Friday, 28 July 2017

HIGHER SECONDARY HM PROMOTION COUNSELLING POSTPONED | மேல்நிலை பள்ளி தலைமை ஆசிரியர் கலந்தாய்வு அடுத்த வாரத்துக்கு ஒத்திவைப்பு Vவைத்து பள்ளிக்கல்வி இயக்குநர் அறிவித்துள்ளார்.


HIGHER SECONDARY HM PROMOTION COUNSELLING POSTPONED | மேல்நிலை பள்ளி தலைமை ஆசிரியர் கலந்தாய்வு அடுத்த வாரத்துக்கு ஒத்திவைப்பு Vவைத்து பள்ளிக்கல்வி இயக்குர் அறிவித்துள்ளார்.  2017-2018 ஆம் கல்வியாண்டிற்கு அரசு/ நகராட்சி மேல்நிலைப் பள்ளித் தலைமை ஆசிரியர்களுக்கான  01.01.2017 நிலவரப்படியான தகுதிவாய்ந்தோர் முன்னுரிமைப் பட்டியலில் உள்ளவர்களுக்கு அரசு  மேல்நிலைப்பள்ளி தலைமை ஆசிரியர்கள் பதவி உயர்வு கலந்தாய்வு 28.07.2017 அன்று காலை 9.00 மணிக்கு இணையதளம் வழியாக அந்தந்த மாவட்ட முதன்மைக் கல்வி அலுவலங்களில்   நடைபெற இருந்தது. அரசு மேல்நிலைப்பள்ளிகளில் தற்போது காலியாக உள்ள 120  தலைமை ஆசிரியர் பணியிடங்களுக்கு பதவி உயர்வு வழங்க வேண்டியுள்ள நிலையில் , சுழற்சி பட்டியலில் வரிசை எண். 622 முதல் 820 வரை இடம் பெற்றுள்ள ஆசிரியர்களில் பதவி உயர்வு துறப்பு செய்பவர்களின் பணியிடங்களையும் மாணவர்கள் நலன் கருதி நிரப்ப வேண்டிஇருந்ததால்,  இந்த சுழற்சி   பட்டியலில் வரிசை எண். 622 முதல் 820 வரை  இடம்பெற்றுள்ள முதுகலை ஆசிரியர் மற்றும் அரசு உயர்நிலைப் பள்ளி தலைமை ஆசிரியர்கள் அரசு மேல்நிலைப் பள்ளி தலைமை ஆசிரியர் பதவி உயர்விற்கான கலந்தாய்வில் கலந்து கொள்ள இருந்தனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

SSLC RESULT JUNE 2017 | பத்தாம் வகுப்பு சிறப்புத் துணைத்தேர்வு எழுதிய தனித்தேர்வர்களுக்கான தேர்வு முடிவு இன்று (28.07.2017) வெளியாகிறது.


SSLC RESULT | பத்தாம் வகுப்பு சிறப்புத் துணைத்தேர்வு எழுதிய தனித்தேர்வர்களுக்கான தேர்வு முடிவு இன்று (28.07.2017) வெளியாகிறது. பத்தாம் வகுப்பு துணை தேர்வு முடிவுகள், இன்று வெளியாகின்றன. அரசு தேர்வுத்துறை இயக்குனர், வசுந்தராதேவி வெளியிட்ட செய்திக்குறிப்பு: பத்தாம் வகுப்புக்கான துணைத் தேர்வு, ஜூன், ஜூலையில் நடந்தது. இதற்கான முடிவுகள், இன்று பிற்பகலில் வெளியிடப்படுகின்றன. மாணவர்கள், தங்களின் தேர்வு முடிவுகளை, தற்காலிக மதிப்பெண் சான்றிதழாக, www.dge.tn.nic.in என்ற இணையதளத்தில் பதிவிறக்கம் செய்து கொள்ளலாம். மறுகூட்டலுக்கு, ஜூலை, 31, ஆக., 1 என, இரண்டு நாட்களில், மாவட்ட முதன்மை கல்வி அதிகாரி அலுவலகத்தில விண்ணப்பிக்கலாம்.இவ்வாறு அதில் கூறப்பட்டுள்ளது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

தையல், ஓவியம், இசை உள்ளிட்ட 1,325 சிறப்பாசிரியர் பணியிடத்தை நிரப்ப செப்டம்பர் 23-ம் தேதி எழுத்துத் தேர்வு ஆசிரியர் தேர்வு வாரியம் அறிவிப்பு

தையல், ஓவியம், இசை உள்ளிட்ட 1,325 சிறப்பாசிரியர் பணியிடத்தை நிரப்ப செப்டம்பர் 23-ம் தேதி எழுத்துத் தேர்வு ஆசிரியர் தேர்வு வாரியம் அறிவிப்பு | தையல், ஓவியம், இசை உள்ளிட்ட சிறப்பாசிரியர் பதவிகளில் 1,325 காலியிடங்களை நிரப்ப செப்டம்பர் மாதம் 23-ம் தேதி எழுத்துத்தேர்வு நடைபெறும் என ஆசிரியர் தேர்வு வாரியம் அறிவித்துள்ளது. அரசுப் பள்ளிகளில் ஓவியம், தையல், இசை, உடற்கல்வி சிறப்பாசிரியர் பணியிடங்கள், இதுவரை வேலைவாய்ப்பு அலு வலக பதிவுமூப்பு (சீனி யாரிட்டி) அடிப்படையில் நிரப்பப் பட்டு வந்தன. தற்போது முதல் முறையாக ஆசிரியர் தேர்வு வாரியத்தின் போட்டித்தேர்வு மூலமாக அப்பணியிடங்கள் நிரப் பப்பட உள்ளன. இதற்கான அறிவிப்பை ஆசிரியர் தேர்வு வாரியம் இணையதளத்தில் வெளியிட்டுள்ளது. அதன்படி, 327 ஓவிய ஆசிரியர், 663 உடற்கல்வி ஆசிரியர், 86 இசை ஆசிரியர், 248 தையல் ஆசிரியர் (மொத்த காலியிடம் 1,325) பணியிடங்களை நிரப்ப செப்டம்பர் 23-ம் தேதி எழுத்துத்தேர்வு நடைபெற இருக் கிறது. இத்தேர்வுக்கு ஆசிரியர் தேர்வு வாரியத்தின் இணைய தளத்தை (www.trb.nic.in) பயன்படுத்தி ஆகஸ்ட் 18-ம் தேதிக்குள் ஆன்-லைனில் விண் ணப்பிக்க வேண்டும் என்று அதன் தலைவர் டி.ஜெகன்நாதன் அறிவித்துள்ளார். எழுத்துத்தேர்வு மற்றும் வெயிட்டேஜ் மதிப்பெண் அடிப் படையில் பணி நியமனம் நடக் கும். எழுத்துத்தேர்வுக்கு 95 மதிப்பெண்ணும், வேலை வாய்ப்பு பதிவுமூப்புக்கு அதிக பட்சம் 5 மதிப்பெண்ணும் நிர்ணயிக்கப்பட்டுள்ளன. ஒவ் வொரு பதவிக்கும் நிர்ணயிக் கப்பட்டுள்ள கல்வித்தகுதி, தேர்வுக்கான பாடத்திட்டம், தேர்வு முறை முதலான விவரங்களை ஆசிரியர் தேர்வு வாரியத்தின் இணையதளத்தில் இருந்து விரிவாகத் தெரிந்துகொள்ளலாம். எழுத்துத்தேர்வில் தேர்ச்சி பெறுவோர் ஒரு காலியிடத் துக்கு 2 பேர் என்ற விகிதாச் சார அடிப்படையில் சான்றிதழ் சரிபார்ப்புக்கு அழைக்கப் படுவார்கள். சான்றிதழ் சரிபார்ப் பின்போது பதிவுமூப்புக்கு ஏற்ப குறிப்பிட்ட மதிப்பெண் வழங்கப்படும். இறுதியாக, எழுத் துத்தேர்வு மதிப்பெண், வெயிட் டேஜ் மதிப்பெண் அடிப்படை யில் சிறப்பாசிரியர்கள் தேர்வு செய்யப்படுவார்கள். பதிவுமூப்பு ஆண்டுக்கான மதிப்பெண் விவரம் வருமாறு:- 1 முதல் 3 ஆண்டுகள் வரை - 1 மதிப்பெண் 3 முதல் 5 ஆண்டுகள் வரை - 2 மதிப்பெண் 5 முதல் 10 ஆண்டுகள் வரை - 3 மதிப்பெண் 10 ஆண்டுகளுக்கு மேல் - 5 மதிப்பெண் 3 லட்சம் பேர் விண்ணப்பிப்பர் பதிவுமூப்பு ஓராண்டுக்குள் இருந்தால் அதற்கு மதிப்பெண் எதுவும் அளிக்கப்படாது. சிறப்பாசிரியர் தேர்வுக்கு ஏறத்தாழ 3 லட்சம் பேர் விண்ணப்பிக்கக்கூடும் என ஆசிரியர் தேர்வு வாரியம் எதிர்பார்க்கிறது.

  1.  SPECIAL TEACHERS - NOTIFICATION - TAMIL DOWNLOAD
  2.  SPECIAL TEACHERS - NOTIFICATION - ENGLISH DOWNLOAD
  3.  PSTM Certificate
  4.  TRB - SYLLABUS FOR DIRECT RECRUITMENT OF SPECIAL TEACHERS
  5.  Click here - G.O MS - 68 - DOWNLOAD
  6.  Click here - G.O MS - 21 - DOWNLOAD
  7.  Click here - Online Application form for Special Teachers
  8.  STUDY MATERIALS DOWNLOAD - 1 STUDY MATERIALS DOWNLOAD - 2
விரிவாக படிக்க இங்கே கிளிக் செய்யுங்கள் | READ MORE | CLICK HERE

Thursday, 27 July 2017

இளநிலை அறிவியல் அலுவலர் பதவிக்கான எழுத்துத் தேர்வு முடிவு வெளியீடு.இதற்கான சான்றிதழ் சரிபார்ப்பு 04.08.2017 அன்று தேர்வாணைய அலுவலகத்தில் நடைபெறும்.


இளநிலை அறிவியல் அலுவலர் பதவிக்கான எழுத்துத் தேர்வு முடிவு - தமிழ்நாடு அரசுப் பணியாளர் தேர்வாணையம் செய்தி வெளியீடு தமிழ்நாடு தடய அறிவியல் சார்நிலைப்பணியில் அடங்கிய இளநிலை அறிவியல் அலுவலர் பதவிக்கான எழுத்துத் தேர்வு 16.10.2016 மு.ப. & பி.ப. அன்று நடத்தப்பட்டது. அதில் மொத்தம் 4413 தேர்வர்கள் பங்கேற்றனர். விண்ணப்பதாரர்கள் தேர்வில் பெற்ற மதிப்பெண்கள், இடஒதுக்கீட்டு விதி மற்றும் அப்பதவிகளுக்கான அறிவிக்கையில் வெளியிடப்பட்ட பிற விதிகளின் அடிப்படையில், சான்றிதழ் சரிபார்ப்பிற்கு தற்காலிகமாகத் தெரிவு செய்யப்பட்ட 15 விண்ணப்பதாரர்களின் பதிவெண்கள் கொண்ட பட்டியல்-IV தேர்வாணைய வலைதளம் www.tnpsc.gov.in-ல் வெளியிடப்பட்டுள்ளது. இதற்கான சான்றிதழ் சரிபார்ப்பு 04.08.2017 அன்று தேர்வாணைய அலுவலகத்தில் நடைபெறும்.| The Written Examination for the post of Junior Scientific Officer in Tamil Nadu Forensic Science Subordinate Service was held on 16.10.2016 FN & AN. Totally 4413 candidates have appeared for the said Examination. Based on the marks obtained in the above said Examination, following the rule of reservation of appointments and as per the other conditions stipulated in the Notification, a list of register numbers of 15 candidates (List-IV) those who have been provisionally admitted to Certificate Verification to the said post is available at the Commission's Website " www.tnpsc.gov.in ". The Certificate Verification will be held on 04.08.2017 at the Commission's office. V. SHOBHANA, I.A.S., CONTROLLER OF EXAMINATIONS

