TRB

TNTET

Friday, 15 November 2013

சிறந்த ஆசிரியர் விருது: ரூ. 10 லட்சம் வழங்குகிறது துபை கல்வி அறக்கட்டளை

துபையைச் சேர்ந்த வர்கீ ஜெம்ஸ் என்ற இந்தியக் கல்வி அறக்கட்டளை, 2014-ஆம் ஆண்டுக்கான சிறந்த ஆசிரியரை தேர்ந்தெடுத்து அவருக்கு ரூ. 10 லட்சம் வழங்கவுள்ளது.

உலக நாடுகள் ஒவ்வொன்றின் மூலமும் பரிந்துரைக்கப்பட்ட போட்டியாளர்களின் பட்டியலில் இருந்து, சிறந்த ஆசிரியரை வர்கீ ஜெம்ஸ் கல்வி அறக்கட்டளை தேர்வு செய்து விருது வழங்கவுள்ளது. இந்த விருதுக்கான வெற்றியாளரை சர்வதேச நடுவர் குழு தேர்வு செய்யவுள்ளது.

இந்தப் போட்டியில் பங்கு பெறுபவர்களின் விண்ணப்பங்களை லண்டனைச் சேர்ந்த தனியார் சேவை நிறுவனம் ஒன்று தணிக்கை செய்கிறது. இந்த விருதுக்கான பரிந்துரை மனுத் தாக்கல் வரும் 2014-ஆம் ஆண்டு மார்ச் மாதம் துவங்குகிறது. அடுத்த 90 நாள்களில் இந்த விருதுக்கான விவரங்கள் வெளியிடப்படவுள்ளன.

இதுகுறித்து வர்கீ ஜெம்ஸ் கல்வி அறக்கட்டளையின் நிறுவனர் சன்னி வர்கீ கூறியது:

"ஆசிரியர்களை நட்சத்திரங்களாக உயர்த்தவும், சமூகத்திற்கு ஆசிரியர்கள் ஆற்றிவரும் தொண்டை வெளிச்சமிட்டுக் காட்டும் விதமாகவும் இந்த விருது வழங்கப்படுகிறது. கல்வித் துறையில் நோபல் பரிசுக்கு இணையாக இந்த விருதைக் கொண்டு வருவதே எங்கள் நோக்கமாகும். இந்த விருது வழங்கும் விழா அமெரிக்க முன்னாள் அதிபர் கிளிண்டன் தலைமையில் துபையில் நடைபெறவுள்ளது' என்று அவர் தெரிவித்தார்.

No comments: