TRB

Thursday, 8 May 2014

பிளஸ் 2 விடைத்தாளின் நகல் மற்றும் மறுகூட்டலுக்கு விண்ணப்பிப்பதற்கான தேதிகள் மற்றும் விவரங்கள்

விடைத்தாளின் நகல் (Copy of the valued answer script)  மற்றும் மறுகூட்டலுக்கு விண்ணப்பிப்பதற்கான தேதிகள்
மார்ச் 2014,  மேல்நிலைத் தேர்வெழுதியோர்,  தாம் தேர்வெழுதிய எந்தவொரு பாடத்திற்கும் விடைத்தாளின் நகல் (Copy of the answer script)  கோரியோ அல்லது மறுகூட்டல் (Retotalling)  கோரியோ விண்ணப்பிக்கலாம்.   விண்ணப்பிக்க விழைவோர் 09.05.2014 (வெள்ளிக்கிழமை) முதல் 14.05.2014(புதன்கிழமை)
மாலை 5 மணிவரை (ஞாயிற்றுக்கிழமை தவிர) பள்ளி மாணவர்கள் தங்களது பள்ளி மூலமாகவும், தனித்தேர்வர்கள் தாங்கள் தேர்வெழுதிய தேர்வு மையம் மூலமாகவும் விண்ணப்பிக்க வேண்டும்.
விடைத்தாளின் நகல் கோரி விண்ணப்பிப்போர், அதே பாடத்திற்கு மதிப்பெண் மறுகூட்டலுக்கு தற்போது விண்ணப்பிக்கக் கூடாது.  விடைத்தாளின் நகல் பெற்றபிறகு அவர்கள் மறுகூட்டல் மறுமதிப்பீட்டுக்கு விண்ணப்பிக்க வாய்ப்பு அளிக்கப்படும். 

விடைத்தாளின் நகல் (Retotalling)  பெறுவதற்கான கட்டணம்

பகுதி – I மொழி  - ரூ.550/-
பகுதி – II மொழி (ஆங்கிலம்)  - ரூ.550/-
ஏனைய பாடங்கள் (ஒவ்வொன்றிற்கும்) - ரூ.275/-

மறுகூட்டல் (Retotalling) கட்டணம்

பகுதி – I மொழி,  பகுதி – II மொழி (ஆங்கிலம்)
மற்றும் உயிரியல் (ஒவ்வொன்றிற்கும்) - ரூ.305/-
ஏனைய பாடங்கள் (ஒவ்வொன்றிற்கும்)  - ரூ.205/- 

கட்டணம் செலுத்தும் முறை

விடைத்தாள் நகல் மற்றும் மறுகூட்டலுக்கான கட்டணத்தை விண்ணப்பிக்கவுள்ள பள்ளியிலேயே பணமாகச் செலுத்தவேண்டும்.  
விடைத்தாள் நகல்-இணையதளத்தில் பதிவிறக்கம் செய்துகொள்ளும் முறை 

விடைத்தாள் நகல் மற்றும் மறுகூட்டலுக்கு விண்ணப்பிக்கும்போது, வழங்கப்படும் ஒப்புகைச் சீட்டினை மாணவர்கள் பாதுகாப்பாக வைத்துக் கொள்ள வேண்டும்.  ஒப்புகைச் சீட்டில் குறிப்பிட்டுள்ள விண்ணப்ப எண்ணைப் பயன்படுத்தியே  தேர்வர்கள் தங்களது விடைத்தாளின் நகலினை இணையதளம் மூலம் பதிவிறக்கம் செய்து கொள்ளவும்,  மறுகூட்டல் முடிவுகளை அறிந்துகொள்ளவும் இயலும். 
 
விடைத்தாளின் நகலினை இணையதளம் மூலம் பதிவிறக்கம் செய்து கொள்ளவேண்டிய நாள் மற்றும் இணையதள முகவரி  பின்னர் வெளியிடப்படும்.

Popular Posts

E.Mail Free Subsciption

முதலில் உங்கள் இ.மெயில் முகவரியை இங்கே பதிவு செய்து தினம் ஒரு இ.மெயிலை இலவசமாக பெறுங்கள்.

After registration, We will send an activation link to your "Inbox". Click on the link to complete registration process.