படுகின்றன. அவர்கள் பிற்பகல் 2 மணி முதல் scan.tnd-ge.in என்ற இணையதளத்திற்குச் சென்று தங்களது பதிவு எண் மற்றும் பிறந்த தேதியினைப் பதிவு செய்து தாங்கள் விண்ணப்பித்த பாடங்களுக்குரிய விடைத்தாட்களின் நகலினை பதிவிறக்கம் செய்து கொள்ளலாம். விடைத்தாட்களின் நகலினை பதிவிறக்கம் செய்த பிறகு மறுகூட்டல் அல்லது மறுமதிப்பீட்டிற்கு விண்ணப்பிக்க விரும்பினால், இதே இணையதள முகவரியில் விண்ணப்பத்தினை பதிவிறக்கம் செய்து கொள்ள வேண்டும். இவ்விண்ணப்பப் படிவத்தினைப் பூர்த்தி செய்து, இரு நகல்கள் எடுத்து வருகிற 6-ந்தேதி முதல் 8-ந்தேதி வரை உரிய முதன்மைக் கல்வி அலுவலர் அலுவலகத்தில் ஒப்படைக்க வேண்டும். இந்த தகவலை அரசு தேர்வுதுறை இயக்குனர் தண்.வசுந்தராதேவி தெரிவித்துள்ளார்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

போட்டித் தேர்வுகளுக்கு மாணவர்களை தயார்படுத்த மாவட்ட நூலகங்களில் ஐ.ஏ.எஸ். அகாடமி எடப்பாடி பழனிசாமி அடுத்த வாரம் தொடங்கி வைக்கிறார்

போட்டித்தேர்வுகளில் கலந்து கொள்ளும் மாணவர்களுக்கு பயிற்சி அளித்து தயார்படுத்துவதற்காக, மாவட்ட நூலகங்களில் ஐ.ஏ.எஸ். அகாடமியை முதல்-அமைச்சர் எடப்பாடி பழனிசாமி அடுத்த வாரம் தொடங்கி வைக்கிறார். பயிற்சி வகுப்பு திருப்பூர் வடக்கு ரோட்டரி சங்கம் சார்பில் ‘உன்னால் முடியும்’ என்ற பள்ளி மாணவ-மாணவிகளுக்கான திறன் மேம்பாடு, வாழ்வியல் நெறிமுறை பயிற்சி வகுப்பு தொடக்க விழா நேற்று காலை திருப்பூர் ஜெய்வாபாய் மாநகராட்சி பெண்கள் மேல்நிலைப்பள்ளியில் நடந்தது. விழாவில் பள்ளி கல்வித்துறை அமைச்சர் கே.ஏ.செங்கோட்டையன் பேசியதாவது:- இந்த ஆண்டு பிளஸ்-1, பிளஸ்-2 படிக்கும் மாணவ- மாணவிகளுக்கு விலையில்லா மடிக்கணினி, விலையில்லா சைக்கிள் வழங்குவதில் தாமதம் ஏற்பட்டுள்ளது. இன்னும் 2 மாதத்துக்குள் பிளஸ்-1, பிளஸ்-2 படிக்கும் மாணவ- மாணவிகளுக்கு விலையில்லா மடிக்கணினி, சைக்கிள் வழங்கப்படும். தமிழகத்தில் 32 மாவட்டங்களில் உள்ள மாவட்ட நூலகங்களில் ஐ.ஏ.எஸ். உள்ளிட்ட போட்டித்தேர்வுக்கு மாணவர்களை தயார் படுத்தும் வகையில் ஐ.ஏ.எஸ்.அகாடமி அடுத்த வாரம் தமிழக முதல்-அமைச்சரால் தொடங்கப்படும். குரூப்-1 முதல் குரூப்-4 வரை தேர்வு பயிற்சிகளும் வழங்கப்படும். கணினி மயமாக்கப்படும் தமிழகத்தில் 1 லட்சத்து 60 ஆயிரம் பேர் பொறியியல் படிப்பு முடித்து வேலைக்காக காத்திருக்கிறார்கள். பொறியியல் படித்தவர்கள் மாதம் ரூ.10 ஆயிரம் சம்பளத்துடன் கூடிய வேலை கிடைக்காமல் திண்டாடி வருகிறார்கள். ஏழை குடும்பத்தில் உள்ளவர்கள் வேலைவாய்ப்பை பெறும் வகையில் வரும் ஆண்டில் பிளஸ்-2 பாடத்திட்டத்தில் 12 திறன்மேம்பாட்டு பாடத்திட்டங்கள் சேர்க்கப்பட உள்ளது. இதன் மூலம் மாணவ-மாணவிகளுக்கு வேலைவாய்ப்பு உத்தரவாதம் கிடைக்கும். அடுத்த ஆண்டு 1-ம் வகுப்பு முதல் 5-ம் வகுப்பு வரையும், 6-ம் வகுப்பு முதல் 8-ம் வகுப்பு வரையும் படிக்கும் மாணவ- மாணவிகளுக்கு சீருடைகள் மாற்றப்படும். 3 ஆயிரம் பள்ளிகளில் 6, 7, 8-ம் வகுப்புகள் ‘ஸ்மார்ட் கிளாஸ்’ ஆக அடுத்த மாதம் முதல் மாற்றப்படும். 9-ம் வகுப்பு முதல் 12-ம் வகுப்பு வரை அனைத்து வகுப்பறைகளும் கணினி மயமாக்கப்படும். அந்த வகுப்புகளுக்கு இணையதள சேவை வசதி செய்து கொடுக்கப்பட்டு அடுத்த மாதம் முதல் படிப்படியாக செயல்படுத்தப்படும். மாணவ-மாணவிகளுக்கு உதவும் வகையில் 14417 என்ற கட்டணமில்லா தொலைபேசி எண் வசதி உள்ளது. இதை அனைவரும் பயன்படுத்தி உதவிகள் கேட்கலாம். 25 ஆயிரம் பேர் தமிழகத்தில் 1 கோடியே 30 லட்சம் பேர் ஜி.எஸ்.டி. தாக்கல் செய்கிறார்கள். ஆனால் 2 லட்சத்து 85 ஆயிரம் பட்டய கணக்காளர்கள் (ஆடிட்டர்) மட்டுமே இருக்கிறார்கள். பிளஸ்-2 வணிகவியல் படிக்கும் மாணவ-மாணவிகளுக்கு தேர்வு நடத்தி 25 ஆயிரம் பேரை தேர்வு செய்து அவர்களுக்கு பட்டய கணக்காளர் பயிற்சி அளிக்கப்படும். இதன் மூலமாக அவர்கள் வேலைவாய்ப்பு பெற முடியும். நீட் தேர்வு உள்ளிட்ட போட்டித்தேர்வுகளுக்கான பயிற்சி அடுத்த மாதம் 15-ந் தேதி முதல் தொடங்கப்படும். இவ்வாறு அவர் பேசினார்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, 1 August 2018

TNPSC குரூப்-4 தேர்வில் 14 லட்சம் பேர் தேர்ச்சி டிஎன்பிஎஸ்சி அதிகாரிகள் தகவல்

குரூப்-4 தேர்வில் 14 லட்சம் பேர் தேர்ச்சி டிஎன்பிஎஸ்சி அதிகாரிகள் தகவல் தமிழக அரசின் பல்வேறு துறைகளில் காலியாகவுள்ள 11,280 இடங்களுக்கு நடந்த குரூப்-4 தேர்வில் 14.26 லட்சம் பேர் தேர்ச்சி பெற்றுள்ளனர். சான்றிதழ் சரிபார்ப்பு ஆன்லைனில் நடைபெறவுள்ளதாக தமிழ்நாடு அரசு பணியாளர் தேர்வாணை யத்தின் செயலாளர் நந்தகுமார், தேர்வு கட்டுப்பாட்டு அலுவலர் ஆர்.சுதன் ஆகியோர் தெரிவித்தனர். இதுதொடர்பாக தமிழ்நாடு அரசு பணியாளர் தேர்வாணையத்தின் அலுவலகத்தில் செய்தியாளர் களிடம் அவர்கள் கூறியதாவது: தமிழக அரசின் பல்வேறு துறைகளில் காலியாக உள்ள இளநிலை உதவியாளர், தட்டச்சர், சுருக்கெழுத்தர் (கிரேடு-3), கிராம நிர்வாக அலுவலர் (விஏஓ), வரித்தண்டலர், நிலஅளவர், வரைவாளர் ஆகிய பணிகளில் காலியாக இருந்த 11,280 இடங்களை நிரப்புவதற்கான ஒருங்கிணைந்த குரூப்-4 தேர்வு கடந்த பிப்ரவரி மாதம் 11-ம் தேதி நடத்தப்பட்டது. தமிழ்நாடு அரசு பணியாளர் தேர்வாணையம் (டிஎன்பிஎஸ்சி) நடத்திய இந்த தேர்வை 17,53,154 பேர் எழுதினர். தேர்வு முடிவுகள் www.tnpsc.gov.in மற்றும் http://results.tnpsc.gov.in இணையதளங்களில் கடந்த 30-ம் தேதி வெளியிடப்பட்டது. தேர்வு எழுதியவர்களில் 6,28,443 ஆண்கள், 7,97,532 பெண்கள், 35 மூன்றாம் பாலினத்தவர் என மொத்தம் 14,26,010 பேர் தகுதிப் பெற்றுள்ளனர். இதில் 2,771 முன்னாள் ராணுவத்தினர், 4,975 கணவரை இழந்தவர்கள், 17,411 மாற்றுத்திறனாளிகள் அடங்குவர். புதிய முறையில் நடத்தப்பட்ட தேர்வில் ஓஎம்ஆர் சீட் தொடர்பாக எந்த பிரச்சினையும் எழவில்லை. குரூப்-4 தேர்வு மற்றும் விஏஓ தேர்வை ஒன்றாக நடத்தியதால் அரசுக்கு சுமார் ரூ.12 கோடி மிச்சப்படுத்தப்பட்டுள்ளது. தமிழகத்தில் நடந்த இந்த குரூப்-4 தேர்வை இவ்வளவு பேர் எழுதியது போல், வேறு எந்த மாநிலத்திலும் எழுதியதில்லை. ஆசிரியர்கள், அதிகாரிகள் என பல்வேறு துறைகளைச் சேர்ந்த 1.25 லட்சம் பேர் தேர்வுக்காக பயன்படுத்தப்பட்டுள்ளனர். தேர்வு முடிவுகள் வெளியிடப்பட்டதைத் தொடர்ந்து தகுதிப் பெற்றவர்களின் சான்றிதழ்கள் சரிபார்ப்பு ஆன்லைனில் நடைபெற உள்ளது. சான்றிதழ்களை ஆன்லைனில் பதிவேற்றுவது ஆகஸ்ட் 16-ம் தேதி தொடங்கி 30-ம் தேதியுடன் முடிவடையும். முதல்கட்டமாக 33 ஆயிரம் பேர் தங்களுடைய சான்றிதழ்களை இ-சேவை மையங்கள் மூலமாக பதிவேற்றம் செய்ய வேண்டும். எந்தெந்த விண்ணப்பதாரர் எந்தெந்த இ-சேவை மையத்தில் தங்களுடைய சான்றிதழ்களை பதிவேற்றம் செய்ய வேண்டும் என்ற விவரம் இணையதளத்தில் விரைவில் வெளியிடப்படும். விண் ணப்பதாரர்களுக்கு இ-மெயில், எஸ்எம்எஸ் மூலமாக வும் தகவல் தெரிவிக்கப்படும். பின்னர் நாங்களே சான்றிதழ்களை பதிவிறக்கம் செய்து பரிசீலனை செய்வோம். ஒரு இடத்துக்கு 3 பேர் வீதம் சான்றிதழ் பரிசீலனைக்கு தேர்வு செய்திருக்கிறோம். அக்டோ பர் மாதம் இறுதி வாரத்தில் கலந் தாய்வு தொடங்கும். 2016-ம் ஆண்டு நடந்த குரூப்-1 தேர்வில் முறை கேடு நடந்துள்ளதாக குற்றச்சாட்டு எழுந்தது. இந்த வழக்கு விசா ரணை நீதிமன்றத்தில் நடந்து வரு கிறது. 2017-ம் ஆண்டு நடந்த குரூப்-1 முதன்மைத் தேர்வு முடிவு கள் இன்னும் மூன்று மாதத்தில் வெளியிடப்படும். தேர்வு முறைகேடு களை தடுக்க பல்வேறு நடவடிக் கைகள் எடுக்கப்பட்டு வருகின்றன. தேர்வு முறையில் வெளிப் படைத்தன்மை பின்பற்றப்படு கிறது. தேர்வின் நடைமுறை சிக்கல்களுக்கு தீர்வு காணப்படு கிறது. அறிவிக்கப்பட்ட தேர்வு களை நடத்துவதற்கான நடவடிக் கைகள் எடுக்கப்பட்டு வருகின்றன. விரைவில் அறிவிப்புகள் வெளி யாகும். ஆக. 15-க்குள் குரூப்-2 தேர்வுக்கான அறிவிப்பு வெளியிடப்படும். இவ்வாறு அவர்கள் கூறினர்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, 31 July 2018

17½ லட்சம் பேர் எழுதிய டி.என்.பி.எஸ்.சி. குரூப்-4 தேர்வு முடிவு வெளியீடு

17½ லட்சம் பேர் எழுதிய டி.என்.பி.எஸ்.சி. குரூப்-4 தேர்வு முடிவு நேற்று வெளியிடப்பட்டது. டி.என்.பி.எஸ்.சி. குரூப்-4 தமிழக அரசு துறைகளில் காலியாக இருக்கும் கிராம நிர்வாக அலுவலர், இளநிலை உதவியாளர், வரித்தண்டலர், நில அளவையர், வரைவாளர் , தட்டச்சர், சுருக்கெழுத்து-தட்டச்சர் என 9 ஆயிரத்து 351 காலிப்பணியிடங்களை நிரப்புவதற்கு முதல்முறையாக ஒருங்கிணைந்த குரூப்-4 தேர்வு நடத்தப்படும் என்று தமிழ்நாடு அரசு பணியாளர் தேர்வாணையம் (டி.என்.பி.எஸ்.சி.) அறிவிப்பு வெளியிட்டது. அதையொட்டி பலரும் விண்ணப்பித்தனர். இந்த தேர்வு கடந்த பிப்ரவரி மாதம் 11-ந்தேதி நடந்தது. தமிழகம் முழுவதும் 17 லட்சத்து 52 ஆயிரத்து 882 பேர் தேர்வு எழுதினர். தேர்வு முடிவு வெளியீடு தேர்வு முடிவு எப்போது வெளி வரும் என்று தேர்வு எழுதியவர்கள் எதிர்பார்த்து காத்திருந்தனர். இந்தநிலையில் அரசு பணியாளர் தேர்வாணையம் நேற்று தேர்வு எழுதியவர்களின் மதிப்பெண் மற்றும் ரேங்க் ஆகியவற்றை தனது இணையதளத்தில் ( www.tnpsc.gov.in ) வெளியிட்டது. மனிதநேய மையம் இந்த ரேங்க் பட்டியலில் சைதை துரைசாமியின் மனிதநேய மையத்தில் பயிற்சி பெற்ற திருநாவுக்கரசு 14-வது இடத்திலும், செல்வக்குமார் 33-வது இடத்திலும் கிருத்திகா 144-வது இடத்திலும் உள்ளனர்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Sunday, 29 July 2018

மீன்வள ஆய்வாளர், உதவி ஆய்வாளர் தேர்வுக்கு அடுத்த வாரம் அறிவிப்பு வெளியாக வாய்ப்பு

மீன்வளத் துறை ஆய்வாளர் மற்றும் உதவி ஆய்வாளர் தேர்வுக்கான டிஎன்பிஎஸ்சி அறிவிப்பு அடுத்த வாரம் வெளியிடப்படுகிறது. தமிழக அரசின் மீன்வளத்துறை யில் 72 ஆய்வாளர் பணியிடங் களும் 12 உதவி ஆய்வாளர் பணியிடங்களும் போட்டித்தேர்வு மூலமாக நிரப்பப்படும் என்று டிஎன்பிஎஸ்சி 2018-ம் ஆண்டுக் கான வருடாந்திர தேர்வுக்கால அட்டவணையில் அறிவிக்கப் பட்டிருந்தது. தேர்வுக்கான அறிவிப்பு ஏப்ரல் 2-வது வாரத்தில் வெளியிடப்படும் என்றும் அதற்கான எழுத்துத்தேர்வு ஜூலை 15-ம் தேதி நடத்தப் படும் என்றும் அதில் குறிப்பிடப் பட்டிருந்தது. ஆனால், தேர்வுக் கான அறிவிப்பு இன்னும் வெளியிடப் படவில்லை. இதனால், வருடாந்திர தேர்வுக்கால அட்டவணையை எதிர்பார்த்து அத்தேர்வுக்கு தயா ராகி வரும் தேர்வர்கள் கவலையில் ஆழ்ந்துள்ளனர். இதுகுறித்து டிஎன்பிஎஸ்சி அதிகாரிகளிடம் கேட்டபோது, மீன் வளத்துறை ஆய்வாளர் மற்றும் உதவி ஆய்வாளர் தேர்வுக்கான அறிவிப்பு அடுத்த வாரத்தில் வெளியிட திட்டமிட்டுள்ளோம். ஏற்கெனவே அறிவிக்கப்பட்டதை விட காலியிடங்களின் எண் ணிக்கை சற்று அதிகரிக்கும் என்று தெரிவித்தனர். மீன்வள ஆய்வாளர் தேர் வுக்கு பிஎப்எஸ்சி பட்டதாரிக ளும், எம்எஸ்சி விலங்கியல், எம்எஸ்சி மரைன் பயாலஜி பட்டதாரிகளும் விண்ணப்பிக் கலாம். மீன்வள உதவி ஆய் வாளர் தேர்வுக்கு பிஎப்எஸ்சி பட்ட தாரிகளும் பிஎஸ்சி விலங்கியல் பட்டதாரிகளும் விண்ணப்பிக்க தகுதியுடையவர் ஆவர். மேலும், வருடாந்திர தேர்வுக் கால அட்டவணையின்படி, குரூப்-2 தேர்வுக்கான (நேர்முகத்தேர்வு உடைய பதவிகள்) அறிவிப்பு மே மாதம் முதல் வாரம் வெளி யிடப்பட்டிருக்க வேண்டும். இதன் மூலம் 1547 காலியிடங்களை நிரப்ப திட்டமிட்டுள்ளனர். ஏற் கெனவே நடத்தப்பட்ட குரூப்-2ஏ (நேர்முகத்தேர்வு அல்லாத பதவிகள்) தேர்வுக்கு கலந்தாய்வு பணிகள் முடிவடைந்ததும் குரூப்-2 தேர்வுக்கான அறிவிப்பு வெளி யிடப்படும் என்று எதிர்பார்க்கப் படுகிறது. நகராட்சி ஆணையர் (கிரேடு-2), சார்-பதிவாளர் (கிரேடு-2), துணை வணிகவரி அலுவலர், தலைமைச் செயலக உதவி பிரிவு அலுவலர், உதவி தொழிலாளர் ஆய்வாளர், உள்ளாட்சி தணிக்கை உதவி ஆய்வாளர், இளநிலை வேலைவாய்ப்பு அலுவலர், கூட்டுறவு சங்கங்களின் முதுநிலை ஆய்வாளர், வருவாய் உதவியாளர், பேரூராட்சி செயல் அலுவலர் (கிரேடு-2) முதலிய பல்வேறு துறைகளில் சார்நிலைப்பணிகளில் அடங்கிய பதவிகள் குரூப்-2 தேர்வின்கீழ் வருகின்றன. குரூப்-2 தேர்வையும், குரூப்-2-ஏ தேர்வையும் தனித்தனியாக நடத் துவதால் தேவையில்லாமல் டிஎன்பிஎஸ்சி-க்கும் தேர்வு எழுது வோருக்கும் காலதாமதம் ஆவதால் முன்பு இருந்து வந்ததைப் போன்று ஒருங்கிணைந்த தேர்வாக நடத்த வேண்டும் என்று டிஎன்பிஎஸ்சி தேர்வுகளுக்கு தயாராகி வரும் இளைஞர்கள் கோரிக்கை விடுத்துள்ளனர். கிராம நிர்வாக அலுவலர் தேர்வும், குரூப்-4 தேர்வும் தற்போது ஒருங்கிணைந்த தேர்வாக நடத்தப்படுகிறது என்பது குறிப்பிடத்தக்கது.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Saturday, 28 July 2018

DIRECT RECRUITMENT OF SPECIAL TEACHERS 2012 - 2016 - CV LIST | சிறப்பாசிரியர் தேர்வுக்கான சான்றிதழ் சரிபார்ப்பு பட்டியல் வெளியானது.

DIRECT RECRUITMENT OF SPECIAL TEACHERS 2012 - 2016 - CV LIST | சிறப்பாசிரியர் தேர்வுக்கான சான்றிதழ் சரிபார்ப்பு பட்டியல் வெளியானது.PUBLICATION OF LIST OF CANDIDATES CALLED FOR CERTIFICATE VERIFICATION As per the Notification No.5/2017 published on 26.07.2017, the Written Competitive Examination for the Direct Recruitment of 1325 Special Teachers was held on 23.09.2017. In the Written Examination 35,781 candidates appeared. As per procedure the answer sheets were evaluated and marks were published on 14.06.2018 Now, the list of candidates called for Certificate Verification in the ratio 1:2 is published subject to outcome in WA(MD).No.1296/2017 & WA(MD).No.1297/2017 Board proposes to conduct Certificate Verification on 13.08.2018 in all Districts. Certificate Verification venue and individual call letters are Published in the TRB website www.trb.tn.nic.in. The same is also communicated through mail and SMS. Teachers Recruitment Board reserves the right to correct any errors that may have crept in.
Direct Recruitment of Special Teachers 2012-2016
PUBLICATION OF LIST OF CANDIDATES CALLED FOR CERTIFICATE VERIFICATION

Dated: 27-07-2018

www.kalvisolai.com
Home


விரிவாக படிக்க இங்கே கிளிக் செய்யுங்கள் | READ MORE | CLICK HERE

ஆய்வு செய்ய அதிகாரிகள் நியமனம் அரசாணை வெளியீடு

பள்ளி கல்வித்துறையில் நிர்வாக சீர்த்திருத்தம் செய்வது தொடர்பாக அனைத்து மாவட்ட கல்வி அலுவலகங்களை ஆய்வு செய்வதற்கு அதிகாரிகளை நியமித்து தமிழக அரசு ஆணை பிறப்பித்துள்ளது. பள்ளி கல்வித்துறையின் அரசு முதன்மை செயலாளர் பிரதீப் யாதவ் வெளியிட்டுள்ள அரசாணையில் கூறியிருப்பதாவது:- பள்ளி கல்வித்துறையில் நிர்வாக சீர்திருத்தம் மேற்கொண்டு புதிய மாவட்ட கல்வி அலுவலகங்கள் தோற்றுவிக்கப்பட்டுள்ளன. அனைத்து மாவட்ட கல்வி அலுவலகங்களை ஆய்வு செய்யவும், அரசால் தோற்றுவிக்கப்பட்ட நலத்திட்டங்கள் மாவட்டங்களில் சரியான முறையில் செயல்படுத்தப்படுகிறதா? என்பதை ஆய்வு செய்யவும், பள்ளி கல்வி துறையை சேர்ந்த இணை இயக்குனர்களை மாவட்டங்களுக்கு சென்று களப்பணி மேற்கொள்ள அனுமதி ஆணை வழங்குமாறு பள்ளி கல்வி இயக்குனர் அரசை கோரியிருந்தார். பள்ளி கல்வி இயக்குனரின் கருத்துருவினை, அரசு கவனமாக பரிசீலனை செய்து அதனை ஏற்கலாம் என முடிவு செய்தது. மேலும் பள்ளி கல்வித்துறையை சேர்ந்த அனைத்து இணை இயக்குனர்களும் அவர்களுக்கு என்று ஒதுக்கப்பட்டுள்ள மாவட்டங்களுக்கு சென்று களப்பணி மேற்கொள்ள அனுமதி அளித்து அரசு ஆணையிடுகிறது. சென்னை, திருவள்ளூர், காஞ்சீபுரம் அதன் விவரம் வருமாறு:- மெட்ரிக்குலேசன் பள்ளிகள் இயக்ககத்தின் இணை இயக்குனர் சி.உஷாராணி சென்னை, திருவள்ளூருக்கும், மாநில கல்வியியல் ஆராய்ச்சி மற்றும் பயிற்சி நிறுவனத்தின் இணை இயக்குனர் வை.பாலமுருகன் தூத்துக்குடிக்கும், அரசு தேர்வுகள் இயக்ககத்தின் இணை இயக்குனர் (மேல்நிலை) எஸ்.சேதுராமவர்மா கோவை, நீலகிரி மற்றும் திருப்பூருக்கும், மாநில கல்வியியல் ஆராய்ச்சி மற்றும் பயிற்சி நிறுவனத்தின் இணை இயக்குனர் எஸ்.உமா விழுப்புரத்துக்கும் நியமிக்கப்பட்டுள்ளனர். பள்ளி கல்வி இயக்ககத்தின் இணை இயக்குனர் (இடைநிலைக் கல்வி) பூ.ஆ.நரேஷ் காஞ்சீபுரத்துக்கும், ஆசிரியர் தேர்வு வாரியத்தின் கூடுதல் உறுப்பினர் (இணை இயக்குனர் நிலையில்) கே.சசிகலா கரூர், நாமக்கல்லுக்கும், பள்ளிசாரா மற்றும் வயது வந்தோர் கல்வி இயக்ககத்தின் இணை இயக்குனர் சி.செல்வராஜ் திண்டுக்கல்லுக்கும், பள்ளி கல்வி இயக்ககத்தின் இணை இயக்குனர் (பணியாளர் தொகுதி) பி.குப்புசாமி வேலூருக்கும் நியமிக்கப்பட்டுள்ளனர். மதுரை-நெல்லை பள்ளி கல்வி இயக்ககத்தின் இணை இயக்குனர் (தொழிற்கல்வி) எஸ்.சுகன்யா கடலூருக்கும், அனைவருக்கும் இடைநிலைக் கல்வி திட்ட இணை இயக்குனர் எஸ்.நாகராஜன் மதுரை, தேனிக்கும், தொடக்க கல்வி இயக்ககத்தின் இணை இயக்குனர் (நிர்வாகம்) கே.ஸ்ரீதேவி தஞ்சாவூருக்கும், அரசு தேர்வுகள் இயக்ககத்தின் இணை இயக்குனர் (இடைநிலைக் கல்வி) சி.அமுதவல்லி சிவகங்கை, புதுக்கோட்டைக்கும் நியமிக்கப்பட்டுள்ளனர். தொடக்க கல்வி இயக்ககத்தின் இணை இயக்குனர் (உதவிபெறும் பள்ளிகள்) ஆர்.பாஸ்கரசேதுபதி கன்னியாகுமரி, நெல்லைக்கும், மாநில திட்ட இயக்ககம், அனைவருக்கும் கல்வி திட்ட இணை இயக்குனர்-2 கே.செல்வகுமார் தர்மபுரி, கிருஷ்ணகிரிக்கும், மாநில திட்ட இயக்ககம், அனைவருக்கும் கல்வி திட்ட இணை இயக்குனர்-3 பி.பொன்னையா சேலம், ஈரோட்டுக்கும், பிற்படுத்தப்பட்டோர், மிகவும் பிற்படுத்தப்பட்டோர் மற்றும் சீர்மரபினர் நலத்துறை இணை இயக்குனர் (கள்ளர் சீரமைப்பு) வை.குமார் விருதுநகர், ராமநாதபுரத்துக்கும் நியமிக்கப்பட்டுள்ளனர். நாகை-திருச்சி பள்ளி கல்வி இயக்ககத்தின் இணை இயக்குனர் (மேல்நிலைக் கல்வி) ஏ.எஸ்.ராதாகிருஷ்ணன் நாகப்பட்டினம், திருவாரூக்கும், மாநில கல்வியியல் ஆராய்ச்சி மற்றும் பயிற்சி நிறுவனத்தின் இணை இயக்குனர் (பாடத்திட்டம்) பி.குமார் பெரம்பலூர், அரியலூருக்கும், ஆசிரியர் தேர்வு வாரிய கூடுதல் உறுப்பினர் நா.ஆனந்தி திருவண்ணாமலைக்கும், பள்ளி கல்வி இயக்கத்தின் இணை இயக்குனர் (நாட்டு நலப்பணி திட்டம்) எம்.வாசு திருச்சிக்கும் நியமிக்கப்பட்டுள்ளனர். இவ்வாறு அதில் கூறப்பட்டுள்ளது.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Thursday, 26 July 2018

என்ஜினீயரிங் கலந்தாய்வு ஆன்லைனில் தொடங்கியது தரவரிசையில் முதல் 3 இடங்களை பிடித்தவர்கள் கலந்துகொள்ளவில்லை

என்ஜினீயரிங் கலந்தாய்வு நேற்று ஆன்லைன் மூலம் தொடங்கியது. அண்ணா பல்கலைக்கழகத்தில் உள்ள உதவி மையத்தில் ஆன்லைனை பயன்படுத்தி இடங்களை மாணவ-மாணவிகள் தேர்வு செய்த போது எடுத்த படம். என்ஜினீயரிங் படிப்பில் சேருவதற்கான கலந்தாய்வு ஆன்லைனில் நேற்று தொடங்கியது. என்ஜினீயரிங் கல்லூரிகள் தமிழகத்தில் 509 என்ஜினீயரிங் கல்லூரிகள் உள்ளன. இந்த கல்லூரிகளில் உள்ள அரசு ஒதுக்கீட்டு இடங்களில் பி.இ. படிப்பில் சேர கடந்த வருடம் வரை அண்ணா பல்கலைக்கழகம் நேரடியாக கலந்தாய்வு நடத்தி வந்தது. இந்த வருடம் ஆன்லைன் மூலம் கலந்தாய்வு நடத்தப்படும் என்று உயர் கல்வித்துறை அமைச்சர் கே.பி.அன்பழகன் அறிவித்தார். விண்ணப்பித்த மாணவ- மாணவிகள் அனைவருக்கும் ரேண்டம் நம்பர் வெளியிடப்பட்டன. விண்ணப்பித்த மாணவ-மாணவிகளுக்கு சான்றிதழ் சரிபார்த்தல் 41 மையங்களில் நடைபெற்றது. வீடியோ விண்ணப்பித்தவர்களில் 1 லட்சத்து 9 ஆயிரத்து 850 பேர்தான் சான்றிதழ் சரிபார்க்க வந்தனர். இதில் தகுதியானவர்களின் விண்ணப்பம் 1 லட்சத்து 4 ஆயிரத்து 453 ஆகும். அவர்களில் 65 ஆயிரத்து 926 பேர் மாணவர்கள். 38 ஆயிரத்து 527 பேர் மாணவிகள். கலந்தாய்வில் கலந்துகொண்டு கல்லூரிகளை தேர்ந்து எடுப்பது எப்படி என்பது குறித்து தமிழ்நாடு என்ஜினீயரிங் மாணவர் சேர்க்கை செயலாளர் பேராசிரியர் ரைமண்ட் உத்தரியராஜ் இணையதளத்தில் வீடியோ வெளியிட்டு இருந்தார். நேற்று முதல்கட்ட கலந்தாய்வு தொடங்கியது. கலந்தாய்வுக்கு இணையதளத்தில் ( www.tnea.ac.in ) போய் விருப்ப குரூப், எந்த கல்லூரி என்பதை கிளிக் செய்ய வேண்டும். முதல்கட்ட கலந்தாய்வுக்கு 10 ஆயிரம் பேர் அழைக்கப்பட்டனர். அவர்களில் 7 ஆயிரத்து 500 பேர் கலந்தாய்வுக்காக பணம் செலுத்தினார்கள். கலந்துகொள்ளவில்லை தரவரிசை பட்டியலின்படி முதல் 3 இடங்களை பிடித்தவர்கள் யாரும் என்ஜினீயரிங் கலந்தாய்வில் கலந்துகொள்ளவில்லை. முதல் இடம் பிடித்த கோவையை சேர்ந்த மாணவி கீர்த்தனா ரவி கூறுகையில், ‘நான் பி.எஸ்சி வேதியியல் (ஆனர்ஸ்) படித்து வருகிறேன். என்ஜினீயரிங் கலந்தாய்வில் நான் கலந்துகொள்ளவில்லை’ என்றார். 2-வதாக வந்த மதுரையை சேர்ந்த மாணவர் எஸ்.ரித்விக் மருத்துவக்கல்லூரியில் இடம் கிடைத்ததால், அவரும் கலந்தாய்வில் கலந்துகொள்ளவில்லை. 3-வது இடத்தில் வந்த திருச்சியை சேர்ந்த ஆர்.ஸ்ரீவர்ஷினி, மருத்துவக்கல்லூரியை தேர்ந்து எடுத்ததால் அவரும் என்ஜினீயரிங் கலந்தாய்வில் கலந்துகொள்ளவில்லை. எனவே முதல் 3 இடங்களில் வந்தவர்களும் என்ஜினீயரிங் கலந்தாய்வில் கலந்துகொள்ளவில்லை. 30-ந் தேதி ஒதுக்கீட்டு ஆணை நேற்று என்ஜினீயரிங் கலந்தாய்வில் கலந்துகொண்டவர்கள் நாளை (வெள்ளிக் கிழமை) மாலை 5 மணிக்குள் எந்த குரூப், எந்தக்கல்லூரி என்பதை இறுதி முடிவு எடுத்து ஆன்லைனில் குறிப்பிட வேண்டும். 28-ந் தேதி அவர்கள் எந்த கல்லூரியில் படிக்க வேண்டும் என்று தற்காலிக உத்தரவை மாணவர் சேர்க்கை செயலாளர் ஒதுக்கிவிடுவார். 28 மற்றும் 29-ந் தேதிகளில் நிரந்தர உத்தரவை உறுதி செய்வார். 30-ந் தேதி ஒதுக்கீட்டு ஆணை வெளியிடப்படும். ஆகஸ்டு மாதம் 3-ந் தேதி கல்லூரிகளில் சேர்க்கப்படுவார்கள். 2-வது கட்ட கலந்தாய்வு 30-ந் தேதி தொடங்குகிறது.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, 25 July 2018

‘வெயிட்டேஜ்’ முறை ரத்து ஆசிரியர் பணி நியமனத்திற்கு போட்டித்தேர்வு தகுதித்தேர்வில் தேர்ச்சி பெற்றோர் எழுத அரசாணை வெளியீடு

ஆசிரியர் பணி நியமனத்திற்கான ‘வெயிட்டேஜ்’ முறை ரத்து செய்யப்படுகிறது. தகுதித்தேர்வில் தேர்ச்சி பெற்றோர் போட்டித்தேர்வு எழுத வேண்டுமென அரசாணை வெளியிடப்பட்டு உள்ளது. தேசிய ஆசிரியர் கல்வி குழுமத்தின் வழிகாட்டுதல்படி இடைநிலை மற்றும் பட்டதாரி ஆசிரியர்களாக தகுதி பெறுவதற்கு ஆசிரியர் தகுதித்தேர்வில் தேர்ச்சி பெறுவது ஏற்கனவே கட்டாயமாக்கப்பட்டுள்ளது. ஆசிரியர் தகுதித்தேர்வில் பெற்ற மதிப்பெண் 60 சதவீதமும், இடைநிலை மற்றும் பட்டதாரி ஆசிரியர் பணி பெறுபவர்களின் கல்வித்தகுதிக்கான சான்றிதழ் மதிப்பெண்களுக்கு 40 சதவீதமும் என்று மதிப்பெண்கள் கணக்கிடப்பட்டு 100 சதவீதத்திற்கு எடுத்துக்கொள்ளப்பட்டு வந்தது. இந்த ‘வெயிட்டேஜ்’ முறை தற்போது ரத்து செய்யப்படுகிறது. இடைநிலை மற்றும் பட்டதாரி ஆசிரியர்கள் தகுதித்தேர்வை (தனித்தேர்வு) எழுத வேண்டும். அதில் தேர்ச்சி பெற்றவர்கள் ஆசிரியர் நியமனத்திற்காக போட்டித்தேர்வை எழுத வேண்டும். போட்டித்தேர்வில் எடுக்கும் மதிப்பெண்ணை வைத்தும், இன சுழற்சி அடிப்படையிலும் தான் ஆசிரியர் நியமனத்திற்கு தேர்ந்து எடுக்கப்படுவார்கள். இந்த இரு தேர்வுகளும் ஆசிரியர் தேர்வு வாரியம் மூலம் நடத்தப்படும். தமிழ்நாடு மாநில பொதுப்பள்ளி கல்வி வாரிய கூட்டத்தில் இந்த முடிவு எடுக்கப்பட்டது. மேற்கண்ட தகவலை அரசாணையில் பள்ளி கல்வித்துறை முதன்மை செயலாளர் பிரதீப் யாதவ் தெரிவித்துள்ளார்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 23 July 2018

டி.என்.பி.எஸ்.சி. ஆன்லைன் தேர்வு எப்படி நடைபெறும்?

என்ஜினீயரிங் கவுன்சிலிங்கை அண்ணா பல்கலைக்கழகம் இந்த ஆண்டு இணையதளம் வழியே நடத்தி உள்ளது. தற்போது தமிழக அரசுப் பணியாளர் தேர்வாணையம் நடத்தும் டி.என்.பி.எஸ்.சி. தேர்வுகளும் இணையதளம் வழியே நடத்தப்படும் என்று அறிவிப்பு வெளியாகி உள்ளது. ஆன்லைன் தேர்வுக்கு ஆதரவும், எதிர்ப்பும் எழுந்த வண்ணம் இருந்தாலும், தமிழக அரசு, ஆன்லைன் தேர்வுக்கான ஒப்பந்தப்புள்ளிகளை எப்போதோ கோரிவிட்டது. விரைவில் ஆன்லைன் வழித் தேர்வுகள் நடப்பது உறுதி என்பது இதன் மூலம் தெரிய வந்துள்ளது. எந்த வகையில் ஆன்லைன் தேர்வு நடத்தப்பட வேண்டும் என்பது பற்றியும் ஒப்பந்தப்புள்ளி அறிவிப்பில் விவரமாக குறிப்பிடப்பட்டுள்ளது. அதன்படி தேர்வு எப்படி நடைபெறுகிறது, மாணவர்கள் அதை எப்படி எதிர்கொள்ள வேண்டும் என்பது பற்றி பார்ப்போம்...

விண்ணப்பதாரர்களின் எண்ணிக்கைக்கு ஏற்ப குறிப்பிட்ட இடங்களில் தேர்வு மையங்கள் உருவாக்கப்படும். ‘லோக்கல் ஏரியா நெட்வொர்க் (LAN)’ மூலம் அந்த தேர்வு மையத்தில் உள்ள அனைத்து கணினிகளுக்கும் இணைப்பு கொடுக்கப்பட்டிருக்கும். அவை அனைத்து தேர்வு மையங்களுக்குமான பொதுவான சர்வர் கணினியுடன் இணைக்கப்பட்டு தேர்வுகள் நடைபெறும்.

வழக்கமான கொள்குறி வகை (ஆப்ஜெக்டிவ் டைப்) கேள்விகளே ஆன்லைன் தேர்விலும் இடம் பெறும். அதாவது வினாவும், அதன் கீழ் 4 விடைகளும் கொடுக்கப்பட்டு, சரியான விடையை தேர்வு செய்ய வேண்டும்.

ஒரு வினாவுக்கு விடையை தேர்வு செய்ததும், நெக்ஸ்ட் என்ற பொத்தான் வழியாக அடுத்த கேள்விக்குச் செல்லலாம்.

தேர்வு முடிந்ததும் இறுதியாக கருத்துப்படிவம் ஒன்றும் கொடுக்கப்படும், அதிலும் கணினி வழியாகவே பதில் நிரப்பி சமர்ப்பிக்க வேண்டும்.

மாணவர்களின் சந்தேகங்கள், விளக்கங்களைப் பெறவும் ஆன்லைன் தேர்வு முறையில் வாய்ப்பு அளிக்கப்படுகிறது. இதற்காக ‘சேலஞ்ச் விண்டோ’ என்ற திரையை விண்ணப்பதாரர்கள் தேர்வு முடிந்த 7 நாட்களுக்குள் பயன்படுத்தி முறையிடலாம்.

சிறப்புகள்

தேர்வு தொடங்குவதற்கு 10 நிமிடம் முன்பாக எப்படி தேர்வு எழுத வேண்டும் என்று பயிற்சி வழங்கப்படும் என்பதால் மாணவர்கள் குழப்பமின்றி தேர்வு எழுதலாம்.

ஆன்லைன் தேர்வை சுலபமாக்கவும், குறைகளை களையவும் முதலில் குறைந்த அளவில் விண்ணப்பதாரர்கள் பங்கேற்கும் தேர்வில், பரிசோதனை முறையாக ஆன்லைன் தேர்வு நடை முறைப்படுத்தப்படும். பின்னர் படிப்படியாக அனைத்து தேர்வுகளும் ஆன்லைன் முறைக்கு மாற்றப்படும்.

ஆன்லைன் வழியே நடப்பதால் காப்பியடித்தல் உள்ளிட்ட தவறுகள் கட்டுப்படுத்தப்படும். ஒவ்வொருவருக்கும் கேள்விகள் குறிப்பிட்ட முறையில் மாற்றி அமைக்கப்பட்டிருக்கும் என்பதால் எந்த வகையிலும் காப்பியடிக்க முடியாது.

கணினி வழியே தேர்வுகள் நடப்பதால் தேர்வுத்தாளை திருத்துதல், விடைகளை வெளியிடுதல் ஆகியவற்றுக்கான நேரம் மிச்சமாகும். கணினி களால் உடனடியாக விடைகளை சரிபார்த்து முடிவுகளை அறிவிக்க முடியும்.

ஆன்லைன் தேர்வை நடத்திக் கொடுக்கும் அமைப்பாக தனியார் நிறுவனம் செயல்பட்டாலும், டி.என்.பி.எஸ்.சி. அதிகாரிகள் கண்காணிப்பில் ஈடுபடுவார்கள்.

தேர்வு முடிந்ததுமே அனைத்து தகவல்களும் சர்வர் கணினிக்குச் சென்றுவிடும், பாதுகாப்பு மற்றும் நிர்வாக வசதிக்காக சில இடங்களில் நகல்களும் பராமரிக்கப்படும். ஆனால் தேர்வு நடந்த மையங்களிலும், வேறு எங்கும் வினாத்தாள் உள்ளிட்ட எந்த விவரங்களும் சேமிக்கப்படுவதில்லை என்பது முறைகேட்டை குறைக்கும்.

சில கேள்விகள்...

ஒப்பந்தப்புள்ளி விளம்பரத்தில் கொடுக்கப்பட்டுள்ள தகவல்களின் அடிப்படையில் தேர்வு நடைபெறும் முறை பற்றி இங்கு குறிப்பிடப்பட்டுள்ளது. இன்னும் விண்ணப்பதாரர் நிலையில் எழும் சந்தேகங்கள், தேவையான வசதிகள் எல்லாம் சீர் செய்யப்பட வேண்டும்.

உதாரணமாக அடுத்த கேள்விக்கு தாவிச் சென்ற பின்பு, திரும்ப விடை தெரியாத கேள்விக்கு யோசித்து பதிலளிப்பது எப்படி? என்பது போன்ற பல்வேறு ஐயங்களுக்கு தீர்வு காணப்பட வேண்டும்.

மாதிரி தேர்வுகள் மூலம் பயிற்சிகள் வழங்கலாம், வெள்ளோட்டம் பார்த்த பின்னர் ஆன்லைன் தேர்வை நடைமுறைப்படுத்தலாம்.

தேர்வு நடத்தும் பொறுப்பு தனியாரிடம் ஒப்படைப்பதால், விண்ணப்பதாரர்களின் கட்டணத் தொகை உயரலாம் மற்றும் வினாத்தாள் வெளியாவது போன்ற முறைகேடுகள் நடைபெற வாய்ப்பு உள்ளது என்ற அச்சம் நிலவுகிறது. ஏற்கனவே குரூப்-2 தேர்வுகள் ஆன்லைன் முறையில் நடத்தப்பட்டு தோல்வி அடைந்திருப்பது அதற்கு சான்றாக காட்டப்படுகிறது. எனவே இதுபோன்ற குறைகளுக்கும் வழியிருக்கக்கூடாது.

நவீன தொழில்நுட்பத்துக்கு மாறுவது, விரைந்த செயல்பாட்டிற்கும், வளர்ச்சிக்கும் அத்தியாவசியமாகும். குறைகளை கடந்து ஆன்லைன் தேர்வு என்ற அடுத்த கட்ட வளர்ச்சிக்கு தன்னையும், தமிழக மாணவர்களையும், விண்ணப்பதாரர்களையும் தயார்படுத்த வேண்டியது தமிழக அரசின் பொறுப்பு!


விரிவாக படிக்க இங்கே கிளிக் செய்யுங்கள் | READ MORE | CLICK HERE

தபால்துறையில் போஸ்டல் ஏஜென்ட் பணி.

தபால் துறையில் சேவைகளை துரிதப்படுத்தும் புது முயற்சியாக ஓ.பி.ஏ. எனப்படும் ‘அவுட்சோர்ஸ்டு போஸ்டல் ஏஜென்ட்’ பணிவாய்ப்புக்கு விண்ணப்பிக்க சென்னை அண்ணா சாலை தலைமை தபால் அலுவலகம் அறிவிப்பு வெளியிட்டு உள்ளது. வெளியில் இருந்தபடி தபால்துறைக்கான தபால்கள் மற்றும் பார்சல்களை பெறவும், வினியோகிக்கவும் இந்த ஏஜென்ட் பணிவாய்ப்பு வழி செய்கிறது. குறிப்பிட்ட எடையை கையாளுவதற்கேற்ப விதிமுறைப்படி ஊதியம் பெற்றுக் கொள்ள முடியும். இந்த பணிக்கு பிளஸ்-2 படித்தவர்கள் விண்ணப்பிக்கலாம். குறிப்பிட்ட மாதிரியான சுய விவர பட்டியலுடன், தேவையான சான்றுகள் இணைத்து, அண்ணாசாலை தலைமை தபால் நிலைய முகவரிக்கு 31-7-2018-ந் தேதிக்குள் தபாலில் விண்ணப்பம் அனுப்ப வேண்டும். விண்ணப்பதாரர்கள் வாகனம் மற்றும் டிரைவிங் லைசென்ஸ் வைத்திருப்பதுடன், கணினி அறிவு, ஸ்மார்ட்போன் மற்றும் இன்டெர்நெட் இணைப்பு பெற்றிருப்பது அவசியமாகும். நேர்காணல் நடத்தப்பட்டு தகுதியானவர்கள் சேர்க்கப்படுவார்கள். இது பற்றிய விவரங்களை 044-28520923 என்ற தொலைபேசி எண்ணிலும், doannaroadhpo.tn@indiapost.gov.in என்ற மெயில் முகவரியிலும் கேட்டுப் பெறலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

விமான நிறுவனங்களில் வேலை வாய்ப்புகள்

இந்திய விமான ஆணையம் மற்றும் விமான துணை நிறுவனத்தில் ஏராளமான வேலைவாய்ப்புகள் அறிவிக் கப்பட்டு உள்ளன. இவை பற்றிய விவரம் வருமாறு:- இந்திய விமான நிறுவனமான ஏர் இந்தியாவின் துணை நிறுவனத்தில் ஒன்று ஏர் இந்தியா ஏர் டிரான்ஸ்ட்போர்ட் சர்வீசஸ் லிமிடெட் (AIATSL) . தற்போது இந்த நிறுவனத்தில் கஸ்டமர் ஏஜென்ட், ஹேண்டிமேன், ஹேண்டி உமன் உள்ளிட்ட பணிகளுக்கு விண்ணப்பம் கோரப்பட்டுள்ளது. நேர்காணல் அடிப்படையில் இந்த பணியிடங்கள் நிரப்பப்படுகிறது. விசாகப்பட்டினம் விமான நிலையத்தில் 89 பணியிடங்களும், கோவை விமான நிலையத்தில் 76 பணியிடங்களும் உள்ளன. இவை காண்டிராக்ட் அடிப்படையிலான பணிகளாகும். இதுதவிர மும்பை, டெல்லி, சென்னை, கொல்கத்தா, விமான நிலையங்களில் எச்.ஆர். அதிகாரி மற்றும் அக்கவுண்ட்ஸ் அதிகாரி பணிகளுக்கு 15 பேரும் தேர்வு செய்யப்படுகிறார்கள். காண்டிராக்ட் பணி விண்ணப்பதாரர்கள் 1-7-2018-ந் தேதியில் 28 வயதுக்கு உட்பட்டவர்களாக இருக்க வேண்டும். குறிப்பிட்ட பிரிவினருக்கு அரசு விதிகளின்படி வயது வரம்பு தளர்வு அனுமதிக்கப்படும். ஹஸ்டமர் ஏஜெண்ட் பணிக்கு பட்டதாரிகளும், ஐ.டி.ஐ. படித்தவர்கள் சீனியர் ரேம் சர்வீஸ் ஏஜெணட் பணிகளுக்கும், 12-ம் வகுப்பு தேர்ச்சி பெற்றவர்கள் ஹேண்டிமேன் பணிகளுக்கும் விண்ணப்பிக்கலாம். டிரைவிங் லைசென்ஸ பெற்றவர்களுக்கும் பணிகள் உள்ளன. விசாகப்பட்டினம் மற்றும் கோவை விமான நிலையங்களில் ஆகஸ்ட் 3-ந் தேதி முதல் 5-ந் தேதி வரை நேர்காணல் நடக்கிறது. ஒவ்வொரு பணிக்கும் ஒவ்வொரு நாளில் , வெவ்வேறு இடங்களில் நேர்காணல் நடக்கிறது. நேரடி நேர்காணலில் எழுத்துத் தேர்வு, குழு கலந்துரையாடல், மருத்துவ பரிசோதனை ஆகியவை நடைபெறும். இவை பற்றிய விவரங்களை http://www.airindia.in/ என்ற இணையதள பக்கத்தில் பார்க்கலாம். அதிகாரி பணிகள் எச்.ஆர். மற்றும் அக்கவுண்ட்ஸ் அதிகாரி பணிகளுக்கு எச்.ஆர். , சி.ஏ., எம்.பி.ஏ., படித்தவர்கள் விண்ணப்பிக்கலாம். விண்ணப்பதாரர் 30 வயதுக்கு உட்பட்டிருக்க வேண்டும். 3 ஆண்டு பணி அனுபவம் அவசியம். rftc.aiatsl@airindia.in என்ற மெயில் முகவரிக்கு விண்ணப்பங்களை சமர்ப்பிக்க வேண்டும். 3-8-18-ந் தேதி விண்ணப்பிக்க கடைசி நாளாகும். இது பற்றிய விவரத்தையும் மேற்குறிப்பிட்டுள்ள இணையதள பக்கத்தில் பார்க்கலாம். விமான ஆணையத்தில் 119 பணிகள் இந்திய விமான ஆணையம் சுருக்கமாக ஏ.ஏ.ஐ. என குறிப்பிடப்படுகிறது. தற்போது இந்த நிறுவனத்தின் மேற்கு மண்டலமான மும்பை கிளையில் ஜூனியர் அசிஸ்டன்ட் (தீயணைப்பு சேவை) பணிக்கு 119 பேர் தேர்வு செய்யப்படுகிறார்கள். இதில் பொதுப் பிரிவினருக்கு 66 இடங்களும், ஓ.பி.சி. பிரிவினருக்கு 35 இடங்களும், எஸ்.டி. பிரிவினருக்கு 18 இடங்களும் உள்ளன. விண்ணப்பதாரர்கள் 30-6-18-ந் தேதியில் 30 வயதுக்கு உட்பட்டவர்களாக இருக்க வேண்டும். குறிப்பிட்ட பிரிவினருக்கு அரசு விதிகளின்படி வயது வரம்பு தளர்வு அனுமதிக்கப்படும். 10-ம் வகுப்பு தேர்ச்சியுடன், மெக்கானிக்கல், ஆட்டோமொபைல், தீயணைப்பு போன்ற பிரிவில் 3 ஆண்டு டிப்ளமோ படிப்பை 50 சதவீத மதிப்பெண்களுடன் தேர்ச்சி பெற்றவர்கள் விண்ணப்பிக்கலாம். பிளஸ்-2 படிப்பை 50சதவீத மதிப்பெண்களுடன் தேர்ச்சி பெற்றவர்களும் விண்ணப்பிக்கலாம். விருப்பமுள்ளவர்கள் இணையதளம் வழியாக விண்ணப்பம் சமர்ப்பிக்கலாம். 6-8-2018-ந் தேதிக்குள் விண்ணப்பிக்க வேண்டும். இது பற்றிய விவரங்களை www.aai.aero என்ற இணையதளத்தில் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

ராணுவ தொழில்நுட்ப பிரிவில் பட்டதாரிகள் சேர்ப்பு ஆண்-பெண் இருபாலரும் சேரலாம்

ராணுவத்தில் தொழில்நுட்ப பிரிவில் பட்டப்படிப்பு படித்த ஆண்- பெண் இருபாலரும் சேர்க்கப்படுகிறார்கள். இது பற்றிய விரிவான விவரம் வருமாறு:- ராணுவத்தில் பல்வேறு பயிற்சி சேர்க்கையின்படி தகுதியான இளைஞர்கள் பணியில் சேர்க்கப்பட்டு வருகிறார்கள். தற்போது தொழில் நுட்ப பிரிவில் 52-வது சேர்க்கையின்படி ஆண்களும், 23-வது ேசர்க்கையின்படி பெண்களும் சேர்க்கப்படுகிறார்கள். எஸ்.எஸ்.சி. (டெக்) கோர்ஸ் காமென்சிங் ஏப்ரல் 2019 எனும் இந்த பயிற்சி சேர்க்கையில் மொத்தம் 191 பேர் சேர்க்கப்படுகிறார்கள். இதில் பெண்களுக்கு 16 இடங்கள் உள்ளன. ஆண்களுக்கு 175 இடங்கள் உள்ளன. ஒவ்வொரு பாடப்பிரிவிலும் உள்ள பணியிட விவரங்களை முழுமையான விளம்பர அறிவிப்பில் பார்க்கலாம். இந்த பயிற்சியில் சேர விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்... வயது வரம்பு விண்ணப்பதாரர்கள் 1-4-2019-ந் தேதியில் 20 வயது பூர்த்தி அடைந்தவர்களாகவும், 27 வயதுக்கு உட்பட்டவர்களாகவும் இருக்க வேண்டும். விதவைகள் 35 வயதுக்கு உட்பட்டவர்களாக இருக்க வேண்டும். கல்வித்தகுதி: பி.இ., பி.டெக் பட்டப்படிப்பில் ஏதேனும் ஒரு பிரிவில் தேர்ச்சி பெற்றவர்கள் விண்ணப்பிக்கலாம். இறுதியாண்டு படித்துக் கொண்டிருப்பவர்களும் விண்ணப்பிக்கத் தகுதியானவர்களே. விண்ணப்பதாரர்கள் ஆண்-பெண் இருபாலரும் திருமணம் ஆகாதவராக இருக்க வேண்டும். விதவைப் பெண்களுக்கு ஒன்றிரண்டு இடங்கள் ஒதுக்கப்பட்டுள்ளதும் குறிப்பிடத்தக்கது. தேர்வு செய்யும் முறை: எஸ்.எஸ்.பி. அமைப்பின் மூலம் ஸ்டேஜ்-1, ஸ்டேஜ்2 என இரு நிலை தேர்வுகளுக்கு உட்படுத்தப்பட்டு தகுதியானவர்கள் தேர்வு செய்யப்படுவார்கள். படங்களை புரிந்து கொள்ளுதல், நுண்ணறிவுத் திறன், உடல் திறன் தேர்வு, கலந்துரையாடல், நேர்காணல், உளவியல் தேர்வு உள்ளிட்ட தேர்வுகள் இதில் அடங்கும். அனைத்திலும் தேர்ச்சி பெறுபவர்கள் பயிற்சியில் சேர்த்துக் கொள்ளப்படுவார்கள். பயிற்சியிலும் தேர்ச்சி பெறுபவர்கள் லெப்டினன்ட் தரத்திலான அதிகாரி பணியில் சேரலாம். மேலும் 18 நிலைகளில் பதவி உயர்வு பெறுவதுடன், 2½ லட்சம் ரூபாய் வரை சம்பள உயர்வும் பெறலாம். விண்ணப்பிக்கும் முறை: விருப்பமும், தகுதியும் உள்ளவர்கள் இணையதள விண்ணப்பம் சமர்ப்பிக்கலாம். 9-8-2018-ந் தேதி விண்ணப்பிக்க கடைசிநாளாகும். விதவை பெண்கள் தேவையான சான்றுகளுடன், தபால் மூலம் 30-9-2018-ந் தேதிக்குள் விண்ணப்பிக்கலாம். இது பற்றிய விரிவான விவரங்களை www.joinindianarmy.nic.in என்ற இணையதள பக்கத்தில் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE