Friday, 13 January 2017

வறட்சி நிவாரணத்துக்கு ஒரு நாள் ஊதியம்: ஜாக்டோ - ஜியோ அறிவிப்பு.

வறட்சி நிவாரணத்துக்கு ஒரு நாள் ஊதியம்: ஜாக்டோ - ஜியோ அறிவிப்பு. | தமிழக வறட்சி நிவாரணத்துக்கு தங்களது ஒரு நாள் ஊதியத்தை வழங்குவது என அரசு ஊழியர்கள் - ஆசிரியர்கள் சங்கங்களைக் கொண்ட ஜாக்டோ - ஜியோ அமைப்பு முடிவெடுத்துள்ளது. தமிழ்நாடு தலைமைச் செயலக சங்கம், பல்வேறு அரசு ஊழியர் சங்கங்கள், ஆசிரியர் அமைப்புகள் இணைந்து ஜாக்டோ - ஜியோஅமைப்பாக உருவாகியுள்ளது. இதன் பிரதிநிதிகள் கூட்டம்,சென்னை பல்கலைக்கழக கூட்ட அரங்கில் நடைபெற்றது. இதில், ஜாக்டோ - ஜியோவின் ஒருங்கிணைப்பாளராக தமிழ்நாடு தலைமைச் செயலக சங்கத்தின் தலைவர் ஜெ.கணேசன்தேர்வு செய்யப்பட்டார். கூட்டத்தில் எடுக்கப்பட்ட முடிவுகள் குறித்து ஜெ.கணேசன் கூறியதாவது: தமிழகத்தில் அனைத்து மாவட்டங்களும் வறட்சியால் பாதிக்கப் பட்டுள்ளன. வறட்சி நிவாரணத்துக்காக ஜாக்டோ -ஜியோ சங்கங்களில் உள்ள 15 லட்சத்துக்கும் மேற்பட்ட ஊழியர்கள் தங்களது ஒருநாள் ஊதியத்தை வழங்க முடிவெடுத்துள்ளோம். இது உத்தேசமாக ரூ.40 கோடி அளவுக்கு வரும் என்றார் அவர்

No comments: