TRB

TNTET

Monday, 24 December 2018

வேலை - கால அட்டவணை - 24 DECEMBER 2018

விரிவாக படிக்க இங்கே கிளிக் செய்யுங்கள் | READ MORE | CLICK HERE

பி.எஸ்.என்.எல். நிறுவனத்தில் வேலைவாய்ப்பு

என்ஜினீயர்கள் விண்ணப்பிக்கலாம் பி.எஸ்.என்.எல். நிறுவனத்தில் என்ஜினீயரிங் படித்தவர்களுக்கு 150 பணியிடங்கள் அறிவிக்கப்பட்டு உள்ளன. இது பற்றிய விவரம் வருமாறு:- பாரத் சஞ்சார் நிகம் லிமிடெட் சுருக்கமாக பி.எஸ்.என்.எல். என அழைக்கப்படுகிறது. பொதுத்துறை தொலைத் தொடர்பு நிறுவனமான இதில் தற்போது மேனேஜ்மென்ட் டிரெயினி (டெலிகாம் ஆபரேசன் ) பணிக்கு விண்ணப்பம் கோரப்பட்டு உள்ளது. மொத்தம் 150 பேர் தேர்வு செய்யப்படுகிறார்கள். இட ஒதுக்கீடு அடிப்படையில் பொதுப் பிரிவினருக்கு 76 இடங்களும், ஓ.பி.சி. பிரிவினருக்கு 40 இடங்களும், எஸ்.சி. பிரிவினருக்கு 23 இடங்களும், எஸ்.டி. பிரிவினருக்கு 11 இடங்களும் உள்ளன. இந்த பணிகளுக்கு விண்ணப்பிக்க விரும்புபவர்கள் 1-8-2018-ந் தேதியில் 30 வயதுக்கு உட்பட்டவர்களாக இருக்க வேண்டும். ஓ.பி.சி. பிரிவினருக்கு 3 ஆண்டுகளும், எஸ்.சி., எஸ்.டி. பிரிவினருக்கு 5 ஆண்டுகளும் வயது வரம்பில் தளர்வு அனுமதிக்கப்படும். டெலிகம்யூனிகேசன், எலக்ட்ரானிக்ஸ், கம்ப்யூட்டர் சயின்ஸ், ஐ.டி., எலக்ட்ரிக்கல் போன்ற பிரிவில் பி.இ., பி.டெக் படித்து 60 சதவீத மதிப்பெண்களுடன் தேர்ச்சி பெற்றவர்கள் விண்ணப்பிக்கலாம். எஸ்.சி., எஸ்.டி. பிரிவினர் 55 சதவீத மதிப்பெண் பெற்றிருந்தால் போதுமானது. முதுநிலை படித்திருந்தால் கூடுதல் தகுதியாக கருதப்படும். ஆன்லைன் தேர்வு, நேர்காணல், குழு கலந்துரையாடல் ஆகியவற்றின் அடிப்படையில் தகுதியானவர்கள் தேர்வு செய்யப்படுகிறார்கள். பொது மற்றும் ஓ.பி.சி. பிாிவினர் ரூ.220-ம், எஸ்.சி., எஸ்.டி. பிரிவினர் ரூ.110-ம் கட்டணமாக செலுத்தி விண்ணப்பிக்க வேண்டும். விருப்பமும் தகுதியும் உள்ளவர்கள் இணைய தளம் வழியாக விண்ணப்பம் சமர்ப்பிக்கலாம். இதற்கான ஆன்லைன் விண்ணப்பப்பதிவு டிசம்பர் 26-ந் தேதி தொடங்குகிறது. வருகிற ஜனவரி 26-ந் தேதி வரை விண்ணப்பிக்கலாம். இதற்கான தேர்வு முறைகள் மார்ச் மாதம் நடத்த உத்தேசிக்கப்பட்டு உள்ளது. விண்ணப்பிக்கவும், விரிவான விவரங்களை தெரிந்து கொள்ளவும் www.bsnl.co.in என்ற இணையதள பக்கத்தைப் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கெயில் நிறுவனத்தில் அதிகாரி பணி

கியாஸ் நிறுவனத்தில் வேலைவாய்ப்பு கியாஸ் நிறுவனமான கெயில் நிறுவனத்தில் அதிகாரி பணிகளுக்கு 176 பேர் தேர்வு செய்யப்படுகிறார்கள். இது பற்றிய விவரம் வருமாறு:- ‘கியாஸ் அத்தாரிட்டி ஆப் இந்தியா லிமிடெட்’ நிறுவனம் சுருக்கமாக கெயில் (GAIL) என்று அழைக்கப்படுகிறது. இந்திய கியாஸ் ஆணைய நிறுவனமான இதில் தற்போது சீனியர் என்ஜினீயர், ஆபீஸர், சீனியர் ஆபீஸர் போன்ற பணிகளுக்கு விண்ணப்பம் கோரப்பட்டு உள்ளது. மொத்தம் 176 பேர் தேர்வு செய்யப்படுகிறார்கள். மெக்கானிக்கல், எலக்ட்ரிக்கல், இன்ஸ்ட்ருமென்டேசன், எப் அண்ட் எஸ், சி அண்ட் பி, பி.ஐ.எஸ்., சிவில், டெலிகாம், மார்க்கெட்டிங், எச்.ஆர்., சட்டம், கார்ப்பரேட் கம்யூனிகேசன், மெடிக்கல் சர்வீசஸ், ஆபீசியல் லாங்வேஜ், லேபரேட்டரி போன்ற பிரிவுகளில் பணியிடங்கள் உள்ளன. அந்தந்த பணிப்பிரிவு வாரியான காலியிடங்களை முழுமையான விளம்பர அறிவிப்பில் பார்க்கலாம். இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்... வயது வரம்பு ஒவ்வொரு பணிக்கும் வயது வரம்பு வேறுபடுகிறது. அதிகபட்சம் 35 வயதுடையவர்களுக்கு பணிகள் உள்ளன. 31-12-2018-ந் தேதியை அடிப்படையாகக் கொண்டு வயது வரம்பு கணக்கிடப்படும். குறிப்பிட்ட பிரிவினருக்கு அரசு விதிகளின்படி வயது வரம்பு தளர்வு அனுமதிக்கப்படும். கல்வித்தகுதி பணியிடங்கள் உள்ள பிரிவுகளில் என்ஜினீயரிங் பட்டப்படிப்பு படித்தவர்கள், சட்டம், இந்தி, எம்.பி.ஏ., எச்.ஆர்., சி.ஏ., ஐ.சி.டபுள்யு.ஏ., படித்தவர்களுக்கு பணியிடங்கள் உள்ளன. அந்தந்த பணிக்கான சரியான வயது வரம்பு மற்றும் கல்வித் தகுதியை முழுமையான விளம்பர அறிவிப்பில் பார்க்கலாம். கட்டணம் பொது மற்றும் ஓ.பி.சி. பிரிவினர் ரூ.200 கட்டணமாக செலுத்தி விண்ணப்பிக்கலாம். எஸ்.சி., எஸ்.டி. பிரிவினர் மற்றும் மாற்றுத் திறனாளிகள் இந்த கட்டணம் செலுத்த வேண்டியதில்லை. விருப்பமும் தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். விண்ணப்பிக்க டிசம்பர் 31-ந் தேதி கடைசி நாளாகும். இது பற்றிய விரிவான விவரங்களை http://gailonline.com என்ற இணையதளத்தில் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

நேரு யுவகேந்திராவில் வேலை

நேரு யுவகேந்திராவில் வேலை நேரு யுவகேந்திரா சங்கேதன் அமைப்பு இளைஞர் மேம்பாட்டிற்காக தொடங்கப்பட்ட மத்திய நிறுவனமாகும். இளையோர் நலன் மற்றும் விளையாட்டுத் துறை அமைச்சகத்தின் கீழ் செயல்படுகிறது. இளைஞர்களின் திறன்களை ஊக்குவித்தல், மேம்படுத்துதல் தொடர்பான செயல்திட்டங்களை இந்த அமைப்பு செயல் படுத்துகிறது. தற்போது இந்த அமைப்பில் மாவட்ட இளையோர் ஒருங்கிணைப்பாளர், அக்கவுண்ட்ஸ் கிளார்க் கம் டைப்பிஸ்ட், மல்டி டாஸ்கிங் ஸ்டாப் போன்ற அலுவலக பணியிடங்களை நிரப்ப அறிவிப்பு வெளியாகி உள்ளது. மொத்தம் 228 பேர் தேர்வு செய்யப்படுகிறார்கள். இதில் மாவட்ட இளையோர் ஒருங்கிணைப்பாளர் பணிக்கு 101 இடங்களும், அக்கவுண்ட்ஸ் கிளார்க் கம் டைப்பிஸ்ட் பணிக்கு 75 இடங்களும், மல்டி டாஸ்கிங் ஸ்டாப் பணிக்கு 52 இடங்களும் உள்ளன. முதுநிலை பட்டப்படிப்பு படித்தவர்கள் மாவட்ட இளையோர் ஒருங்கிணைப்பாளர் பணியிடங் களுக்கு விண்ணப்பிக்கலாம். பட்டப்படிப்புடன், தட்டச்சு, கணினி அறிவு பெற்றவர்கள் அக்கவுண்ஸ்ட் கிளார்க் பணிக்கு விண்ணப்பிக்கலாம். 10-ம் வகுப்பு தேர்ச்சி பெற்றவர்கள் ‘மல்டி டாஸ்கிங் ஸ்டாப்’ பணிக்கு விண்ணப்பிக்கலாம். மல்டி டாஸ்கிங் ஸ்டாப் பணிக்கு 25 வயதுக்கு உட்பட்டவர்களும், மற்ற பணிகளுக்கு 28 வயதுக்கு உட்பட்டவர்களும் விண்ணப்பிக்கலாம். ஓ.பி.சி., எஸ்.சி., எஸ்.டி. பிரிவினர் மற்றும் மாற்றுத் திறனாளிகள், முன்னாள் ராணுவ வீரர்கள் ஆகியோருக்கு மத்திய அரசு விதிகளின்படி வயது வரம்பு தளர்வு அனுமதிக்கப்படுகிறது. விருப்பமும், தகுதியும் உள்ளவர்கள் குறிப்பிட்ட கட்டணம் செலுத்தி இணையதள விண்ணபப்பம் சமர்ப்பிக்கலாம். டிசம்பர் 31-ந் தேதி வரை விண்ணப்பம் சமர்ப்பிக்கலாம். ஜனவரி 15-ந் தேதி வரை விண்ணப்பத்தை பிரிண்ட் செய்ய முடியும். இது பற்றிய விரிவான விவரங்களை http://nyks.nic.in/ என்ற இணையதளத்தில் பார்த்து விட்டு விண்ணப்பம் சமர்ப்பிக்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

என்ஜினீயர்களுக்கு வேலை

சென்ட்ரல் எலக்ட்ரானிக்ஸ் லிமிடெட் (சி.இ.எல்.) மத்திய பொதுத்துறை நிறுவனங்களில் ஒன்றாகும். தற்போது இந்த நிறுவனத்தில் டெபுடி என்ஜினீயர் பணிக்கு 57 பேரை தேர்வு செய்ய அறிவிப்பு வெளியாகி உள்ளது. ‘கேட்’ தேர்வில் பெறும் மதிப்பெண் அடிப் படையில் இந்த பணியிடங்கள் நிரப்பப்படுகிறது. இந்த பணிக்கு விண்ணப்பிக்க விரும்புபவர்கள் 1-12-2018-ந் தேதியில் 30 வயதுக்கு உட்பட்டவர்களாக இருக்க வேண்டும். ஓ.பி.சி., எஸ்.சி., எஸ்.டி. பிரிவினர் மற்றும் மாற்றுத் திறனாளிகளுக்கு அரசு விதிகளின்படி வயது வரம்பு தளர்வு அனுமதிக்கப்படும். பி.இ., பி.டெக் படித்து, கேட் தேர்வு எழுதுபவர்கள் இந்த பணிகளுக்கு விண்ணப்பிக்கலாம். பொது மற்றும் ஓ.பி.சி. பிரிவினர் ரூ.300 கட்டணமாக செலுத்தி விண்ணப்பிக்க வேண்டும். எஸ்.சி., எஸ்.டி. பிரிவினர் மற்றும் மாற்றுத்திறனாளிகள் இந்த கட்டணம் செலுத்த வேண்டியதில்லை. விண்ணப்பதாரர்கள் கேட் தேர்வுக்கு விண்ணப்பித்த பதிவு எண்ணுடன், இதற்கான இணையதள விண்ணப்பத்தை சமர்ப்பிக்கலாம். டிசம்பர் 29-ந் தேதி வரை இதற்கான விண்ணப்பம் சமர்ப்பிக்கலாம். விண்ணப்பிக்கவும், விரிவான விவரங்களை தெரிந்து கொள்ளவும் www.celindia.co.in என்ற இணையதளத்தைப் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

மத்திய ரிசர்வ் போலீசில் 359 பணி

விளையாட்டு வீரர்கள் விண்ணப்பிக்கலாம் மத்திய ரிசர்வ் போலீஸ் படையில் கான்ஸ்டபிள் மற்றும் ஹெட்கான்ஸ்டபிள் பணிக்கு 359 பேர் தேர்வு செய்யப்படுகிறார்கள். இது விளையாட்டு வீரர்களுக்கான சிறப்பு வேலைவாய்ப்பு என்பது குறிப்பிடத்தக்கது. இது பற்றிய விவரம் வருமாறு:- மத்திய ரிசர்வ் போலீஸ் படை சுருக்கமாக சி.ஆர்.பி.எப். என அழைக்கப்படுகிறது. தற்போது இந்த படைப்பிரிவில் ஹெட் கான்ஸ்டபிள் (ஜெனரல் டியூட்டி), கான்ஸ்டபிள்(ஜெனரல் டியூட்டி) பணிக்கு விண்ணப்பம் கோரப்பட்டு உள்ளது. மொத்தம் 359 பேர் தேர்வு செய்யப்படுகிறார்கள். இவை விளையாட்டு வீரர்களுக்கான சிறப்பு ஒதுக்கீட்டின் அடிப்படையில் நிரப்பப்படும் பணியிடங்களாகும். இந்த பணியிடங்களுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்... வயது வரம்பு விண்ணப்பதாரர்கள் 13-1-2019-ந் தேதியில் 18 வயது பூர்த்தி அடைபவராகவும், 23 வயதுக்கு உட்பட்டவராகவும் இருக்க வேண்டும். குறிப்பிட்ட பிரிவினருக்கு மத்திய அரசு விதிகளின்படி வயது வரம்பு தளர்வு அனுமதிக்கப்படும். கல்வித்தகுதி மெட்ரிகுலேசன் (10-ம் வகுப்பு) தேர்ச்சி பெற்றவர்கள் கான்ஸ்டபிள் பணிகளுக்கும், பிளஸ்-2 தேர்ச்சி பெற்றவர்கள் ஹெட்கான்ஸ்டபிள் பணிகளுக்கும் விண்ணப்பிக்கலாம். ஆக்கி, கால்பந்து, கபடி, வில்வித்தை, தடகளம், பளுதூக்குதல், மல்யுத்தம், ஜூடோ, குத்துச்சண்டை, நீச்சல் மற்றும் தண்ணீர் விளையாட்டுகள், கைப்பந்து, டேக்வாண்டோ, துப்பாக்கி சுடுதல், கூடைப்பந்து, ஹேண்ட்பால், கராத்தே, பாடி பில்டிங் போன்ற விளையாட்டுகளில் குறிப்பிடத்தக்க சாதனை படைத்தவர்கள் இந்த பணிகளுக்கு விண்ணப்பிக்கலாம். ஒவ்வொரு விளையாட்டுப் பிரிவிலும் உள்ள காலியிட விவரத்தை இணையதளத்தில் பார்க்கலாம். தேர்வு செய்யும்முறை விண்ணப்பதாரர்கள் குறிப்பிட்ட உடல்தகுதி பெற்றிருக்க வேண்டும். வயதுக்கேற்ற உயரம், எடையளவு சரிபார்க்கப்படும். பார்வைத்திறன் மற்றும் உடல் திறனும், விளையாட்டுத் திறனும் சோதிக்கப்படும். மருத்துவ பரிசோதனைக்குப் பின் தகுதியானவர்கள் பணியில் சேர்க்கப்படுவார்கள். விண்ணப்பிக்கும் முறை விருப்பமும், தகுதியும் உள்ளவர்கள் குறிப்பிட்ட மாதிரியான விண்ணப்பத்தை இணைய தளத்தில் இருந்து பதிவிறக்கம் செய்து நிரப்பி அனுப்ப வேண்டும். அத்துடன் தேவையான சான்றிதழ் நகல்கள் இணைக்க வேண்டும். விண்ணப்பம் DIG, Group Centre, CRPF, Jharoda Kalan, New Delhi-110072” என்ற முகவரிக்கு 13-1-2019-ந் தேதிக்குள் சென்றடையும்படி அனுப்ப வேண்டும். அஞ்சல் முகப்பில் APPLICATION FOR THE RECRUITMENT OF SPORTSPERSON IN CRPF AGAINST SPORTS QUOTA-2018” என்பதை குறிப்பிட வேண்டும். விண்ணப்பதாரர்கள் ரூ.100 கட்டணமாக செலுத்த வேண்டும். இது பற்றிய விரிவான விவரங்களை www.crpf.gov.in என்ற இணையதள பக்கத்தில் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

விளையாட்டு வீரர்களுக்கு பணி

தெற்கு ரெயில்வே மண்டலத்தில் விளையாட்டு வீரர்களுக்கான ஒதுக்கீட்டு அடிப்படையில் 21 பேர் சேர்க்கப்படுகிறார்கள். 10,12-ம் வகுப்பு படித்தவர்கள், பட்டப்படிப்பு படித்தவர்கள், விளையாட்டுகளில் குறிப்பிட்ட சாதனை படைத்தவர்கள் இந்த பணிக்கு விண்ணப்பிக்கலாம். விண்ணப்பதாரர் 25 வயதுக்கு உட்பட்டவர் களாக இருக்க வேண்டும். விருப்பமுள்ளவர்கள் குறிப்பிட்ட கட்டணம் செலுத்தி இணையதள விண்ணப்பம் சமர்ப்பிக்கலாம். விண்ணப்பிக்க கடைசி நாள் வருகிற ஜனவரி 14-ந் தேதியாகும். இது பற்றிய விரிவான விவரங் களையும் மேற்குறிப்பிட்டுள்ள இணையதளத்தில் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ஸ்டேட் வங்கியில் டெபுடி மேனேஜர் (இன்டர்னல் ஆடிட்) பணி

ஸ்டேட் வங்கி நாட்டின் மிகப்பெரிய பொதுத்துறை வங்கியான ஸ்டேட் வங்கியில் டெபுடி மேனேஜர் (இன்டர்னல் ஆடிட்) பணிக்கு விண்ணப்பம் கோரப்பட்டு உள்ளது. சிறப்பு அதிகாரி தரத்திலான இந்த பணிகளுக்கு 39 பேர் தேர்வு செய்யப்படுகிறார்கள். இந்த பணிகளுக்கு விண்ணப்பிக்க விரும்புபவர்கள் 30-9-2018-ந் தேதியில் 21 வயது முதல் 35 வயதுக்கு உட்பட்டவர்களாக இருக்க வேண்டும். சி.ஏ. படித்து குறிப்பிட்ட அனுபவம் உள்ளவர்கள் இந்த பணி களுக்கு விண்ணப்பிக்கலாம். விருப்பமுள்ளவர்கள் குறிப்பிட்ட கட்டணம் செலுத்தி இணையதள விண்ணப்பம் சமர்ப்பிக்க வேண்டும். விண்ணப்பிக்க கடைசி நாள் டிசம்பர் 28-ந் தேதியாகும். இதற்கான ஆன்லைன் தேர்வு வருகிற ஜனவரி 27-ந் தேதி நடத்த உத்தேசிக்கப்பட்டு உள்ளது. இது பற்றிய விவரங்களை www.sbi.co.in என்ற இணையதளத்தில் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

பரோடா மற்றும் ஸ்டேட் வங்கிகளில் 952 பணி

பரோடா வங்கி மற்றும் ஸ்டேட் வங்கிகளில் 952 பணியிடங்கள் அறிவிக்கப்பட்டு உள்ளன. பட்டதாரிகள் விண்ணப்பிக்கலாம். இது பற்றிய விரிவான விவரம் வருமாறு:- முன்னணி பொதுத்துறை வங்கிகளில் ஒன்று பரோடா வங்கி. தற்போது இந்த வங்கியில் சிறப்பு அதிகாரி பணியிடங் களுக்கு விண்ணப்பம் கோரப்பட்டு உள்ளது. மொத்தம் 913 பேர் தேர்வு செய்யப்படுகிறார்கள். அவை எம்.எம்.ஜி-ஸ்கேல் 2,3 மற்றும் ஜே.எம்.ஜி.-ஸ்கேல்-1 தரத்திலான பணிகள் ஆகும். பணிப் பிரிவு வாரியான காலி யிட விவரம் வருமாறு: சட்டம் - 60 பேர், சேல்ஸ் - 850 பேர், ஆபரேசன்ஸ் - 3 பேர். இந்த பணிகளுக்கு விண்ணப்பிக்க விரும்பு பவர்கள் பெற்றிருக்க வேண்டிய தகுதி விவரங்களை இனி பார்க்கலாம்... வயது வரம்பு விண்ணப்பதாரர்கள் 1-11-2018-ந் தேதியில் 35 வயதுக்கு உட்பட்டவர்களுக்கு பணி உள்ளது. ஒவ்வொரு பணிக்கும் வயது வரம்பு வேறு படுவதால் அந்தந்த பணிக்கான சரியான வயது வரம்பை முழுமையான விளம்பர அறிவிப்பில் பார்க்கலாம். அரசு விதிகளின்படி குறிப்பிட்ட பிரிவினருக்கு வயது வரம்பு தளர்வு அனுமதிக்கப்படுகிறது. கல்வித்தகுதி இளநிலை பட்டப்படிப்பு, நிர்வாகம், சேல்ஸ் சார்ந்த முதுநிலை படிப்பு அல்லது முதுநிலை டிப்ளமோ படிப்பு படித்தவர்களுக்கு வாய்ப்பு உள்ளது. கட்டணம் பொது மற்றும் ஓ.பி.சி. பிரிவினர் ரூ.600-ம், எஸ்.சி., எஸ்.டி. பிரிவினர் மற்றும் மாற்றுத்திறனாளிகள் ரூ.100-ம் கட்டணம் செலுத்தி விண்ணப்பிக்க வேண்டும். தேர்வு செய்யும் முறை ஆன்லைன் தேர்வு, குழு கலந்துரையாடல், நேர் காணல் ஆகியவற்றில் பணிக்கு அவசியமான தேர்வுகள் பின்பற்றப்பட்டு தகுதியானவர்கள் தேர்வு செய்யப்படுவார்கள். விண்ணப்பிக்கும் முறை விருப்பமும், தகுதியும் உள்ளவர்கள் இணைய தளம் வழியாக விண்ணப்பம் சமர்ப்பிக்கலாம். விண்ணப்பிக்க கடைசிநாள் டிசம்பர் 26-ந் தேதியாகும். 10-1-2019-ந் தேதி வரை அப்ளிகேசனை பிரிண்ட் எடுக்க முடியும். விண்ணப்பிக்க https://ibpsonline.ibps.in/bobsplnov18/ என்ற இணையதள பக்கத்தைப் பார்க்கலாம். கூடுதல் விவரங்களை www.bankofbaroda.com என்ற இணையதளத்தைப் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தெற்கு ரெயில்வேயில் 4,450 பயிற்சி பணி

தெற்கு ரெயில்வேயில் 4 ஆயிரத்து 450 பயிற்சிப் பணியிடங்கள் அறிவிக்கப்பட்டு உள்ளன. ஐ.டி.ஐ., மற்றும் 12-ம் வகுப்பு படித்தவர்களுக்கு இந்த பணியிடங்களில் வாய்ப்பு உள்ளது. இது பற்றிய விரிவான விவரம் வருமாறு:- தெற்கு ரெயில்வே மண்டலம் சென்னையை தலைமை இடமாக கொண்டு செயல்படுகிறது. தற்போது தெற்கு ரெயில்வே மண்டலத்திற்கு உட்பட்ட சென்னை, திருச்சி, கோவை டிவிஷன்களில் ஏராளமான பயிற்சிப் பணியிடங்களை நிரப்ப விண்ணப்பம் கோரப்பட்டு உள்ளது. சென்னை டிவிஷனில் 924 இடங்களும், கோவை டிவிஷனில் 2 ஆயிரத்து 652 இடங்களும், திருச்சி டிவிஷனில் 853 இடங்களும் அறிவிக்கப்பட்டுள்ளன. இது தவிர தெற்கு ரெயில்வேயில் விளையாட்டு வீரர்களுக்கான ஒதுக்கீட்டின் அடிப் படையில் 21 பணி இடங்களும் நிரப்பப்பட உள்ளன. மொத்தம் 4 ஆயிரத்து 450 பேர் தேர்வு செய்யப்படு கிறார்கள். பிட்டர், டர்னர், மெஷினிஸ்ட், வெல்டர், எலக்ட்ரீசியன், எலக்ட்ரானிக்ஸ் மெக்கானிக், டிராப்ட்ஸ்மேன், பெயிண்டர், பிளம்பர், ரேடியாலஜி, பேதாஜி உள்ளிட்ட பல்வேறு பிரிவுகளில் பணியிடங்கள் உள்ளன. ஒவ்வொரு டிவிஷனுக்கு உள்பட்ட பல்வேறு ரெயில் முனையங்கள், டெப்போக்கள், ஷெட்களிலும் பணியிடங்கள் உள்ளன. அந்தந்த டெப்போ /ஷெட் வாரியான பணியிட விவரங்களை முழுமையான விளம்பர அறிவிப்பில் பார்க்கலாம். இந்த பயிற்சிப் பணியில் சேர தேவையான தகுதி விவரங்களை இனி பார்க்கலாம்... கல்வித்தகுதி 10-ம் வகுப்பு தேர்ச்சியுடன் ஐ.டி.ஐ. தேர்ச்சி பெற்றவர்கள் மற்றும் பிளஸ்-2 படிப்பில் இயற்பியல், வேதியியல், உயிரியல் பாடங்கள் அடங்கிய பிரிவில் படித்து தேர்ச்சி பெற்றவர்கள் இந்த பணிகளுக்கு விண்ணப்பிக்க முடியும். வயது வரம்பு விண்ணப்பதாரர்கள் 15 வயது முதல் 22 வயதுக்கு உட்பட்டவர்களாக இருக்க வேண்டும். ஓ.பி.சி. பிரிவினருக்கு 3 ஆண்டுகளும், எஸ்.சி., எஸ்.டி. பிரிவினருக்கு 5 ஆண்டுகளும், மாற்றுத்திறனாளிகளுக்கு 10 ஆண்டுகளும் வயது வரம்பில் தளர்வு அனுமதிக்கப்படுகிறது. கட்டணம் விருப்பமுள்ளவர்கள் ரூ.100 கட்டணம் செலுத்தி விண்ணப்பிக்கலாம். தேர்வு செய்யும்முறை எழுத்துத் தேர்வு, சான்றிதழ் சரிபார்த்தல், நேர் காணல் ஆகியவற்றின் அடிப்படையில் தகுதியானவர்கள் தேர்வு செய்யப்படுகிறார்கள். விண்ணப்பிக்கும் முறை விருப்பமும், தகுதியும் உள்ளவர்கள் இணைய தளம் வழியாக விண்ணப்பம் சமர்ப்பிக்கலாம். தேவையான சான்றுகளை சுயசான்றொப்பம் செய்து தேவையான இடத்தில் பதிவேற்றம் செய்ய வேண்டும். இறுதி யில் கட்டணம் செலுத்தி, பூர்த்தியான விண்ணப்ப படிவத்தை கணினிப் பிரதி எடுத்துக் கொள்ளவும். விண்ணப்பம் சமர்ப்பிக்க கடைசிநாள் 13-1-2019-ந் தேதியாகும். விண்ணப்பிக்கவும், இவை பற்றிய விரிவான விவரங்களை தெரிந்து கொள்ளவும் www.sr.indianrailways.gov.in என்ற இணையதள பக்கத்தைப் பார்க்கவும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, 18 December 2018

1,338 காலி பணியிடங்களுக்கு நடத்தப்பட்ட குரூப்-2 முதல்நிலை தேர்வு முடிவு வெளியீடு

டி.என்.பி.எஸ்.சி. நடத்திய 1,338 காலிப்பணியிடங்களுக்கான குரூப்-2 முதல்நிலை தேர்வு முடிவு நேற்று வெளியானது. சைதை துரைசாமியின் மனிதநேய மையத்தில் படித்த 228 பேர் தேர்ச்சி அடைந்துள்ளனர். தமிழ்நாடு அரசு பணியாளர் தேர்வாணையம் (டி.என்.பி.எஸ்.சி.) 1,338 காலிப்பணியிடங்களுக்கான குரூப்-2 முதல்நிலை தேர்வை கடந்த மாதம் 11-ந் தேதி நடத்தியது. மொத்தம் 6 லட்சத்து 26 ஆயிரத்து 970 பேர் விண்ணப்பித்து இருந்த நிலையில், 4 லட்சத்து 62 ஆயிரத்து 697 பேர் இந்த தேர்வை எழுதினார்கள். டி.என்.பி.எஸ்.சி.யால் நடத்தப்படும் தேர்வு முடிவுகளை விரைந்து வெளியிட நடவடிக்கை எடுத்து வருவதாகவும், அதன்படி, முதல்நிலை தேர்வு முடிவு 2 மாதங்களிலும், முதன்மை தேர்வு முடிவு 2 மாதங்களிலும், எழுத்து தேர்வு முடிவு 3 மாதங்களிலும் வெளியிடப்படும் என்றும் ஏற்கனவே தெரிவிக்கப்பட்டு இருந்தது. அந்தவகையில், குரூப்-2 முதல்நிலை தேர்வு நடந்து முடிந்த 36 நாட்களில் திருத்தும் பணியை நிறைவு செய்து, தேர்வு முடிவு இணையதளத்தில் வெளியிடப்பட்டு இருக்கிறது. அதனைத் தொடர்ந்து முதன்மை தேர்வு அடுத்த ஆண்டு (2019) பிப்ரவரி மாதம் 23-ந் தேதி (சனிக்கிழமை) நடத்தப்பட இருக்கிறது. முதன்மை தேர்வுக்கு தேர்வு செய்யப்பட்ட 15 ஆயிரத்து 194 விண்ணப்பதாரர்கள், தங்களுடைய சான்றிதழ்களை தேர்வாணைய இணையதளத்தில் அரசு கேபிள் டி.வி. நிறுவனம் நடத்தும் அரசு இ-சேவை மையங்கள் மூலமாக வருகிற 24-ந் தேதி முதல் ஜனவரி 10-ந் தேதி வரை பதிவேற்றம் செய்ய வேண்டும். தேர்வு கட்டணம் செலுத்த வேண்டிய விண்ணப்பதாரர்கள் முதன்மை தேர்வுக்கான கட்டணத்தையும் வருகிற 24-ந் தேதி முதல் ஜனவரி 10-ந் தேதி வரை www.tnps-c-ex-ams.net என்ற இணையதளம் வழியே செலுத்த வேண்டும். சான்றிதழ் பதிவேற்றம் செய்யாத, விண்ணப்ப கட்டணம் செலுத்தாத விண்ணப்பதாரர்களின் விண்ணப்பம் நிராகரிக்கப்படும். அவர்கள் முதன்மை தேர்வுக்கு அனுமதிக்கப்படமாட்டார்கள். முதன்மை தேர்வு அடுத்த ஆண்டு பிப்ரவரி 23-ந் தேதி நடைபெற இருப்பதால், அன்றைய தினம் நடைபெறுவதாக இருந்த நூலகர் பணியிடங்களுக்கான எழுத்து தேர்வு வேறு ஒருநாளில் நடத்தப்படும். இதற்கான தேதி பின்னர் அறிவிக்கப்படும். மேற்கண்ட தகவல் டி.என்.பி.எஸ்.சி. தேர்வு கட்டுப்பாட்டு அலுவலர் இரா.சுதன் வெளியிட்டுள்ள செய்திக்குறிப்பில் தெரிவிக்கப்பட்டுள்ளது. பெருநகர சென்னை மாநகராட்சியின் முன்னாள் மேயர் சைதை துரைசாமியின் மனிதநேய மையம், சிவில் சர்வீசஸ் தேர்வு உள்ளிட்ட பல்வேறு மத்திய-மாநில அரசு பணிகளுக்கான தேர்வுகளில் கலந்து கொள்ளும் மாணவர்களுக்கு இலவச பயிற்சி அளித்து வருகிறது. அந்தவகையில், தற்போது தேர்வு முடிவு வெளியாகி இருக்கும் டி.என்.பி.எஸ்.சி. குரூப்-2 முதல்நிலை தேர்வுக்கு என்றும் இலவச பயிற்சியை அளித்தது. இதில் கலந்து கொண்டு தேர்வு எழுதியவர்களில் 228 பேர் தேர்ச்சி பெற்று இருக்கின்றனர். அதனைத் தொடர்ந்து நடைபெற இருக்கும் முதன்மை தேர்வுக்கான வகுப்புகள் ஏற்கனவே தொடங்கப்பட்டு நடைபெற்று கொண்டு இருக்கின்றன. இதில் சேர்ந்து பயில விருப்பம் உள்ளவர்கள் உடனடியாக சைதை துரைசாமியின் மனிதநேயம் ஐ.ஏ.எஸ். கட்டணமில்லா கல்வியகம், 28, முதல் பிரதான சாலை, சி.ஐ.டி.நகர், சென்னை-35 என்ற முகவரியில் உள்ள அலுவலகத்துக்கு நேரில் வந்து விண்ணப்பித்து பயிற்சியில் சேரலாம். இந்த தகவலை மனிதநேய மையம் வெளியிட்டுள்ள செய்திக்குறிப்பில் கூறப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 17 December 2018

TN LABOUR DEPARTMENT RECRUITMENT 2018 (MADURAI REGION) | தமிழ் நாடு அரசு பணியாளர் தேர்வு வாரியம் அறிவித்துள்ள வேலைவாய்ப்பு அறிவிப்பு | பதவி : OFFICE ASSISTANT| விண்ணப்பிக்க கடைசி தேதி : 28.12.2018

TN LABOUR DEPARTMENT RECRUITMENT 2018 (MADURAI REGION) | தமிழ் நாடு அரசு பணியாளர் தேர்வு வாரியம் அறிவித்துள்ள வேலைவாய்ப்பு அறிவிப்பு | பதவி : OFFICE ASSISTANT| விண்ணப்பிக்க கடைசி தேதி : 28.12.2018 (மதுரை,விருதுநகர்,சிவகங்கை,இராமநாதபுரம்,திருநெல்வேலி,தூத்துக்குடி மற்றும் கன்னியாகுமரி மாவட்டங்கள்)
விரிவாக படிக்க இங்கே கிளிக் செய்யுங்கள் | READ MORE | CLICK HERE

TN LABOUR DEPARTMENT RECRUITMENT 2018 (COIMBATORE REGION) | தமிழ் நாடு அரசு பணியாளர் தேர்வு வாரியம் அறிவித்துள்ள வேலைவாய்ப்பு அறிவிப்பு | பதவி : OFFICE ASSISTANT| விண்ணப்பிக்க கடைசி தேதி : 28.12.2018

TN LABOUR DEPARTMENT RECRUITMENT 2018 (COIMBATORE REGION) | தமிழ் நாடு அரசு பணியாளர் தேர்வு வாரியம் அறிவித்துள்ள வேலைவாய்ப்பு அறிவிப்பு | பதவி : OFFICE ASSISTANT| விண்ணப்பிக்க கடைசி தேதி : 28.12.2018 (கோவை, திருப்பூர், சேலம், குன்னூர், ஈரோடு மற்றம் நாமக்கல்)
விரிவாக படிக்க இங்கே கிளிக் செய்யுங்கள் | READ MORE | CLICK HERE

வேலை - கால அட்டவணை - 17 DECEMBER 2018

வேலை - கால அட்டவணை - 17 DECEMBER 2018
விரிவாக படிக்க இங்கே கிளிக் செய்யுங்கள் | READ MORE | CLICK HERE

ஓ.என்.ஜி.சி. நிறுவனத்தில் டெக்னீசியன் உள்ளிட்ட பணி

ஓ.என்.ஜி.சி. நிறுவனத்தில் வேலைவாய்ப்பு.டிப்ளமோ என்ஜினீயரிங் தகுதி.ஓ.என்.ஜி.சி. நிறுவனத்தில் டெக்னீசியன் உள்ளிட்ட பணியிடங்களுக்கு 566 பேர் தேர்வு செய்யப்படுகிறார்கள்.

இது பற்றிய விவரம் வருமாறு:-

இந்திய எண்ணெய் மற்றும் இயற்கை எரிவாயு கழக நிறுவனம் சுருக்கமாக ஓ.என்.ஜி.சி. என அழைக்கப்படுகிறது. முன்னணி பொதுத்துறை நிறுவனமான இதில் தற்போது டெக்னீசியன், ஜூ‌னியர் அசிஸ்டன்ட் உள்ளிட்ட பணிகளுக்கு விண்ணப்பம் கோரப்பட்டு உள்ளது. மொத்தம் 422 பேர் தேர்வு செய்யப்படுகிறார்கள். இதில் அதிகபட்சமாக அசிஸ்டன்ட் டெக்னீசியன் (புரொடக்சன் பணிக்கு 108 இடங்களும், ஜூ‌னியர் அசிஸ்டன்ட் (பி அண்ட் ஏ) பணிக்கு 31 இடங்களும், ஜூனியர் ரஸ்அபவுட் பணிக்கு 42 இடங்களும் உள்ளன. சிமென்டிக், எலக்ட்ரிக்கல், எலக்ட்ரானிக்ஸ், இன்ஸ்ட்ருமென்டேசன், மெக்கானிக்கல் போன்ற பிரிவுகளிலும் அசிஸ்டன்ட் டெக்னீசியன் பணிக்கு கணிசமான இடங்கள் உள்ளன.

இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை அறிவோம்...

வயது வரம்பு

ஒவ்வொரு பணிக்கும் வயது வரம்பு வேறுபடுகிறது. 35 வயதுக்கு உட்பட்டவர் களுக்கு பணி உள்ளது. குறிப்பிட்ட பிரிவினருக்கு அரசு விதிகளின்படி வயது வரம்பு தளர்வும் அனுமதிக்கப்படுகிறது.

கல்வித்தகுதி

மெக்கானிக்கல், எலக்ட்ரிக்கல், எலக்ட்ரானிக்ஸ், டெலிகாம், எலக்ட்ரானிக்ஸ் அண்ட் டெலிகம்யூனிகேசன், இன்ஸ்ட்ருமென்டேசன், பெட்ரோலியம், கெமிக்கல், ஆட்டோமொபைல் போன்ற பிரிவில் டிப்ளமோ என்ஜினீயரிங் படித்தவர்கள், வேதியியல் முதுநிலை படிப்பு படித்தவர்களுக்கு பணியிடங்கள் உள்ளன. 10-ம் வகுப்பு முடித்து, பிட்டிங், மெஷினிங், தீயணைப்பு பயிற்சி சான்றிதழ் பெற்றவர்களுக்கும் பணியிடங்கள் உள்ளன.

கட்டணம்

விண்ணப்பதாரர்கள் ரூ.370 கட்டணம் செலுத்தி விண்ணப்பிக்க வேண்டும். எஸ்.சி., எஸ்.டி. பிரிவினர் மற்றும் மாற்றுத்திறனாளிகள் முன்னாள் ராணுவ வீரர்கள் இந்த கட்டணம் செலுத்த வேண்டியதில்லை.

விண்ணப்பிக்கும் முறை

விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். 1-1-2019-ந் தேதி விண்ணப்பிக்க கடைசிநாளாகும். ஜனவரி இறுதி வாரத்தில் இதற்கான கணினி அடிப்படையிலான தேர்வு நடத்த உத்தேசிக்கப்பட்டு உள்ளது.

115 இடங்கள்

மற்றொரு அறிவிப்பின்படி இந்த நிறுவனத்தில் ஜூ‌னியர் அசிஸ்டன்ட், மெடிக்கல் அசிஸ்டன்ட், சூப்பிரவைசர் போன்ற பணிகளுக்கு 115 பேர் தேர்வு செய்யப்படுகிறார்கள். டிப்ளமோ என்ஜினீயரிங், பார்மசி, ஆப்டோமெட்ரி டிப்ளமோ படிப்பு படித்தவர்களுக்கு பணிகள் உள்ளன.

பட்டப்படிப்புடன், கணினி அறிவு பெற்றவர்கள், பி.எஸ்சி. வேதியியல், ஜியாலஜி படித்தவர்களுக்கும், 10-ம் வகுப்பு படித்தவர்கள், டிரைவிங் லைசென்சு பெற்றவர்களுக்கும் குறிப்பிட்ட பணிகள் உள்ளன. விண்ணப்பதாரர்கள் 30 வயதுக்கு உட்பட்டவர்களாக இருக்க வேண்டும்.. அந்தந்த பணிக்கான சரியான கல்வித்தகுதி, வயது வரம்பு விவரத்தை இணையதளத்தில் பார்த்துவிட்டு விண்ணப்பிக்கலாம்.

இந்த பணிகளுக்கு விண்ணப்பிக்க கடைசிநாள் டிசம்பர் 27-ந் தேதியாகும். இதற்கான தேர்வு வருகிற பிப்ரவரி மாதத்தில் நடத்த உத்தேசிக்கப்பட்டு உள்ளது. இவை பற்றிய விரிவான விவரங்களை www.ongcindia.com என்ற இணையதளத்தில் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தேசிய உயிரியல் பூங்காக்களில் மல்டி டாஸ்கிங் ஊழியர் பணி

உயிரியல் பூங்காவில் ஊழியர்கள் வேலை தேசிய உயிரியல் பூங்காக்களில் மல்டி டாஸ்கிங் ஊழியர் பணிக்கு 180 பேர் தேர்வு செய்யப்படுகிறார்கள். இது பற்றிய விவரம் வருமாறு:- மத்திய சுற்றுச்சூழல் வனத்துறை அமைச்சகத்தின் கீழ் தேசிய வன உயிரியல் பூங்காக்கள் செயல்படுகின்றன. தற்போது புதுடெல்லியில் உள்ள தேசிய உயிரியல் பூங்காவில், ‘மல்டி டாஸ்கிங் ஸ்டாப்’ பணியிடங்களை நிரப்ப அறிவிப்பு வெளியாகி உள்ளது. ‘குரூப்-சி’ பிரிவின் கீழ் வரும் இந்த பணிகளுக்கு மொத்தம் 180 பேர் தேர்வு செய்யப்படுவது குறிப்பிடத்தக்கது. டிக்கெட் கலெக்டர், பூங்கா காவலர், பூங்கா வழிநடத்துனர், அட்டன்டன்ட், கேங்மேன், பியூன் உள்ளிட்ட பணியிடங்கள் உள்ளன. ஒவ்வொரு பணி வாரியான காலியிட விவரத்தை முழுமையான விளம்பர அறிவிப்பில் பார்க்கலாம். 10-ம் வகுப்பு தேர்ச்சி பெற்றவர்கள். ஐ.டி.ஐ. படித்தவர்களுக்கு பணியிடங்கள் உள்ளன. விண்ணப்பதாரர்கள் 18 வயது முதல் 25 வயதுக்கு உட்பட்டவர்களாக இருக்க வேண்டும். நேர்காணல் மூலம் தகுதியானவர்கள் பணியமர்த்தப்படுகிறார்கள். விருப்பமும் தகுதியும் உள்ளவர்கள் குறிப்பிட்ட மாதிரியான விண்ணப்பத்தை இணையதளத்தில் இருந்து பதிவிறக்கம் செய்து நிரப்பி அனுப்ப வேண்டும். விண்ணப்பம் The Ministry of Environment, Forest, and Climate Change, National Zoological Park, New Delhi என்ற முகவரிக்கு அனுப்பப்பட வேண்டும். விண்ணப்பம் சென்றடைய கடைசிநாள் 6-1-2019-ந் தேதியாகும். இதுபற்றிய விவரங்களை www.envfor.nic.in என்று இணையதளத்தில் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ஒலிபரப்பு நிறுவனத்தில் அதிகாரி பணி

பிராட்காஸ்ட் என்ஜினீயரிங் கன்சல்டன்ட் இந்தியா லிமிடெட் (BECIL) எனப்படும் ஒலிபரப்பு பொறியியல் நிறுவனத்தில் மேலாளர் (பேஷன்ட் கேர்), கோஆர்டினேட்டர் (பேஷன்ட் கேர்) போன்ற பணிகளுக்கு விண்ணப்பம் கோரப்பட்டு உள்ளது. மொத்தம் 50 பேர் தேர்வு செய்யப்படுகிறார்கள். மேலாளர் பணிக்கு 40 வயதுக்கு உட்பட்டவர்களும், கோஆர்டினேட்டர் பணிக்கு 35 வயதுக்கு உட்பட்டவர்களாகவும் இருக்க வேண்டும். லைப் சயின்ஸ் பட்டப்படிப்புடன், ஹாஸ்பிட்டல்/ஹெல்த்கேர் மேனேஜ்மென்ட் போன்ற முதுநிலை பட்டப்படிப்பு படித்தவர்கள் மேலாளர் பணிக்கு விண்ணப்பிக்கலாம். லைப்சயின்ஸ் பட்டப்படிப்பு படித்தவர்கள் கோஆர்டினேட்டர் பணிக்கு விண்ணப்பிக்கலாம். விருப்பமுள்ளவர்கள் குறிப்பிட்ட கட்டணம் செலுத்தி, விண்ணப்பத்தை நிரப்பி அனுப்ப வேண்டும். விண்ணப்பம் 31-12-2018-ந் தேதிக்குள் சென்றடைய வேண்டும். இது பற்றிய விரிவான விவரங்களை http://www.becil.com/ என்ற இணையதளத்தில் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

விமானப்படையில் ஏர்மேன் வேலை டிப்ளமோ, ஐ.டி.ஐ. படித்தவர்கள் சேரலாம்

இந்திய விமானப்படையில் பயிற்சியுடன் கூடிய ஏர்மேன் பணிக்கு இளைஞர்கள் சேர்க்கப் படுகிறார்கள். டிப்ளமோ என்ஜினீயரிங் மற்றும் ஐ.டி.ஐ. படித்தவர்கள் இதில் சேர விண்ணப்பிக்கலாம். இது பற்றிய விவரம் வருமாறு:- இந்திய ராணுவத்தின் முப்படை பிரிவுகளில் ஒன்றான விமானப்படையில் பல்வேறு சிறப்பு பயிற்சிகளின் அடிப்படையில் தகுதி வாய்ந்த இளைஞர்கள் சேர்க்கப்பட்டு வருகிறார்கள். தற்போது ‘ஏர்மேன்’ (குரூப்-எக்ஸ்) டெக்னிக்கல், ‘குரூப் ஒய்’ (நான் டெக்னிக்கல்) பயிற்சியில் தகுதியானவர்களை சேர்க்க அறிவிப்பு வெளியாகி உள்ளது. திருமணமாகாத இந்திய குடியுரிமை பெற்ற இளைஞர்கள் இந்த பயிற்சியில் சேர விண்ணப்பிக்கலாம். இந்த பயிற்சியில் சேர விரும்புபவர்கள் பெற்றிருக்க வேண்டிய இதர தகுதி விவரங்களை இனி பார்க்கலாம்... கல்வித் தகுதி: குரூப் எக்ஸ், விண்ணப்பதாரர்கள் பிளஸ்-2 (10+2 முறையில்)/ இன்டர்மீடியட் அல்லது அதற்கு இணையான கல்வித் தகுதி பெற்றிருக்க வேண்டும். இவர்கள் கணிதம், இயற்பியல் மற்றும் ஆங்கில பாடங்களில் 50 சதவீத மதிப்பெண் பெற்று தேர்ச்சி பெற்றிருக்க வேண்டும். அல்லது குறிப்பிட்ட பிரிவுகளில் 3 ஆண்டு டிப்ளமோ படித்தவர்கள் விண்ணப்பிக்கலாம். குரூப் ஒய் (நான்-டெக்னிக்கல்) பிரிவில் சேர விரும்புபவர்கள் பிளஸ்-2, இன்டர்மீடியட் அல்லது அதற்கு இணையான தேர்வில் 50 சதவீத மதிப்பெண்ணுடன் தேர்ச்சி பெற்றிருக்க வேண்டும். ஆங்கிலத்தில் 50 சதவீதத்திற்கு குறையாமல் மதிப்பெண் பெற்றிருப்பது அவசியம். குரூப் ஒய் (நான்-டெக்னிக்கல்) மெடிக்கல் அசிஸ்டன்ட் டிரேடு பயிற்சில் சேர விரும்பு பவர்கள் இயற்பியல், வேதியியல், உயிரியல் பாடங்கள் அடங்கிய பிரிவில் பிளஸ்2/இன்டர்மீடியட் படித்து 50 சதவீத மதிப்பெண்களுடன் தேர்ச்சி பெற்றிருக்க வேண்டும். வயது வரம்பு: விண்ணப்பதாரர் 21 வயதுக்கு உட்பட்டிருக்க வேண்டும். அதாவது 19-1-1999 மற்றும் 1-1-2003 ஆகிய இரு தேதிகளுக்கு இடைப்பட்ட காலத்தில் பிறந்திருக்க வேண்டும். இந்த இரு தேதிகளில் பிறந்தவர்களும் விண்ணப்பிக்கலாம். உடற்தகுதி: குறைந்தபட்சம் 152.5 செ.மீ. உயரம் நிர்ணயிக்கப்பட்டு உள்ளது. எடையளவு குறைந்தபட்சம் 55 கிலோ இருக்க வேண்டும். மார்பளவு 5 செ.மீ. விரியும் திறன் பெற்றிருக்க வேண்டும். பார்வைத்திறன், கேட்கும் திறன், பற்கள் மற்றும் உடல் நலம் போன்றவை தேவையான அளவுக்குள் இருக்கிறதா? என சோதித்து அறியப்படும். அந்தந்த பணிக்கான சரியான உடற் தகுதியை இணையதளத்தில் பார்க்கலாம். தேர்வு செய்யும் முறை: எழுத்து தேர்வு, உடற்திறன் தேர்வு, நேர்காணல், மருத்துவ தேர்வு ஆகியவற்றுக்கு உட்படுத்தப்பட்டு தகுதியானவர்கள் பயிற்சியில் சேர்த்துக் கொள்ளப்படுவார்கள். ஒவ்வொரு பணிக்கும் குறிப்பிட்ட கால பயிற்சிக்குப் பின் பணி நியமனம் பெறலாம். ஆரம்பத்தில் இது 20 ஆண்டு கால பணி வாய்ப்பாகும். பின்னர் விருப்பம் மற்றும் தகுதிக்கேற்ப 57 வயது வரை பணி நீடிப்பு செய்ய முடியும். விண்ணப்பிக்கும் முறை: விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். ரூ.250 கட்டணமாக செலுத்த வேண்டும். 2-1-2019 முதல் 21-1-2019-ந் தேதி வரை விண்ணப்பம் செயல்பாட்டில் இருக்கும். இதற்கான ஆன்லைன் தேர்வு வருகிற மார்ச் 14 முதல் 17-ந் தேதி வரை நடக்க இருக்கிறது. இது பற்றிய விரிவான விவரங்களை அறிய www.airmenselection.cdac.in மற்றும் www.careerindianairforce.cdac.in ஆகிய இணையதள பக்கங்களை பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கடற்படையில் 400 பேர் சேர்ப்பு 10-ம் வகுப்பு படிப்பு தகுதி

கடற்படையில்10-ம் வகுப்புபடித்தவர் களுக்கு பயிற்சியுடன் கூடிய மாலுமி பணி அறிவிக்கப்பட்டு உள்ளது.மொத்தம் 400 பேர் சேர்க்கப்படுகிறார்கள்.

இது பற்றிய விரிவான விவரம் வருமாறு:-

இந்திய கடற்படையில் பல்வேறு பயிற்சி களின் அடிப்படையில் தகுதியான இளைஞர்கள் பணியில் சேர்க்கப்பட்டு வருகிறார்கள்.

தற்போது செய்லர் (எஸ்.எஸ்.ஆர். மற்றும் ஏ.ஏ. ஆகஸ்டு 2019) என்ற பயிற்சி சேர்க்கையின் அடிப்படையில் மாலுமி பணியில் ஏராளமானவர்கள் சேர்க்கப்பட்டு வருகிறார்கள். கடந்த வாரம் பிளஸ்-2 படித்த 3 ஆயிரம் பேரை சேர்ப்பதற்கான அறிவிப்பை பார்த்தோம். தற்போது 10-ம் வகுப்பு படித்தவர்கள் ‘செய்லர் பார் மெட்ரிக் ரெக்ரூட் (எம்.ஆர். அக்டோபர் 2019)’ என்ற பயிற்சி சேர்க்கையின் அடிப்படையில் சேர்க்க விண்ணப்பம் கோரப்பட்டு உள்ளது. மொத்தம் 400 பேர் சேர்க்கப்படுகிறார்கள். இவர்கள் பயிற்சிக்குப் பின் பணி நியமனம் பெறலாம். இந்திய குடியுரிமை பெற்ற, திருமணமாகாத ஆண்கள் இந்த பயிற்சியில் சேர விண்ணப்பிக்கலாம்.

இந்த பயிற்சிகளில் சேர விரும்புபவர்கள் பெற்றிருக்க வேண்டிய இதர தகுதிகளை இனி பார்ப்போம்...

வயது வரம்பு:

விண்ணப்பதாரர்கள் 1-10-1998 மற்றும் 30-9-2002 ஆகிய தேதிகளுக்கு இடைப்பட்ட காலத்தில் பிறந்திருக்க வேண்டும். இந்த இரு தேதிகளில் பிறந்தவர்களும் விண்ணப்பிக்கத் தகுதி உடையவர்களே.

கல்வித் தகுதி:

மெட்ரிகுலேசன் (10-ம் வகுப்பு) அல்லது அதற்கு இணையான கல்வித்தகுதி பெற்றவர்கள் விண்ணப்பிக்கலாம்.

தேர்வு செய்யும் முறை:

எழுத்துத் தேர்வு, உடல்உறுதித் திறன் தேர்வு, மருத்துவ பரிசோதனை ஆகிய வற்றின் அடிப்படையில் தகுதியானவர்கள் பயிற்சியில் சேர்த்துக் கொள்ளப்படுவார்கள். குறிப்பிட்ட கால பயிற்சியில் தேர்ச்சி பெறுபவர்கள் பணி நியமனம் பெறலாம். இவர்கள் மாஸ்டர் சீப் பெட்டி ஆபீசர்-1 பணி வரை பதவி உயர்வு மற்றும் ஊதிய உயர்வு பெற முடியும். இதற்கான தேர்வு முறைகள் வருகிற பிப்ரவரி மாதம் நடைபெற உள்ளது.

உடல் தகுதி:

விண்ணப்பதாரர் குறைந்தபட்சம் 157 செ.மீ. உயரமும், அதற்கேற்ற எடையும் இருக்க வேண்டும். மார்பளவு 5 செ.மீ. விரியும் திறனுடன் இருக்க வேண்டும். பார்வைத்திறன் கண்ணாடியின்றி 6/6, 6/9 மற்றும் கண்ணாடியுடன் 6/6, 6/6 என்ற அளவுக்குள் இருக்க வேண்டும்.

விண்ணப்பிக்கும் முறை:

விருப்பமும், தகுதியும் உள்ளவர்கள் இணைய தளம் வழியாக விண்ணப்பங்களை சமர்ப்பிக்கலாம். ரூ.205 கட்டணம் செலுத்த வேண்டும். குறிப்பிட்டவர்களுக்கு இந்த கட்டணத்தில் விதிவிலக்கு அளிக்கப்படுகிறது. விண்ணப்பதாரர்கள் தேவையான இடத்தில், புகைப்படம் மற்றும் கையொப்பத்தை பதிவேற்றம் செய்ய வேண்டும். இறுதியில் பூர்த்தியான விண்ணப்பத்தை சொந்த உபயோகத்திற்காக கணினிப் பிரதி எடுத்து வைத்துக் கொள்ளவும்.

இணையதள விண்ணப்ப பதிவு தொடங்கிய நாள் : 14-12-2018-ந் தேதி

விண்ணப்பிக்க கடைசிநாள் : 30-12-2018

விண்ணப்பிக்கவும் விரிவான விவரங்களை தெரிந்து கொள்ளவும் பார்க்க வேண்டிய இணையதள முகவரி: https://www.joinindian navy.gov.in என்ற முகவரியைப் பார்க்கவும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, 27 November 2018

சைதை துரைசாமியின் மனிதநேய மையம் நடத்தும் குரூப்-2 முதன்மை தேர்வுக்கான இலவச பயிற்சி வகுப்புகள் இன்று முதல் (27.11.2018) விண்ணப்பிக்கலாம்

சைதை துரைசாமியின் மனிதநேய மையம் நடத்தும் தமிழ்நாடு அரசு பணியாளர் தேர்வாணையத்தின் குரூப்-2 முதன்மை தேர்வுக்கான இலவச பயிற்சி வகுப்பில் கலந்து கொள்ள இன்று முதல் விண்ணப்பிக்கலாம். சைதை துரைசாமியின் மனிதநேய மையம் சார்பில் பல்வேறு மத்திய, மாநில அரசு பணி தேர்வுகளில் கலந்து கொள்வதற்கான இலவச பயிற்சி வகுப்புகள் நடத்தப்பட்டு வருகின்றன. கடந்த பல ஆண்டுகளாக நடத்தப்பட்டு வரும் இதுபோன்ற பயிற்சிகளில் கலந்து கொண்டு 3 ஆயிரத்து 226 பேர் ஐ.ஏ.எஸ்., ஐ.பி.எஸ். சிவில் சர்வீஸ் தேர்வுகள் உள்பட பல்வேறு பணிகளில் சேர்ந்து உள்ளனர். இந்தநிலையில், கடந்த 11-ந் தேதி நடைபெற்ற குரூப்-2 முதல்நிலை தேர்வுகளுக்கு கடந்த மே மாதம் தொடங்கி 5 மாதங்கள் பயிற்சி அளிக்கப்பட்டது. இந்த பயிற்சி வகுப்பில் தமிழகம் முழுவதும் இருந்து ஆயிரக்கணக்கான மாணவ-மாணவிகள் கலந்து கொண்டனர். இந்த தேர்வுக்கான கட்-ஆப் மதிப்பெண்கள் வெளியிடப்பட்டுள்ளன. தற்போது, குரூப்-2 முதன்மை தேர்வுகளுக்கான சிறப்பு பயிற்சி வகுப்புகள் மனிதநேய மையம் சார்பில் நடத்தப்பட உள்ளன. இந்த பயிற்சி வகுப்பில் கடந்த 6 மாத காலமாக முதல்நிலை தேர்வுக்கு பயிற்சி பெற்றவர்கள் கலந்து கொள்ளலாம். மேலும் அந்த பயிற்சியில் கலந்து கொள்ளும் வாய்ப்பை இழந்தவர்களுக்கும், அவர்களது வேண்டுகோளை ஏற்று வாய்ப்பு வழங்கப்பட உள்ளது. கடந்த 11-ந் தேதி நடைபெற்ற முதல்நிலை தேர்வில் தெரிய வந்துள்ள கட்-ஆப் மதிப்பெண்களில் 140 மற்றும் அதற்கு மேல் எடுத்த ஆதிதிராவிட மற்றும் பழங்குடியின மாணவ-மாணவிகளும் 150 மற்றும் அதற்கு மேல் எடுத்துள்ள பொதுப்பிரிவினரும் இப்பயிற்சிக்கு இன்று(செவ்வாய்க்கிழமை) முதல் விண்ணப்பிக்கலாம். டிசம்பர் முதல் வாரத்தில் தொடங்க உள்ள இந்த பயிற்சியில் கலந்து கொள்ள விரும்பும் மாணவ-மாணவிகள் www.mntfreeias.com என்ற இணையதள முகவரியிலோ அல்லது தங்களது பாஸ்போர்ட் அளவு புகைப்படம், முதல்நிலைத் தேர்விற்கான நுழைவுச்சீட்டு ஆகியவற்றுடன் நேரில் வந்தோ பதிவு செய்து கொள்ளலாம். மேலும் விவரங்களுக்கு 044 - 24358373, 24330095 என்ற தொலைபேசி எண்களில் தொடர்பு கொள்ளலாம். இந்த முதன்மை தேர்வுக்கான பயிற்சி வகுப்பில் கலந்து கொள்ளும் அனைவருக்கும் மாதிரி தேர்வுகள், வகுப்புகள் முற்றிலும் இலவசமாக வழங்கப்படும். இவ்வாறு அதில் கூறப்பட்டுள்ளது.  
விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, 16 October 2018

இன்னும் ஒரு வாரத்திற்குள் ஆசிரியர் தகுதி தேர்வு குறித்த அறிவிப்புகள் வெளியாகும் என சென்னையில் செங்கோட்டையன் செய்தியாளர்களிடம் தெரிவித்தார்.

தமிழகத்தில் இடைநிலை மற்றும் பட்டதாரி ஆசிரியர்களை அரசு பள்ளிகளில் நியமிக்க ஆசிரியர் தகுதி தேர்வு கொண்டு வரப்பட்டது. பின்பு ஆசிரியர் தேர்வுக்கு புதிய வெயிட்டேஜ் மதிப்பெண் முறையை தமிழக அரசு அறிமுகப்படுத்தி இருந்தது . இதனால் கிராமப்புற மாணவர்கள் அதிகமாக பாதிக்கப்பட்டனர். ஆசிரியர் தகுதி தேர்வில் வெற்றி பெற்றாலும் வெயிட்டேஜ் மதிப்பெண் குறைவாக இருப்பதால், ஆசிரியர் பணி கிடைக்காமல் மிகவும் அவதிப்படும் சூழ்நிலை ஏற்பட்டது. இந்த வெயிட்டேஜ் மதிப்பெண் முறையை ஒழிக்க வேண்டும் என மாணவர்கள் மற்றும் ஆசிரியர்கள் போராடி வந்தனர். இதற்காக வழக்குகளும் தொடுக்கப்பட்டது. கடந்த ஜூன் மாதம் இதுகுறித்து விளக்கம் அளித்த பள்ளி கல்வி துறை அமைச்சர் செங்கோட்டையன், ஆசிரியர் தகுதி தேர்வில் இனி வெயிட்டேஜ் முறை இல்லை என அறிவித்தார். இதையடுத்து, இதற்கான அரசாணையை தமிழக அரசு கடந்த ஜூலை மாதம் வெளியிட்டது. இதில் வெயிட்டேஜ் மதிப்பெண் முறையை இனி இருக்காது என தெரிவித்துள்ளது. ஆனால், அதற்கு பதில் போட்டி தேர்வு தனியாக நடைபெறும் என தமிழக அரசு தெரிவித்துள்ளது. ஆசிரியர் தகுதித் தேர்வையும், நியமனத்துக்கான போட்டித் தேர்வையும் தனியாகவும் நடத்தலாம் என்று தமிழக அரசு சார்பில் அரசாணை வெளியிடப்பட்டது. ஆசிரியர் தகுதி தேர்வில் வெற்றி பெற்றால் மட்டுமே போட்டி தேர்வுக்கு விண்ணப்பிக்க முடியும் என்றும் தமிழக அரசு தெரிவித்தது. மேலும், டெட்(ஆசிரியர் தகுதித் தேர்வின்) பாடத்திட்டம் மாற்றப்பட்டு, நடப்பு கல்வியாண்டில் அறிமுகப்படுத்தப்பட்ட புதிய பாடத்திட்டத்தின்படி தேர்வை நடத்த பள்ளி கல்வித் துறை முடிவு செய்துள்ளது. நாடு முழுவதும் மத்திய அரசின் இலவச கட்டாயக் கல்வி உரிமை சட்டத்தின்படி , ஆசிரியர் பணிக்கு ஆசிரியர் தகுதித் தேர்வு நடத்தப்படுகிறது. தேசிய கல்வியியல் ஆராய்ச்சிக் கவுன்சில் உத்தரவின் பேரில், கடந்த 2011-ஆம் ஆண்டு முதல் தமிழகத்தில் இந்தத் தேர்வு அமலுக்கு வந்தது. தமிழகபள்ளி கல்வித் துறை சார்பில் கடந்த 2017 பிப்ரவரியில் ஆசிரியர் தேர்வு வாரியத்தின் மூலம், தேர்வு நடத்தப்பட்டது. இதில், 7 லட்சத்துக்கும் அதிகமானோர் பங்கேற்றனர். இந்த கல்வியாண்டில், அக்டோபர், 6 மற்றும் அக்டோபர் 7-ஆகிய தேதிகளில் ஆசிரியர் தகுதித் தேர்வு நடத்தப்படும் என ஆண்டறிக்கையில் கூறப்பட்டிருந்தது. ஆனால், இதுவரை தேர்வுகள் நடத்தப்படவில்லை. இந்நிலையில், ஆசிரியர் தகுதித் தேர்வை நடத்துவதற்கான பணிகள் மீண்டும் தொடங்கியுள்ளது. ஆனால் இந்தத் தேர்வை, தமிழகத்தில் கடந்த 13 ஆண்டுகளாக நடைமுறையில் இருந்த பழைய பாடத்திட்டப்படி நடத்தப்படாது எனவும், தற்போது அறிமுகமாகியுள்ள புதிய பாடத்திட்டப்படி தான் இனி தகுதி தேர்வுகள் நடத்தப்படும் என நடத்த பள்ளிக் கல்வித்துறை தெரிவித்துள்ளது. இந்நிலையில், இன்னும் ஒரு வாரத்திற்குள் ஆசிரியர் தகுதி தேர்வு குறித்த அறிவிப்புகள் வெளியாகும் என சென்னையில் செங்கோட்டையன் செய்தியாளர்களிடம் தெரிவித்துள்ளார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Saturday, 8 September 2018

தமிழகத்தில் 412 மையங்களில் நீட் தேர்வுக்கு பயிற்சி வகுப்புகள்  அமைச்சர் தொடங்கி வைத்தார் 

தமிழகத்தில் 412 மையங்களில் நீட் தேர்வுக்கான பயிற்சி வகுப்பை திருநெல்வேலியில் அமைச்சர் செங்கோட்டையன் நேற்று தொடங்கி வைத்தார். திருநெல்வேலி மாவட்டம் பாவூர்சத்திரம் அவ்வையார் அரசு மகளிர் மேல்நிலைப் பள்ளியில், ‘நீட்’ தேர்வுக்கான பயிற்சியை, தமிழக பள்ளிக் கல்வித் துறை அமைச்சர் செங்கோட்டையன் நேற்று தொடங்கி வைத்தார். முன்னதாக, கேரளாவில் வெள் ளத்தால் பாதிக்கப்பட்ட மக்களுக்கு வழங்குவதற்காக ரூ.1.63 கோடி மதிப்பிலான நிவாரணப் பொருட் களை திருநெல்வேலி மாவட்ட ஆட்சியர் அலுவலகத்தில் இருந்து 22 லாரிகள் மூலம் அமைச் சர் செங்கோட்டையன் கொடி யசைத்து அனுப்பி வைத்தார். விடுமுறை நாட்களில் பயிற்சி பின்னர் அவர் கூறியதாவது: ‘நீட்’ தேர்விலிருந்து தமிழகத்துக்கு விலக்கு அளிக்க வேண்டும் என்பதுதான் அரசின் கொள்கை முடிவு. இருப்பினும், நீதிமன்ற உத்தரவால் நாடு முழுவதும் ‘நீட்’ தேர்வு கட்டாயமாக்கப்பட்டுள்ளது. மாணவர்களின் எதிர்காலத்தை கருத்தில்கொண்டு, தமிழகம் முழு வதும் 412 மையங்களில் ‘நீட்’ தேர்வுக்கு பயிற்சி அளிக்கப் படு கிறது. இந்த மையங்கள் வெள்ளிக் கிழமை முதல் செயல்படத் தொடங்கின. விடுமுறை நாட்களில் காலை, மாலையில் 3 மணி நேரம் இங்கு பயிற்சி வகுப்பு நடத்தப்படும். பள்ளி முடிந்ததும் மாலை நேரங்களிலும் பயிற்சி வகுப்பு நடத்த நட வடிக்கை எடுக்கப்பட்டுள்ளது. 3 ஆயிரத்துக்கும் மேற்பட்ட ஆசிரியர்கள் வீடியோ கான்பரன்ஸ் மூலம் பயிற்சி அளிக்க உள்ளனர். 1,000 பள்ளிகள் தயார் கடந்த ஆண்டு 1,472 அரசுப் பள்ளி மாணவர்கள் ‘நீட்’ தேர்வில் தேர்ச்சி பெற்றனர். 24 பேருக்கு மட்டுமே மருத்துவக் கல்வி பயில இடம் கிடைத்தது. இந்த ஆண்டு அரசுப் பள்ளி மாணவர்கள் ஆயிரம் பேருக்காவது மருத்துவக் கல்வி யில் சேர இடம் கிடைக்கும் நிலை உருவாக்கப்படும். பிளஸ் 1 பாடத்திட்டம் சிபிஎஸ்இக்கு இணையாக உருவாக்கப்பட்டுள்ளது. 6 முதல் 8 வரை படிக்கும் மாணவர்கள் டேப் மூலம் படிக்க நடவடிக்கை எடுக்கப்பட்டு வருகிறது. அடுத்த மாதம் இறுதிக்குள் இதற்கான பணிகள் தொடங்கும். பெண் ஆசிரியர்கள் பாலி யல் ரீதியான பிரச்சினைகளுக்கு 14417 என்ற இலவச தொலை பேசி எண்ணில் தொடர்பு கொண்டு புகார் அளிக்கலாம். புகார் அளிப்பவர் குறித்த விவரங் கள் பற்றி ரகசியம் காக்கப்படும் என்றார். Facebook Google Twitter EmailShare © 2017 All Rights Reserved. Powered by Summit exclusively for The Hindu
விரிவாக படிக்க இங்கே கிளிக் செய்யுங்கள் | READ MORE | CLICK HERE

குரூப்-4 தேர்வுக்கு மருத்துவ சான்றிதழ்  மாற்றுத்திறனாளிகளுக்கு டிஎன்பிஎஸ்சி மாற்று ஏற்பாடு

குரூப்-4 தேர்வில் மருத்துவ சான் றிதழை ஆன்லைனில் சமர்ப் பிக்க இயலாத மாற்றுத்திற னாளிகளுக்கு டிஎன்பிஎஸ்சி மாற்று ஏற்பாடு செய்துள்ளது. அதன்படி, அவர்கள் மருத்துவ சான்றிதழுக்குப் பதிலாக மாற்றுத் திறனாளிகளுக்கான தேசிய அடை யாள அட்டையை பதிவேற்றம் செய்யலாம். இதுதொடர்பாக டிஎன்பிஎஸ்சி தேர்வு கட்டுப்பாட்டு அலுவலர் ஆர்.சுதன் வெளியிட்டுள்ள செய் திக்குறிப்பில் கூறியிருப்பதாவது: கடந்த பிப்ரவரி 11-ம் தேதி நடத்தப்பட்ட குரூப்-4 தேர்வு எழுதியவர்களின் தரவரிசை பட்டி யல் ஜூலை 30-ம் தேதி வெளி யிடப்பட்டது. இதைத்தொடர்ந்து, சான்றிதழ் சரிபார்ப்புக்கு அனுமதிக் கப்பட்ட தேர்வர்களின் பட்டியல் ஆகஸ்டு 27-ம் தேதி தேர்வாணை யத்தின் இணையதளத்தில் வெளி யிடப்பட்டது. அவர்கள் அரசு இ-சேவை மையங்களுக்கு நேரில் சென்று செப்டம்பர் 18-ம் தேதிக்குள் அசல் சான்றிதழ்களை தேர்வாணையத்தின் இணைய தளத்தில் பதிவேற்றம் செய்ய வேண்டும். இ-சேவை மையங் களின் பட்டியலும் இணையதளத் தில் (www.tnpsc.gov.in) வெளி யிடப்பட்டுள்ளது. சான்றிதழ் பதிவேற்றம் செய்ய அனுமதிக்கப்பட்டுள்ள மாற்றுத் திறனாளிகள் மருத்துவக் குழுவி டம் உரிய மருத்துவ சான்றிதழ் பெற்று பதிவேற்றம் செய்ய வேண் டும் என்று முன்பு அறிவிக்கப் பட்டிருந்தது. தற்போது அரசு மருத்துவர்கள் வேலைநிறுத்தப் போராட்டத்தில் ஈடுபட்டு வருவ தால் மருத்துவச் சான்றிதழ் பெறு வதில் சிரமம் இருப்பதாக தமிழ்நாடு மாற்றுத்திறனாளிகள் சங்கங்களின் கூட்டமைப்பு தெரிவித்திருந்தது. அக்கூட்டமைப்பின் கோரிக் கையை ஏற்று மாற்றுத்திறனாளி களுக்கு தளர்வு அளிக்கப்படு கிறது. அதன்படி, மருத்துவக் குழுவிடமிடமிருந்து பெறப் பட்ட சான்றிதழ் இல்லையெ னில் அவர்கள் மாற்றுத்திறனாளி களுக்கான தேசிய அடையாள அட்டையை பதிவேற்றம் செய்ய வேண்டும். அதோடு, அவர்கள் கலந்தாய்வுக்கு அழைக்கப்பட் டால் அப்போது உரிய மருத்துவச் சான்றிதழ் சமர்ப்பிக்கிறேன் என்று உறுதிமொழி கடிதம் எழுதி அதையும் பதிவேற்றம் செய்திட வேண்டும். அவ்வாறு பதிவேற்றம் செய் யாத விண்ணப்பதாரர்கள் அல்லது கலந்தாய்வின்போது மருத்துவக் குழுவிடமிருந்து உரிய மருத்துவச்சான்றிதழ் பெற்று சமர்ப்பிக்க தவறும் விண் ணப்பதாரர்களின் விண்ணப்பம் நிராகரிக்கப்படும். அவர்கள் அடுத்த கட்ட தேர்வுக்கு பரிசீலிக் கப்பட மாட்டார்கள். இதுகுறித்து சந்தேகங்கள் ஏதும் இருப்பின் 044-25300336, 25300337 ஆகிய தொலைபேசி எண்களிலும் 1800 425 1002 என்ற கட்டணமில்லாத் தொலைபேசியிலும் தொடர்பு கொள்ளலாம். இவ்வாறு அவர் கூறியுள்ளார். Facebook Google Twitter EmailShare © 2017 All Rights Reserved. Powered by Summit exclusively for The Hindu
விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, 5 September 2018

தேர்வில் தோல்வியடையும் மாணவர்களுக்கு செப்டம்பருக்கு பதில்  ஜூலை மாதம் மட்டுமே துணைத் தேர்வு  அமைச்சர் கே.ஏ.செங்கோட்டையன் தகவல் 

வரும் கல்வியாண்டு முதல் பொதுத் தேர்வில் தோல்வியடையும் மாணவர் களுக்கு செப்டம்பருக்கு பதில் ஜூலை மாதம் மட்டுமே துணைத்தேர்வு நடத் தப்படும் என்று அமைச்சர் கே.ஏ.செங் கோட்டையன் தெரிவித்தார். மறைந்த முன்னாள் குடியரசுத் தலைவர் ராதாகிருஷ்ணன் பிறந்த தினமான செப்.5-ம் தேதி ஆசிரியர் தினமாக கொண்டாடப்படுகிறது. இதையொட்டி தமிழக அரசு சார்பில் 363 ஆசிரியர்களுக்கு இன்று நல்லாசிரியர் விருதுகள் வழங்கப்படு கின்றன. இதுதவிர, தூய்மைப் பள்ளி விருதும் வழங்கப்பட உள்ளது. இது தொடர்பாக நேற்று தமிழக பள்ளிக் கல்வி அமைச்சர் கே.ஏ.செங் கோட்டையன் செய்தியாளர்களிடம் கூறியதாவது: ஆசிரியர் தினத்தை முன்னிட்டு நாளை (இன்று) மாலை 3.30 மணிக்கு கலைவாணர் அரங்கத்தில், தமிழ் வழியில் படித்த 960 மாணவர்களுக்கு ஊக்கத் தொகை வழங்கப்படுகிறது. இதுவரை, ஆங்கில வழியில் படிக் கும் மாணவர்களுக்கும் சேர்த்து ஊக்கத் தொகை வழங்கப்பட்டு வந்தது. அதை மாற்றி தற்போது முழுமையாக தமிழ் வழியில் படிக்கும் மாணவர்களுக்கு முன்னுரிமை அளிக்கும் வகையில் மாற்றி அமைக்கப்பட்டு, அரசாணையும் பிறப்பிக்கப்பட்டுள்ளது. இதன்படி, மேல்நிலைப் பள்ளி மாணவர்களுக்கு ரூ.20 ஆயிரம், உயர்நிலைப் பள்ளி மாணவர்களுக்கு தலா ரூ.10 ஆயிரம் வழங்கப்படுகிறது. ஆசிரியர் தினத்தன்று 363 ஆசிரியர் களுக்கு நல்லாசிரியர் விருதுகள் வழங்கப்பட உள்ளன. இதில் ரூ.10 ஆயிரம் ரொக்கப் பரிசு, வெள்ளிப் பதக்கம் மற்றும் சான்றிதழ் ஆகியவை அடங்கும். தூய்மைப் பள்ளி விருது இது தவிர, சுற்றுப்புறத்தை தூய்மையாக வைத்துக் கொண்ட 40 பள்ளிகளுக்கு தூய்மைப் பள்ளி விருதுகள் வழங்கப்பட உள்ளன. துணைத் தேர்வு முறையில் அடுத் தாண்டு முதல் மாற்றம் கொண்டு வரப்படுகிறது. பொதுத்தேர்வில் தோல்வியடைந்தவர்கள், தனித்தேர் வர்களுக்கு செப்டம்பர், அக்டோபர் மாதங்களில் துணைத்தேர்வுகள் நடத் தப்படுகின்றன. இந்தாண்டு மட்டும் செப்டம்பரில் இந்த துணைத் தேர்வு நடக்கும். அடுத்தாண்டு முதல், ஜூலை மாதம் தேர்வு நடத்தப்படும். அதில் தேர்ச்சி பெற்று அவர்கள் கல்லூரி களில் சேரலாம். இதற்கான அரசாணையும் பிறப்பிக்கப்பட்டுள்ளது இவ்வாறு அவர் கூறினார். தொடர்ந்து செய்தியாளர்களின் கேள்விகளுக்கு அவர் அளித்த பதில்கள் வருமாறு: பிறமொழி மாணவர்களுக்கு பாடப் புத்தகம் கிடைக்கவில்லை என்ற புகார் எழுந்துள்ளதே? தற்போது பிறமொழி மாணவர் களுக்கு பாடப் புத்தகங்கள் வழங்கப்பட்டு வருகின்றன. மலை யாள மொழி பாடப் புத்தகங்கள் தான் மொழிபெயர்ப்பு காரணமாக தாமதமாகியுள்ளது. ஒரு வாரத்தில் புத்தகங்கள் வழங்கப்பட்டுவிடும். அரசுப் பள்ளிகளை தத்தெடுக்கும் திட்டத்தின் தற்போதைய நிலை என்ன? பல்வேறு நிறுவனங்கள், முன்னாள் மாணவர்கள் தொடர்பு கொண்டு வருகின்றனர். இதற்காக அந்தந்த மாவட்ட முதன்மை கல்வி அதிகாரிகள் தலைமையில் குழு அமைத்துள்ளோம். விரைவில் அவர்களின் தொடர்பு எண்கள் வெளியிடப்படும். பள்ளிகளை தத்தெடுக்க விரும்புவோர், அந்த எண்ணில் தொடர்பு கொண்டால் 24 மணி நேரத்தில் தேவையான பணிகள் முடித்து தரப்படும். பள்ளி மாணவர்கள் பாலியல் தொந்தரவு தொடர்பாக புகார்கள் வந்துள்ளனவா? தொடர்பு எண் 14417-ல் இதுவரை 300 புகார்கள் வந்துள்ளன. இவற்றின் மீது உடனடி நடவடிக்கை எடுக்கப்பட்டு வருகிறது. காவல்துறையுடன் இணைந்து நடவடிக்கை எடுத்து வருகிறோம். தேசிய நல்லாசிரியர் விருது எண்ணிக்கை உயர்த்தப்படுமா? வரும் ஆண்டு முதல் 22 ஆக உயர்த்துவது தொடர்பாக மத்திய அமைச்சரை நேரில் சந்திக்க டெல்லி செல்கிறேன். முதல்வரிடமும் இது தொடர்பாக வலியுறுத்தியுள்ளேன். இவ்வாறு அவர் பதிலளித்தார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 3 September 2018

‘கேட்’ தேர்வு அறிவிப்பு

2019-ம் ஆண்டுக்கான ‘கேட்’ (GATE-2019) தேர்வு அறிவிக்கப்பட்டு உள்ளது. என்ஜினீயரிங் பட்டதாரிகள் இந்த தேர்வுக்கு விண்ணப்பிக்கலாம். இது பற்றிய விவரம் வருமாறு:- என்ஜினீயரிங் பட்டதாரிகளுக்கான கேட் நுழைவுத் தேர்வு அறிவிப்பு வெளியாகி உள்ளது. பெங்களூருவில் உள்ள இந்திய அறிவியல் மையம், மும்பை, டெல்லி, கவுகாத்தி, கான்பூர், கோரக்பூர், சென்னை, ரூர்கி போன்ற இடங்களில் உள்ள இந்திய தொழில்நுட்ப மைய (ஐ.ஐ.டி.) கல்வி நிறுவனங்களில் முதுநிலை படிப்பு (எம்.டெக்), மற்றும் பிஎச்.டி. படிப்பதற்கு இது ஒரு தகுதித் தேர்வாக பின்பற்றப்படுகிறது. அத்துடன் பல்வேறு மத்திய அரசு நிறுவனங்களும் இந்த தகுதித் தேர்வை அடிப்படையாகக் கொண்டு தங்கள் நிறுவன காலிப் பணியிடங்களை நிரப்புவது உண்டு. பல தனியார் நிறு வனங்களும், கல்வி மையங்களும் இந்த தேர்வில் வெற்றி பெற்றவர்களுக்கு முன்னுரிமை வழங்குகிறது. எனவே வேலைவாய்ப்பை பெற்றுத் தரும் ஒரு தேர்வாகவும் இந்த தேர்வு மதிப்பு பெறுகிறது. இனி இந்த தேர்வை எழுத விரும்புபவர்கள் பெற்றிருக்க வேண்டிய தகுதி விவரங்களைப் பார்ப்போம்... கல்வித் தகுதி: என்ஜினீயரிங்/ தொழில்நுட்ப படிப்புகளில் பட்டப்படிப்பு மற்றும் முதுநிலை படிப்பு படித்தவர்கள் இந்த தேர்வை எழுதலாம். 4 ஆண்டுகளைக் கொண்ட அறிவியல் பட்டப்படிப்புகள், முதுநிலை அறிவியல் படிப்பு படித்தவர்கள் எழுதலாம். தேர்வு முறை: இணையதளம் வழியான கணினித் தேர்வு அடிப்படையில் இந்த தேர்வு நடைபெறும். கட்டணம். இந்த தேர்வை எழுத விரும்பும் எஸ்.சி., எஸ்.டி. பிரிவினர் மற்றும் மாற்றுத் திறனாளிகள், பெண் விண்ணப்பதாரர்கள் ரூ.750-ம் மற்றவர்கள் ரூ.1500-ம் கட்டணமாக செலுத்தி விண்ணப்பிக்க வேண்டும். விண்ணப்பிக்கும் முறை: விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். 21-9-2018-ந் தேதி வரை விண்ணப்பம் செயல்பாட்டில் இருக்கும். gate.iitm.ac.in என்ற பக்கம் வழியாக அறிவிப்பின் முழு விவரங்களை அறிந்து கொண்டு, விண்ணப்ப பதிவை தொடங்கவும். தேவையான சான்றுகளை முன்கூட்டியே ஸ்கேன் செய்து வைத்துக் கொள்ளவும். முக்கிய தேதிகள் : இணையதள விண்ணப்பம் சமர்ப்பிக்க கடைசி நாள் : 21-9-2018 தேர்வு நடைபெறும் நாட்கள் 2019-ம் ஆண்டு பிப்ரவரி 2,3, மற்றும் 9,10-ந் தேதிகள் இது பற்றிய விவரங்களை மேற்குறிப்பிட்டுள்ள இணையதள பக்கத்தில் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 27 August 2018

ரிசர்வ் வங்கியில் சிறப்பு அதிகாரி பணிகள்

ரிசர்வ் வங்கியில் சிறப்பு அதிகாரி பணிக்கு 60 பேர் தேர்வு செய்யப்படுகிறார்கள். இவை ‘கிரேடு-பி’ தரத்திலான ஒப்பந்த பணியிடங்களாகும். நிதி, டேட்டா அனலைடிக்ஸ், ரிஸ்க் மாடலிங், பாரன்சிக் ஆடிட், புரபெசனரி காப்பி எடிட்டிங், எச்.ஆர்.எம். போன்ற பிரிவில் பணியிடங்கள் உள்ளன. ஒவ்வொரு பிரிவு மற்றும் இட ஒதுக்கீடு அடிப்படையிலான பணியிட விவரங்களை முழுமையான விளம்பர அறிவிப்பில் பார்க்கலாம். இந்த பணியிடங்களுக்கு விண்ணப்பிக்க விரும்புபவர்கள், 24 முதல் 34 வயதுக்கு உட்பட்டவர்களாக இருக்க வேண்டும். அதாவது 1-8-1984 மற்றும் 1-8-1994 ஆகிய தேதிகளுக்கு இடைப்பட்ட காலத்தில் பிறந்தவர்களாக இருக்க வேண்டும். எம்.பி.ஏ. (நிதி), புள்ளியியல் முதுநிலை படிப்பு, இதர முதுநிலை படிப்புடன் பணி சார்ந்த டிப்ளமோ படிப்புகள், சி.ஏ., ஐ.சி.டபுள்யு.ஏ. படிப்பு படித்தவர்களுக்கு வாய்ப்பு உள்ளது. பொது மற்றும் ஓ.பி.சி. பிரிவினர் ரூ.850, எஸ்.சி., எஸ்.டி. பிரிவினர் மற்றும் மாற்றுத்திறனாளிகள் 100 கட்டணம் செலுத்தி விண்ணப்பிக்க வேண்டும். விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். 7-9-2018-ந் தேதி விண்ணப்பிக்க கடைசி நாளாகும். இதற்கான தேர்வு 29-9-2018-ந் தேதி நடக்கிறது. விண்ணப்பிக்கவும் விரிவான விவரங்களை தெரிந்து கொள்ளவும் www.rbi.org.in என்ற இணையதள பக்கத்தை பார்க்கவும்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

எலக்ட்ரானிக்ஸ் நிறுவனத்தில் என்ஜினீயர்களுக்கு வேலைவாய்ப்பு

எலக்ட்ரானிக்ஸ் நிறுவனத்தில் என்ஜினீயர்களுக்கு வேலைவாய்ப்பு பாரத் எலக்ட்ரானிக்ஸ் நிறுவனத்தில் என்ஜினீயர்களுக்கு 147 பணியிடங்கள் அறிவிக்கப்பட்டு உள்ளன. இது பற்றிய விவரம் வருமாறு:- மத்திய பொதுத்துறை நிறுவனங்களில் ஒன்று பாரத் எலக்ட்ரானிக்ஸ் லிமிடெட். ராணுவத்திற்குத் தேவையான எலக்ட்ரானிக்ஸ் உபகரணங்கள் தயாரிப்பு பணிகளை கவனிக்கும் இந்த நிறுவனத்தில் தற்போது என்ஜினீயர் பணியிடங்களை நிரப்ப அறிவிப்பு வெளியாகி உள்ளது. எலக்ட்ரானிக்ஸ் பிரிவில் 81 இடங்களும், மெக்கானிக்கல் பிரிவில் 50 இடங்களும், எலக்ட்ரிக்கல் பிரிவில் 3 இடங்களும், கம்ப்யூட்டர் சயின்ஸ் பிரிவில் 13 இடங்களும் உள்ளன. மொத்தம் 147 பேர் தேர்வு செய்யப்படுகிறார்கள். இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்கள் வருமாறு: 1-9-2018 அன்று 25 வயதுக்கு உட்பட்டவர்களாக இருக்க வேண்டும். குறிப்பிட்ட பிரிவினருக்கு அரசு விதிகளின்படி வயது வரம்பு தளர்வு அனுமதிக்கப்படும். கல்வித்தகுதி எலக்ட்ரானிக்ஸ், எலக்ட்ரானிக்ஸ் அண்ட் கம்யூனிகேசன், எலக்ட்ரானிக்ஸ் அண்ட் டெலிகம்யூனிகேசன், டெலிகம்யூனிகேசன், மெக்கானிக்கல், எலக்ட்ரிக்கல், எலக்ட்ரிக்கல் அண்ட் எலக்ட்ரானிக்ஸ், கம்ப்யூட்டர் சயின்ஸ் உள்ளிட்ட பிரிவுகளில் என்ஜினீயரிங் தொழில்நுட்ப பட்டப்படிப்பு படித்தவர்கள் விண்ணப்பிக்கலாம். விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். 30-8-2018-ந் தேதி விண்ணப்பிக்க கடைசிநாளாகும். இது பற்றிய விரிவான விவரங்களை http://bel-india.in/ என்ற இணையதள பக்கத்தில் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

எல்.ஐ.சி. துணை நிதி நிறுவனத்தில் 300 பணியிடங்கள்

எல்.ஐ.சி.யின் துணை நிதி நிறுவனத்தில் 300 பணியிடங்கள் அறிவிக்கப்பட்டு உள்ளன. இது பற்றிய விவரம் வருமாறு:- பொதுத்துறை காப்பீட்டு நிறுவனங்களில் ஒன்று எல்.ஐ.சி. இதன் கீழ் செயல்படும் துணை நிதி நிறுவனம் எல்.ஐ.சி. ஹவுசிங் பினான்ஸ் லிமிடெட். தற்போது இந்த நிறுவனத்தில் உதவி மேலாளர், உதவியாளர் உள்ளிட்ட பணியிடங்களை நிரப்ப விண்ணப்பம் கோரப்பட்டு உள்ளது. அசிஸ்டன்ட் மேனேஜர் பணிக்கு 100 இடங்களும், அசோசியேட் பணிக்கு 50 இடங்களும், அசிஸ்டன்ட் பணிக்கு 150 இடங்களும் உள்ளன. இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்ப்போம்... வயது வரம்பு விண்ணப்பதாரர்கள் 1-1-2018-ந் தேதியில் 21 வயது பூர்த்தி அடைந்தவர்களாகவும், 28 வயதுக்கு உட்பட்டவர்களாகவும் இருக்க வேண்டும். அதாவது 2-1-1990 மற்றும் 1-1-1997 ஆகிய தேதிகளுக்கு இடைப்பட்ட காலத்தில் விண்ணப்பதாரர் பிறந்திருக்க வேண்டும். இந்த இரு தேதிகளில் பிறந்தவர்களும் விண்ணப்பிக்கத் தகுதியானவர்களே. கல்வித்தகுதி எம்.பி.ஏ. படித்தவர்கள் மற்றும் இந்த முதுநிலைப் படிப்புடன் குறிப்பிட்ட பிரிவுகளில் டிப்ளமோ படிப்பு படித்தவர்களும் விண்ணப்பிக்கத் தகுதியானவர்கள். கட்டணம் விண்ணப்பதாரர்கள் ரூ.500 கட்டணம் செலுத்தி விண்ணப்பிக்க வேண்டும். இணையதளம் வழியாக கட்டணம் செலுத்தலாம். விண்ணப்பிக்கும் முறை விருப்பமும், தகுதியும் இருப்பவர்கள் இணையதளம் வழியாக விண்ணப்பம் சமர்ப்பிக்கலாம். விண்ணப்பிக்க கடைசி நாள் 6-9-2018-ந் தேதியாகும். இதற்கான ஆன்லைன் தேர்வு அக்டோபர் 6,7-ந் தேதிகளில் நடக்கிறது. விண்ணப்பிக்கவும், விரிவான விவரங்களை தெரிந்து கொள்ளவும் http://www.lichousing.com/ என்ற இணையதள பக்கத்தைப் பார்க்கவும்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

துணை ராணுவத்தில் 390 பணியிடங்கள்

இந்திய திபெத்திய எல்லைக்காவல் படையில் கான்ஸ்டபிள் பணியிடங்களுக்கு 390 பேர் தேர்வு செய்யப்படுகிறார்கள். இது பற்றிய விரிவான விவரம் வருமாறு:- இந்திய ராணுவத்தின் துணை ராணுவ படைப்பிரிவுகளில் ஒன்று ஐ.டி.பீ.பி. இந்திய திபெத்திய எல்லைக் காவல் படையான இந்த அமைப்பில் தற்போது சப்-இன்ஸ்பெக்டர், ஹெட் கான்ஸ்டபிள், கான்ஸ்டபிள் பணியிடங்கள் அறிவிக்கப்பட்டு உள்ளன. மொத்தம் 390 பேர் தேர்வு செய்யப்படுகிறார்கள். இதில் சப்-இன்ஸ்பெக்டர் பணிக்கு 17 இடங்களும், ெஹட் கான்ஸ்டபிள் பணியிடங்களுக்கு 155 பேரும், கான்ஸ்டபிள் பணிக்கு 218 இடங்களும் உள்ளன. இவை டெலிகாம் பிரிவு பணிகளாகும். இவற்றில் பெண்களுக்கும் கணிசமான இடங்கள் ஒதுக்கப்பட்டு உள்ளன. சப்-இன்ஸ்பெக்டர் பணிக்கு ரூ.200-ம், மற்ற பணிகளுக்கு ரூ.100-ம் கட்டணம் செலுத்தி விண்ணப்பிக்க வேண்டும். இதற்கான விண்ணப்ப பதிவு 4-9-2018-ந் தேதி தொடங்குகிறது. இணையதள விண்ணப்பம் சமர்ப்பிக்க 31-10-2018-ந் தேதி கடைசி நாளாகும். இது பற்றிய விரிவான விவரங்களை www.recruitment.itbpolice.nic.in என்ற இணையதள பக்கத்தில் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

கடற்படையில் பட்டதாரிகள் சேர்ப்பு

இந்திய கடற்படையில் தகுதியான இளைஞர்கள் பல்வேறு பயிற்சி நுழைவின் அடிப்படையில் தேர்வு செய்யப்பட்டு பயிற்சி அளித்து பணி நியமனம் செய்யப்படுகிறார்கள். தற்போது பைலட், அப்சர்வர், ஏர் டிராபிக் கண்ட்ரோலர் போன்ற அதிகாரி தரத்திலான பணிகளுக்கு ஆட்களை தேர்வு செய்ய அறிவிப்பு வெளியாகி உள்ளது. இது ஷாட் சர்வீஸ் கமிஷனின் கீழ்வரும் பணிவாய்ப்பாகும். இந்த பயிற்சியில் மொத்தம் 22 பேர் சேர்க்கப்படுகிறார்கள். இந்த பயிற்சியில் சேர விரும்புபவர்கள் என்ஜினீயரிங் பட்டப்படிப்பு படித்தவர்களாக இருக்க வேண்டும். இறுதியாண்டு படித்துக் கொண்டிருப்பவர்களும் விண்ணப்பிக்கலாம். 2-7-1995 மற்றும் 1-7-2000-ம் தேதிக்கு இடைப்பட்ட காலத்தில் பிறந்தவர்களுக்கு பணிகள் உள்ளன. ஏர்டிராபிக் கண்ட்ரோல் பணிக்கு 2-7-1994 மற்றும் 1-7-1998 தேதிக்குள் பிறந்தவர்கள் விண்ணப்பிக்கலாம். விண்ணப்பதாரர்கள் குறிப்பிட்ட உடல்தகுதி பெற்றிருக்க வேண்டும். நுண்ணறிவுத்திறன் தேர்வுகள், உளவியல் தேர்வு, உடல்தகுதி தேர்வு மற்றும் நேர்காணல் மருத்துவ பரிசோதனை ஆகியவற்றின் அடிப்படையில் தகுதியானவர்கள் பயிற்சியில் சேர்த்துக் கொள்ளப்படுகிறார்கள். விருப்பமுள்ளவர்கள் இணையதளம் வழியாக விண்ணப்பம் சமர்ப்பிக்கலாம். 14-9-2018-ந் தேதி விண்ணப்பிக்க கடைசிநாளாகும். இதற்கான நேர்காணல் நவம்பர் 2018 மற்றும் மார்ச் 2019-ல் நடைபெறும். விண்ணப்பிக்கவும், விரிவான விவரங்களை தெரிந்து கொள்ளவும் www.joinindiannavy.gov.in என்ற இணையதள பக்கத்தைப் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 20 August 2018

ராணுவத்தில், துணை மருத்துவம் படித்தவர்களுக்கு வேலை வாய்ப்பு

துணை ராணுவ படையில் சப்-இன்ஸ்பெக்டர், கான்ஸ்டபிள் போன்ற பணிகளுக்கு 181 பேர் தேர்வு செய்யப்படுகிறார்கள். நர்சிங், பார்மசி போன்ற துணை மருத்துவம் படித்தவர்கள் இந்த பணிகளுக்கு விண்ணப்பிக்கலாம். இது பற்றிய விவரம் வருமாறு:- துணை ராணுவ படைப்பிரிவுகளில் ஒன்று சசாஸ்திரா சீமா பல். சுருக்கமாக எஸ்.எஸ்.பி. என அழைக்கப்படும் இந்த படைப்பிரிவில் தற்போது சப்-இன்ஸ்பெக்டர், உதவி சப்-இன்ஸ்பெக்டர், ஹெட்கான்ஸ்டபிள் தரத்திலான துணை மருத்துவ பணியிடங்களை நிரப்ப அறிவிப்பு வெளியாகி உள்ளது. மொத்தம் 181 பேர் தேர்வு செய்யப்படுகிறார்கள். சப்-இன்ஸ்பெக்டர் தரத்திலான பணிகளுக்கு நர்சிங் படித்த பெண்கள் 23 பேரும், உதவி சப்-இன்ஸ்பெக்டர் பிரிவில் (பார்மசிஸ்ட்) - 18 இடங்களும், ஆபரேசன் தியேட்டர் டெக்னீசியன்- 2 இடங்களும், டென்டல் டெக்னீசியன்-2 இடங்களும், ரேடியோகிராபர் 8 இடங்களும், ஸ்டெனோகிராபர்-54 இடங்களும் உள்ளன. ஹெட்கான்ஸ்டபிள் பிரிவில் 74 இடங்கள் உள்ளன. இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்... வயது வரம்பு ஒவ்வொரு பிரிவு பணிக்கும் வயது வரம்பு வேறுபடுகிறது. 30 வயதுக்கு உட்பட்டவர்களுக்கு பணியிடங்கள் உள்ளன. அரசு விதிகளின்படி வயது வரம்பு தளர்வும் அனுமதிக்கப்படுகிறது. 9-9-2018-ந் தேதியை அடிப்படையாகக் கொண்டு வயது வரம்பு கணக்கிடப்படுகிறது. கல்வித்தகுதி பிளஸ்-2 படிப்புடன் ஜெனரல் நர்சிங், பார்மஸி, ஆபரேசன் தியேட்டர் டெக்னீசியன், டென்டல் ஹைஜீனிஸ்ட், ரேடியோ டயக்னாஸிஸ் டிப்ளமோ படிப்பு படித்தவர்கள் சப்-இன்ஸ்பெக்டர், உதவி சப்-இன்ஸ்பெக்டர் தரத்தி லான பணிகளுக்கு விண்ணப்பிக்கலாம். பிளஸ்-2 படித்தவர்கள், ஸ்டெனோகிராபர் மற்றும் ெஹட்கான்ஸ்டபிள் பணியிடங்களுக்கு விண்ணப்பிக்கலாம். கட்டணம் சப்-இ்ன்ஸ்பெக்டர் பணி விண்ணப்பதாரர்கள் தவிர மற்றவர்கள் ரூ.100 கட்டணம் செலுத்தி விண்ணப்பிக்க வேண்டும். எஸ்.சி., எஸ்.டி. பிரிவினர் முன்னாள் படைவீரர்கள், பெண் விண்ணப்பதாரர்கள் கட்டணம் செலுத்த வேண்டியதில்லை. சப்-இன்ஸ்பெக்டர் பணிக்கு பெண்கள் மட்டுமே தேர்வு செய்யப்படுவதால் அவர்கள் கட்டணம் செலுத்த வேண்டியதில்லை. தேர்வு செய்யப்படும் முறை எழுத்துத் தேர்வு, உடல்திறன் தேர்வு, திறமைத் தேர்வு, சான்றிதழ் சரிபார்த்தல் ஆகிய தேர்வுகளின் அடிப்படையில் தகுதியானவர்கள் தேர்வு செய்யப்படுவார்கள். விண்ணப்பிக்கும் முறை விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். விண்ணப்பிக்க கடைசி நாள் 9-9-2018-ந் தேதியாகும். விண்ணப்பிக்கவும், விரிவான விவரங்களை தெரிந்து கொள்ளவும் www.ssbrectt.gov.in. என்ற இணையதள பக்கத்தைப் பார்க்கலாம்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Thursday, 16 August 2018

அரசு நடுநிலைப் பள்ளியில் அமைந்துள்ள  2 ஆயிரம் அங்கன்வாடிகளில் எல்.கே.ஜி., யு.கே.ஜி. வகுப்புகள் அமைச்சர் செங்கோட்டையன் தகவல்

தமிழ்நாட்டில் சுமார் 2 ஆயிரம் அரசு நடுநிலைப்பள்ளி வளாகங்களில் அமைந்துள்ள அங்கன்வாடி மையங்களில் எல்.கே.ஜி., யு.கே.ஜி. ஆங்கில வழிக்கல்வி வகுப்புகள் தொடங்கப்படும் என்று பள்ளிக்கல்வித் துறை அமைச்சர் கே.ஏ.செங்கோட்டையன் தெரிவித் தார். 200 ஆண்டுகள் பழமையான சென்னை எழும்பூர் மாநில மகளிர் மேல்நிலைப் பள்ளி வளா கம், தனியார் பள்ளிகள் மற்றும் அமைப்புகள் மூலம் புனரமைக் கப்பட்டு மாதிரிப் பள்ளியாக உருவாக்கப்பட்டுள்ளது. இந்த மாதிரிப் பள்ளியின் தொடக்க விழா பள்ளி வளாகத்தில் நேற்று நடந்தது. இதில், பள்ளிக் கல்வித் துறை அமைச்சர் கே.ஏ.செங்கோட்டையன் கலந்து கொண்டு மாதிரிப் பள்ளியின் ஆய்வுக்கூடம், நூலகத்தை திறந்துவைத்தார். பின்னர் நடைபெற்ற விழாவில் அமைச்சர் செங்கோட்டையன், இப்பள்ளியில் படித்து தற்போது சென்னை உயர் நீதிமன்ற நீதிபதியாகப் பணியாற்றும் பவானி சுப்பராயன் உள்ளிட்டோர் கலந்துகொண்டனர். இந்நிகழ்ச்சிக்கு பிறகு நிருபர் களிடம் செங்கோட்டையன் கூறிய தாவது: நீதிமன்ற வழக்கு காரணமாக கடந்த ஆண்டு மாணவர்களுக்கு மடிக்கணினி, மிதிவண்டி தரப் படவில்லை. எனவே, இந்தாண்டு 11 மற்றும் 12-ம் வகுப்பு மாணவர்களுக்கு மடிக்கணினி, மிதிவண்டி வழங்கப்படும். அரசுப் பள்ளி மாணவ, மாணவியரின் முழுப் பாதுகாப்புக்காக இந்தியா விலேயே முதன்முறையாக உதவி தொலைபேசி எண் (14417) வழங்கப்பட்டுள்ளது. அடுத்த மாத இறுதிக்குள் 3 ஆயிரம் அரசுப் பள்ளிகளில் “ஸ்மார்ட் வகுப்புகள்” தொடங்கப்படும். வேலைவாய்ப்பை உருவாக்கும் நோக்கில் திறன் மேம்பாட்டு பயிற்சிக்காக பிளஸ் 2-வுடன் 12 புதிய பாடத்திட்டங்கள் இணைக்கப்படும். அரசுப் பள்ளிகளில் உபரியாக இருக்கும் ஆசிரியர்களின் பணியைப் பயன்படுத்திக் கொள்ளும் நோக்கில் சமூக நலத்துறையுடன் இணைந்து அரசு நடுநிலைப்பள்ளி வளாகத்தில் அமைந்துள்ள சுமார் 2 ஆயிரம் அங்கான்வாடி மையங்களில் எல்.கே.ஜி.., யு.கே.ஜி. ஆங்கில வழிக் கல்வி வகுப்புகள் தொடங்கப்படும். அதற்கான ஆய்வு நடைபெற்று வருகிறது. இவ்வாறு அமைச்சர் செங்கோட்டையன் கூறினார்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 6 August 2018

வேலைவாய்ப்பு அலுவலகங்கள் மூலம் வேலைவாய்ப்பற்ற இளைஞர்களுக்கு உதவி தொகை.

வேலைவாய்ப்பு அலுவலகங்கள் மூலம் வேலைவாய்ப்பற்ற இளைஞர்களுக்கு உதவி தொகை | தமிழக அரசால் வேலைவாய்ப்பற்ற இளைஞர்களுக்கு உதவி தொகை வேலைவாய்ப்பு அலுவலகங்கள் மூலம் வழங்கப்பட்டு வருகிறது. 10, பிளஸ்-2 மற்றும் பட்டப்படிப்பு போன்ற கல்வித் தகுதிகளை படித்து வேலைவாய்ப்பு அலுவலகத்தில் பதிவு செய்து 5 ஆண்டுகளுக்கு மேல் வேலைவாய்ப்பு அலுவலகத்தில் பதிவு செய்து காத்திருப்பவர்கள் உதவித்தொகை பெற சென்னை, சாந்தோமில் உள்ள மாவட்ட வேலைவாய்ப்பு அலுவலகத்தை அணுக வேண்டும். குடும்ப ஆண்டு வருமானம் ரூ.50 ஆயிரத்துக்கு மிகாமல் இருக்க வேண்டும். மாற்றுத்திறனாளிகள் பதிவு செய்து 1 ஆண்டு உயிர்ப்பதிவேட்டில் உள்ளவர்கள், கிண்டி மகளிர் தொழில் பயிற்சி நிலைய வளாகத்தில் உள்ள மாற்றுத்திறனாளிகளுக்கான சிறப்பு வேலைவாய்ப்பு அலுவலகத்தில் உரிய விண்ணப்பத்தினை பெற்று விண்ணப்பிக்க வேண்டும். மாற்றுத்திறனாளிகளுக்கு கல்வித்தொகை மற்றும் குடும்ப ஆண்டு வருமானம், உச்சவரம்பு ஏதுவுமில்லை. இவ்வாறு சென்னை மாவட்ட கலெக்டர் வெ.அன்புச் செல்வன் தெரிவித்து உள்ளார்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Friday, 3 August 2018

பிளஸ்-2 சிறப்பு துணைத்தேர்வு விடைத்தாள் நகல் இன்று வெளியீடு.

பிளஸ்-2 தேர்வில் தேர்ச்சி பெறாதவர்கள் உள்பட சிறப்பு துணைத் தேர்வு எழுதியவர்களில் விடைத்தாட்களின் நகல் கோரி விண்ணப்பித்த மாணவ- மாணவிகளுக்கு இன்று(வெள்ளிக்கிழமை) விடைத்தாள் நகல்கள் வெளியிடப்படுகின்றன. அவர்கள் பிற்பகல் 2 மணி முதல் scan.tnd-ge.in என்ற இணையதளத்திற்குச் சென்று தங்களது பதிவு எண் மற்றும் பிறந்த தேதியினைப் பதிவு செய்து தாங்கள் விண்ணப்பித்த பாடங்களுக்குரிய விடைத்தாட்களின் நகலினை பதிவிறக்கம் செய்து கொள்ளலாம். விடைத்தாட்களின் நகலினை பதிவிறக்கம் செய்த பிறகு மறுகூட்டல் அல்லது மறுமதிப்பீட்டிற்கு விண்ணப்பிக்க விரும்பினால், இதே இணையதள முகவரியில் விண்ணப்பத்தினை பதிவிறக்கம் செய்து கொள்ள வேண்டும். இவ்விண்ணப்பப் படிவத்தினைப் பூர்த்தி செய்து, இரு நகல்கள் எடுத்து வருகிற 6-ந்தேதி முதல் 8-ந்தேதி வரை உரிய முதன்மைக் கல்வி அலுவலர் அலுவலகத்தில் ஒப்படைக்க வேண்டும். இந்த தகவலை அரசு தேர்வுதுறை இயக்குனர் தண்.வசுந்தராதேவி தெரிவித்துள்ளார்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

போட்டித் தேர்வுகளுக்கு மாணவர்களை தயார்படுத்த மாவட்ட நூலகங்களில் ஐ.ஏ.எஸ். அகாடமி எடப்பாடி பழனிசாமி அடுத்த வாரம் தொடங்கி வைக்கிறார்

போட்டித்தேர்வுகளில் கலந்து கொள்ளும் மாணவர்களுக்கு பயிற்சி அளித்து தயார்படுத்துவதற்காக, மாவட்ட நூலகங்களில் ஐ.ஏ.எஸ். அகாடமியை முதல்-அமைச்சர் எடப்பாடி பழனிசாமி அடுத்த வாரம் தொடங்கி வைக்கிறார். பயிற்சி வகுப்பு திருப்பூர் வடக்கு ரோட்டரி சங்கம் சார்பில் ‘உன்னால் முடியும்’ என்ற பள்ளி மாணவ-மாணவிகளுக்கான திறன் மேம்பாடு, வாழ்வியல் நெறிமுறை பயிற்சி வகுப்பு தொடக்க விழா நேற்று காலை திருப்பூர் ஜெய்வாபாய் மாநகராட்சி பெண்கள் மேல்நிலைப்பள்ளியில் நடந்தது. விழாவில் பள்ளி கல்வித்துறை அமைச்சர் கே.ஏ.செங்கோட்டையன் பேசியதாவது:- இந்த ஆண்டு பிளஸ்-1, பிளஸ்-2 படிக்கும் மாணவ- மாணவிகளுக்கு விலையில்லா மடிக்கணினி, விலையில்லா சைக்கிள் வழங்குவதில் தாமதம் ஏற்பட்டுள்ளது. இன்னும் 2 மாதத்துக்குள் பிளஸ்-1, பிளஸ்-2 படிக்கும் மாணவ- மாணவிகளுக்கு விலையில்லா மடிக்கணினி, சைக்கிள் வழங்கப்படும். தமிழகத்தில் 32 மாவட்டங்களில் உள்ள மாவட்ட நூலகங்களில் ஐ.ஏ.எஸ். உள்ளிட்ட போட்டித்தேர்வுக்கு மாணவர்களை தயார் படுத்தும் வகையில் ஐ.ஏ.எஸ்.அகாடமி அடுத்த வாரம் தமிழக முதல்-அமைச்சரால் தொடங்கப்படும். குரூப்-1 முதல் குரூப்-4 வரை தேர்வு பயிற்சிகளும் வழங்கப்படும். கணினி மயமாக்கப்படும் தமிழகத்தில் 1 லட்சத்து 60 ஆயிரம் பேர் பொறியியல் படிப்பு முடித்து வேலைக்காக காத்திருக்கிறார்கள். பொறியியல் படித்தவர்கள் மாதம் ரூ.10 ஆயிரம் சம்பளத்துடன் கூடிய வேலை கிடைக்காமல் திண்டாடி வருகிறார்கள். ஏழை குடும்பத்தில் உள்ளவர்கள் வேலைவாய்ப்பை பெறும் வகையில் வரும் ஆண்டில் பிளஸ்-2 பாடத்திட்டத்தில் 12 திறன்மேம்பாட்டு பாடத்திட்டங்கள் சேர்க்கப்பட உள்ளது. இதன் மூலம் மாணவ-மாணவிகளுக்கு வேலைவாய்ப்பு உத்தரவாதம் கிடைக்கும். அடுத்த ஆண்டு 1-ம் வகுப்பு முதல் 5-ம் வகுப்பு வரையும், 6-ம் வகுப்பு முதல் 8-ம் வகுப்பு வரையும் படிக்கும் மாணவ- மாணவிகளுக்கு சீருடைகள் மாற்றப்படும். 3 ஆயிரம் பள்ளிகளில் 6, 7, 8-ம் வகுப்புகள் ‘ஸ்மார்ட் கிளாஸ்’ ஆக அடுத்த மாதம் முதல் மாற்றப்படும். 9-ம் வகுப்பு முதல் 12-ம் வகுப்பு வரை அனைத்து வகுப்பறைகளும் கணினி மயமாக்கப்படும். அந்த வகுப்புகளுக்கு இணையதள சேவை வசதி செய்து கொடுக்கப்பட்டு அடுத்த மாதம் முதல் படிப்படியாக செயல்படுத்தப்படும். மாணவ-மாணவிகளுக்கு உதவும் வகையில் 14417 என்ற கட்டணமில்லா தொலைபேசி எண் வசதி உள்ளது. இதை அனைவரும் பயன்படுத்தி உதவிகள் கேட்கலாம். 25 ஆயிரம் பேர் தமிழகத்தில் 1 கோடியே 30 லட்சம் பேர் ஜி.எஸ்.டி. தாக்கல் செய்கிறார்கள். ஆனால் 2 லட்சத்து 85 ஆயிரம் பட்டய கணக்காளர்கள் (ஆடிட்டர்) மட்டுமே இருக்கிறார்கள். பிளஸ்-2 வணிகவியல் படிக்கும் மாணவ-மாணவிகளுக்கு தேர்வு நடத்தி 25 ஆயிரம் பேரை தேர்வு செய்து அவர்களுக்கு பட்டய கணக்காளர் பயிற்சி அளிக்கப்படும். இதன் மூலமாக அவர்கள் வேலைவாய்ப்பு பெற முடியும். நீட் தேர்வு உள்ளிட்ட போட்டித்தேர்வுகளுக்கான பயிற்சி அடுத்த மாதம் 15-ந் தேதி முதல் தொடங்கப்படும். இவ்வாறு அவர் பேசினார்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, 1 August 2018

TNPSC குரூப்-4 தேர்வில் 14 லட்சம் பேர் தேர்ச்சி டிஎன்பிஎஸ்சி அதிகாரிகள் தகவல்

குரூப்-4 தேர்வில் 14 லட்சம் பேர் தேர்ச்சி டிஎன்பிஎஸ்சி அதிகாரிகள் தகவல் தமிழக அரசின் பல்வேறு துறைகளில் காலியாகவுள்ள 11,280 இடங்களுக்கு நடந்த குரூப்-4 தேர்வில் 14.26 லட்சம் பேர் தேர்ச்சி பெற்றுள்ளனர். சான்றிதழ் சரிபார்ப்பு ஆன்லைனில் நடைபெறவுள்ளதாக தமிழ்நாடு அரசு பணியாளர் தேர்வாணை யத்தின் செயலாளர் நந்தகுமார், தேர்வு கட்டுப்பாட்டு அலுவலர் ஆர்.சுதன் ஆகியோர் தெரிவித்தனர். இதுதொடர்பாக தமிழ்நாடு அரசு பணியாளர் தேர்வாணையத்தின் அலுவலகத்தில் செய்தியாளர் களிடம் அவர்கள் கூறியதாவது: தமிழக அரசின் பல்வேறு துறைகளில் காலியாக உள்ள இளநிலை உதவியாளர், தட்டச்சர், சுருக்கெழுத்தர் (கிரேடு-3), கிராம நிர்வாக அலுவலர் (விஏஓ), வரித்தண்டலர், நிலஅளவர், வரைவாளர் ஆகிய பணிகளில் காலியாக இருந்த 11,280 இடங்களை நிரப்புவதற்கான ஒருங்கிணைந்த குரூப்-4 தேர்வு கடந்த பிப்ரவரி மாதம் 11-ம் தேதி நடத்தப்பட்டது. தமிழ்நாடு அரசு பணியாளர் தேர்வாணையம் (டிஎன்பிஎஸ்சி) நடத்திய இந்த தேர்வை 17,53,154 பேர் எழுதினர். தேர்வு முடிவுகள் www.tnpsc.gov.in மற்றும் http://results.tnpsc.gov.in இணையதளங்களில் கடந்த 30-ம் தேதி வெளியிடப்பட்டது. தேர்வு எழுதியவர்களில் 6,28,443 ஆண்கள், 7,97,532 பெண்கள், 35 மூன்றாம் பாலினத்தவர் என மொத்தம் 14,26,010 பேர் தகுதிப் பெற்றுள்ளனர். இதில் 2,771 முன்னாள் ராணுவத்தினர், 4,975 கணவரை இழந்தவர்கள், 17,411 மாற்றுத்திறனாளிகள் அடங்குவர். புதிய முறையில் நடத்தப்பட்ட தேர்வில் ஓஎம்ஆர் சீட் தொடர்பாக எந்த பிரச்சினையும் எழவில்லை. குரூப்-4 தேர்வு மற்றும் விஏஓ தேர்வை ஒன்றாக நடத்தியதால் அரசுக்கு சுமார் ரூ.12 கோடி மிச்சப்படுத்தப்பட்டுள்ளது. தமிழகத்தில் நடந்த இந்த குரூப்-4 தேர்வை இவ்வளவு பேர் எழுதியது போல், வேறு எந்த மாநிலத்திலும் எழுதியதில்லை. ஆசிரியர்கள், அதிகாரிகள் என பல்வேறு துறைகளைச் சேர்ந்த 1.25 லட்சம் பேர் தேர்வுக்காக பயன்படுத்தப்பட்டுள்ளனர். தேர்வு முடிவுகள் வெளியிடப்பட்டதைத் தொடர்ந்து தகுதிப் பெற்றவர்களின் சான்றிதழ்கள் சரிபார்ப்பு ஆன்லைனில் நடைபெற உள்ளது. சான்றிதழ்களை ஆன்லைனில் பதிவேற்றுவது ஆகஸ்ட் 16-ம் தேதி தொடங்கி 30-ம் தேதியுடன் முடிவடையும். முதல்கட்டமாக 33 ஆயிரம் பேர் தங்களுடைய சான்றிதழ்களை இ-சேவை மையங்கள் மூலமாக பதிவேற்றம் செய்ய வேண்டும். எந்தெந்த விண்ணப்பதாரர் எந்தெந்த இ-சேவை மையத்தில் தங்களுடைய சான்றிதழ்களை பதிவேற்றம் செய்ய வேண்டும் என்ற விவரம் இணையதளத்தில் விரைவில் வெளியிடப்படும். விண் ணப்பதாரர்களுக்கு இ-மெயில், எஸ்எம்எஸ் மூலமாக வும் தகவல் தெரிவிக்கப்படும். பின்னர் நாங்களே சான்றிதழ்களை பதிவிறக்கம் செய்து பரிசீலனை செய்வோம். ஒரு இடத்துக்கு 3 பேர் வீதம் சான்றிதழ் பரிசீலனைக்கு தேர்வு செய்திருக்கிறோம். அக்டோ பர் மாதம் இறுதி வாரத்தில் கலந் தாய்வு தொடங்கும். 2016-ம் ஆண்டு நடந்த குரூப்-1 தேர்வில் முறை கேடு நடந்துள்ளதாக குற்றச்சாட்டு எழுந்தது. இந்த வழக்கு விசா ரணை நீதிமன்றத்தில் நடந்து வரு கிறது. 2017-ம் ஆண்டு நடந்த குரூப்-1 முதன்மைத் தேர்வு முடிவு கள் இன்னும் மூன்று மாதத்தில் வெளியிடப்படும். தேர்வு முறைகேடு களை தடுக்க பல்வேறு நடவடிக் கைகள் எடுக்கப்பட்டு வருகின்றன. தேர்வு முறையில் வெளிப் படைத்தன்மை பின்பற்றப்படு கிறது. தேர்வின் நடைமுறை சிக்கல்களுக்கு தீர்வு காணப்படு கிறது. அறிவிக்கப்பட்ட தேர்வு களை நடத்துவதற்கான நடவடிக் கைகள் எடுக்கப்பட்டு வருகின்றன. விரைவில் அறிவிப்புகள் வெளி யாகும். ஆக. 15-க்குள் குரூப்-2 தேர்வுக்கான அறிவிப்பு வெளியிடப்படும். இவ்வாறு அவர்கள் கூறினர்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, 31 July 2018

17½ லட்சம் பேர் எழுதிய டி.என்.பி.எஸ்.சி. குரூப்-4 தேர்வு முடிவு வெளியீடு

17½ லட்சம் பேர் எழுதிய டி.என்.பி.எஸ்.சி. குரூப்-4 தேர்வு முடிவு நேற்று வெளியிடப்பட்டது. டி.என்.பி.எஸ்.சி. குரூப்-4 தமிழக அரசு துறைகளில் காலியாக இருக்கும் கிராம நிர்வாக அலுவலர், இளநிலை உதவியாளர், வரித்தண்டலர், நில அளவையர், வரைவாளர் , தட்டச்சர், சுருக்கெழுத்து-தட்டச்சர் என 9 ஆயிரத்து 351 காலிப்பணியிடங்களை நிரப்புவதற்கு முதல்முறையாக ஒருங்கிணைந்த குரூப்-4 தேர்வு நடத்தப்படும் என்று தமிழ்நாடு அரசு பணியாளர் தேர்வாணையம் (டி.என்.பி.எஸ்.சி.) அறிவிப்பு வெளியிட்டது. அதையொட்டி பலரும் விண்ணப்பித்தனர். இந்த தேர்வு கடந்த பிப்ரவரி மாதம் 11-ந்தேதி நடந்தது. தமிழகம் முழுவதும் 17 லட்சத்து 52 ஆயிரத்து 882 பேர் தேர்வு எழுதினர். தேர்வு முடிவு வெளியீடு தேர்வு முடிவு எப்போது வெளி வரும் என்று தேர்வு எழுதியவர்கள் எதிர்பார்த்து காத்திருந்தனர். இந்தநிலையில் அரசு பணியாளர் தேர்வாணையம் நேற்று தேர்வு எழுதியவர்களின் மதிப்பெண் மற்றும் ரேங்க் ஆகியவற்றை தனது இணையதளத்தில் ( www.tnpsc.gov.in ) வெளியிட்டது. மனிதநேய மையம் இந்த ரேங்க் பட்டியலில் சைதை துரைசாமியின் மனிதநேய மையத்தில் பயிற்சி பெற்ற திருநாவுக்கரசு 14-வது இடத்திலும், செல்வக்குமார் 33-வது இடத்திலும் கிருத்திகா 144-வது இடத்திலும் உள்ளனர்.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Saturday, 28 July 2018

DIRECT RECRUITMENT OF SPECIAL TEACHERS 2012 - 2016 - CV LIST | சிறப்பாசிரியர் தேர்வுக்கான சான்றிதழ் சரிபார்ப்பு பட்டியல் வெளியானது.

DIRECT RECRUITMENT OF SPECIAL TEACHERS 2012 - 2016 - CV LIST | சிறப்பாசிரியர் தேர்வுக்கான சான்றிதழ் சரிபார்ப்பு பட்டியல் வெளியானது.PUBLICATION OF LIST OF CANDIDATES CALLED FOR CERTIFICATE VERIFICATION As per the Notification No.5/2017 published on 26.07.2017, the Written Competitive Examination for the Direct Recruitment of 1325 Special Teachers was held on 23.09.2017. In the Written Examination 35,781 candidates appeared. As per procedure the answer sheets were evaluated and marks were published on 14.06.2018 Now, the list of candidates called for Certificate Verification in the ratio 1:2 is published subject to outcome in WA(MD).No.1296/2017 & WA(MD).No.1297/2017 Board proposes to conduct Certificate Verification on 13.08.2018 in all Districts. Certificate Verification venue and individual call letters are Published in the TRB website www.trb.tn.nic.in. The same is also communicated through mail and SMS. Teachers Recruitment Board reserves the right to correct any errors that may have crept in.
Direct Recruitment of Special Teachers 2012-2016
PUBLICATION OF LIST OF CANDIDATES CALLED FOR CERTIFICATE VERIFICATION

Dated: 27-07-2018

www.kalvisolai.com
Home


விரிவாக படிக்க இங்கே கிளிக் செய்யுங்கள் | READ MORE | CLICK HERE

ஆய்வு செய்ய அதிகாரிகள் நியமனம் அரசாணை வெளியீடு

பள்ளி கல்வித்துறையில் நிர்வாக சீர்த்திருத்தம் செய்வது தொடர்பாக அனைத்து மாவட்ட கல்வி அலுவலகங்களை ஆய்வு செய்வதற்கு அதிகாரிகளை நியமித்து தமிழக அரசு ஆணை பிறப்பித்துள்ளது. பள்ளி கல்வித்துறையின் அரசு முதன்மை செயலாளர் பிரதீப் யாதவ் வெளியிட்டுள்ள அரசாணையில் கூறியிருப்பதாவது:- பள்ளி கல்வித்துறையில் நிர்வாக சீர்திருத்தம் மேற்கொண்டு புதிய மாவட்ட கல்வி அலுவலகங்கள் தோற்றுவிக்கப்பட்டுள்ளன. அனைத்து மாவட்ட கல்வி அலுவலகங்களை ஆய்வு செய்யவும், அரசால் தோற்றுவிக்கப்பட்ட நலத்திட்டங்கள் மாவட்டங்களில் சரியான முறையில் செயல்படுத்தப்படுகிறதா? என்பதை ஆய்வு செய்யவும், பள்ளி கல்வி துறையை சேர்ந்த இணை இயக்குனர்களை மாவட்டங்களுக்கு சென்று களப்பணி மேற்கொள்ள அனுமதி ஆணை வழங்குமாறு பள்ளி கல்வி இயக்குனர் அரசை கோரியிருந்தார். பள்ளி கல்வி இயக்குனரின் கருத்துருவினை, அரசு கவனமாக பரிசீலனை செய்து அதனை ஏற்கலாம் என முடிவு செய்தது. மேலும் பள்ளி கல்வித்துறையை சேர்ந்த அனைத்து இணை இயக்குனர்களும் அவர்களுக்கு என்று ஒதுக்கப்பட்டுள்ள மாவட்டங்களுக்கு சென்று களப்பணி மேற்கொள்ள அனுமதி அளித்து அரசு ஆணையிடுகிறது. சென்னை, திருவள்ளூர், காஞ்சீபுரம் அதன் விவரம் வருமாறு:- மெட்ரிக்குலேசன் பள்ளிகள் இயக்ககத்தின் இணை இயக்குனர் சி.உஷாராணி சென்னை, திருவள்ளூருக்கும், மாநில கல்வியியல் ஆராய்ச்சி மற்றும் பயிற்சி நிறுவனத்தின் இணை இயக்குனர் வை.பாலமுருகன் தூத்துக்குடிக்கும், அரசு தேர்வுகள் இயக்ககத்தின் இணை இயக்குனர் (மேல்நிலை) எஸ்.சேதுராமவர்மா கோவை, நீலகிரி மற்றும் திருப்பூருக்கும், மாநில கல்வியியல் ஆராய்ச்சி மற்றும் பயிற்சி நிறுவனத்தின் இணை இயக்குனர் எஸ்.உமா விழுப்புரத்துக்கும் நியமிக்கப்பட்டுள்ளனர். பள்ளி கல்வி இயக்ககத்தின் இணை இயக்குனர் (இடைநிலைக் கல்வி) பூ.ஆ.நரேஷ் காஞ்சீபுரத்துக்கும், ஆசிரியர் தேர்வு வாரியத்தின் கூடுதல் உறுப்பினர் (இணை இயக்குனர் நிலையில்) கே.சசிகலா கரூர், நாமக்கல்லுக்கும், பள்ளிசாரா மற்றும் வயது வந்தோர் கல்வி இயக்ககத்தின் இணை இயக்குனர் சி.செல்வராஜ் திண்டுக்கல்லுக்கும், பள்ளி கல்வி இயக்ககத்தின் இணை இயக்குனர் (பணியாளர் தொகுதி) பி.குப்புசாமி வேலூருக்கும் நியமிக்கப்பட்டுள்ளனர். மதுரை-நெல்லை பள்ளி கல்வி இயக்ககத்தின் இணை இயக்குனர் (தொழிற்கல்வி) எஸ்.சுகன்யா கடலூருக்கும், அனைவருக்கும் இடைநிலைக் கல்வி திட்ட இணை இயக்குனர் எஸ்.நாகராஜன் மதுரை, தேனிக்கும், தொடக்க கல்வி இயக்ககத்தின் இணை இயக்குனர் (நிர்வாகம்) கே.ஸ்ரீதேவி தஞ்சாவூருக்கும், அரசு தேர்வுகள் இயக்ககத்தின் இணை இயக்குனர் (இடைநிலைக் கல்வி) சி.அமுதவல்லி சிவகங்கை, புதுக்கோட்டைக்கும் நியமிக்கப்பட்டுள்ளனர். தொடக்க கல்வி இயக்ககத்தின் இணை இயக்குனர் (உதவிபெறும் பள்ளிகள்) ஆர்.பாஸ்கரசேதுபதி கன்னியாகுமரி, நெல்லைக்கும், மாநில திட்ட இயக்ககம், அனைவருக்கும் கல்வி திட்ட இணை இயக்குனர்-2 கே.செல்வகுமார் தர்மபுரி, கிருஷ்ணகிரிக்கும், மாநில திட்ட இயக்ககம், அனைவருக்கும் கல்வி திட்ட இணை இயக்குனர்-3 பி.பொன்னையா சேலம், ஈரோட்டுக்கும், பிற்படுத்தப்பட்டோர், மிகவும் பிற்படுத்தப்பட்டோர் மற்றும் சீர்மரபினர் நலத்துறை இணை இயக்குனர் (கள்ளர் சீரமைப்பு) வை.குமார் விருதுநகர், ராமநாதபுரத்துக்கும் நியமிக்கப்பட்டுள்ளனர். நாகை-திருச்சி பள்ளி கல்வி இயக்ககத்தின் இணை இயக்குனர் (மேல்நிலைக் கல்வி) ஏ.எஸ்.ராதாகிருஷ்ணன் நாகப்பட்டினம், திருவாரூக்கும், மாநில கல்வியியல் ஆராய்ச்சி மற்றும் பயிற்சி நிறுவனத்தின் இணை இயக்குனர் (பாடத்திட்டம்) பி.குமார் பெரம்பலூர், அரியலூருக்கும், ஆசிரியர் தேர்வு வாரிய கூடுதல் உறுப்பினர் நா.ஆனந்தி திருவண்ணாமலைக்கும், பள்ளி கல்வி இயக்கத்தின் இணை இயக்குனர் (நாட்டு நலப்பணி திட்டம்) எம்.வாசு திருச்சிக்கும் நியமிக்கப்பட்டுள்ளனர். இவ்வாறு அதில் கூறப்பட்டுள்ளது.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Thursday, 26 July 2018

என்ஜினீயரிங் கலந்தாய்வு ஆன்லைனில் தொடங்கியது தரவரிசையில் முதல் 3 இடங்களை பிடித்தவர்கள் கலந்துகொள்ளவில்லை

என்ஜினீயரிங் கலந்தாய்வு நேற்று ஆன்லைன் மூலம் தொடங்கியது. அண்ணா பல்கலைக்கழகத்தில் உள்ள உதவி மையத்தில் ஆன்லைனை பயன்படுத்தி இடங்களை மாணவ-மாணவிகள் தேர்வு செய்த போது எடுத்த படம். என்ஜினீயரிங் படிப்பில் சேருவதற்கான கலந்தாய்வு ஆன்லைனில் நேற்று தொடங்கியது. என்ஜினீயரிங் கல்லூரிகள் தமிழகத்தில் 509 என்ஜினீயரிங் கல்லூரிகள் உள்ளன. இந்த கல்லூரிகளில் உள்ள அரசு ஒதுக்கீட்டு இடங்களில் பி.இ. படிப்பில் சேர கடந்த வருடம் வரை அண்ணா பல்கலைக்கழகம் நேரடியாக கலந்தாய்வு நடத்தி வந்தது. இந்த வருடம் ஆன்லைன் மூலம் கலந்தாய்வு நடத்தப்படும் என்று உயர் கல்வித்துறை அமைச்சர் கே.பி.அன்பழகன் அறிவித்தார். விண்ணப்பித்த மாணவ- மாணவிகள் அனைவருக்கும் ரேண்டம் நம்பர் வெளியிடப்பட்டன. விண்ணப்பித்த மாணவ-மாணவிகளுக்கு சான்றிதழ் சரிபார்த்தல் 41 மையங்களில் நடைபெற்றது. வீடியோ விண்ணப்பித்தவர்களில் 1 லட்சத்து 9 ஆயிரத்து 850 பேர்தான் சான்றிதழ் சரிபார்க்க வந்தனர். இதில் தகுதியானவர்களின் விண்ணப்பம் 1 லட்சத்து 4 ஆயிரத்து 453 ஆகும். அவர்களில் 65 ஆயிரத்து 926 பேர் மாணவர்கள். 38 ஆயிரத்து 527 பேர் மாணவிகள். கலந்தாய்வில் கலந்துகொண்டு கல்லூரிகளை தேர்ந்து எடுப்பது எப்படி என்பது குறித்து தமிழ்நாடு என்ஜினீயரிங் மாணவர் சேர்க்கை செயலாளர் பேராசிரியர் ரைமண்ட் உத்தரியராஜ் இணையதளத்தில் வீடியோ வெளியிட்டு இருந்தார். நேற்று முதல்கட்ட கலந்தாய்வு தொடங்கியது. கலந்தாய்வுக்கு இணையதளத்தில் ( www.tnea.ac.in ) போய் விருப்ப குரூப், எந்த கல்லூரி என்பதை கிளிக் செய்ய வேண்டும். முதல்கட்ட கலந்தாய்வுக்கு 10 ஆயிரம் பேர் அழைக்கப்பட்டனர். அவர்களில் 7 ஆயிரத்து 500 பேர் கலந்தாய்வுக்காக பணம் செலுத்தினார்கள். கலந்துகொள்ளவில்லை தரவரிசை பட்டியலின்படி முதல் 3 இடங்களை பிடித்தவர்கள் யாரும் என்ஜினீயரிங் கலந்தாய்வில் கலந்துகொள்ளவில்லை. முதல் இடம் பிடித்த கோவையை சேர்ந்த மாணவி கீர்த்தனா ரவி கூறுகையில், ‘நான் பி.எஸ்சி வேதியியல் (ஆனர்ஸ்) படித்து வருகிறேன். என்ஜினீயரிங் கலந்தாய்வில் நான் கலந்துகொள்ளவில்லை’ என்றார். 2-வதாக வந்த மதுரையை சேர்ந்த மாணவர் எஸ்.ரித்விக் மருத்துவக்கல்லூரியில் இடம் கிடைத்ததால், அவரும் கலந்தாய்வில் கலந்துகொள்ளவில்லை. 3-வது இடத்தில் வந்த திருச்சியை சேர்ந்த ஆர்.ஸ்ரீவர்ஷினி, மருத்துவக்கல்லூரியை தேர்ந்து எடுத்ததால் அவரும் என்ஜினீயரிங் கலந்தாய்வில் கலந்துகொள்ளவில்லை. எனவே முதல் 3 இடங்களில் வந்தவர்களும் என்ஜினீயரிங் கலந்தாய்வில் கலந்துகொள்ளவில்லை. 30-ந் தேதி ஒதுக்கீட்டு ஆணை நேற்று என்ஜினீயரிங் கலந்தாய்வில் கலந்துகொண்டவர்கள் நாளை (வெள்ளிக் கிழமை) மாலை 5 மணிக்குள் எந்த குரூப், எந்தக்கல்லூரி என்பதை இறுதி முடிவு எடுத்து ஆன்லைனில் குறிப்பிட வேண்டும். 28-ந் தேதி அவர்கள் எந்த கல்லூரியில் படிக்க வேண்டும் என்று தற்காலிக உத்தரவை மாணவர் சேர்க்கை செயலாளர் ஒதுக்கிவிடுவார். 28 மற்றும் 29-ந் தேதிகளில் நிரந்தர உத்தரவை உறுதி செய்வார். 30-ந் தேதி ஒதுக்கீட்டு ஆணை வெளியிடப்படும். ஆகஸ்டு மாதம் 3-ந் தேதி கல்லூரிகளில் சேர்க்கப்படுவார்கள். 2-வது கட்ட கலந்தாய்வு 30-ந் தேதி தொடங்குகிறது.


விரிவாக படிக்க இங்கே கிளிக் செய்யுங்கள் | READ MORE | CLICK HERE