விரிவாக படிக்க இங்கே கிளிக் செய்யுங்கள் | READ MORE | CLICK HERE

‘நீட்’ விவகாரத்தில் நல்ல அறிவிப்பு விரைவில் வெளியாகும் முன்னாள் அமைச்சர் பாண்டியராஜன் தகவல்

'நீட்' விவகாரத்தில் நல்ல அறிவிப்பு விரைவில் வெளியாகும் முன்னாள் அமைச்சர் பாண்டியராஜன் தகவல் | நீட் தேர்வில் இருந்து தமிழகத்துக்கு தற்காலிக விலக்கு அளிப்பதற்கான நல்ல அறிவிப்பு விரைவில் வெளியாகும் என்று முன்னாள் அமைச்சர் பாண்டியராஜன் கூறி யுள்ளார். முன்னாள் முதல்வர் ஓ.பன்னீர் செல்வம் சென்னை கிரீன்வேஸ் சாலையில் உள்ள அவரது வீட்டில் தனது ஆதரவாளர்களுடன் நேற்று ஆலோசனை நடத்தினார். இதில் மதுசூதனன், மைத்ரேயன், க.பாண்டியராஜன், செம்மலை, கே.பி.முனுசாமி, நத்தம் விஸ்வ நாதன் உள்ளிட்டோர் பங்கேற்றனர். இந்த ஆலோசனைக் கூட்டத்துக் குப் பிறகு க.பாண்டியராஜன் நிருபர்களிடம் கூறியதாவது: டெல்லியில் பிரதமர் மோடியை முன்னாள் முதல்வர் பன்னீர்செல்வம் சந்தித்தபோது நீட் தேர்வில் இருந்து தமிழகத்துக்கு விலக்கு அளிக்க வேண்டும் என்று வலியுறுத்தினார். நீட் தேர்வில் இருந்து தமிழகத் துக்கு நிரந்தர விலக்கு கிடைக்க வேண்டும் என்பதே எங்களுடைய விருப்பம். இருப்பினும் தற்போதைய சூழலில் 2 ஆண்டு களுக்கு தற்காலிக விலக்கு கிடைப்பதற்கான வாய்ப்பு உள்ளது. இதற்கான அறிவிப்பு விரைவில் வெளியாகும். இந்த அறிவிப்பு வெளியான பிறகு தமிழகத்தில் உள்ள இளநிலை மருத்துவப் படிப்புகளுக்கான இடங்களுக்கு பழைய நடைமுறையிலேயே கலந் தாய்வு நடத்தலாம். ராமேசுவரத்தில் வியாழன் அன்று நடைபெறும் அப்துல் கலாம் மணி மண்டபம் திறப்பு விழாவில் ஓ.பன்னீர்செல்வம் கலந்துகொள்கிறார். நாங்களும் கலந்துகொள்ள உள்ளோம். அந்த விழாவில் பிரதமர் நரேந்திர மோடி யைச் சந்தித்து பேச உள் ளோம். அதிமுக அணிகள் இணைப்பு தொடர்பாக இன்றைய கூட்டத்தில் ஆலோசிக்கப்படவில்லை. அதே சமயம் அதிமுக அணிகள் இணைப்பு தொடர்பான பிரச்சினைகளுக்கு அடுத்த மாதத்துக்குள் நிச்சயம் நல்ல தீர்வு கிடைத்துவிடும். இவ்வாறு அவர் கூறினார்.  
விரிவாக படிக்க இங்கே கிளிக் செய்யுங்கள் | READ MORE | CLICK HERE

பாலிடெக்னிக் விரிவுரையாளர் பணிக்கான கல்வித்தகுதியில் மாற்றம் உயர்கல்வித் துறை செயலர் சுனில் பாலிவால் உத்தரவு.தேர்வுக்கு விண்ணப்பிக்க வசதியாக ஆசிரியர் தேர்வு வாரியம் உரிய கால அவகாசம் அளித்து அறிவிப்பு வெளியிடும் என எதிர்பார்க்கப்படுகிறது.

பாலிடெக்னிக் விரிவுரையாளர் பணிக்கான கல்வித்தகுதியில் மாற்றம் உயர்கல்வித் துறை செயலர் சுனில் பாலிவால் உத்தரவு | அரசு பாலிடெக்னிக் கல்லூரி பொறியியல் பிரிவு விரிவுரையாளர் பணிக்கான கல்வித் தகுதியில் மாற்றம் செய்து உயர்கல்வித் துறை செயலர் சுனில் பாலிவால் புதிய உத்தரவை பிறப்பித்துள்ளார். அரசு பாலிடெக்னிக் கல்லூரிகளில் பொறியியல் மற்றும் பொறியியல் அல்லாத பாடப்பிரிவுகளில் (கணிதம், இயற்பியல், வேதியியல் ஆங்கிலம்) 1,058 விரிவுரையாளர் பணியிடங்களை எழுத்துத்தேர்வு மூலம் நேரடியாக நியமிக்க ஆசிரியர் தேர்வு வாரியம் அண்மையில் ஓர் அறிவிப்பு வெளியிட்டிருந்தது. அதன்படி, பொறியியல் பிரிவு விரிவுரையாளர் பணிக்கு சம்பந்தப்பட்ட பொறி யியல் பாடத்தில் முதல் வகுப்பு பட்டமும் பொறியியல் அல்லாத பிரிவு எனில், குறிப் பிட்ட பாடப்பிரிவில் முதுகலை படிப்பில் முதல் வகுப்பு பட்டமும் பெற்றிருக்க வேண்டும். இந்த நிலையில், பொறியியல் விரிவுரையாளர் தேர்வுக்கு முதல் வகுப்பில் இளங்கலை பட்டம் பெறாத பட்சத்தில் முதுகலை படிப்பில் (எம்இ, எம்டெக்) முதல் வகுப்பு பெற்றிருந்தால் அவர்களும் விண்ணப்பிக்கத் தகுதியுடைவர் ஆவர். ஆனால், அதற்கான வாய்ப்பு விண்ணப்பத்தில் இல்லாததால் ஆசிரியர் தேர்வு வாரியம் வெளியிட்டுள்ள விரிவுரையாளர் தேர்வுக்கான அறிவிப்பை ரத்துசெய்ய வேண்டும் என்று சென்னை உயர் நீதிமன்றத்தில் வழக்கு தொடரப்பட்டது. வழக்கை விசாரித்த நீதிமன்றம் மனுதாரரின் கோரிக்கையை ஏற்று 1058 விரிவுரையாளர் தேர்வு அறிவிப்பை ரத்துசெய்து உத்தரவிட்டது. விரிவுரையாளர் தேர்வுக்கு விண்ணப்பிக்க கடைசி நாள் ஜூலை 7-ம் தேதி என்று அறிவிக்கப்பட்டிருந்த நிலையில், அதற்கு 2 நாட்களுக்கு முன்பாக இந்த தீர்ப்பு வெளியானது. ஆனால், உயர் நீதிமன்றத் தீர்ப்பு தொடர்பாக ஆசிரியர் தேர்வு வாரியம் எந்த அறிவிப்பையும் வெளியிட வில்லை. இதைத்தொடர்ந்து, கடைசி நாளான ஜூலை 7-ம் தேதி வரையிலும் விண்ணப்பதாரர்கள் ஆன்லைனில் விண்ணப்பித்த வண்ணம் இருந்தனர். ஒருசிலர் நீதிமன்ற உத்தரவு காரணமாக, விரிவுரையாளர் தேர்வுக்கு விண்ணப்பிக்கலாமா? வேண்டாமா? என்று குழப்பம் அடைந்தனர். இந்த நிலையில், அரசு பாலிடெக்னிக் பொறியியல் பிரிவு விரிவுரையாளர் பணிக்கான கல்வித்தகுதியில் மாற்றம் செய்து உயர்கல்வித் துறை செயலர் சுனில் பாலிவால், ஓர் அறிவிப்பை வெளியிட்டுள்ளார். அந்த அறிவிப்பில் கூறப்பட்டு இருப்பதாவது. அரசு பாலிடெக்னிக் கல்லூரி பொறியியல் பிரிவு விரிவுரையாளர் பணிக்கு சம்பந்தப்பட்ட பொறியியல் பாடத்தில் முதல் வகுப்பு (60 சதவீத மதிப்பெண்) பட்டம் பெற்றி்ருக்க வேண்டும். முதுகலை பொறியியல் பட்டதாரி யாக இருந்தால் இளங்கலை அல்லது முதுகலைப் படிப்பில் முதல் வகுப்பு பட்டம் பெற்றிருக்க வேண்டும். இவ்வாறு அதில் கூறப்பட்டுள்ளது. அரசின் இந்த உத்தரவு மூலம், பிஇ, பிடெக் படிப்பில் முதல் வகுப்பு பெறாமல் எம்இ, எம்டெக் படிப்பில் முதல் வகுப்பு பெற்றிருப்பவர்களும் விரிவுரையாளர் தேர்வுக்கு விண்ணப்பிக்க தகுதியுடையவர் ஆகிறார்கள். எனவே, இதுபோன்ற கல்வித்தகுதி உடைய நபர்கள் பாலிடெக்னிக் விரிவுரையாளர் தேர்வுக்கு விண்ணப்பிக்க வசதியாக ஆசிரியர் தேர்வு வாரியம் உரிய கால அவகாசம் அளித்து அறிவிப்பு வெளியிடும் என எதிர்பார்க்கப்படுகிறது. இதன் காரணமாக, எழுத்துத்தேர்வுக்கான தேதியும் தள்ளிவைக்கப்படும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

என்ஜினீயரிங் கல்லூரிகளில் புதிய பாடத்திட்டம் அமல் இனி ‘அரியர்ஸ்’ என்பதே கிடையாது

என்ஜினீயரிங் கல்லூரிகளில் புதிய பாடத்திட்டம் அமல் இனி 'அரியர்ஸ்' என்பதே கிடையாது | என்ஜினீயரிங் கல்லூரிகளில் இந்த கல்வி ஆண்டில் புதிய பாடத்திட்டம் அமல்படுத்தப்படுகிறது. மாணவர்கள் எடுத்த துறை தவிர, வேறு துறைகளில் உள்ள 2 விருப்ப பாடங்களை தேர்வு செய்து படிக்க வேண்டும். மேலும் 'அரியர்ஸ்' இல்லாத புதிய தேர்வு முறை கொண்டு வரப்படுகிறது. புதிய பாடத்திட்டம் தமிழ்நாட்டில் அண்ணா பல்கலைக்கழக கல்லூரிகளில் 4 ஆண்டுக்கு ஒரு முறை பாடத்திட்டம் மாற்றப்பட வேண்டும். 2013-ம் ஆண்டு பாடத்திட்டம் மாற்றப்பட்டது. இதையடுத்து இந்த கல்வி ஆண்டில் புதிய பாடத்திட்டம் அமல்படுத்தப்படுகிறது. இது குறித்து ஆலோசனை நடத்த சென்னை அண்ணா பல்கலைக்கழகத்தில் கல்விக்குழு கூட்டம் நேற்று நடைபெற்றது. உயர் கல்வித்துறை முதன்மை செயலாளர் சுனில் பாலிபால், தமிழ்நாடு தொழில்நுட்பக்குழு ஆணையர் ராஜேந்திர ரத்னு, அண்ணா பல்கலைக்கழக பதிவாளர் கணேசன், கிண்டி என்ஜினீயரிங் கல்லூரி டீன் டி.வி.கீதா உள்பட பலர் கலந்து கொண்டனர். வேலைவாய்ப்பு கூட்டம் முடிந்ததும் கல்விக்குழு டீன் டி.வி.கீதா நிருபர்களிடம் கூறியதாவது:- சென்னை அண்ணா பல்கலைக்கழக வளாகத்தில் உள்ள 3 கல்லூரிகளிலும், குரோம்பேட்டையில் உள்ள எம்.ஐ.டி. கல்லூரியிலும் பாடத்திட்டம் மாற்றப்பட்டு நடைமுறையில் இருந்து வருகிறது. அதேபோல் ஒரு துறையை தேர்ந்து எடுத்து படிக்கும் போது அவர் வேறு ஒரு துறையில் கண்டிப்பாக அவரது விருப்பப்படி 2 பாடங்களை தேர்ந்து எடுத்து படிக்க வேண்டும். இந்த முறை ஏற்கனவே இந்த 4 கல்லூரிகளிலும் அமலில் உள்ளது. இந்த கல்வி ஆண்டில் தமிழகத்தில் உள்ள 518 என்ஜினீயரிங் கல்லூரிகளிலும் புதிய பாடத்திட்டம் அமல்படுத்தப்படுகிறது. புதிய பாடத்திட்டத்தில் வேலைவாய்ப்புக்கு முக்கியத்துவம் அளிக்கப்பட்டுள்ளது. மேலும் தொழிற்சாலைகளில் பயிற்சி, கம்ப்யூட்டர் அறிவு ஆகியவையும் இடம் பெற்றுள்ளது. புதிய பாடத்திட்டத்தின்படி ஒரு துறையை தேர்ந்து எடுத்து படிக்கும் மாணவர்கள் மற்றொரு துறையில் குறைந்தது 2 விருப்ப பாடங்களையாவது படிக்க வேண்டும். இது விருப்பத்தின் அடிப்படையில் படிக்கும் முறை என்று அழைக்கப்படுகிறது. உதாரணமாக மெக்கானிக்கல் பிரிவை எடுத்து படிக்கும் மாணவர், மெக்கானிக்கல் பிரிவில் உள்ள 2 பாடங்களுக்கு பதிலாக கணினி அறிவியல் பாடத்தில் ஏதாவது இரு பாடங்களை எடுத்து படிக்க வேண்டும். இது கட்டாயம். பி.இ. படிக்கும் போது 3-வது ஆண்டு கடைசியில் மாணவர்கள் 8.5 கிரேடு மதிப்பெண்கள் எடுத்திருந்து, அவர்கள் கடைசி ஆண்டு படிக்க முடியாவிட்டால் 5-வது ஆண்டு கல்லூரிக்கு வந்து 4-வது வருட படிப்பை தொடரலாம். இனி 'அரியர்ஸ்' என்ற பேச்சுக்கே இடம் இல்லை. ஒரு மாணவர் பி.இ. முதல் பருவ தேர்வில் ஒரு பாடத்தில் தேர்ச்சி பெறவில்லை என்றால் அவருடைய 'இன்டர்னல்' மதிப்பெண் ரத்து ஆகிவிடும். அவர் மீண்டும் 3-வது பருவ தேர்வில் தேர்ச்சி பெறாத முதல் பருவத்திற்கான 'இன்டர்னல்' தேர்வை எழுத வேண்டும். பிறகு அவர் பருவ தேர்வை எழுத வேண்டும். அவர் விரும்பினால் தேர்ச்சி பெறாத பாடத்திற்கு உரிய வகுப்பில் உட்கார்ந்து கேட்கலாம். தேர்ச்சி பெறாத பாடத்திற்கு உரிய 'இன்டர்னல்', பருவ தேர்வை 7 ஆண்டுக்குள் எழுதலாம். இதனால் 'அரியர்ஸ்' என்ற வார்த்தை ஒழிக்கப்படுகிறது. தற்போது சிறிய அளவில் கிரேடு முறையில் மாற்றம் கொண்டு வரப்படுகிறது. '0' என்றால் மிகச்சிறப்பு. 10 கிரேடு புள்ளிகள். மதிப்பெண்கள் 91 முதல் 100 வரை. 'ஏ+' என்றால் சிறப்பு. 9 கிரேடு புள்ளிகள். மதிப்பெண்கள் 81 முதல் 90 வரை. 'ஏ' என்றால் மிகவும் நல்லது. 8 கிரேடு புள்ளிகள். மதிப்பெண்கள் 71 முதல் 80 வரை. 'பி+' என்றால் நல்லது. 7 கிரேடு புள்ளிகள். மதிப்பெண்கள் 61 முதல் 70 வரை. 'பி' என்றால் சராசரி நிலை. 6 கிரேடு புள்ளிகள். மதிப்பெண்கள் 50 முதல் 60 வரை. 50 மதிப்பெண்களுக்கு கீழே உள்ளவர்கள் மீண்டும் தேர்வு எழுத வேண்டும். இவ்வாறு டி.வி.கீதா தெரிவித்தார். பேட்டியின் போது கல்விக்குழு துணை இயக்குனர் ஜி.கீதா உடன் இருந்தார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, 26 July 2017

TRB ANNOUNCED TO FILL 1325 SPECIAL TEACHERS | 1325 சிறப்பாசிரியர் பணியிடங்களை நிரப்ப ஆசிரியர் தேர்வு வாரியம் போட்டித்தேர்வு அறிவிப்பினை வெளியிட்டுள்ளது.

TRB ANNOUNCED 1325 SPECIAL TEACHERS RECRUITMENT 2017 - NOTIFICATION - Teachers Recruitment Board College Road, Chennai-600006 Direct Recruitment of Special Teachers (Physical Education, Drawing, Music, Sewing) in School Education and other Departments for the years 2012 to 2016. Click here for Notification Click here - G.O MS - 21 Click here - G.O MS - 68 Click here - Online Application form for Special Teachers.NOTIFICATION - ENGLISH NOTIFICATION - TAMIL
>>>>>>>
§DATE OF NOTIFICATION26.07.2017
§EMPLOYMENT TYPE:Govt Job
§APPLICATION:ONLINE
§WEBSITE:http://trb.tn.nic.in/
§NAME OF THE POST:Special Teachers (Physical Education, Drawing, Music, Sewing)
§EDUCATIONAL QUALIFICATION:REFER PROSPECTUS
§VACANCIES:1325
§SALARY:Rs.5200-20200 + GP - 2800
§SELECTION PROCEDURE:Competitive Exams
§LAST DATE:18.08.2017
§DATE OF EXAMINATION:23.09.2017
  1.  SPECIAL TEACHERS - NOTIFICATION - TAMIL DOWNLOAD
  2.  SPECIAL TEACHERS - NOTIFICATION - ENGLISH DOWNLOAD
  3.  PSTM Certificate
  4.  TRB - SYLLABUS FOR DIRECT RECRUITMENT OF SPECIAL TEACHERS
  5.  Click here - G.O MS - 68 - DOWNLOAD
  6.  Click here - G.O MS - 21 - DOWNLOAD
  7.  Click here - Online Application form for Special Teachers
  8.  STUDY MATERIALS DOWNLOAD - 1 STUDY MATERIALS DOWNLOAD - 2
விரிவாக படிக்க இங்கே கிளிக் செய்யுங்கள் | READ MORE | CLICK HERE

PGT,HSHM TO HSSHM PROMOTION COUNSELLING ANNOUNCED | அரசு மேல்நிலைப்பள்ளி தலைமை ஆசிரியராக பதவி உயர்வு பெற கலந்தாய்வு 28.07.2017 அன்று காலை 9.00 மணிக்கு இணையதளம் வழியாக அந்தந்த மாவட்ட முதன்மைக் கல்வி அலுவலங்களில் நடைபெற உள்ளது.

2017-2018 ஆம் கல்வியாண்டிற்கு அரசு/ நகராட்சி மேல்நிலைப் பள்ளித் தலைமை ஆசிரியர்களுக்கான  01.01.2017 நிலவரப்படியான தகுதிவாய்ந்தோர் முன்னுரிமைப் பட்டியலில் உள்ளவர்களுக்கு அரசு  மேல்நிலைப்பள்ளி தலைமை ஆசிரியர்கள் பதவி உயர்வு கலந்தாய்வு 28.07.2017 அன்று காலை 9.00 மணிக்கு இணையதளம் வழியாக அந்தந்த மாவட்ட முதன்மைக் கல்வி அலுவலங்களில்   நடைபெற உள்ளது.அரசு மேல்நிலைப்பள்ளிகளில் தற்போது காலியாக உள்ள 120  தலைமை ஆசிரியர் பணியிடங்களுக்கு பதவி உயர்வு வழங்க வேண்டியுள்ள நிலையில் , சுழற்சி பட்டியலில் வரிசை எண். 622 முதல் 820 வரை இடம் பெற்றுள்ள ஆசிரியர்களில் பதவி உயர்வு துறப்பு செய்பவர்களின் பணியிடங்களையும் மாணவர்கள் நலன் கருதி நிரப்ப வேண்டியுள்ளதால்,  இந்த சுழற்சி   பட்டியலில் வரிசை எண். 622 முதல் 820 வரை  இடம்பெற்றுள்ள முதுகலை ஆசிரியர் மற்றும் அரசு உயர்நிலைப் பள்ளி தலைமை ஆசிரியர்கள் அனைவரையும் தவறாமல் அரசு மேல்நிலைப் பள்ளி தலைமை ஆசிரியர் பதவி உயர்விற்கான கலந்தாய்வில் கலந்து கொள்ள வேண்டும். DOWNLOAD PANEL
விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழ்நாடு சிறப்பு இளைஞர் காவல் படைக்கு புதிதாக 10 ஆயிரத்து 500 பேர் தேர்வு செய்யப்பட உள்ளனர். இதற்கான பணி நடந்து வருவதாக அதிகாரிகள் தரப்பில் தெரிவிக்கப்பட்டுள்ளது.

சிறப்பு இளைஞர் காவல் படைக்கு 10,500 பேர் நியமனம் | தமிழ்நாடு சிறப்பு இளைஞர் காவல் படைக்கு புதிதாக 10 ஆயிரத்து 500 பேர் தேர்வு செய்யப்பட உள்ளனர். இதற் கான பணி நடந்து வருவதாக அதிகாரிகள் தரப்பில் தெரிவிக் கப்பட்டுள்ளது. தமிழ்நாடு சீருடைப் பணி யாளர் தேர்வு வாரியத்தால் 2014-ல் சிறப்புக் காவல் இளைஞர் படைக்கு ஆட்கள் தேர்வு செய்யப்பட்டனர். இதில் 10 ஆயிரத்து 99 நபர்களில், 8 ஆயிரத்து 500 பேர் இரண்டாம் நிலைக் காவலர்களாகத் தமிழ்நாடு சிறப்புக் காவல் படையில் சேர்க்கப்பட்டுள்ளனர். இதன் தொடர்ச்சியாக, தமிழ்நாடு சிறப்புக் காவல் இளைஞர் படையில் காலியாக உள்ள இடங்களுக்கு, மேலும் 10 ஆயிரத்து 500 பேர், 2017 மற்றும் 2018-ம் ஆண்டில் தமிழ்நாடு சீருடைப் பணியாளர் தேர்வு வாரியம் மூலம் தேர்வு செய்யப்படுவார்கள் என அறிவிப்பு வெளியிடப்பட்டது. இதுகுறித்து, போலீஸ் உயர் அதிகாரி ஒருவர் கூறும் போது, "தமிழ்நாடு சிறப்பு காவல் இளைஞர் படையில் சேர அடுத்த மாதம் 23-ம் தேதி முதல் விண்ணப்பம் விநியோகிக்கப்பட உள்ளது. இதனை அனைத்து தபால் நிலையங்களிலும் பெற் றுக் கொள்ளலாம். அக்டோபர் 1-ம் தேதி வரை பெற்றுக்கொள்ளும் வகையில் நடவடிக்கை எடுக் கப்பட்டு வருகிறது. தேர்வு நாள் நவம்பர் 10-ம் தேதி தமிழகம் முழுவதும் நடக்க ஏற்பாடு செய்யப்பட்டு வருகிறது" என்றார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

நீட் தேர்வில் இருந்து தமிழகத்துக்கு விலக்கு? மத்திய அரசு சம்மதம் தெரிவித்திருப்பதாக தகவல்-மாணவர்கள், பெற்றோர் மகிழ்ச்சி

நீட் தேர்வில் இருந்து தமிழகத்துக்கு விலக்கு? மத்திய அரசு சம்மதம் தெரிவித்திருப்பதாக தகவல்-மாணவர்கள், பெற்றோர் மகிழ்ச்சி | நீட் தேர்வில் இருந்து தமிழகத்துக்கு விலக்கு அளிக்க மத்திய அரசு சம்மதம் தெரிவித்திருப்பதாக தகவல் வெளியாகியுள்ளன. இதனால் மாணவர்கள், பெற்றோர் மகிழ்ச்சி அடைந்துள்ளனர். தமிழகத்தில் அரசு மருத்துவக் கல்லூரிகள் மற்றும் தனியார் மருத்துவக் கல்லூரிகளில் உள்ள அரசு ஒதுக்கீட்டுக்கான இளநிலை, முதுநிலை படிப்புகளுக்கு தேசிய தகுதி மற்றும் நுழைவுத் தேர்வில் (NEET - நீட்) இருந்து விலக்கு அளிக்க கோரும் சட்ட மசோதாக் கள் தமிழக சட்டப்பேரவையில் கடந்த பிப்ரவரி 1-ம் தேதி நிறை வேற்றப்பட்டன. இந்த சட்ட மசோ தாக்கள் குடியரசுத் தலைவர் ஒப்பு தலுக்காக அனுப்பி வைக்கப்பட் டன. அது ஏற்கப்படுகிறதா, நிராகரிக்கப்படுகிறதா என எந்த முடிவும் தெரிவிக்கப்படவில்லை. இந்த சூழலில், நீட் தேர்வு மதிப்பெண் அடிப்படையில் முது நிலை மருத்துவப் படிப்புகளுக் கான கலந்தாய்வு நடத்தி முடிக் கப்பட்டது. இதில் அரசு மருத்து வர்களுக்கான 50 சதவீத இடஒதுக் கீடுக்கு பதிலாக, புதிதாக மதிப் பெண் முறை கொண்டுவரப்பட் டது. இதைத் தொடர்ந்து நீட் மதிப்பெண் அடிப்படையில் எம்பிபிஎஸ், பிடிஎஸ் படிப்புக ளுக்கும் கலந்தாய்வு நடத்த வேண்டிய நிலை ஏற்பட்டது. இதற்கிடையில், ஏழை, கிரா மப்புற மாணவர்கள் பாதிக்கப் படுவதை தடுக்க எம்பிபிஎஸ், பிடிஎஸ் படிப்புகளுக்கான மாண வர் சேர்க்கையில் மாநில பாடத் திட்டத்தில் படித்த மாணவர் களுக்கு 85 சதவீத உள்ஒதுக்கீடு வழங்கி தமிழக அரசு அரசாணை வெளியிட்டது. எம்பிபிஎஸ், பிடிஎஸ் படிப்புகளுக்கான கலந் தாய்வை கடந்த 17-ம் தேதி தொடங்க தமிழக அரசு திட்ட மிட்டிருந்தது. கடந்த 14-ம் தேதி தரவரிசைப் பட்டியல் வெளியிட இருந்த நிலையில், சிபிஎஸ்இ மாணவர்கள் தொடர்ந்த வழக்கில், தமிழக அரசின் அரசாணையை ரத்து செய்து சென்னை உயர் நீதிமன்றம் உத்தரவிட்டது. இதனால் திட்டமிட்டபடி கலந்தாய்வு தொடங்கவில்லை. தரவரிசைப் பட்டியலும் வெளியி டப்படவில்லை. அந்தத் தீர்ப்பை எதிர்த்து தமிழக அரசு மேல் முறையீடு செய்தது. அந்த வழக்கு சென்னை உயர் நீதிமன்றத்தில் நிலுவையில் இருக்கிறது. இந்த நிலையில், நீட் தேர்வில் இருந்து விலக்கு பெறுவது ஒன்றே தீர்வு என்பதை உணர்ந்த தமிழக அரசு, பிரதமர் மோடியை சந்தித்து வலியுறுத்த முடிவு செய்தது. அதன்படி நேற்று டெல்லி சென்ற முதல்வர் கே.பழனிசாமி பிரதமர் மோடியை சந்தித்து நீட் தேர்வில் இருந்து தமிழகத்துக்கு விலக்கு அளிக்குமாறு வேண்டுகோள் விடுத்தார். சுகாதாரத் துறை அமைச்சர் சி.விஜயபாஸ்கர், செயலாளர் ஜெ.ராதாகிருஷ்ணன் உள்ளிட்டோர் உடன் இருந்தனர். நீட் தேர்வில் இருந்து தமிழகத் துக்கு விலக்கு கோரி பல்வேறு கட்சியினரும் தொடர்ந்து வலியு றுத்தி வருகின்றனர். இக்கோரிக் கையை வலியுறுத்தி பிரதமர் மோடியை முன்னாள் முதல்வர் ஓ.பன்னீர்செல்வம் சந்தித்தார். குடியரசுத் தலைவர், உள்துறை அமைச்சர் ராஜ்நாத் சிங்கை அன்புமணி ராமதாஸ் சந்தித் தார். சி.விஜயபாஸ்கர் தலைமையி லான அமைச்சர்கள் குழுவினர், அதிமுக, திமுக எம்பிக்கள் மத்திய அமைச்சர்களை சந்தித்தனர். இந்நிலையில், தமிழகத்துக்கு நீட் தேர்வில் இருந்து 2 அல்லது 3 ஆண்டுகள் வரை விலக்கு அளிக்க மத்திய அரசு சம்மதம் தெரிவித்திருப்பதாக நேற்று தகவல்கள் வெளியாயின. இதனால் மாணவர்கள், பெற்றோர் மகிழ்ச்சி அடைந்துள்ளனர். இதுபற்றி சுகாதாரத் துறை அதிகாரிகள், மருத்துவர்கள் சங்க நிர்வாகிகளிடம் கேட்டபோது, ''நீட் தேர்வில் இருந்து தமிழகத்துக்கு விலக்கு அளிக்க மத்திய அரசு சம்மதம் தெரிவித்திருப்பதாக தகவல்கள் வெளியாகின்றன. இன்னும் உறுதியான தகவல்கள் கிடைக்கவில்லை. நீட் தேர்வில் இருந்து விலக்கு கிடைத்தால் ஏழை, கிராமப்புற மாணவர்க ளுக்கு மிகவும் பயனுள்ளதாக இருக்கும்'' என்றனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கிண்டி ஐடிஐ-யில் சேர விண்ணப்பிக்கலாம்.

கிண்டி ஐடிஐ-யில் சேர விண்ணப்பிக்கலாம் | கிண்டி ஐடிஐ தொழிற்பயிற்சி நிலையத்தில் சேர்க்கைக்கான விண்ணப்பங்கள் இரண்டாம் கட்டமாக வரவேற்கப்படுகின்றன. இதுகுறித்து சென்னை மாவட்ட ஆட்சியர் வெ.அன்புச்செல்வன்  வெளியிட்ட செய்திக்குறிப்பில் கூறியிருப்பதாவது:- சென்னை அரசினர் தொழிற்பயிற்சி நிலையத்தில் காலியாகவுள்ள தொழில்நுட்பப் பயிற்சிகளுக்கு www.skilltraining.tn.gov.in என்ற இணையதளத்தில் விண்ணப்பிக்கலாம். ஆண்கள் 14 வயது முதல் 40 வயது வரை விண்ணப்பிக்கலாம். பெண்கள் 14 வயது முதல் வயது உச்சவரம்பு இல்லை. விண்ணப்பதாரர் ஒன்றுக்கு மேற்பட்ட மாவட்டங்களில் விண்ணப்பிக்க விரும்பினால் ஒவ்வொரு மாவட்டத்துக்கும் தனித்தனியாக இணையதளத்தில் பதிவேற்றம் செய்ய வேண்டும். மேலும் பயிற்சி காலத்தில் மாதந்தோறும் அரசு உதவித் தொகையாக ரூ.500 வழங்கப்படும். மேலும், அரசின் இலவச மடிக்கணினி, பாடப்புத்தகம், வரைபடக் கருவிகள், சீருடைகள், மிதிவண்டி, இலவச பஸ் பாஸ் ஆகியனவும் வழங்கப்படுகிறது. மேலும் விவரங்கள் பெற துணை இயக்குனர், அரசினர் தொழிற்பயிற்சி நிலையம், கிண்டி, சென்னை-32 என்ற முகவரியில் தொடர்பு கொண்டு பயன்பெறலாம் என்று செய்திக்குறிப்பில் கூறப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

குடியரசுத் தலைவராக ராம்நாத் கோவிந்த் பதவியேற்றார்

குடியரசுத் தலைவராக ராம்நாத் கோவிந்த் பதவியேற்றார் நாடாளுமன்ற மைய மண்டபத்தில் நடைபெற்ற நிகழ்ச்சியில் உச்ச நீதிமன்ற தலைமை நீதிபதி ஜே.எஸ்.கேஹர் பதவிப் பிரமாணம் செய்து வைத்தார் புதுடெல்லி நாடாளுமன்ற மைய மண்டபத்தில்  நடைபெற்ற நிகழ்ச்சியில் நாட்டின் 14-வது குடியரசுத் தலைவராக ராம்நாத் கோவிந்த் (71) பதவியேற்றுக் கொண்டார். அவருக்கு உச்ச நீதிமன்ற தலைமை நீதிபதி ஜே.எஸ்.கேஹர் பதவிப் பிரமாணம் செய்து வைத்தார். நாட்டின் 13-வது குடியரசுத் தலைவராக இருந்த பிரணாப் முகர்ஜியின் பதவிக்காலம் கடந்த 24-ம் தேதியுடன் முடிவடைந்தது. புதிய குடியரசுத் தலைவரை தேர்ந்தெடுப்பதற்கான தேர்தல் கடந்த 17-ம் தேதி நடைபெற்றது. இதில் பாஜக கூட்டணி சார்பில் பிஹார் மாநில முன்னாள் ஆளுநர் ராம்நாத் கோவிந்தும், காங்கிரஸ் உள்ளிட்ட எதிர்க்கட்சிகள் சார்பில், மக்களவை முன்னாள் தலைவர் மீரா குமாரும் போட்டியிட்டனர். நாடு முழுவதும் உள்ள எம்எல்ஏக்கள், எம்பிக்கள் வாக்களித்தனர். தேர்தல் முடிவு கடந்த 20-ம் தேதி வெளியானது. இதில் ராம்நாத் கோவிந்த் 65.65 சதவீத வாக்குகள் பெற்று வெற்றி பெற்று புதிய குடியரசுத் தலைவராக தேர்வானார். இந்நிலையில், குடியரசுத் தலைவராக இருந்து வந்த பிரணாப் முகர்ஜியின் பதவிக்காலம் முடிந்தது. அவருக்கு கடந்த ஞாயிற்றுக்கிழமை பிரிவு உபசார நிகழ்ச்சி நடைபெற்றது. இதையடுத்து புதிய குடியரசுத் தலைவரின் பதவியேற்பு விழா நேற்று நடைபெற்றது. இந்நிகழ்ச்சியில் கலந்து கொள்வதற்காக குடியரசுத் தலைவர் மாளிகையில் இருந்து பிரணாப் முகர்ஜியும், ராம்நாத் கோவிந்தும் நாடாளுமன்றத்துக்கு புறப்பட்டுச் சென்றனர். செல்லும் வழியில் ராணுவ வீரர்கள் அணி வகுத்து மரியாதை செலுத்தினர். நாடாளுமன்ற வாயிலில் இருவரையும் குடியரசு துணைத் தலைவர் ஹமீது அன்சாரி, மக்களவைத் தலைவர் சுமித்ரா மகாஜன், உச்ச நீதிமன்ற தலைமை நீதிபதி ஜே.எஸ்.கேஹர் ஆகியோர் வரவேற்று நாடாளுமன்ற மைய மண்டபத்துக்கு அழைத்துச் சென்றனர். அங்கு நடந்த நிகழ்ச்சியில் நாட்டின் 14-வது குடியரசுத் தலைவராக ராம்நாத் கோவிந்த் பதவியேற்றார். அவருக்கு உச்ச நீதிமன்ற தலைமை நீதிபதி ஜே.எஸ்.கேஹர் பதவிப் பிரமாணம் செய்து வைத்தார். குடியரசுத் தலைவராக பதவியேற்ற ராம்நாத் கோவிந்துக்கு பிரணாப் முகர்ஜி, பிரதமர் நரேந்திர மோடி, மத்திய அமைச்சர்கள், மாநில முதல்வர்கள் உள்ளிட்டோர் வாழ்த்து தெரிவித்தனர். பின்னர், குடியரசுத் தலைவர் மாளிகைக்கு பாரம்பரிய மரியாதை களுடன் ராம்நாத் கோவிந்த் அழைத்துச் செல்லப்பட்டார். அங்கு பதிவேட்டில் கையெழுத்திட்டு குடியரசுத் தலைவராக பொறுப் பேற்றுக் கொண்டார். 
விரிவாக படிக்க இங்கே கிளிக் செய்யுங்கள் | READ MORE | CLICK HERE

ராமேசுவரத்தில் ரூ.15 கோடி செலவில் அப்துல் கலாம் மணிமண்டபம் பிரதமர் மோடி நாளை (27.07.2017)திறந்து வைக்கிறார்.

ராமேசுவரத்தில் ரூ.15 கோடி செலவில் அப்துல் கலாம் மணிமண்டபம் பிரதமர் மோடி நாளை திறந்து வைக்கிறார் | ராமேசுவரத்தில் ரூ.15 கோடி செலவில் கட்டப்பட்ட அப்துல் கலாம் மணிமண்டபத்தை பிரதமர் மோடி நாளை (வியாழக்கிழமை) திறந்துவைக்கிறார். ராமநாதபுரம் மாவட்டம் ராமேசுவரத்தை அடுத்த தங்கச்சிமடத்தில் பேய்க்கரும்பு பகுதியில் முன்னாள் ஜனாதிபதி அப்துல் கலாமின் நினைவிடம் உள்ளது. இங்கு மத்திய அரசின் பாதுகாப்புத்துறை சார்பில் ரூ.15 கோடி செலவில் அப்துல் கலாம் மணிமண்டபம் பிரமாண்டமாக கட்டப்பட்டுள்ளது. இதில், அக்னி ஏவுகணையின் மாதிரி வடிவம், செயற்கைகோள் மாதிரி, கலாமின் 700-க்கும் மேற்பட்ட புகைப்படங்கள், அவர் தொடர்பான 91 ஓவியங்கள் இடம்பெற்றுள்ளன. அப்துல் கலாமின் 2-ம் ஆண்டு நினைவு தினமான நாளை (வியாழக்கிழமை) இந்த மணிமண்டபத்தை பிரதமர் நரேந்திர மோடி திறந்துவைக்கிறார். இதற்காக அவர் டெல்லியில் இருந்து தனி விமானத்தில் புறப்பட்டு மதுரைக்கு நாளை காலை 10 மணி அளவில் வருகிறார். அங்கிருந்து ராணுவ ஹெலிகாப்டர் மூலம் புறப்பட்டு காலை 11 மணிக்கு மண்டபம் முகாமில் அமைக்கப்பட்டுள்ள ஹெலிகாப்டர் இறங்கு தளத்தை அடைகிறார். அதன்பின் கார் மூலம் புறப்பட்டு காலை 11.20 மணிக்கு அப்துல் கலாம் மணிமண்டபத்துக்கு வருகிறார். அங்கு அமைக்கப்பட்டுள்ள கொடிக்கம்பத்தில் பிரதமர் தேசிய கொடி ஏற்றுகிறார். பின்பு மணிமண்டபத்தை திறந்துவைக்கிறார். 
பிறகு ராமேசுவரத்தில் இருந்து டெல்லி வரை செல்லும் 'அப்துல்கலாம்-2020' என்ற சாதனை பிரசார வாகனத்தை அவர் கொடி அசைத்து தொடங்கிவைக்கிறார். இதையடுத்து, அங்கிருந்து காலை 11.55 மணிக்கு புறப்பட்டு மண்டபம் முகாம் அருகே இந்திய கடலோர காவல்படை குடியிருப்பு பகுதியில் அமைக்கப்பட்டுள்ள விழா மேடைக்கு வருகிறார். அங்கு ராமேசுவரம்-அயோத்தி இடையேயான புதிய ரெயில் சேவையையும், ஆழ்கடல் மீன்பிடிப்பு திட்டத்தையும் தொடங்கிவைத்து சிறப்புரையாற்றுகிறார். விழாவில், முதல்-அமைச்சர் எடப்பாடி பழனிசாமி, மத்திய மந்திரிகள் நிர்மலா சீதாராமன், பொன்.ராதாகிருஷ்ணன், தமிழக பா.ஜ.க. தலைவர் தமிழிசை சவுந்தரராஜன் மற்றும் மத்திய-மாநில அமைச்சர்கள், முக்கிய பிரமுகர்கள் கலந்துகொள்கின்றனர். பிரதமர் வருகையையொட்டி பலத்த பாதுகாப்பு ஏற்பாடுகள் செய்யப்பட்டுள்ளன. மண்டபம் முதல் ராமேசுவரம் வரை 2000-க்கும் மேற்பட்ட போலீசார் பாதுகாப்பு பணியில் ஈடுபடுத்தப்படுகிறார்கள். சாலையின் இருபுறமும் தடுப்பு வேலிகள் அமைத்து அனைத்து வாகனங்களையும் போலீசார் தீவிர சோதனை செய்து வருகின்றனர். இதேபோல, ராமேசுவரம் மற்றும் அதனை சுற்றியுள்ள பகுதிகளிலும் துணை ராணுவப்படையினர் பாதுகாப்பு பணியில் ஈடுபடுத்தப்பட்டுள்ளனர். பிரதமர் வந்து செல்வதற்கான ஏற்பாடுகளை ராணுவ ஆராய்ச்சி மற்றும் வளர்ச்சி நிறுவனம் மேற்கொண்டு வருகிறது. பாம்பன், மண்டபம், ராமேசுவரம் ரெயில் நிலையங்களை நேற்று முன்தினம் நள்ளிரவு முதல் துணை ராணுவம் தனது முழு கட்டுப்பாட்டில் கொண்டு வந்துள்ளது. இந்த ரெயில் நிலையங்களில் பார்சல்கள் அனுப்ப தற்காலிக தடை விதிக்கப்பட்டுள்ளது. பயணிகள் போக்குவரத்து மட்டுமே முழுமையாக மேற்கொள்ளப்படுகிறது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

பள்ளி, கல்லூரி, அரசு அலுவலகம், தொழிற்சாலைகளில் ‘வந்தே மாதரம்’ பாடலை பாடவேண்டும் ஐகோர்ட்டு உத்தரவு.

பள்ளி, கல்லூரி, அரசு அலுவலகம், தொழிற்சாலைகளில் 'வந்தே மாதரம்' பாடலை பாடவேண்டும் ஐகோர்ட்டு உத்தரவு | பள்ளிகள், கல்லூரிகள், அரசு அலுவலகங்கள், தொழிற்சாலைகள், தனியார் நிறுவனங்களில் தேசபக்தி பாடலான 'வந்தே மாதரம்' பாடலை பாடவேண்டும் என்று சென்னை ஐகோர்ட்டு நீதிபதி எம்.வி.முரளிதரன் உத்தரவிட்டுள்ளார். ஆசிரியர் தேர்வு வாரியம் நடத்திய பட்டதாரி ஆசிரியர்களுக்கான தகுதித்தேர்வில் பங்கேற்ற கே.வீரமணி என்பவர், சென்னை ஐகோர்ட்டில் ஒரு மனு தாக்கல் செய்தார். அதில், 'ஆசிரியர் தகுதித்தேர்வில் இரண்டாம் தாளுக்கான 'டி' டைப் வினாத்தாளில் கேள்வி எண் 107-ல் 'வந்தே மாதரம்' என்ற பாடல் எந்த மொழியில் முதலில் எழுதப்பட்டது? என கேட்கப்பட்டு இருந்தது. அதற்கு நான் வங்க மொழி என பதில் அளித்து இருந்தேன். ஆனால் 'கீ-ஆன்சரில்' சமஸ்கிருதம் என உள்ளது. அனைத்து பாடப்புத்தகங்களிலும் வந்தே மாதரம் வங்க மொழியில் எழுதப்பட்டது என்றுதான் உள்ளது. இதனால் இந்த தேர்வில் 89 மதிப்பெண் பெற்ற என்னால் 90 மதிப்பெண் பெற்று தேர்ச்சிபெற முடியவில்லை. எனவே, எனக்கு ஒரு மதிப்பெண் வழங்கி என்னை தேர்ச்சி பெற்றவனாக அறிவிக்க வேண்டும். அதுவரை ஒரு ஆசிரியர் பணியிடத்தை நிரப்பாமல் காலியாக வைத்திருக்க உத்தரவிட வேண்டும்' என்று கூறியிருந்தார். அட்வகேட் ஜெனரல் விளக்கம் இந்த மனுவை விசாரித்த ஐகோர்ட்டு நீதிபதி எம்.வி.முரளிதரன், இதுதொடர்பாக அட்வகேட் ஜெனரல் விளக்கம் அளிக்க வேண்டும் என்றும், வக்கீல்கள், ஆசிரியர்கள், பொதுமக்கள் ஆகியோரும் இந்த பாடல் எந்த மொழியில் முதலில் எழுதப்பட்டது? என்பதற்கு ஆதாரங்களுடன், இந்த ஐகோர்ட்டுக்கு உதவலாம் என்றும் உத்தரவிட்டார். இதையடுத்து இந்த வழக்கு மீண்டும் விசாரணைக்கு வந்தபோது, அட்வகேட் ஜெனரல் ஆர்.முத்துகுமாரசாமி ஆஜராகி, 'வந்தே மாதரம் பாடல் வங்க மொழியில் எழுதப்பட்ட சமஸ்கிருத பாடல்' என்று விளக்கம் அளித்தார். ஐகோர்ட்டு வக்கீல்கள் எஸ்.சுஜாதா, ஏ.எஸ்.பிலால், அண்ணாத்துரை ஆகியோர் இது சமஸ்கிருத பாடல் அல்ல. வங்கமொழியில் எழுதப்பட்ட பாடல் என்று ஆதாரங்களுடன் வாதிட்டார்கள். அனைத்து தரப்பு வாதங்களையும் கேட்டறிந்த நீதிபதி எம்.வி.முரளிதரன்... DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

அரசு ஊழியர்கள், ஆசிரியர்கள் ஒரு நாள் வேலைநிறுத்தம் மத்திய அரசுக்கு இணையான ஊதியம் கோரி 22-ந் தேதி நடக்கிறது.

அரசு ஊழியர்கள், ஆசிரியர்கள் ஒரு நாள் வேலைநிறுத்தம் மத்திய அரசுக்கு இணையான ஊதியம் கோரி 22-ந் தேதி நடக்கிறது | மத்திய அரசு ஊழியர்களுக்கு இணையான ஊதியம் உள்ளிட்ட பல்வேறு கோரிக்கைகளை வலியுறுத்தி அடுத்த மாதம் 22-ந் தேதி ஒரு நாள் வேலைநிறுத்தம் செய்யப்போவதாக அரசு ஊழியர்கள், ஆசிரியர்கள் கூட்டமைப்பு அறிவித்துள்ளது. அரசு ஊழியர் மற்றும் ஆசிரியர்கள் சங்கங்கள் இணைந்த 'ஜாக்டோ-ஜியோ' கூட்டமைப்பு புதிய ஓய்வூதிய திட்டத்தை ரத்துசெய்து பழைய ஓய்வூதிய திட்டத்தை கொண்டுவர வேண்டும் என்பது உள்பட பல்வேறு கோரிக்கைகளை வலியுறுத்தி போராட்டம் நடத்தி வருகிறது. கோரிக்கைகளை நிறைவேற்றுவது தொடர்பாக ஒரு குழு அமைக்கப்பட்டுள்ளது. ஜாக்டோ-ஜியோ கூட்டமைப்பின் அவசர ஆலோசனை கூட்டம் தமிழ்நாடு அரசு கல்லூரி ஆசிரியர்கள் கழக அலுவலகத்தில் நேற்று நடைபெற்றது. கூட்ட முடிவில் ஜாக்டோ-ஜியோ கூட்டமைப்பின் ஒருங்கிணைப்பாளர்கள் ஜெ.கணேசன், பெ.இளங்கோவன் மற்றும் உயர்மட்டக்குழு உறுப்பினர் அ.மாயவன் ஆகியோர் நிருபர்களுக்கு அளித்த பேட்டியில் கூறியதாவது:- பங்களிப்பு ஓய்வூதிய திட்டத்தை ரத்துசெய்து, பழைய ஓய்வூதிய திட்டத்தை அமல்படுத்த வேண்டும். மத்திய அரசுக்கு இணையான ஊதியம் வழங்க வேண்டும். ஊதிய உயர்வு வழங்க தாமதமானால் 20 சதவீதம் இடைக்கால நிவாரணம் வழங்க வேண்டும். ஊதிய முரண்பாடுகளை களையவேண்டும் என்பது உள்பட பல்வேறு கோரிக்கைகளை வலியுறுத்தி போராடி வருகிறோம். கோரிக்கைகளை நிறைவேற்றுவதற்காக அரசு அமைத்துள்ள குழு தீர்வுகாணாமல் காலநீட்டிப்பு செய்து வருகிறது. இதை கண்டித்தும், கோரிக்கைகளை நிறைவேற்ற வலியுறுத்தியும் ஆகஸ்டு 5-ந் தேதி கோட்டையை நோக்கி பேரணியாக செல்ல முடிவு செய்துள்ளோம். அதைத்தொடர்ந்து 22-ந் தேதி ஒரு நாள் அடையாள வேலைநிறுத்தம் செய்ய இருக்கிறோம். அதன்பிறகும் கோரிக்கைகள் நிறைவேற்றப்படவில்லை என்றால் செப்டம்பர் மாதம் 7-ந் தேதி முதல் காலவரையற்ற வேலைநிறுத்தம் செய்ய உள்ளோம். இவ்வாறு அவர்கள் தெரிவித்தனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

TUFIDCO RECRUITMENT 2017 | TUFIDCO RECRUITS COMPANY SECRETARY | NO OF POST 1 | LAST DATE 09..08.2017


>>>>>>>
§DATE OF NOTIFICATION20.07.2017
§EMPLOYMENT TYPE:Govt Job
§APPLICATION:OFFLINE
§WEBSITE:---
§NAME OF THE POST:COMPANY SECRETARY
§EDUCATIONAL QUALIFICATION:REFER PROSPECTUS
§VACANCIES:3
§SALARY:-
§SELECTION PROCEDURE:MERIT
§LAST DATE:09.08.2017
§DATE OF EXAMINATION:NIL
விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழகத்துக்கு ‘நீட்’ தேர்வில் இருந்து ஓராண்டு விலக்கு அளிக்க அவசர சட்டம் - தமிழக அரசு தீவிர ஆலோசனை.

தமிழகத்துக்கு 'நீட்' தேர்வில் இருந்து ஓராண்டு விலக்கு அளிக்க அவசர சட்டம் தமிழக அரசு தீவிர ஆலோசனை | 'நீட்' தேர்வில் இருந்து தமிழகத்துக்கு ஓராண்டு விலக்கு அளிப்பதற்காக அவசர சட்டம் கொண்டு வருவதற்கான தீவிர ஆலோசனையில் தமிழக அரசு இறங்கியுள்ளது. மருத்துவக் கல்வி இடங்களை 'நீட்' தேர்வு மூலம் மாணவர்களுக்கு ஒதுக்கீடு செய்ய மத்திய அரசு ஆணை பிறப்பித்தது. ஆனால், இந்தத் தேர்வினால் தமிழகத்தின் கிராமப்புற மாணவர்கள், பிற்படுத்தப்பட்ட வகுப்பினர் பலருக்கு மருத்துவக் கல்வியில் இடம் கிடைக்காத சூழ்நிலை எழுந்துள்ளது. இதுதொடர்பாக சட்ட சபையில் சட்டமசோதா தாக்கல் செய்யப்பட்டது. தமிழகத்தில் 'நீட்' தேர்வுக்கு நிரந்தரமாக விலக்கு அளிக்கும் சட்டத்தை ஏகமனதாக சட்டசபையில் தமிழக அரசு நிறைவேற்றி ஜனாதிபதியின் ஒப்புதலுக்கு அனுப்பி வைத்தது. மத்திய அரசின் உள்துறை அமைச்சகம் மூலம் ஜனாதிபதியிடம் இந்த சட்டமசோதா கொண்டு செல்லப்பட்டு, அதில் அவர் கையெழுத்திட்ட பிறகுதான் அது சட்டமாக்கப்படும். இதனிடையே, இந்த ஆண்டுக்காக 'நீட்' தேர்வு தமிழகத்தில் நடைபெற்றது. ஆனாலும், மாநிலப் பாடப் பிரிவில் படித்த மாணவர்கள் 85 சதவீதம் பேருக்கு மருத்துவக் கல்வி இடம் வழங்கப்படும் என்று தமிழக அரசு உத்தரவு பிறப்பித்தது. இந்த உத்தரவுக்கு நீதிமன்றம் தடைவிதித்துள்ளது. இதை எதிர்த்து தமிழக அரசு மேல்முறையீடு தாக்கல் செய்துள்ளது. 'நீட்' தேர்வு மூலம் தமிழக மாணவர்களுக்கு ஒட்டுமொத்தமாக இடையூறு ஏற்பட்டுள்ளதாகவும், அதை நீக்க அரசு முயற்சிகள் எடுக்கவேண்டும் என்று எதிர்க்கட்சி உள்பட பல்வேறு தரப்பில் கோரிக்கைகள் விடுக்கப்பட்டு வருகின்றன. சட்டரீதியாக கதவு அடைக்கப்பட்டதை அடுத்து, 'நீட்' தொடர்பான சட்ட மசோதாவுக்கு உயிர்கொடுக் கும் நடவடிக்கையில் தமிழக அரசு இறங்கியது. 'நீட்' சட்டமசோதாவுக்கு ஜனாதிபதியின் ஒப்புதலைப் பெறுவதற்காக முதல்-அமைச்சர் எடப்பாடி பழனிசாமி மற்றும் மூத்த அமைச்சர்கள் பலர் டெல்லிக்கு சென்று பிரதமர் நரேந்திர மோடி மற்றும் மத்திய மந்திரிகளை சந்தித்து வருகின்றனர். சில அமைச்சர்கள் அங்கு முகாமிட்டு கோரிக்கை விடுத்து வருகின்றனர். 'நீட்' பற்றி தமிழகத்தில் எழுப்பப்படும் கேள்விகளுக்கு தமிழக அமைச்சர்கள், "இந்த விவகாரத்தில் மத்திய அரசுக்கு அழுத்தம் கொடுத்து வருகிறோம்" என்று கூறி வருகின்றனர். இந்த நிலையில், 'நீட்' தேர்வில் இருந்து தற்காலிக விலக்குபெறும் முயற்சியில் தமிழக அரசு ஈடுபட்டு வருகிறது. இரண்டு ஆண்டுகளுக்கு விலக்கு அளிக்க வேண்டும் என்ற கோரிக்கையை தமிழக அரசு முன்வைத்துள்ள போதிலும், ஒரு ஆண்டுக்காவது 'நீட்' தேர்வில் இருந்து விலக்குபெற மாநில அதிகாரத்தைப் பயன்படுத்த முடியுமா?, அதற்கேற்ற அவசர சட்டத்தை கொண்டுவர முடியுமா?, அந்த அவசர சட்டத்துக்கு கவர்னர் ஒப்புதல் அளிப்பாரா? ஆகிய கேள்விகளை முன்வைத்து சட்டரீதியான ஆலோசனையில் ஈடுபட்டுள்ளது. இதுகுறித்து சுகாதாரத்துறை வட்டாரத்தில் கேட்டபோது, 'சட்டரீதியான ஆலோசனை நடப்பது உண்மை என்றாலும், அவசர சட்டம் தொடர்பாக இதுவரை முடிவு எதுவும் எடுக்கப்படவில்லை' என்று கூறப்பட்டது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, 25 July 2017

பள்ளிக் கல்வித்துறையில் மாதந்தோறும் 2 புதிய திட்டங்கள் அமைச்சர் செங்கோட்டையன் தகவல்.

பள்ளிக் கல்வித்துறையில் மாதந்தோறும் 2 புதிய திட்டங்கள் அமைச்சர் செங்கோட்டையன் தகவல் | எதிர்காலத்தில் சிறந்த மாணவர்களை உருவாக்கும் வகையில், கல்வித் துறையில் மாதந்தோறும் 2 புதிய திட்டங்கள் கொண்டு வரப்படும் என்று தமிழக பள்ளிக் கல்வித்துறை அமைச்சர் கே.ஏ.செங்கோட்டையன் தெரிவித்தார். ஈரோடு மாவட்டம் கோபியில் அவர் செய்தியாளர்களிடம் கூறியதாவது: அரசு நடுநிலைப் பள்ளிகளில், முதல் கட்டமாக 3 ஆயிரம் பள்ளிகளில், ரூ.60 கோடி மதிப்பில் ஸ்மார்ட் வகுப்புகள் தொடங்க நிதி ஒதுக்கப்பட்டுள்ளது. எதிர்காலத்தில் எஸ்எஸ்எல்சி மற்றும் பிளஸ் 2 தேர்வுகளில் மாணவர்கள் தேர்ச்சி பெறும் வகையிலும், மத்திய அரசின் போட்டித் தேர்வுகளில் வெற்றி பெறவும், ஒன்றிய மற்றும் நகராட்சி அளவில் பயிற்சி மையங்கள் தொடங்க நடவடிக்கை எடுக்கப்பட்டுள்ளது. குடிமைப் பணிகளுக்கான போட்டித் தேர்வு எழுதும் மாணவர்களுக்கு மாவட்ட நூலகங்களில் பயிற்சி அளிக்கப்படும். எதிர்காலத்தில் சிறந்த மாணவர்களை உருவாக்க, பள்ளிக் கல்வித்துறையில் மாதந்தோறும் 2 புதிய திட்டங்கள் உருவாக்கப்படும் என்றார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

மின் வாரியத்தில் 950 காலி பணியிடங்களுக்கு ஆட்கள் தேர்வு. அண்ணா பல்கலைக்கழகம் மூலம் எழுத்துத் தேர்வு நடத்தப்படும். விரைவில் தேர்வு தொடர்பான அறிவிப்பு வெளியிடப்பட உள்ளது.

மின் வாரியத்தில் 950 காலி பணியிடங்களுக்கு விரைவில் ஆட்கள் தேர்வு செய்ய முடிவு | தமிழ்நாடு மின் வாரியத்தில் உதவியாளர், கணக்கீட்டாளர் உள்ளிட்ட 950 காலி பணியிடங்களுக்கு விரைவில் ஆட்கள் தேர்வு செய்யப்பட உள்ளனர். மின் வாரியத்தில் ஏராளமான காலி பணியிடங்கள் உள்ளன. இதனால், ஊழியர்களுக்கு வேலைப்பளு அதிகரித்து வரு கிறது. ஊழியர்களின் வேலைப் பளுவை குறைக்கும் வகையில் காலியாக உள்ள பணியிடங்களை நிரப்ப மின் வாரியம் நடவடிக்கை மேற்கொண்டு வருகிறது. இதன்படி 325 உதவி பொறி யாளர்கள், 300 தொழில்நுட்ப உதவி யாளர்கள், 250 இளநிலை உதவி யாளர்கள், 400 உதவியாளர்கள், 300 கணக்கீட்டாளர்கள் என, 1,925 பணியிடங்களுக்கு ஆட்கள் தேர்வு செய்யப்பட உள்ளனர். இதற்கான அறிவிப்பை சட்டப் பேரவையில் தமிழக மின்துறை அமைச்சர் தங்கமணி வெளியிட்டார். இந்நிலையில், முதற்கட்டமாக 250 இளநிலை உதவியாளர்கள் - கணக்கு, 300 தொழில்நுட்ப உதவியாளர்கள், 400 உதவியாளர் கள் என 950 காலி பணியிடங்கள் எழுத்துத் தேர்வு மூலம் நிரப்பு வதற்கான அரசாணை தற்போது வெளியிடப்பட்டு உள்ளது. அண்ணா பல்கலைக்கழகம் மூலம் எழுத்துத் தேர்வு நடத்தப்படும். விரைவில் தேர்வு தொடர்பான அறிவிப்பு வெளியிடப்படும் என மின்வாரிய அதிகாரி ஒருவர் கூறினார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

மீன்வள உதவி ஆய்வாளர் பணியிடத்திற்கு சான்றிதழ் சரிபார்ப்பு 28-ந்தேதி நடக்கிறது

மீன்வள உதவி ஆய்வாளர் பணியிடத்திற்கு சான்றிதழ் சரிபார்ப்பு 28-ந்தேதி நடக்கிறது | தமிழ்நாடு மீன்வள சார்நிலைப்பணியில் அடங்கிய மீன்வள உதவி ஆய்வாளர் (12 காலிப்பணியிடங்கள்) மற்றும் முதலாள் (கடல் சார்ந்தது) (4 காலிப்பணியிடங்கள்) பதவிகளுக்கான எழுத்துத்தேர்வு கடந்த ஆண்டு டிசம்பர் மாதம் நடைபெற்றது. அதில் 1,529 பேர் பங்கேற்றனர். விண்ணப்பதாரர்கள் தேர்வில் பெற்ற மதிப்பெண்கள், இடஒதுக்கீட்டு விதி அடிப்படையில், சான்றிதழ் சரிபார்ப்பிற்கு 37 பேர் தற்காலிகமாக தேர்வு செய்யப்பட்டு உள்ளனர். அதுபற்றிய விவரம் தேர்வாணைய இணைய தளத்தில் ( www.tnpsc.gov.in ) வெளியிடப்பட்டுள்ளது. இதற்கான சான்றிதழ் சரிபார்ப்பு வருகிற 28-ந்தேதி தேர்வாணைய அலுவலகத்தில் நடக்கிறது. இந்த தகவல் டி.என்.பி.எஸ்.சி. வெளியிட்டுள்ள செய்திக்குறிப்பில் கூறப்பட்டு உள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

PLUS TWO RESULT | பிளஸ்-2 சிறப்புத் துணைத்தேர்வு எழுதிய தனித்தேர்வர்களுக்கான தேர்வு முடிவு இன்று (25.07.2017) வெளியாகிறது.

பிளஸ்-2 சிறப்பு துணைத்தேர்வு முடிவு இன்று வெளியீடு சான்றிதழை இணையதளத்தில் பதிவிறக்கம் செய்து கொள்ளலாம் | பிளஸ்-2 சிறப்புத் துணைத்தேர்வு எழுதிய தனித்தேர்வர்களுக்கான தேர்வு முடிவு இன்று (செவ்வாய்க்கிழமை) வெளியாகிறது. இன்று பிற்பகல் முதல் இணையதளத்தில் இருந்து தங்களது பதிவெண் மற்றும் பிறந்த தேதியை பதிவு செய்து ஆன்லைனில் தற்காலிக மதிப்பெண் சான்றிதழை பதிவிறக்கம் செய்துகொள்ளலாம். www.dge.tn.nic.in என்ற இணையதள முகவரியில் இருந்து சான்றிதழை பதிவிறக்கம் செய்துகொள்ள வேண்டும். விடைத்தாள் நகல் மற்றும் மறுகூட்டலுக்கு விண்ணப்பிக்க விரும்பும் தனித்தேர்வர்கள் உரிய முதன்மைக் கல்வி அலுவலர் அலுவலகத்திற்கு 27 மற்றும் 28-ந் தேதிகளில் நேரில் சென்று உரிய கட்டணம் செலுத்தி பதிவு செய்து கொள்ளவேண்டும். இந்த தகவலை அரசு தேர்வுகள் இயக்குனர் தண்.வசுந்தராதேவி தெரிவித்துள்ளார்   DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

எஸ்.எஸ்.எல்.சி. சான்றிதழ் நாளை முதல் (25.07.2017 )வினியோகம். பெயரில் திருத்தம் செய்ய 4-ந் தேதி கடைசி நாள்

எஸ்.எஸ்.எல்.சி. சான்றிதழ் நாளை முதல் (25.07.2017 )வினியோகம் பெயரில் திருத்தம் செய்ய 4-ந் தேதி கடைசி நாள் | எஸ்.எஸ்.எல்.சி. மதிப் பெண் சான்றிதழ் நாளை முதல் பள்ளிக்கூடங்களில் வினியோகிக்கப்படும். பெயரில் ஏதேனும் தவறு இருந்தால் திருத்தம் மேற்கொள்வதற்காக விண்ணப்பிக்க 4-ந் தேதி கடைசி நாள் ஆகும். இது குறித்து அரசு தேர்வுகள் துறை இயக்குனரகம் வெளியிட்டுள்ள செய்திக்குறிப்பில் கூறியிருப்பதாவது:- மார்ச் மாதம் நடைபெற்ற எஸ்.எஸ்.எல்.சி. பொதுத்தேர்வை எழுதிய மாணவ- மாணவிகளுக்கு நாளை (புதன்கிழமை) காலை 10 மணி முதல் அந்தந்த பள்ளி தலைமை ஆசிரியர்கள் மூலம் அசல் மதிப்பெண் சான்றிதழ் வினியோகம் செய்யப்படும். தனித்தேர்வர்கள் தமது மதிப்பெண் சான்றிதழ்களை அவர்கள் தேர்வு எழுதிய தேர்வு மையத்திலேயே பெற்றுக்கொள்ளலாம். மதிப்பெண் சான்றிதழ்களில் மாணவர்களின் பெயர் முதன் முறையாக தமிழில் பதிவு செய்யப்பட்டு வழங்கப்படுகிறது. பெயரில் ஏதேனும் தவறு இருந்தால் தாங்கள் படித்த பள்ளிகளுக்கு நேரில் சென்று, பெயரில் திருத்தம் கோரும் கோரிக்கை கடிதத்தை பள்ளி தலைமை ஆசிரியரிடம் நாளை முதல் அடுத்த மாதம் (ஆகஸ்டு) 4-ந் தேதிக்குள் அளிக்கலாம். திருத்தங்கள் கோரும் மாணவ-மாணவிகளிடம் இருந்து விண்ணப்பத்தை பெறவும், திருத்தங்களை இணையதளம் வழியாக அரசுத்தேர்வு துறைக்கு அனுப்பவும், பள்ளி தலைமை ஆசிரியர்களுக்கு மாவட்ட கல்வி அலுவலர்கள் மூலமாக அறிவுறுத்தப்பட்டு உள்ளது. பெயரில் திருத்தங்கள் மேற்கொள்ளப்பட்ட புதிய மதிப்பெண் சான்றிதழ்களை அடுத்த மாதம் 21-ந் தேதி முதல் தாங்கள் பயின்ற பள்ளிகளுக்கு சென்று பெற்றுக்கொள்ளலாம். புதிய மதிப்பெண் சான்றிதழை பெறும்போது ஏற்கனவே பெற்ற பழைய அசல் மதிப்பெண் சான்றிதழை பள்ளிகளில் ஒப்படைக்க வேண்டும். இவ்வாறு அதில் கூறப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

‘நீட்’ தேர்வில் இருந்து விலக்கு அளிக்கும் சட்ட மசோதாவுக்கு விரைவாக ஒப்புதல் பெறக்கோரி வழக்கு ஐகோர்ட்டில் விசாரணை தள்ளிவைப்பு

'நீட்' தேர்வில் இருந்து விலக்கு அளிக்கும் சட்ட மசோதாவுக்கு விரைவாக ஒப்புதல் பெறக்கோரி வழக்கு ஐகோர்ட்டில் விசாரணை தள்ளிவைப்பு | 'நீட்' தேர்வில் இருந்து தமிழகத்துக்கு விலக்கு அளிக்கும் சட்ட மசோதாவுக்கு ஜனாதிபதியிடம் ஒப்புதல் பெறும் நடவடிக்கையை விரைவாக மேற்கொள்ள வேண்டும் என்று தொடரப்பட்ட வழக்கின் விசாரணை ஐகோர்ட்டில் தள்ளிவைக்கப்பட்டுள்ளது. சென்னை ஐகோர்ட்டில், கல்வியாளர் பிரின்ஸ் கஜேந்திரபாபு தாக்கல் செய்துள்ள பொதுநல மனுவில், 'மருத்துவப் படிப்புக்காக நாடு முழுவதும் 'நீட்' தேர்வு நடத்தப்பட்டது. இந்த தேர்வில் இருந்து தமிழக மாணவர்களுக்கு விலக்கு அளித்து தமிழக சட்டசபையில் ஒரு மனதாக சட்ட மசோதா நிறைவேற்றப்பட்டு, குடியரசுத் தலைவரின் ஒப்புதலுக்காக கடந்த பிப்ரவரி மாதம் அனுப்பி வைக்கப்பட்டுள்ளது. ஆனால், இதுவரை எந்தப் பதிலும் இல்லை. அந்த கோப்புகள் தற்போது எங்கு உள்ளது என்பதும் தெரியாமல் உள்ளது. எனவே, 'நீட்' தேர்வுக்கான அந்த சட்ட மசோதாவிற்கு ஒப்புதல் பெறும் நடைமுறைகளை விரைவுபடுத்த மத்திய உள்துறை அமைச்சகத்திற்கு உத்தரவிட வேண்டும்' என்று கூறியிருந்தார். இந்த மனு நீதிபதிகள் எம்.சத்தியநாராயணன், என்.சேஷசாயி ஆகியோர் முன்பு நேற்று விசாரணைக்கு வந்தது. அப்போது, மனுதாரர் சார்பில் ஆஜரான மூத்த வக்கீல் விடுதலை, 'தமிழக அரசு இயற்றியுள்ள சட்ட மசோதாவிற்கு இதுவரை ஒப்புதல் கிடைக்காததால் தமிழக மாணவர்கள் மிகப்பெரிய குழப்பத்தில் உள்ளனர். தமிழக சட்டசபையில் இயற்றியுள்ள சட்ட மசோதா ஒப்புதலுக்காக கடந்த பிப்ரவரி மாதமே அனுப்பிவைக்கப்பட்டது. ஆனால், இன்னும் ஜனாதிபதி அலுவலகத்தை அது சென்றடையவில்லை' என்று வாதிட்டார். இதை கேட்டறிந்த நீதிபதிகள், வழக்கு விசாரணையை வருகிற 28-ந் தேதிக்கு தள்ளி வைத்தனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 24 July 2017

பொறியியல் கலந்தாய்வில் கல்லூரியை தேர்வு செய்வது எப்படி?

பொறியியல் கலந்தாய்வில் கல்லூரியை தேர்வு செய்வது எப்படி? | பொறியியல் படிப்பு மீதான ஆர்வம் குறைந்து வருகிறது என்று பொது வாக சொல்லப்பட்டாலும் பொறியியல் படிப்புக்கு விண்ணப்பிக்கும் மாணவர்களின் எண்ணிக்கை என்னவோ ஆண்டுதோறும் கூடிக்கொண்டுதான் போகிறது. இந்த ஆண்டு பொறியியல் படிப்பில் சேர ஒரு லட்சத்து 41 ஆயிரத்து 77 பேர் ஆன்லைன் மூலமாக விண்ணப்பித்தனர். கடந்த ஆண்டுடன் ஒப்பிடும்போது, பொறியியல் படிப்புக்கு இந்த ஆண்டு கூடுதலாக 6 ஆயிரம் விண்ணப்பங்கள் வந்ததாக உயர்கல்வித் துறை செயலர் சுனில் பாலிவால் கூறியிருக்கிறார். எனவே, கலை அறிவியல் படிப்பில் சேரும் மாணவர்களின் எண்ணிக்கை அதிகரித்திருக்கலாம். அதே நேரத்தில் பொறியியல் படிப்பு மீதான ஈர்ப்பு குறைந்துவிடவில்லை என்பது இதன்மூலம் தெளிவாகிறது. தமிழகத்தில் 500-க்கும் மேற்பட்ட பொறியியல் கல்லூரிகள் உள்ளன. இவற்றில் பிஇ, பிடெக் படிப்பில் 2 லட்சத்து 61 ஆயிரம் இடங்கள் இருக்கின்றன. இந்த இடங்களில் ஒரு லட்சத்து 75 ஆயிரத்து 500 இடங்கள் ஒற்றைச்சாளர முறையில் அண்ணா பல்கலைக்கழகத்தின் கலந்தாய்வு மூலம் நிரப்பப்படுகின்றன. ஒற்றைச்சாளர முறை யின்படி, மாணவர்கள் ஒவ்வொரு கல்லூரிக்கும் தனித்தனி விண்ணப்பங்கள் அனுப்ப தேவை யில்லை. ஒரு விண்ணப்பம் போட்டால் போதும். கலந்தாய்வு மூலம் தங்களுக்கு விருப்பமான கல்லூரியை, பிடித்தமான பாடப்பிரிவை தேர்வுசெய்துகொள்ளலாம். எதற்கு முக்கியத்துவம்? பொறியியல் சேர விரும்பும் மாணவர்களின் முதல் விருப்பமாக இருப்பது அண்ணா பல்கலைக் கழக உறுப்பு கல்லூரிகள்தான். அதிலும் முதல் இடம் கிண்டி பொறியியல் கல்லூரிதான். அதன்பிறகே, அண்ணா பல்கலைக்கழகத்தில் உள்ள அழகப்பா தொழில்நுட்ப கல்லூரி, குரோம் பேட்டை எம்ஐடி, அதைத்தொடர்ந்து, அரசு பொறியியல் கல்லூரிகள், அரசு உதவி பெறும் கல்லூரிகள், பின்னர் புகழ்பெற்ற தனியார் பொறியியல் கல்லூரிகள். பெரும்பாலும் இந்த வரிசையில்தான் பெரும்பாலான மாணவ-மாணவிகள் கல்லூரியை தேர்வுசெய்வது வழக்கம். இந்த நிலையில், பொறியியல் கலந்தாய்வு ஜூலை 17-ம் தேதி தொடங்கியது. தொழிற் கல்வி பிரிவினர், மாற்றுத்திறனாளிகள் உள் ளிட்ட சிறப்பு பிரிவு மாணவர்கள், விளை யாட்டு வீரர்கள் ஆகியோருக்கு கலந்தாய்வு முடிந்துவிட்ட நிலையில், அகாடமிக் எனப்படும் பொதுப்பிரிவு கலந்தாய்வு நேற்று தொடங்கியது. தரவரிசைப் பட்டியலில் முதல் 10 இடங்களைப் பிடித்தவர்களில் 5 பேர் கம்ப்யூட்டர் சயின்ஸ் பாடப்பிரிவை தேர்வுசெய்தனர். அதிலும், ஒருவரை தவிர மற்ற 9 பேரும் கிண்டி பொறியியல் கல்லூரியையே தேர்வுசெய்தனர். கலந்தாய்வில் பிடித்தமான கல்லூரியை, பிடித்தமான பாடப்பிரிவை தேர்வுசெய்வது என்பது முக்கியமான ஒன்று. பொதுவாக, பொறி யியல் படிப்பில் சேர விரும்பும் மாணவர்களின் மனதில் தோன்றும் முக்கிய கேள்வி, முதலில் கல்லூரியை தேர்வுசெய்துவிட்டு அதன்பிறகு பாடப்பிரிவை தேர்வு செய்வதா அல்லது முதலில் பாடப்பிரிவை தேர்வுசெய்துவிட்டு அதன்பிறகு கல்லூரியை தேர்வு செய்வதா என்பதுதான். இதில் அவர்களுக்கு குழப்பம் ஏற்படும்.  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

வினா வங்கி | பொது அறிவுக்களஞ்சியம்.


1. உடல்உறுப்பு தானத்தில் கின்னஸ் சாதனை படைத்த இந்திய நகரம் எது?
2. இந்தியாவில் எங்கு, முதல் தானியங்கி வானிலை மையம் திறக்கப்பட்டு உள்ளது?
3. எந்த நாடு தனக்கென தனி எழுத்துரு (பாண்ட்) உருவாக்கிக் கொண்ட முதல் நாடு என்ற பெருமை பெற்றுள்ளது?
4. ரியல் எஸ்டேட் ஒழுங்குமுறை சட்டம் எப்போது அமலுக்கு வந்தது?
5. இந்திய பொது கணக்கு தணிக்கை கட்டுப்பாட்டு அதிகாரியாக நியமிக்கப்பட்டுள்ளவர் யார்?
6. அமெரிக்க இந்திய வர்த்தக கவுன்சிலின் 'மாற்றங்களை உருவாக்கும் சிறந்த முதல்மந்திரி' விருது பெற்றவர் யார்?
7. சிலி ஓபன், சர்வதேச டேபிள் டென்னிஸ் போட்டியில் தனிநபர் மற்றும் இரட்டையர் பிரிவில் சாம்பியன் ஆன இந்திய விளையாட்டு வீரர் யார்?
8. எந்த இரு நாடுகள், 2020-ல் நிலவில் குடியிருப்பை உருவாக்க தீர்மானித்துள்ளன?
9. ஜூரி ரெமி சிறப்பு விருது பெற்ற படம் எது?
10. 2017-க்கான அவ்வையார் விருது பெற்ற சமூக சேவகர் யார்?
11. இந்தியாவிலேயே உயரமான தேசிய கொடி கம்பம் எங்கு நிறுவப்பட்டுள்ளது?
12. எங்கு பசுமாடுகளுக்கான ஆம்புலன்ஸ் சேவை தொடங்கப்பட்டு உள்ளது?
13. யாருடைய ஆயிரமாவது பிறந்த நாளை சிறப்பிக்கும் விதமாக பிரதமர் மோடி சிறப்பு ஸ்டாம்ப் வெளியிட்டார்?
14. ஈபில் டவரைவிட உயரமான ரெயில்வே பாலம் ஒன்று இந்தியாவில் அமைய உள்ளது, அது எங்கு அமைக்கப்படுகிறது?
15. நிதி ஆண்டின் தொடக்கத்தை ஜனவரிக்கு மாற்றி அமைத்த முதல் மாநிலம் எது?
விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழ்நாடு கட்டிடக்கலை திறனறிவு தேர்வு அடுத்த மாதம் 12-ந் தேதி நடக்கிறது

தமிழ்நாடு கட்டிடக்கலை திறனறிவு தேர்வு அடுத்த மாதம் 12-ந் தேதி நடக்கிறது | இந்த ஆண்டு தேசிய கட்டிடக்கலை திறனறிவு தேர்வில் (நடா 2017) தேர்ச்சி பெற்ற மாணவர்களின் எண்ணிக்கை, கட்டிடக்கலை என்ஜினீயரிங் பாடப்பிரிவுக்கு கட்டிடக்கலை குழுமத்தால் ஒப்புதல் அளிக்கப்பட்ட எண்ணிக்கையைவிட குறைவாக உள்ளது. இதை சரிசெய்ய இந்த கல்வியாண்டில் புதிதாக தமிழ்நாடு கட்டிடக்கலை திறனறிவு தேர்வு ஒன்றினை நடத்த அண்ணா பல்கலைக்கழகத்துக்கு அதிகாரம் வழங்கப்பட்டுள்ளது. அதன்படி இந்த தேர்வு அடுத்த மாதம் (ஆகஸ்டு) 12-ந் தேதி நடக்கிறது. இதற்கு 'ஆன்-லைன்' மூலம் பதிவு செய்ய கடைசி நாள் வருகிற 31-ந் தேதி ஆகும். அடுத்த மாதம் 7-ந் தேதி தேர்வுக்கான ஹால் டிக்கெட்டை அண்ணா பல்கலைக்கழக இணையதளத்தில் பதிவிறக்கம் செய்துகொள்ளலாம். மதிப்பெண் அடுத்த மாதம் 18-ந் தேதி வெளியிடப்படும். 19-ந் தேதி மதிப்பெண் சான்றிதழை பதிவிறக்கம் செய்துகொள்ளலாம். மேற்கண்ட தகவல் தமிழ்நாடு கட்டிடக்கலை திறனறிவு தேர்வு செயலாளர் பி.மல்லிகா வெளியிட்டுள்ள செய்திக்குறிப்பில் தெரிவிக்கப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

‘பால விகாஷ்’ திட்டம் மூலம் 80 ஆயிரம் குழந்தைகளுக்கு இலவச கல்வி சத்திய சாய் சேவா அறக்கட்டளை தலைவர் பெருமிதம்

'பால விகாஷ்' திட்டம் மூலம் 80 ஆயிரம் குழந்தைகளுக்கு இலவச கல்வி சத்திய சாய் சேவா அறக்கட்டளை தலைவர் பெருமிதம் | 'பால விகாஷ்' திட்டம் மூலம் 80 ஆயிரம் குழந்தைகளுக்கு இலவச கல்வி அளிக்கப்படுவதாக சத்திய சாய் சேவா அறக்கட்டளையின் அகில இந்திய தலைவர் நிமிஷ் பாண்டியா சென்னையில் கூறினார். ஸ்ரீ சத்திய சாய் சேவா அறக்கட்டளை நிறுவனத்தின் மாநில மாநாடு சென்னை ராஜா அண்ணாமலைபுரத்தில் நேற்று நடந்தது. மாநாட்டையொட்டி கருத்தரங்கம் நடந்தது. இதில் அறக்கட்டளை மாநில தலைவர் வரதன், தமிழக மின்வாரிய தலைவர் சாய்குமார், டி.வி.எஸ். நிறுவனத்தின் தலைவர் வேணுசீனிவாசன், முன்னாள் அகில இந்திய தலைவர் சீனிவாசன் மற்றும் டாக்டர்கள், வக்கீல்கள், தொழில் அதிபர்கள் உள்பட பலர் கலந்துகொண்டனர். கருத்தரங்கில் கலந்துகொண்ட ஸ்ரீ சத்திய சாய் சேவா நிறுவனத்தின் அகில இந்திய தலைவர் நிமிஷ் பாண்டியா, நிருபர்களிடம் கூறியதாவது:- ஸ்ரீ சத்ய சாய் சேவா அறக்கட்டளை சார்பில் நலிவடைந்த பள்ளிகளை மேம்படுத்தும் வகையில் 'ஸ்ரீ சத்திய சாய் வித்யா ஜோதி' என்ற திட்டமும், நோயாளிகளை அவர்கள் இருக்கும் இடத்திற்கு சென்று சிகிச்சை அளிக் கும் வகையில் 'நடமாடும் மருத்துவமனை' என்ற திட்டமும் நாடு முழுவதும் செயல்படுத்தி வருகிறோம். இதில் வித்யா ஜோதி திட்டத்தின் கீழ் நாடு முழுவதும் 900 பள்ளிகளை மேம்படுத்தி உள்ளோம். 15 வயதுக்கு கீழ் உள்ள குழந்தைகளுக்கு 'பால விகாஷ்' என்ற கல்வி திட்டத்தை பகவான் பாபா வலியுறுத்தி உள்ளார். அந்த திட்டத்தின் கீழ் 80 ஆயிரம் குழந்தைகள் படித்து வருகின்றனர். நடமாடும் மருத்துவமனை கிராமப்புறங்களில் அடிப்படை மருத்துவ வசதி கூட இல்லாத இடங் களில், எங்களின் நடமாடும் மருத்துவமனை சார்பில் பொதுமக்களுக்கு நவீன சிகிச்சை அளிக்கப்படுகிறது. மக்களை தேடி சென்று உதவி செய்ய வேண்டும் என்ற நோக்கில் இத்திட்டம் செயல்படுத்தப்படுகிறது. இதில் 16 ஆயிரம் டாக்டர்கள், 45 ஆயிரம் மருத்துவ பணியாளர்கள் மற்றும் 1 லட்சத்து 17 ஆயிரத்து 195 தொண்டர்கள் ஈடுபட்டுள்ளனர். இதற்கு ரூ.37 கோடியே 29 லட்சத்து 46 ஆயிரம் செலவிடப்பட்டு உள்ளது. நாங்கள் கன்னியாகுமரி முதல் காஷ்மீர் வரை தன்னலமற்ற சேவை செய்துவருகிறோம். இவ்வாறு அவர் கூறினார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE