TRB

TNTET

Thursday, 31 May 2018

CLASS 1,6,9,11 TEXT BOOKS ONLINE | தமிழ்நாடு அரசுப் பள்ளிக்கல்வித்துறை வெளியிட்டுள்ள பாடப்புத்தகங்கள் இணையதளத்தில் பதிவேற்றம் செய்யப்பெற்றுள்ளன.

CLASS 1,6,9,11 TEXT BOOKS ONLINE | தமிழ்நாடு அரசுப் பள்ளிக்கல்வித்துறை வெளியிட்டுள்ள பாடப்புத்தகங்கள் இணையதளத்தில் பதிவேற்றம் செய்யப்பெற்றுள்ளன | DOWNLOAD 

விரிவாக படிக்க இங்கே கிளிக் செய்யுங்கள் | READ MORE | CLICK HERE

அரசு பள்ளி ஆசிரியர் பொது இடமாறுதல் கலந்தாய்வு அரசாணை வெளியீடு உபரி ஆசிரியர்களை பணிநிரவல் செய்ததும் கலந்தாய்வு

அரசு பள்ளி ஆசிரியர் பொது இடமாறுதல் கலந்தாய்வு அரசாணை வெளியீடு உபரி ஆசிரியர்களை பணிநிரவல் செய்ததும் கலந்தாய்வு | அரசு பள்ளிகளில் ஆசிரியர் பொது இடமாறுதல் கலந்தாய்வில் கடைபிடிக்க வேண்டிய நெறிமுறைகள் தொடர்பான அரசாணையை பள்ளிக் கல்வித் துறை வெளியிட்டுள்ளது. உபரி ஆசிரியர்களை பணிநிரவல் செய்த பின்னரே கலந்தாய்வு நடவடிக்கை மேற்கொள்ளப்பட வேண்டும் என்று கல்வி அதிகாரிகளுக்கு உத்தரவு பிறப்பிக்கப்பட்டுள்ளது. 2018-2019-ம் கல்வி ஆண்டில் ஆசிரியர் பொது இடமாறுதல் கலந்தாய்வின்போது பின்பற்றப்பட வேண்டிய நெறிமுறைகள் தொடர்பாக பள்ளிக்கல்வித்துறை முதன்மைச் செயலர் பிரதீப் யாதவ் வெளியிட்டுள்ள அரசாணையில் கூறப்பட்டு இருப்பதாவது:- பள்ளிக் கல்வித் துறை மற்றும் தொடக்கக்கல்வித் துறையின் கீழ் இயங்கும் அரசு பள்ளிகளில் பணிபுரியும் அனைத்து வகை ஆசிரியர்களின் பொது இடமாறுதலுக்கு குறிப்பிட்டுள்ள நெறிமுறைகள் கடைப்பிடிக்கப்பட வேண்டும். உபரியாக உள்ள.. காலிப்பணியிடங்களை கலந்தாய்வுக்கு காட்டும்போது ஆசிரியர்கள் உபரியாக உள்ள காலியிடங்களை இயக்குநரின் தொகுப்புக்கு கொண்டுசெல்ல வேண்டும். அந்த பணியிடங்களை கலந்தாய்வுக்கு காட்டக்கூடாது. இந்த இடங்களுக்கு மாறுதலும் வழங்கக்கூடாது. உபரி ஆசிரியர் பணியிடங்களை பணிநிரவல் செய்த பின்னர் பொது இடமாறுதல் நடவடிக்கைகளை மேற்கொள்ள வேண்டும். முன்னுரிமை மனமொத்த மாறுதல் அடிப்படையில் மாறுதல் பெற்றவர்கள் மீண்டும் ஏற்கெனவே பணிபுரிந்த பள்ளிக்கே மனமொத்த மாறுதலில் செல்ல அனுமதிக்கக் கூடாது. முன்னுரிமை பட்டியலில் இடம்பெற்றவர்களுக்கு கலந்தாய்வின்போது முன்னுரிமை வரிசை அடிப்படையில் முன்னுரிமை அளிக்கப்பட வேண்டும். இவ்வாறு அந்த அரசாணையில் கூறப்பட்டுள்ளது.  DOWNLOAD

விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழகத்தில் உள்ள அரசுப் பள்ளிகளில் பயோமெட்ரிக் முறையில் ஆசிரியர்களின் வருகை பதிவு செய்யப்படும் சட்டசபையில் அமைச்சர் கே.ஏ.செங்கோட்டையன் அறிவிப்பு

தமிழகத்தில் உள்ள அரசுப் பள்ளிகளில் பயோமெட்ரிக் முறையில் ஆசிரியர்களின் வருகை பதிவு செய்யப்படும் சட்டசபையில் அமைச்சர் கே.ஏ.செங்கோட்டையன் அறிவிப்பு | தமிழகத்தில் உள்ள அரசுப் பள்ளிகளில் பயோமெட்ரிக் முறையில் ஆசிரியர்களின் வருகை பதிவு செய்யப்படும் என்று சட்டசபையில் அமைச்சர் கே.ஏ.செங்கோட்டையன் அறிவித்தார். தமிழக சட்டசபையில் பள்ளிக்கல்வித் துறை மானியக் கோரிக்கை மீது எம்.எல்.ஏ.க்கள் விவாதித்தனர். அவர்களுக்கு பதிலளித்து அந்தத் துறையின் அமைச்சர் கே.ஏ.செங்கோட்டையன் பேசியதாவது:- மீண்டும் பள்ளி சேர்க்கை அரசுத் தேர்வில் தோல்வியுற்ற மாணவர்கள் உடனடியாக வரும் ஜூன் மாதத்திலே மீண்டும் தேர்வெழுதி தேர்ச்சி பெறலாம். அதிலும் தவறும் மாணவர்களுக்காக அவர்கள் பயின்ற பள்ளியிலேயே மீண்டும் பயில்வதற்கு அரசு பரிசீலனை செய்து வருகிறது. தற்போது தரப்படும் மதிப்பெண் சான்றிதழ்கள், எளிதில் தீப்பிடிக்காத, கிழியாத வகையில் உள்ளன. ரூபாய் நோட்டுகளில் இருப்பதுபோல 11 ரகசிய குறியீடுகள் கொண்ட பாதுகாப்பு அம்சங்கள்கூடிய மதிப்பெண் சான்றிதழில் தமிழ் மற்றும் ஆங்கிலத்திலும் மாணவர்களின் பெயர் இடம்பெற்றுள்ளது. நீட் தேர்வு 1, 6, 9 மற்றும் 11 வகுப்புகளுக்கு 2018-2019-ம் ஆண்டுக்கான புதிய பாடத் திட்டம் நடைமுறைப்படுத்தப்பட்டுள்ளது. இது கல்வியாளர்கள் பாராட்டும் வகையில் அமைந்துள்ளது. மூன்று ஆண்டுகளில் அனைத்து வகுப்புகளுக்கும் புதிய பாடத்திட்டம் என்ற இலக்கை, இந்த ஆண்டிலேயே அடையத் தீர்மானித்து பணிகள் வேகமாக நடைபெற்று வருகின்றன. மேல்நிலை வகுப்புகளில் மொழிப்பாடங்களில் உள்ள தாள் 1 மற்றும் 2 ஆகியவற்றை ஒரே தாளாக மாற்றியமைக்க அரசு பரிசீலித்து வருகிறது. நீட் தேர்வுக்கு 412 பயிற்சி மையங்கள் அமைக்கப்பட்டன. உணவு மற்றும் தங்கும் வசதிகளுடன் 9 பயிற்சி மையங்கள் ஏற்படுத்தப்பட்டு, 26 நாட்களுக்கு, ஸ்பீடு, சைதன்யா, ஆலன் போன்ற சிறந்த நிறுவனங்களுடன் பயிற்சிகள் வழங்கப்பட்டன. இதன்மூலம், மருத்துவ நுழைவுத் தேர்வை மாணவர்கள் எளிதாக எதிர்கொண்டனர். பள்ளிகள் தரம் உயர்வு தமிழகத்தில் கடந்த ஆண்டு 150 நடுநிலைப் பள்ளிகளும், 100 உயர்நிலைப் பள்ளிகளும் தரம் உயர்த்தப்பட்டன. இந்த ஆண்டு 100 நடுநிலைப் பள்ளிகளை உயர்நிலைப் பள்ளிகளாகவும், 100 உயர்நிலைப் பள்ளிகளை மேல்நிலைப் பள்ளிகளாகவும் தரம் உயர்த்த நடவடிக்கை மேற்கொள்ளப்பட்டு வருகிறது. மக்கள் தொகை அதிகமுள்ள பள்ளிகள் இல்லாத குடியிருப்புப் பகுதிகளில் 20 புதிய தொடக்கப் பள்ளிகள் தொடங்கப்பட்டுள்ளன. பள்ளிக்கூடங்களில் 4,362 ஆய்வக உதவியாளர் பணியிடங்களும் 2,373 முதுகலை ஆசிரியர் பணியிடங்களும் நிரப்பப்பட்டுள்ளன. கனவு ஆசிரியர் விருது 128 பள்ளிகளுக்கு ரூ.1 கோடியே 92 லட்சம் செலவில் புதுமைப்பள்ளி விருது வழங்கப்பட உள்ளது. அதனடிப்படையில் தொடக்க மற்றும் நடுநிலைப் பள்ளிகளுக்கு 1 லட்சம் ரூபாயும், உயர்நிலை மற்றும் மேல்நிலைப் பள்ளிகளுக்கு ரூ.2 லட்சமும் வழங்கப்படும். அதுபோல 192 ஆசிரியர்களுக்கு ரூ.10 ஆயிரம் வீதம் ரூ.19.2 லட்சம் செலவில் பாராட்டுச் சான்றிதழுடன் கூடிய கனவு ஆசிரியர் விருது வழங்கப்படவுள்ளது. அரசு மற்றும் அரசு உதவிபெறும் பள்ளிகளில் தமிழ்வழிக் கல்விப் பயிலும் 10 மற்றும் 12-ம் வகுப்பு பயிலும் மாணவர்களை ஊக்கப்படுத்தும் விதமாக பெருந்தலைவர் காமராஜர் விருது வழங்கப்பட உள்ளது. மாவட்டத்திற்கு 30 மாணவர்கள் என மொத்தம் 960 மாணவர்கள் தேர்வு செய்யப்பட்டு விருது வழங்கப்பட உள்ளது. வெளிநாட்டு கல்விச் சுற்றுலா 8 முதல் 12-ம் வரை பயிலும் மாணவர்கள் அறிவியல், தொழில்நுட்பம், கலை மற்றும் இலக்கியம் ஆகிய ஒவ்வொரு துறையிலிருந்தும் தலா 25 மாணவர்கள், 2 ஆசிரியர்கள் மற்றும் ஒரு பணியாளர் வீதம் மொத்தம் 112 பேர் ரூ.3 கோடி செலவில் வெளிநாட்டு கல்விச்சுற்றுலா அனுப்பி வைக்கப்படுவார்கள். தற்போது முதல்கட்டமாக, பின்லாந்து அரசுடன் புரிந்துணர்வு ஒப்பந்தம் மேற்கொள்ளப்பட்டு 50 மாணவர்கள் அறிவியல், தொழில்நுட்பம் ஆகிய துறைகளில் பின்லாந்து, சுவீடன் அழைத்துச் செல்ல ஏற்பாடு நடைபெற்று வருகிறது. மாவட்ட கல்வி அலுவலகங்கள் பள்ளிக் கல்வித்துறையின் செயல்பாடுகளை எளிமைப்படுத்துவதற்காக அதன் நிர்வாகத்தில் பல்வேறு சீர்திருத்தங்களை மேற்கொண்டு 68 மாவட்ட கல்வி அலுவலகங்கள் நிர்வாக வசதிக்காக 120 மாவட்ட கல்வி அலுவலகங்களாக உயர்த்தப்பட்டுள்ளன. ரூ.200 கோடி செலவில் அரசுப் பள்ளிகளில் கூடுதல் வகுப்பறைகள், தளவாடங்கள், ஆய்வகங்கள், நூலகங்கள், கழிப்பறைகள், குடிநீர்வசதி மற்றும் சுற்றுச்சுவர் ஏற்படுத்த நடவடிக்கை மேற்கொள்ளப்பட்டுள்ளது. பள்ளிகளில் தூய்மைப் பணிகளை 100 நாள் வேலை வாய்ப்புத் திட்டப் பணியாளர்களைக் கொண்டு மேற்கொள்ள வழிவகை செய்யப்பட்டுள்ளது. ஸ்மார்ட் கிளாஸ் சென்னையில் பள்ளிக் கல்வி இயக்கக டி.பி.ஐ. வளாகத்தில் எம்.ஜி.ஆரின் நினைவைப் போற்றும் வகையில் அவர் பெயரில், ஒரு லட்சம் சதுரஅடி பரப்பளவில் ரூ.39.90 கோடி மதிப்பீட்டில் ஒருங்கிணைந்த கல்வித் துறைக்கான கட்டிடம் கட்டும் பணிகள் தற்போது தொடங்கப்பட்டுள்ளன. 3 ஆயிரத்து 90 உயர்நிலைப் பள்ளிகளில் 10 கணினிகளுடனும், 2 ஆயிரத்து 939 மேல்நிலைப் பள்ளிகளுக்கு 20 கணினிகளுடனும் கூடிய ஹைடெக் ஆய்வகம் ஏற்படுத்த நடவடிக்கை எடுக்கப்பட்டு வருகிறது. 3 ஆயிரம் பள்ளிகளில் ஒரு பள்ளிக்கு தலா ரூ.2 லட்சம் வீதம் ரூ.60 கோடி செலவில் ஸ்மார்ட் கிளாஸ் ஏற்படுத்த நடவடிக்கை எடுக்கப்பட்டு வருகிறது. ரோபாடிக் பயிற்சி இந்தியாவிலேயே முதன்முறையாக தமிழக அரசுப் பள்ளிகளில் உலகத்தர தொழில்நுட்பத்தோடு ரோபாடிக் பயிற்சி வகுப்புகள் மற்றும் திறன் மேம்பாட்டு பயிற்சிகள் தொடங்க பரிசீலித்து வருகிறது. கடைசியாக எடுத்த புள்ளி விவரத்தின்படி, இந்தியாவின் எழுத்தறிவு நிலை 74.04 சதவீதமாகும். தமிழகத்தின் எழுத்தறிவு சதவீதம் 80.3 ஆகும். தற்போதும்கூட, பள்ளிகளே இல்லாத பகுதிகளில் 20 புதிய தொடக்கப் பள்ளிகள் திறந்து அரசு சாதனை புரிந்துள்ளது. 2020-ம் ஆண்டிற்குள் நூலகங்களில் ஒரு கோடி உறுப்பினர்கள் சேர்க்க நடவடிக்கை எடுக்கப்படும். உலகத் தமிழ்ச் சங்கம் கண்ட மதுரையில் ரூ.6 கோடி மதிப்பில் மாபெரும் நூலகம் அமைக்க ஆவன செய்யப்பட்டுள்ளது. இவ்வாறு அவர் பதிலளித்துப் பேசினார். புதிய அறிவிப்புகள் அதைத் தொடர்ந்து பள்ளிக்கல்வித் துறைக்கான புதிய அறிவிப்புகளை அமைச்சர் கே.ஏ.செங்கோட்டையன் வெளியிட்டார். அதன் விவரம் வருமாறு:- அரசுப் பள்ளி ஆசிரியர்களின் வருகைப் பதிவு, பயோமெட்ரிக் என்ற தொட்டுணர் கருவி மூலம் நடைமுறைப்படுத்தப்படும். அரசுப் பள்ளிகளில் நூலகங்கள் அமைக்கப்படும். பாடத் திட்டத்துடன் திறன் சார்ந்த கல்வியைப் பெறும் வகையில் 2018-19-ம் ஆண்டில் 67 அரசு மேல்நிலைப் பள்ளிகளில் தொழிற்கல்வித் திட்டம் செயல்படுத்தப்படும். கன்னிமாரா பொதுநூலகம் 1896-ம் ஆண்டு கட்டப்பட்டு, 122 ஆண்டுகள் தொன்மை வாய்ந்த கன்னிமாரா பொதுநூலகம் புதுப்பிக்கப்படும். காஞ்சீபுரம், திருவள்ளூர், திருப்பூர் மாவட்ட நூலகங்கள் நவீன வசதியுடன் கூடிய மாதிரி நூலகமாக மேம்படுத்தப்படும். மாணவர்களை அரசுப் பள்ளிகளுக்கு ஈர்க்கும் திட்டம், வரும் கல்வி ஆண்டு முதல் அனைத்து மாவட்டங்களுக்கும் விரிவுபடுத்தப்படும். அனைத்து ஒன்றியத் தலைமையிடங்களிலும் மாணவர்களுக்கான ஆதார் சேர்க்கை மையங்கள் உருவாக்கப்படும். ஒரு மாவட்டத்துக்கு ஒன்று வீதம் 32 மாவட்டங்களில் விளையாட்டு மேம்பாட்டுப் பள்ளிகள் ஏற்படுத்தப்படும். மாவட்ட மைய நூலகங்களில் பார்வையற்ற வாசகர்களுக்கென்று தனிப்பிரிவு தொடங்கப்படும். அரசுப் பள்ளிகள் இணைப்பு அனைத்து பள்ளிகளிலும் ஒவ்வொரு மாதமும் பெற்றோர் ஆசிரியர் கூட்டம் நடத்தப்படும். பேராசிரியர்களின் வழிகாட்டுதலைப் பெறும் வகையில் உயர் கல்வி நிறுவனங்களுடன் அரசுப் பள்ளிகள் இணைக்கப்படும். பிற மாநில அறிவியல், தொழில்நுட்பம், கல்வி சார்ந்த தேசிய நிறுவனங்களைப் பார்வையிட தமிழக மாணவர்களுக்கு வாய்ப்பு ஏற்படுத்தப்படும். பள்ளிசாரா மற்றும் வயது வந்தோர் கல்வி இயக்கத்தின் கீழ், ரூ.160 கோடி திட்ட மதிப்பீட்டில், செயல்படுத்தப்படும் கற்கும் பாரதம் என்ற திட்டத்தின் நிதி விவரங்களை நிர்வகிக்க உதவிக் கணக்கு அலுவலர் என்ற பணியிடம் உருவாக்கப்படும். நூலகங்களில் வைபை படித்த இளைஞர்களுக்கு போட்டித் தேர்வுகள் குறித்த விவரங்களைப் பெறுவதற்காக மென்பொருள் உருவாக்கப்படும். சென்னை, காஞ்சீபுரம், திருவள்ளூர், கோவை மாவட்ட நூலகங்களில் வைபை வசதி ஏற்படுத்தப்படும். தமிழ்நாடு அரசு கேபிள் தொலைத்தொடர்பு மூலம், கல்வி சார்ந்த காணொலிக் காட்சிகள் ஒளிபரப்பப்படும். இவ்வாறு அதில் கூறப்பட்டுள்ளது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

188 அரசு பள்ளிகள் 100 சதவீதம் தேர்ச்சி

188 அரசு பள்ளிகள் 100 சதவீதம் தேர்ச்சி பிளஸ் 1 பொதுத்தேர்வில் 7,070 மேல்நிலைப்பள்ளிகளில் இருந்து 8 லட்சத்து 47 ஆயிரத்து 648 மாணவ- மாணவிகளும், தனித்தேர்வர்களாக 16,020 பேரும் கலந்து கொண்டனர். தேர்வில் 2,054 பள்ளிகள் 100 சதவீதம் தேர்ச்சி அடைந்துள்ளன. மொத்தமுள்ள 2,724 அரசு மேல்நிலைப் பள்ளிகளில் 188 பள்ளிகள் 100 சதவீதம் தேர்ச்சி அடைந்துள்ளன. மேலும், பிளஸ் 1 தேர்வெழுதிய 2,729 மாற்றுத்திறனாளிகளில் 2,450 பேர் தேர்ச்சி பெற்றுள்ளனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

பிளஸ்-2 விடைத்தாள் நகல் ஜூன் 2-ந் தேதி முதல் பதிவிறக்கம் செய்யலாம் மறுகூட்டல், மறுமதிப்பீட்டுக்கு 4-ந் தேதி முதல் விண்ணப்பிக்கலாம்

பிளஸ்-2 விடைத்தாள் நகல் ஜூன் 2-ந் தேதி முதல் பதிவிறக்கம் செய்யலாம் மறுகூட்டல், மறுமதிப்பீட்டுக்கு 4-ந் தேதி முதல் விண்ணப்பிக்கலாம் பிளஸ்-2 விடைத்தாள் நகல் ஜூன் மாதம் 2-ந் தேதி முதல் பதிவிறக்கம் செய்துகொள்ளலாம் என்றும், மறு கூட்டல், மறு மதிப்பீட்டுக்கு 4-ந் தேதி முதல் விண்ணப்பிக்கலாம் என்றும் அரசு தேர்வுகள் இயக்குனர் தண்.வசுந்தராதேவி தெரிவித்துள்ளார். இது குறித்து அரசு தேர்வுகள் இயக்குனர் தண்.வசுந்தராதேவி வெளியிட்டுள்ள செய்திக்குறிப்பில் கூறியிருப்பதாவது:- விடைத்தாள் நகல் 2018-ம் ஆண்டு மார்ச் மாதம் பிளஸ்-2 பொதுத்தேர்வு எழுதி விடைத்தாள்களின் நகல்கோரி விண்ணப்பித்த மாணவர்கள் அடுத்த(ஜூன்) மாதம் 2-ந் தேதி அன்று பிற்பகல் 2 மணி முதல் scan.tnd-ge.in என்ற இணையதளத்திற்குச் சென்று தங்களது பதிவெண் மற்றும் பிறந்த தேதியினை பதிவு செய்து தாங்கள் விண்ணப்பித்த பாடங்களுக்குரிய விடைத்தாள்களின் நகலினை பதிவிறக்கம் செய்துகொள்ளலாம். 4-ந் தேதி முதல் விண்ணப்பிக்கலாம் விடைத்தாள்களின் நகலினை பதிவிறக்கம் செய்தபிறகு மறுகூட்டல் அல்லது மறுமதிப்பீட்டிற்கு விண்ணப்பிக்க விரும்பினால் இதே இணையதள முகவரியில் விண்ணப்பத்தை பதிவிறக்கம் செய்துகொள்ளலாம். இவ்விண்ணப்பப் படிவத்தினை பூர்த்தி செய்து, இரு நகல்கள் எடுத்து ஜூன் 4-ந் தேதி முதல் 6-ந் தேதி வரையிலான தேதிகளில் காலை 10 மணி முதல் மாலை 6 மணிக்குள் உரிய முதன்மைக் கல்வி அலுவலர் அலுவலகத்தில் ஒப்படைக்க வேண்டும். மறுகூட்டல் மற்றும் மறுமதிப்பீட்டிற்கான கட்டணத்தினை முதன்மைக் கல்வி அலுவலகத்தில் பணமாகச் செலுத்த வேண்டும். இவ்வாறு அவர் தெரிவித்துள்ளார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, 30 May 2018

பிளஸ் 1 வகுப்புகளுக்கான பொது தேர்வு முடிவுகள் | 91.3 சதவீதம் பேர் தேர்ச்சி..

பிளஸ் 1 வகுப்புகளுக்கான பொது தேர்வு முடிவுகள் இன்று வெளியாகி உள்ளன. இதில் மாணவ மாணவிகள் என 91.3 சதவீதம் பேர் தேர்ச்சி பெற்றுள்ளனர். தமிழ்நாடு மற்றும் புதுச்சேரியில் முதன் முறையாக பிளஸ்-1 மாணவ மாணவிகளுக்கு அரசு பொதுத்தேர்வு நடைபெற்றது. இந்த தேர்வை தமிழ்நாடு மற்றும் புதுச்சேரியில் 8 லட்சத்து 61 ஆயிரத்து 915 பள்ளி மாணவ-மாணவிகளும், 1,753 தனித்தேர்வர்களும் எழுதினர். மொத்தத்தில் 8 லட்சத்து 63 ஆயிரத்து 668 பேர் தேர்வெழுதினர். விடைத்தாள் மதிப்பீடு செய்யப்பட்டு மதிப்பெண்கள் கம்ப்யூட்டரில் பதிவு செய்யும் பணி முடிவடைந்தது. இதையடுத்து பிளஸ்-1 தேர்வு முடிவுகள் இன்று காலை 9 மணிக்கு வெளியாகின. இதில் தேர்வு எழுதிய மாணவ மாணவிகளில் 91.3 சதவீதம் பேர் தேர்ச்சி பெற்றுள்ளனர். தேர்வு எழுதிய மாணவர்களில் 87.4 சதவீதம் பேரும், மாணவிகளில் 94.6 சதவீதம் பேரும் தேர்ச்சி பெற்றுள்ளனர். இந்த வருடம் மாணவர்களை விட மாணவிகள் 7.2 சதவீதம் பேர் அதிகளவில் தேர்ச்சி அடைந்துள்ளனர். இந்த தேர்வு முடிவில் 97.3 சதவீதம் தேர்ச்சியுடன் ஈரோடு முதலிடம் பிடித்துள்ளது. தொடர்ந்து 96.4 சதவீதம் தேர்ச்சியுடன் திருப்பூர் 2வது இடமும் மற்றும் 96.2 சதவீதம் தேர்ச்சியுடன் கோவை 3வது இடமும் பிடித்துள்ளன. 80.21 சதவீதம் தேர்ச்சியுடன் விழுப்புரம் கடைசியிடம் பிடித்துள்ளது. மொத்தம் 2,054 மேனிலை பள்ளிகள் 100 சதவீதம் தேர்ச்சி பெற்றுள்ளன. இதேபோன்று 2,724 அரசு பள்ளிகளில் 188 பள்ளிகள் 100 சதவீதம் தேர்ச்சி பெற்றுள்ளன. | RESULT
விரிவாக படிக்க இங்கே கிளிக் செய்யுங்கள் | READ MORE | CLICK HERE

PLUS ONE RESULT - MARCH 2018 | பிளஸ் 1 பொதுத்தேர்வின் முடிவுகள் இன்று (மே 30) காலை 9 மணிக்கு வெளியிடப்படுகின்றன.

இன்று பிளஸ் 1 பொதுத்தேர்வு முடிவு இந்த ஆண்டு முதல்முறையாக நடத்தப்பட்ட பிளஸ் 1 பொதுத்தேர்வின் முடிவுகள் இன்று (மே 30) காலை 9 மணிக்கு வெளியிடப்படுகின்றன. கடந்த ஆண்டு வரையில் பிளஸ் 1 தேர்வானது பள்ளி அளவிலான சாதாரண தேர்வாகவே நடத்தப்பட்டு வந்தது. இந்த ஆண்டிலிருந்துதான் எஸ்எஸ்எல்சி, பிளஸ் 2 போன்று பிளஸ் 1 தேர்வும் பொதுத்தேர்வாக மாற்றப்பட்டுள்ளது. அந்த வகையில், முதலாவது பிளஸ் 1 பொதுத்தேர்வு மார்ச் 7 முதல் ஏப்ரல் 16-ம் தேதி வரை நடைபெற்றது. தமிழகம் மற்றும் புதுச்சேரியில் பள்ளி மாணவ - மாணவிகள், தனித்தேர்வர்கள் என 8 லட்சத்து 63 ஆயிரம் பேர் தேர்வெழுதியுள்ளனர். இந்த நிலையில், ஏற்கெனவே அறிவிக்கப்பட்டபடி தேர்வு முடிவுகள் இன்று காலை 9 மணிக்கு வெளியிடப்படுகின்றன. மாணவர்கள் கீழே கொடுக்கப்பட்டுள்ள இணையதளங்களில் பதிவெண் மற்றும் பிறந்த தேதியைக் குறிப்பிட்டு மதிப்பெண்களுடன் கூடிய தேர்வு முடிவுகளை அறிந்து கொள்ள லாம்  www.tnresults.nic.in | www.dge1.tn.nic.in | www.dge2.tn.nic.in  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

பள்ளிக்கல்வித் துறையின் நிர்வாக அமைப்பில் பல்வேறு புதிய மாற்றங்கள் | 52 புதிய கல்வி மாவட்டங்கள் பள்ளிக்கல்வித் துறை உத்தரவு...


பள்ளிக்கல்வித் துறையின் நிர்வாக அமைப்பில் பல்வேறு புதிய மாற்றங்கள் செய்யப்பட்டு வருகின்றன. மாவட்ட தொடக்கக் கல்வி அதிகாரி, மெட்ரிகுலேஷன் பள்ளிகள் ஆய்வாளர் ஆகிய பணியிடங்கள் மாவட்ட கல்வி அதிகாரிக்கு இணையான பதவியாக இருப்பதால் அப்பணியிடங்களை மாவட்ட கல்வி அதிகாரி பணியிடங்களாக மாற்ற முடிவுசெய்யப்பட்டது. அதன்படி, 32 மாவட்ட தொடக்கக் கல்வி அதிகாரி பணியிடங்கள், 17 மெட்ரிக் பள்ளிகள் ஆய்வாளர் பணியிடங்கள், 2 மாவட்ட முறைசாரா கல்வி அலுவலர், ஒரு ஆங்கிலோ இந்தியன் பள்ளிகள் ஆய்வாளர் பணியிடங்கள் மாவட்ட கல்வி அதிகாரி பணியிடங்களாக தற்போது மாற்றப்பட்டுள்ளன. இதைத் தொடர்ந்து, புதிதாக 52 கல்வி மாவட்டங்களை தொடங்க பள்ளிக்கல்வித் துறையின் முதன்மைச் செயலர் பிரதீப் யாதவ் உத்தரவிட்டார். அதன்படி, 52 புதிய கல்வி மாவட்டங்களும் உருவாக்கப்பட்டுள்ளன. இதனால், கல்வி மாவட்டங்களின் எண்ணிக்கை 119 ஆக உயர்ந் துள்ளது. DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, 29 May 2018

பிளஸ் 1 பொதுத்தேர்வு முடிவுகள் நாளை (புதன்கிழமை) காலை 9 மணிக்கு வெளியிடப்படுகின்றன.

நாளை பிளஸ் 1 பொதுத்தேர்வு முடிவு பிளஸ் 1 பொதுத்தேர்வு முடிவுகள் நாளை (புதன்கிழமை) காலை 9 மணிக்கு வெளியிடப்படுகின்றன. பிளஸ் 1 பொதுத்தேர்வு மார்ச் 7-ம் தேதி தொடங்கி ஏப்ரல் 16-ம் தேதி முடிவடைந்தது. தமிழகம் மற்றும் புதுச்சேரியில் பள்ளி மாணவ-மாணவிகள், தனித்தேர்வர்கள் என 8 லட்சத்து 63 ஆயிரம் பேர் தேர்வெழுதியுள்ளனர். தேர்வு முடிந்தவுடன் விடைத்தாள்கள் திருத்தும் பணி தொடங்கியது. விடைத்தாள் மதிப்பீட்டுப்பணியும் அதைத்தொடர்ந்து, மதிப்பெண் பட்டியல் தயாரிக்கும் பணியும் விரைவாக மேற்கொள்ளப்பட்டன. இந்த நிலையில், ஏற்கெனவே, அறிவிக்கப்பட்டபடி, பிளஸ் 1 பொதுத்தேர்வு முடிவுகள் நாளை (மே 30 புதன்கிழமை) காலை 9 மணிக்கு வெளியிடப்படுகின்றன. தேர்வு முடிவுகள் அதிகாரப்பூர்வமாக வெளியிடப்பட்ட அடுத்த சில வினாடிகளில் தேர்வெழுதிய அனைத்து மாணவர்களுக்கும், தனித்தேர்வர்களுக்கும் தேர்வுக்கு விண்ணப்பித்தபோது அவர்கள் அளித்திருந்த செல் போன் எண்ணுக்கு மதிப்பெண்களுடன் கூடிய தேர்வு முடிவுகள் குறுஞ்செய்தி (எஸ்எம்எஸ்) மூலமாக அனுப்பப்படும். மேலும் மாணவர்கள் தேர்வு முடிவுகளை கீழே கொடுக்கப்பட்டுள்ள அரசு தேர்வுத்துறையின் இணையதளங்களிலும் மதிப் பெண் விவரங்களுடன் அறிந்து கொள்ளலாம். www.tnresults.nic.in www.dge1.tn.nic.in www.dge2.tn. nic.in எஸ்எஸ்எல்சி, பிளஸ் 2 பொதுத் தேர்வுகளில் ரேங்க் பட்டியல் வெளியிடும் முறை கடந்த ஆண்டு நிறுத்தப்பட்டது. அதன்படி, கடந்த 16-ம் தேதி வெளியான பிளஸ் 2 தேர்வு முடிவின்போதும், 23-ம் தேதி வெளியான எஸ்எஸ்எல்சி தேர்வு முடிவின்போதும் ரேங்க் பட்டி யல் வெளியிடப்படவில்லை. அதேபோல, நாளை வெளியாக உள்ள பிளஸ் 1 தேர்வு முடிவிலும் ரேங்க் பட்டியல் வெளியிடப் படாது. கடந்த 2017-ம் ஆண்டு வரை பிளஸ் 1 தேர்வு பள்ளி அளவிலான சாதாரண வருடாந்திர தேர்வாகவே நடத்தப்பட்டது. இந்த ஆண்டிலிருந்துதான் முதல்முறையாக பொதுத்தேர்வாக நடத்தப்பட்டுள்ளது என்பது குறிப்பிடத்தக்கது. தேர்வு முடிவு வெளியான பிறகு அனைவரும் தற்காலிக மதிப்பெண் சான்றிதழ் வழங்கப்படும். மாணவர்கள் ஒருவேளை தேர்வில் தோல்வி அடைந்தாலும் அவர்கள் கவலைப்படத் தேவையில்லை. அனைத்து மாணவர்களுமே 12-ம் வகுப்பு சென்றுவிடலாம். தேர்ச்சிபெறாத பாடங்களை சிறப்பு துணைத்தேர்வு எழுதி தேர்ச்சி பெற்றுவிடலாம். அடுத்த ஆண்டு பிளஸ் 2 தேர்வை முடிக்கும்போது இரு பொதுத்தேர்வுகளின் (பிளஸ் 1, பிளஸ் 2) மதிப்பெண்கள் அடங்கிய தொகுப்பு மதிப்பெண் பட்டியல் (Consolidated Marksheet) வழங்கப்படும்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

ஓய்வூதிய நலத்திட்டங்களுக்கு விண்ணப்பித்தவர்கள் வங்கிகளில் ஏ.டி.எம். கார்டை பெற்றுக்கொள்ளலாம் வருவாய்த்துறை அறிவிப்பு

ஓய்வூதிய நலத்திட்டங்களுக்கு விண்ணப்பித்தவர்கள் வங்கிகளில் ஏ.டி.எம். கார்டை பெற்றுக்கொள்ளலாம் வருவாய்த்துறை அறிவிப்பு | தமிழக அரசு வருவாய் நிர்வாக கமிஷனர் சத்யகோபால் நேற்று வெளியிட்ட செய்திக்குறிப்பில் கூறியிருப்பதாவது:- தமிழ்நாடு அரசு சமூக பாதுகாப்புத் திட்டத்தின் கீழ் சமுதாயத்தில் நலிவடைந்த பிரிவினரின் நலனுக்காக முதியோர் ஓய்வூதியம், மாற்றுத் திறனாளிகளுக்கான ஓய்வூதியம் மற்றும் விதவைகள் ஓய்வூதியம் உள்ளிட்ட 9 வகையான ஓய்வூதிய நலத்திட்டங்களை வழங்கி வருகிறது. மேற்படி ஓய்வூதியம் பெறும் பயனாளிகளின் நலனுக்காக தொடர்புடைய வங்கிகளின் மூலம் பணப்பற்று அட்டை (ஏ.டி.எம்./ ரூபே கார்டு) வழங்க மாநில வங்கி ஒருங்கிணைப்பாளர்களின் குழுமத்திடம் கேட்டுக் கொள்ளப்பட்டதற்கிணங்க, முதற்கட்டமாக பணப்பற்று அட்டை தேவை என விண்ணப்பம் அளித்த பயனாளிகளுக்கு தொடர்புடைய வங்கிகள் மூலம் பணப்பற்று அட்டை வழங்க வங்கிகள் தயார் நிலையில் உள்ளதாக தெரிவிக்கப்பட்டுள்ளது. எனவே பணப்பற்று அட்டை பெற விண்ணப்பித்துள்ள பயனாளிகள் தொடர்புடைய வங்கிகளை அணுகி தங்களுக்கான பணப்பற்று அட்டையை பெற்றுக் கொள்ளுமாறு கேட்டுக் கொள்ளப்படுகிறார்கள். இதுவரை பணப்பற்று அட்டை கோரி விண்ணப்பிக்காதவர்கள் அதற்கான விண்ணப்பத்தினை தொடர்புடைய வங்கியில் உடனடியாக சமர்ப்பிக்குமாறு கேட்டு கொள்ளப்படுகிறார்கள். இவ்வாறு அவர் கூறியுள்ளார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

1, 6, 9, 11-ம் வகுப்புகளுக்கு இந்த வருடம் அமல் வீடியோ, ஆடியோ வசதியுடன் புதிய பாடத்திட்டம் கல்வித்துறை பாடத்திட்ட செயலாளர் உதயச்சந்திரன் தகவல்

1, 6, 9, 11-ம் வகுப்புகளுக்கு இந்த வருடம் அமல் வீடியோ, ஆடியோ வசதியுடன் புதிய பாடத்திட்டம் கல்வித்துறை பாடத்திட்ட செயலாளர் உதயச்சந்திரன் தகவல் 1, 6, 9, 11-ம் வகுப்புகளுக்கு புதிய பாடத்திட்டம் வருகிற கல்வி ஆண்டில் அறிமுகப்படுத்தப்படுகிறது. மாணவர்கள் வீடியோ மற்றும் ஆடியோ வசதியுடன் பாடப்புத்தகங்களை விரும்பி படிக்கும் வகையில் இந்த பாடத்திட்டம் உருவாக்கப்பட்டு உள்ளது என்று பள்ளிக்கல்வித்துறை பாடத்திட்ட செயலாளர் த.உதயச்சந்திரன் கூறினார். பல வருடங்களுக்கு பிறகு தமிழகத்தில் புதிய பாடத்திட்டம் 1, 6, 9, 11 ஆகிய 4 வகுப்புகளுக்கு 2018-2019-ம் கல்வி ஆண்டில் அறிமுகப்படுத்தப்படுகிறது. இதுகுறித்து சென்னையில் பள்ளிக்கல்வித்துறை பாடத்திட்ட செயலாளர் த.உதயச்சந்திரன் நிருபர்களிடம் கூறியதாவது:- பள்ளிக்கூட அளவில் புதிய பாடத்திட்டம் மாற்றி அமைக்கப்பட்டு உள்ளது. இதற்காக இந்தியாவில் சிறப்பான பாடப்புத்தகங்களை கொண்டுள்ள முக்கிய மாநிலங்கள் மற்றும் சிங்கப்பூர் உள்பட பல வெளிநாடுகளில் பாடப்புத்தகங்கள் எவ்வாறு உள்ளன என்று முதலில் ஆய்வு செய்யப்பட்டது. அதில் உள்ள நல்ல கருத்துகள் மட்டும் எடுக்கப்பட்டு புதிய பாடத்திட்டம் உருவாக்கப்பட்டு இருக்கிறது. ஒவ்வொரு பாடப்புத்தகத்திலும், ஒவ்வொரு பாடத்திலும் அதை விரிவாக மாணவர்கள் படிக்க விரும்பினால் அதற்க ான புத்தகங்களின் தலைப்புகள் கொடுக்கப்பட்டுள்ளன. அகராதி பாடப்புத்தகங்களை தமிழிலும், ஆங்கிலத்திலும் படிக்கலாம். அதன் காரணமாக ஒவ்வொரு புத்தகத்திலும், ஒவ்வொரு பாடத்திலும் வார்த்தைகள் அகராதி போல இடம் பெற்றுள்ளன. அதாவது தமிழ்மொழியில் இருந்து ஆங்கிலத்திலும், ஆங்கிலத்தில் இருந்து தமிழிலும் மொழி பெயர்க்கப்பட்ட அர்த்தங்கள் இடம் பெற்றுள்ளன. அவை பாடத்தின் பின்புறத்திலும் மட்டுமல்ல, புத்தகத்தின் பின்பக்கத்திலும் இடம் பெற்று இருக்கிறது. 11-வது வகுப்பு, 12-வது வகுப்பு மாணவ-மாணவிகள் ‘நீட்’ உள்ளிட்ட போட்டித் தேர்வை எதிர்கொள்ள பாடப்புத்தகங்களில் கடந்த சில ஆண்டுகளில் கேட்கப்பட்ட கேள்விகள் மற்றும் பதில்களுடன் இடம் பெற்றுள்ளன. பாடங்கள் அனைத்தும் மாணவர்கள் விரும்பி படிக்கும் வகையில் பல வண்ணங்களில் அமைக்கப்பட்டு இருக்கிறது. 11-ம் வகுப்பு, 12-ம் வகுப்பு மாணவ-மாணவிகள் அடுத்து என்ன படித்தால் நல்லது என்பதை அறிந்து கொள்ளும் பொருட்டு அந்த படிப்புகளின் முழு விவரமும் கொடுக்கப்பட்டுள்ளன. மருத்துவம், என்ஜினீயரிங் மற்றும் நிறைய படிப்புகள் உள்ளன. என்ன படிப்பை எங்கே படிக்கலாம் என்ற விவரமும் தொகுத்து தரப்பட்டு இருக்கிறது. அதன்மூலம் மாணவ- மாணவிகள் மேல்படிப்பை மேற்கொள்வது பற்றி முழுமையாக தெரிந்து கொள்ள முடியும். பாடங்களில் விரைவு கோடு முறை அறிமுகப்படுத்தப்பட்டுள்ளது. அதை இணையதளம் கொண்ட செல்போனில் படம் எடுத்து அதை செயல்படுத்தினால் அதற்குரிய வீடியோ மற்றும் ஆடியோவை காணலாம். அவை அனைத்தும் பாடத்துடன் இணைந்ததுதான். அந்த விரைவு கோட்டை பள்ளிகளில் கம்ப்யூட்டர் மூலம் பயன்படுத்தி மாணவர்களுக்கு கல்வி கற்பிக்கவும் ஏற்பாடு செய்யப்பட்டு இருக்கிறது. அதாவது வீடியோ மற்றும் ஆடியோ வசதியுடன் புதிய பாடத்திட்டம் அமைந்திருக்கிறது. பாடப்புத்தகத்தில் இடம் பெற்றுள்ள ஒரு பாடலை வீடியோ மற்றும் ஆடியோ வாயிலாக வழங்கினால் மாணவர்கள் மகிழ்ச்சியுடன் பார்த்து படிப்பார்கள். தொழிற்கல்வி மாணவ- மாணவிகளுக்கு பாடத்திட்டம் மாற்றி அமைக்கப்பட்டு 20 வருடங்கள் ஆகி விட்டது. எனவே அந்த பாடத்திட்டம் முழுமையாக மாற்றி அமைக்கப்பட்டு இருக்கிறது. அதிகம் கம்ப்யூட்டர் படிக்கும்படி பாடத்திட்டம் உள்ளது. அடிப்படை எந்திரவியல், அடிப்படை பொறியியல், அடிப்படை மின் பொறியியல், அடிப்படை மின்அணு பொறியியல், அடிப்படை கட்டிட பொறியியல், ஊர்தி பொறியியல், நெசவியல், செவிலியம், வேளாண் அறிவியல் உள்ளிட்ட தொழில்கல்வி படிப்புகளில் நிறைய மாற்றம் கொண்டுவரப்பட்டுள்ளது. இந்த பாடத்திட்டம் மாணவர்களின் அறிவு சிந்தனையை தூண்டி வேலை வாய்ப்பை முன்நிறுத்தியும் போட்டித்தேர்வை எதிர்கொள்ளும் வகையிலும் அமைக்கப்பட்டு இருக்கிறது. இந்த பாடத்திட்டம் குறித்து ஆசிரியர்களுக்கு பயிற்சி அளிக்கப்பட உள்ளது. முதலில் மாநில அளவில் ஆசிரியர்களுக்கு 2 நாள் பயிற்சி அளிக்கப்படும். அதன்பிறகு மாவட்டத்தின் முன்னணி ஆசிரியர்களுக்கு பயிற்சி தரப்படும். அவர்கள் மாவட்டத்தில் உள்ள அனைத்து ஆசிரியர்களுக்கும் பயிற்சி அளிப்பார்கள். ஆசிரியர்கள் மாணவர்களுக்கு பாடம் சொல்லிக்கொடுக்கும் பணி பாதிக்காத வகையில் 2 நாட்கள் பயிற்சி அளிக்கப்படும். ஒவ்வொரு பருவத்திற்கும் ஆசிரியர்களுக்கு பயிற்சி தரப்படும். பயிற்சி அளிக்க அட்டவணை வெளியிடப்படும். இவ்வாறு இவ்வாறு தெரிவித்தார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

8 லட்சத்து 63 ஆயிரம் பேர் எழுதிய பிளஸ்-1 தேர்வு முடிவுகள் நாளை (புதன்கிழமை) காலை 9 மணிக்கு வெளியிடப்படுகிறது.


8 லட்சத்து 63 ஆயிரம் பேர் எழுதிய பிளஸ்-1 தேர்வு முடிவுகள் நாளை வெளியீடு | 8 லட்சத்து 63 ஆயிரம் பேர் எழுதிய பிளஸ்-1 தேர்வு முடிவுகள் நாளை (புதன்கிழமை) வெளியிடப்படுகிறது. பிளஸ்-1 தேர்வு தமிழ்நாடு மற்றும் புதுச்சேரியில் முதன் முறையாக பிளஸ்-1 மாணவ-மாணவிகளுக்கு அரசு பொதுத்தேர்வு நடைபெற்றது. இந்த தேர்வை தமிழ்நாடு மற்றும் புதுச்சேரியில் 8 லட்சத்து 61 ஆயிரத்து 915 பள்ளி மாணவ-மாணவிகளும், 1,753 தனித்தேர்வர்களும் எழுதினர். மொத்தத்தில் 8 லட்சத்து 63 ஆயிரத்து 668 பேர் தேர்வெழுதினர். மேலும், வேலூர், கடலூர், புதுக்கோட்டை, கோவை, மதுரை, பாளையங்கோட்டை, திருச்சி மற்றும் புழல் சிறைகளில் 62 ஆண் கைதிகள் புழல் சிறையில் அமைக்கப்பட்டு இருந்த தேர்வு மையத்தில் தேர்வெழுதினர். நாளை வெளியீடு மாணவ-மாணவிகள் காப்பி அடிப்பதை தடுக்க 4,000 பேர் கொண்ட பறக்கும் படை அமைக்கப்பட்டிருந்தது. விடைத்தாள் மதிப்பீடு செய்யப்பட்டு மதிப்பெண்கள் கம்ப்யூட்டரில் பதிவு செய்யும் பணி முடிவடைந்து உள்ளது. இதையடுத்து பிளஸ்-1 தேர்வு முடிவுகள் நாளை (புதன்கிழமை) காலை 9 மணிக்கு வெளியிடப்படுகிறது. இந்த தேர்வு முடிவுகளை ( www.tnresults.nic.in, www.dge.tn.nic.in, www.dge2.tn.nic.in ) என்ற இணையதளங்களில் தெரிந்து கொள்ளலாம். DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 28 May 2018

பி.எப். நிர்வாக கட்டணம் 0.5 சதவீதமாக குறைப்பு ரூ.900 கோடி மிச்சமாகும் என கணிப்பு

ஊழியர் வருங்கால வைப்பு நிதிக்கான (இபிஎப்) நிர்வாக கட்டணத்தை 0.65 சதவீதத்தில் இருந்து 0.5 சதவீதமாக குறைக்க இபிஎப் மத்திய அறங்காவலர்கள் வாரியம் (சிபிடி) ஒப்புதல் அளித்துள்ளது. இதன்மூலம் நிறுவனங்களுக்கு ஆண்டுக்கு சுமார் ரூ.900 கோடி மிச்சமாகும் என மதிப்பிடப்பட்டுள்ளது. ஊழியர்கள் சார்பில் நிறுவனங்கள் செலுத்தும் பிஎப் தொகையில் 0.65 சதவீதம் வரை நிர்வாக கட்டணமாக பிஎப் அமைப்பு விதித்து வந்தது. கடந்த பிப்ரவரி 21-ம் தேதி நடந்த அறங்காவலர்கள் வாரிய கூட்டத்தில் இதை 0.5 சதவீதமாகக் குறைக்க முடிவு எடுக்கப்பட்டது. அதாவது 0.15 சதவீதம் குறைக்கப்பட உள்ளது. வரும் ஜூன் 1-ம் தேதி முதல் இது அமலுக்கு வர உள்ளது. ரூ.900 கோடி மிச்சம் இதன்மூலம் நிறுவனங்களுக்கான செலவு குறையும். குறிப்பாக, நிறுவனங்களுக்கு ஆண்டுக்கு மொத்தம் ரூ.900 கோடி மீதமாகும் என கணிக்கப்பட்டுள்ளது. அதனால் பல ஊழியர்களை பிஎப் அமைப்புக்குள் கொண்டுவர நிறுவனங்கள் முயற்சி செய்யும் என பிஎப் ஆணையர் வி.பி. ஜாய் தெரிவித்துள்ளார். பிஎப் அமைப்பு கடந்த நிதி ஆண்டு நிறுவனங்களிடமிருந்து நிர்வாகக் கட்டணமாக ரூ.3,800 கோடி வசூல் செய்தது. இந்த தொகையை வைத்துதான் பிஎப் அமைப்பு செயல்பட்டு வருகிறது. கடந்த சில ஆண்டுகளாக வசூலிக்கப்பட்ட நிர்வாகக் கட்டணத்தில் ரூ.20,000 கோடி உபரியாக உள்ளது. இதன்மூலம் ஆண்டுக்கு ரூ.1,600 கோடி அளவுக்கு வட்டி வருமானம் கிடைக்கிறது. அதனால் நிர்வாகக் கட்டணத்தை குறைத்துள்ளோம், இதனால் பிஎப் தொகையை நிர்வகிப்பதில் எவ்வித சிக்கலும் இருக்காது என்று வி.பி. ஜாய் தெரிவித்தார். ஒரு நிறுவனம் பணியாளர்களுக்கு செலுத்தும் மொத்த சம்பளத்தில் குறிப்பிட்ட சதவீதம் நிர்வாகக் கட்டணமாக வசூலிக்கப்படுகிறது. கடந்த சில ஆண்டுகளாகவே பிஎப் அமைப்பு நிர்வாகக் கட்டணத்தை குறைத்து வருகிறது. 2015-ம் ஆண்டு ஜனவரி 1-ம் தேதி நிர்வாகக் கட்டணம் 1.1 சதவீதத்தில் இருந்து 0.85 சதவீதமாக குறைக்கப்பட்டது. கடந்த 2017-ம் ஆண்டு ஏப்ரல் மாதம் 0.85 சதவீதத்தில் இருந்து 0.65 சதவீதமாகக் குறைக்கப்பட்டது. இப்போது 0.5 சதவீதமாகக் குறைக்கப்பட்டுள்ளது. சுமார் 5 கோடி சந்தாதாரர்களின் ரூ.10 லட்சம் கோடி தொகையை பிஎப் அமைப்பு நிர்வகித்து வருவது குறிப்பிடத்தக்கது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

20 ஆசிரியர் பயிற்சி நிறுவனங்களை மூடுவதற்கு தடை கோரி வழக்கு

தமிழகத்தில் 20 மாவட்டங்களில் செயல்படும் ஆசிரியர் பட்டயப் பயிற்சி நிறுவனங்களை மூடுவதற்கு தடை கோரி தொடரப்பட்ட வழக்கில் மத்திய, மாநில அரசுகள் பதிலளிக்க உயர் நீதிமன்றம் உத்தரவிட்டுள்ளது. ஒன்று முதல் எட்டாம் வகுப்பு வரை இடைநிலை ஆசிரியர்களாக, ஆசிரியர் பட்டயப் பயிற்சி முடிப்பவர்கள் நியமிக்கப்பட்டு வந்தனர். இந்நிலையில் இடைநிலை ஆசிரியர் பணிக்கும் தகுதித்தேர்வு கட்டாயமாக்கப்பட்டதால் ஆசிரியர் பட்டயப் பயிற்சி நிறுவனங்களில் மாணவர் சேர்க்கை ஒவ்வொரு ஆண்டும் கணிசமாக குறைந்து வருகிறது. இதன்காரணமாக மொத்தம் உள்ள 32 மாவட்டங்களில், சென்னை, கடலூர் உள்ளிட்ட 12 ஆசிரியர் பட்டயப் பயிற்சி நிறுவனங்களை மட்டும் வைத்துக்கொண்டு, வேலூர், திருச்சி, சேலம், ராமநாதபுரம் உள்ளிட்ட 20 நிறுவனங்களை மூடுவது என அரசு முடிவு செய்துள்ளது. இதற்காக 20 இடங்களிலும் இந்தாண்டு மாணவர் சேர்க்கை நிறுத்தி வைக்கப்பட்டுள்ளது. இந்நிலையில் இதை எதிர்த்து அனைத்து மாவட்ட கல்வி மற்றும் பயிற்சி நிறுவன ஆசிரியர்கள் சங்கம் சார்பில் சென்னை உயர் நீதிமன்றத்தில் வழக்குத் தொடரப்பட்டது. இந்த வழக்கு நீதிபதி பவானி சுப்பராயன் முன்பு விசாரணைக்கு வந்தது. அப்போது அரசின் இந்த உத்தரவு தனியார் ஆசிரியர் பயிற்சி பள்ளிகளை ஊக்குவிக்கும் வகையில் உள்ளது. 20 மாவட்டங்களில் உள்ள ஆசிரியர் பட்டயப் பயிற்சி நிறுவனங்களை மூடுவதால் ஏழை, எளிய மக்கள் பெரிதும் பாதிக்கப்படுவர் என மனுதாரர்கள் தரப்பில் வாதிடப்பட்டது. அதையடுத்து நீதிபதி, இதுதொடர்பாக வரும் ஜூன் 5-ம் தேதிக்குள் மத்திய மனித வள மேம்பாட்டுத்துறைச் செயலர், தமிழக பள்ளிக்கல்வித்துறைச் செயலர், மாநில கல்வியியல் ஆராய்ச்சி மற்றும் பயிற்சி நிறுவனம் ஆகியோர் பதிலளிக்க உத்தரவிட்டு விசாரணையை தள்ளி வைத்தார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

சட்டப் படிப்பில் சேர ஆன்லைனில் விண்ணப்பிக்கும் வசதி அறிமுகம் அம்பேத்கர் சட்ட பல்கலை. துணைவேந்தர் தகவல்

சட்டப் படிப்புகளுக்கு இந்தாண்டு முதல் ஆன்லைனிலும் விண்ணப்பிக்கலாம் என தமிழ்நாடு அம்பேத்கர் சட்ட பல்கலைக்கழக துணைவேந்தர் டி.எஸ்.என். சாஸ்திரி தெரிவித்தார். தமிழகத்தில் உள்ள சட்டக் கல்லூரிகள், சீர்மிகு சட்டப் பள்ளி ஆகியவற்றில் மாணவர் சேர்க்கையை நடத்தும் முகமையாக, தமிழ்நாடு அம்பேத்கர் சட்டப் பல்கலைக்கழகம் நியமிக்கப்பட்டுள்ளது. இதன்படி, சட்டப் படிப்புகளுக்கான விண்ணப்ப விநியோகம் வரும் 28-ம் தேதி தொடங் குகிறது. இதுதொடர்பாக, பல்கலைக்கழக துணைவேந்தர் டி.எஸ்.என்.சாஸ்திரி கூறியதாவது: பல்கலைக்கழக வளாகத்தில் இயங்கி வரும் சீர்மிகு சட்டப் பள்ளியில் உள்ள 5 ஆண்டுகள் ஒருங்கிணைந்த பி.ஏ., பி.காம், பி.பி.ஏ., பி.சி.ஏ. எல்எல்பி மாண்பமை (ஹானர்ஸ்) சட்டப் படிப்புகளுக்கான விண்ணப்பம் மே 28-ம் தேதி (நாளை) முதல் வழங்கப்படுகிறது. ஆதிதிராவிடர் பழங்குடியினருக்கு ரூ.500, மற்றவர்களுக்கு ரூ.1000 விண்ணப்பக் கட்டணமாக வசூலிக்கப்படுகிறது. அஞ்சல் வழியில் பெற ரூ.600 மற்றும் ரூ.1,100-க்கான வரைவோலை எடுத்து அனுப்ப வேண்டும். பூர்த்தி செய்யப்பட்ட விண்ணப்பத்தை அளிக்க இறுதி நாள் ஜுன் 18 ஆகும். மேலும், சட்டப் பல்கலை., சட்டக் கல்லூரிகளில் ஐந்தாண்டு பி.ஏ. எல்எல்பி படிப்புகளுக்கு ஜூன் 1-ம் தேதி முதலும், எல்எல்பி மாண்பமை சட்டப் படிப்புகளுக்கு ஜூன் 26-ம் தேதி முதலும், எல்எல்பி சட்டப் படிப்புகளுக்கு ஜூன் 27-ம் தேதியில் இருந்தும் விண்ணப்பங்கள் வழங்கப்படுகின்றன. இந்த ஆண்டு முதல் ஆன்லைனிலும் விண்ணப்பிக்கும் வசதி கொண்டு வரப்பட்டுள்ளது. இதில் கிடைக்கும் வரவேற்பைப் பொறுத்து, வரும் ஆண்டுகளில் அமல் படுத்தப்படும். மாண்பமை சட்டப் படிப்புகளில் மொத்தம் 780 இடங்கள் உள்ளன. அம்பேத்கர் சட்டக்கல்லூரி, மதுரை, திருச்சி, கோவை, நெல்லை, செங்கல்பட்டு, வேலூர், விழுப்புரம், ராமநாதபுரம், தரு்மபுரி, திண்டிவனம் சட்டக் கல்லூரிகளில், ஐந்தாண்டு சட்டப் படிப்புக்கு 1,411 இடங்களும், மூன்றாண்டு படிப்புக்கு 1,541 இடங்களும் உள்ளன. மாண்பமை சட்டப் படிப்புகளில் வெளிநாடு வாழ் இந்தியர்களுக்கு 15 சதவீதம் இடங்கள் ஒதுக்கப்படும். இப்படிப்புகளுக்கு மத்திய, மாநில அரசுகளின் அரசாணைப்படி, உண்மையான வெளிநாடு வாழ் இந்தியர்கள் மட்டுமே சேர்க்கப்படுவார்கள். சேர்க்கை வெளிப்படையாக நடக்கும். இதில் சேரும் மாணவர்கள் பட்டியல் சிண்டிகேட் கூட்டத்தில் ஒப்புதல் பெறப்பட்ட பிறகே மாணவர்கள் அனுமதிக்கப்படுவர். இந்தாண்டு சீர்மிகு பள்ளியில் உள்ள மாண்பமை படிப்புகளுக்கு மட்டும் ரூ.10 ஆயிரம் கட்டணம் கூடுதலாக வசூலிக்கப்படும். மற்ற கல்லூரிகளில் வழக்கம் போல் கட்டணம் இருக்கும். விண்ணப்பங்கள் பெறப்பட்டு, அவை பரிசீலிக்கப்பட்ட பின், கவுன்சலிங் தேதி அறிவிக் கப்படும். Facebook Google Twitter EmailShare © 2017 All Rights Reserved. Powered by Summit exclusively for The Hindu

விரிவாக படிக்க இங்கே கிளிக் செய்யுங்கள் | READ MORE | CLICK HERE

பாடப் புத்தகங்கள் பள்ளிகளுக்கு விநியோகம்

கல்வி மாவட்டத்துக்கு உட்பட்ட பள்ளிகளுக்கு பாடப் புத்தகம் விநியோகிக்கும் பணி தொடங்கியுள்ளது. செங்கல்பட்டு கல்வி மாவட்டத்தில் 99 மேல்நிலைப் பள்ளிகள், 114 உயர்நிலைப் பள்ளிகள் என மொத்தம் 216 அரசுப் பள்ளிகள் செயல்படுகின்றன. ஆறாம் வகுப்பு முதல், பிளஸ் 2 வரை பயிலும், மாணவர்களுக்கு வழங்குவதற்கான இலவச பாடப் புத்தகங்கள், பள்ளி வாரியாக பிரிக்கப்பட்டு, விநியோகம் செய்யும் பணி தொடங்கியுள்ளது. முதல் பருவத்துக்கான இலவச பாடப் புத்தகங்கள் மற்றும் நோட்டுப் புத்தகங்கள், பை, கல்வி உபகரணங்கள், அட்லஸ் ஆகியவை அரசு பாடநூல் கழகத்தில் இருந்து கொண்டு வரப்பட்டு, இருப்பு வைக்கப்பட்டன. இந்நிலையில், வரும் ஜூன் முதல் தேதி, கோடை விடுமுறை முடிந்து, பள்ளிகள் திறக்கப்படுவதாக பள்ளிக் கல்வித்துறை அறிவித்துள்ளது. ஆறாம் வகுப்பு முதல், பிளஸ் 2 வரையான மாணவர்களுக்கு நோட்டு புத்தகங்கள் மற்றும் பாடப் புத்தகங்கள் விநியோகிக்கப்படுகின்றன. பள்ளி தலைமை ஆசிரியர்கள், ஆசிரியர்கள் பாடப் புத்தகங்களை பள்ளிகளுக்கு பெற்றுச் செல்கின்றனர். பிளஸ் 1, வகுப்புகளுக்கான புதிய பாடத்திட்ட புத்தகங்கள், கல்வி மாவட்டத்துக்கு ஒதுக்கீடு பெற்றதும் பள்ளிகளுக்கு அனுப்பப்படும் என மாவட்ட கல்வித்துறை அதிகாரிகள் தெரிவித்தனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

பள்ளிக் கல்வி, தொடக்கக் கல்வி இயக்ககங்களை இணைக்க முயற்சி ? ஆரம்பப் பள்ளி ஆசிரியர் அமைப்புகள் குற்றச்சாட்டு

பள்ளிக்கல்வித் துறை நிர்வாகத்தில் அதிரடி மாற்றங்கள் செய்யப்பட்டிருப்பது தொடக்கக் கல்வி இயக்ககத்தை பள்ளிக்கல்வி இயக்ககத்துடன் இணைக்கும் முயற்சி என்று ஆரம்பப் பள்ளி ஆசிரியர் அமைப்புகள் குற்றம் சாட்டியுள்ளன. தமிழகத்தில் 37,211 அரசு பள்ளிகளும், 8,403 அரசு உதவி பெறும் பள்ளிகளும், 12,419 தனியார் சுயநிதி பள்ளிகளும் உள்ளன. பள்ளிக்கல்வி இயக்ககத்தின்கீழ் இயங்கும் பள்ளிகளை, அதாவது அரசு மற்றும் தனியார் உயர்நிலைப் பள்ளிகள் மற்றும் மேல்நிலைப் பள்ளிகளை வருவாய் மாவட்ட அளவில் முதன்மை கல்வி அதிகாரிகளும் (32 பேர்), கல்வி மாவட்ட அளவில் மாவட்ட கல்வி அதிகாரிகளும் (67 பேர்) நிர்வகித்து வருகிறார்கள். இதைபோல், தொடக்கக் கல்வி இயக்ககத்தின் கீழ் இயங்கும் பள்ளிகளை, அதாவது ஊராட்சி ஒன்றிய தொடக்கப் பள்ளிகள், நடுநிலைப் பள்ளிகள் மற்றும் அரசு உதவி பெறும் தொடக்க, நடுநிலைப் பள்ளிகளை மாவட்ட அளவில் மாவட்ட தொடக்கக் கல்வி அதிகாரிகளும், வட்டார அளவில் உதவி தொடக்கக் கல்வி அதிகாரிகளும் (836 பேர்) நிர்வகிக்கிறார்கள். மேலும், மாநிலம் முழுவதும் உள்ள 4,322 மெட்ரிகுலேஷன் பள்ளிகளை கவனிக்க 17 மெட்ரிக் பள்ளிகள் ஆய்வாளர்கள் இருக்கிறார்கள். இந்நிலையில், பள்ளிக்கல்வித் துறை நிர்வாகத்தில் அதிரடி மாற்றங்களை கொண்டுவரும் வகையில் மே 18-ம் தேதி ஓர் அரசாணை வெளியிடப்பட்டது. அதன்படி, மாவட்ட முதன்மை கல்வி அதிகாரிகள் மற்றும் மாவட்ட கல்வி அதிகாரிகளுக்கு கூடுதல் அதிகாரங்கள் அளிக்கப்பட்டுள்ளன. இதுவரையில் உயர்நிலைப் பள்ளிகளையும் மேல்நிலைப் பள்ளிகளையும் ஆய்வு செய்துவந்த இந்த அதிகாரிகள் இனி கூடுதலாக நடுநிலைப் பள்ளிகளையும், தொடக்கப் பள்ளிகளையும் கண்காணிப்பார்கள். மாவட்ட தொடக்கக் கல்வி அதிகாரி பதவியும், மெட்ரிக்குலேஷன் பள்ளிகள் ஆய்வாளர் பதவியும் மாவட்ட கல்வி அதிகாரிக்கு இணையான பதவி என்பதால் அப்பதவி மாவட்ட கல்வி அதிகாரி பதவியாகவே கருதப்படும். மேலும், தொடக்கக் கல்வி இயக்ககத்தில் உள்ள உதவி தொடக்கக் கல்வி அதிகாரி பதவியானது வட்டார கல்வி அதிகாரி என பெயர்மாற்றம் செய்யப்படுகிறது. இந்த அதிகாரிகள், அரசு மற்றும் அரசு உதவி பெறும் தொடக்க, நடுநிலைப் பள்ளிகளை மட்டுமின்றி தனியார் பள்ளிகளையும் நிர்வகிப்பார்கள். இந்த அதிரடி மாற்றங்கள் தொடக்கக் கல்வி இயக்ககத்தை பள்ளிக் கல்வி இயக்ககத்தோடு இணைப்பதற்கான முயற்சிதான் என ஆரம்பப் பள்ளி ஆசிரியர் அமைப்புகள் குற்றம்சாட்டிள்ளன. இதுகுறித்து தமிழக ஆரம்பப் பள்ளி ஆசிரியர் கூட்டணி பொதுச்செயலாளர் இரா.தாஸ் கூறும்போது, “இந்த புதிய மாற்றங்கள் மூலம் ஆரம்பக் கல்வி இயக்கத்தையே ஒழிக்க முயற்சி நடக்கிறது. 32 மாவட்ட தொடக்கக் கல்வி அதிகாரி பதவிகள் இல்லாமல் போய்விடும். அரசின் இந்த முடிவை கண்டித்து பெரிய அளவில் போராட்டம் நடத்த உள்ளோம்” என்றார். ஆரம்பப் பள்ளி ஆசிரியர் கூட்டணியின் முன்னாள் பொதுச்செயலாளர் செ.பாலசந்தர் கூறும்போது, “அரசின் தற்போதைய நடவடிக்கை, தொடக்கக் கல்வி இயக்ககத்தை பள்ளிக்கல்வி இயக்ககத்துடன் இணைக்கும் முயற்சிதான். மாவட்ட தொடக்கக் கல்வி அதிகாரிகள் இல்லாமல் தொடக்கக் கல்வி இயக்குநர் என்ன செய்வார் என்று தெரியவில்லை. புதிய நடவடிக்கை மூலம் தொடக்கக் கல்வி நிர்வாகத்தில் குழப்பங்கள் ஏற்படும்” என்றார்.ஜெ.கு.லிஸ்பன் குமார்

விரிவாக படிக்க இங்கே கிளிக் செய்யுங்கள் | READ MORE | CLICK HERE

Thursday, 24 May 2018

1, 6, 9, 11-ம் வகுப்புகளுக்கான புதிய பாடப் புத்தகங்கள் மே 31 இல் இணையதளத்தில் வெளியீடு


1, 6, 9, 11-ம் வகுப்புகளுக்கான புதிய பாடப் புத்தகங்கள் மே 31 இல் இணையதளத்தில் வெளியீடு | 1,6,9,11-ம் வகுப்புகளுக்கான புதிய பாடப்புத்தகங்கள் இணையதளத்தில் மே 31  முதல் படிப்படியாக வெளியிடப்படுகின்றன. தமிழகத்தில் நீண்ட காலமாக மாற்றப்படாமல் இருந்த பள்ளி பாடத்திட்டம் இந்த ஆண்டுமுதல் படிப்படியாக மாற்றியமைக்கப்படுகிறது. முதல்கட்டமாக 1,6,9,11-ம் வகுப்புகளுக்கு புதிய பாடத்திட்டம் நடைமுறைப்படுத்தப்படும். இதைத்தொடர்ந்து, மற்ற வகுப்புகளுக்கு அடுத்தடுத்த கல்வி ஆண்டுகளில் படிப்படியாக புதிய பாடத்திட்டம் அமல்படுத்தப்படும். இந்த நிலையில், 1,6,9,11-ம் வகுப்புகளுக்கான புதிய பாடப்புத்தகங்களை முதல்வர் கே.பழனிசாமி கடந்த 4-ம் தேதி வெளியிட்டார். புதிய புத்தகங்கள் இம்மாத இறுதியில் விற்பனைக்கு வரவுள்ளன. 1,6,9,11-ம் வகுப்புகளுக்கான புதிய பாடப்புத்தகங்கள் மே 23-ம் தேதி இணையதளத்தில் வெளியிடப்படும் என்று பள்ளிக் கல்வி அமைச்சர் கே.ஏ.செங்கோட்டையன் அண்மையில் அறிவித்தார். அதன்படி, வெளியிடவில்லை. புதிய பாடப்புத்தகங்கள் தமிழ்நாடு மாநில கல்வியியல் ஆராய்ச்சி மற்றும் பயிற்சி நிறுவனத்தின் இணையதளத்தில் (www.tnscert.org) மே 31 இல் வெளியிடப்படுகின்றன. இணையதளத்தின் சர்வர் திறனுக்கு ஏற்ப, புதிய பாடப்புத்தகங்கள் வகுப்புகள் மற்றும் பாடங்கள் வாரியாக மே 31 இல் படிப்படியாக இணையதளத்தில் வெளியிடப்படும் என்று கல்வியியல் ஆராய்ச்சி மற்றும் பயிற்சி நிறுவனத்தின் இயக்குநரும், புதிய பாடத் திட்டக்குழுவின் உறுப்பினர்-செயலருமான ஜி. அறிவொளி தெரிவி்த்தார். பள்ளி மாணவர்களுக்கான அனைத்து பாடப்புத்தகங்களையும் வகுப்புகள், பாடங்கள் வாரியாக தமிழ்நாடு பாடநூல் கழகம் மற்றும் கல்வியியல் பணிகள் கழகத்தின் இணையதளத்தில் (www.textbooksonline.tn.nic.in) பார்க்கலாம். அந்த வகையில், 1,6,9,11-ம் வகுப்பு புதிய பாடப்புத்தகங்களையும் பாட நூல் கழக இணையதளத்தில் வெளியிட ஏற்பாடு செய்யப்படும் என்று அதன் நிர்வாக இயக்குநர் டி.ஜெகந்நாதன் தெரிவித்தார். DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

எஸ்எஸ்எல்சி தேர்வு முடிவு மறுகூட்டலுக்கு மே 24-ம் தேதி முதல் 26-ம் தேதி மாலை 5.45 மணி வரை விண்ணப்பிக்கலாம்.


எஸ்எஸ்எல்சி தேர்வு முடிவு மறுகூட்டலுக்கு மே 24-ம் தேதி முதல் 26-ம் தேதி மாலை 5.45 மணி வரை விண்ணப்பிக்கலாம். இதுதொடர்பாக அரசு தேர்வுகள் இயக்குநர் தண்.வசுந்தராதேவி வெளியிட்ட செய்திக்குறிப்பில் கூறியிருப்பதாவது: பள்ளி மாணவர்கள் தங்கள் பள்ளி வழியாகவும், தனித் தேர்வர்கள் தாங்கள் தேர்வு எழுதிய மையம் வழியாகவும் மே 24-ம் தேதி (நாளை) முதல் 26-ம் தேதி மாலை 5.45 மணி வரை மறுகூட்டலுக்கு விண்ணப்பிக்க வேண்டும். இதற்கான கட்டணமாக மொழித்தாள், ஆங்கிலத் தாளுக்கு தலா ரூ.305, கணிதம், அறிவியல், சமூக அறிவியல், விருப்ப மொழிப்பாடம் ஆகியவற்றுக்கு தலா ரூ.205 செலுத்த வேண்டும். விண்ணப்பிக்கும் இடத்திலேயே கட்டணத்தை செலுத்த வேண்டும். விண்ணப்பிக்கும்போது வழங்கப்படும் ஒப்புகைச் சீட்டை மாணவர்கள் பத்திரமாக வைத்துக்கொள்ள வேண்டும். இதில் உள்ள விண்ணப்ப எண் மூலமாகத்தான் பின்னர் மறுகூட்டல் முடிவுகளை அறிந்துகொள்ள முடியும். சிறப்பு துணை பொதுத் தேர்வு பொதுத்தேர்வில் வெற்றிவாய்ப்பை இழந்தவர்கள், தேர்வுக்கு விண்ணப்பித்து கலந்துகொள்ளாதவர்களுக்கு ஜூன் 28-ம் தேதி சிறப்பு துணை பொதுத் தேர்வு நடத்தப்படும். இதற்கு விண்ணப்பிப்பது குறித்து தனியாக அறிவிப்பு வெளியிடப்படும். இவ்வாறு அவர் தெரிவித்துள்ளார்.  
விரிவாக படிக்க இங்கே கிளிக் செய்யுங்கள் | READ MORE | CLICK HERE

கடந்த 20-ந் தேதி நடந்த தேர்வில் வினாத்தாள் மாறிய 16 பேருக்கு 27-ந் தேதி மறு தேர்வு அரசு பணியாளர் தேர்வாணையம் அறிவிப்பு

கடந்த 20-ந் தேதி நடந்த தேர்வில் வினாத்தாள் மாறிய 16 பேருக்கு 27-ந் தேதி மறு தேர்வு அரசு பணியாளர் தேர்வாணையம் அறிவிப்பு | TNPSC - Re-examination for 16 affected candidates in CESE Exam at Kancheepuram Center. கடந்த 20-ந் தேதி தமிழ்நாடு அரசு பணியாளர் தேர்வாணையம் பொறியியல் பணியில் அடங்கிய தேர்வை நடத்தியது. இந்த தேர்வில் காஞ்சீபுரம் மாவட்டத்தில் எஸ்.எஸ்.கே.வி. ஆண்கள் மேல்நிலைப்பள்ளியில் 20-ந் தேதி காலையில் 16 மாணவர்களுக்கு வினாத்தாள் மாற்றி வழங்கப்பட்டது. தவறுதலாக வழங்கப்பட்ட 16 மாணவர்களுக்கு மட்டும் 27-ந் தேதி மீண்டும் தேர்வு நடத்தப்பட உள்ளது. இதுகுறித்த தகவல் அவர்களுக்கு எஸ்.எம்.எஸ். மற்றும் மின்அஞ்சல் மூலமாகவும் அனுப்பப்பட்டுள்ளது. இந்த தகவலை அரசு பணியாளர் தேர்வாணையம் தெரிவித்துள்ளது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

எஸ்.எஸ்.எல்.சி. தேர்வில் 94.5 சதவீதம் பேர் தேர்ச்சி மாணவர்களை விட மாணவிகள் அதிகம் பேர் தேர்ச்சி பெற்றனர்

எஸ்.எஸ்.எல்.சி. தேர்வில் 94.5 சதவீதம் பேர் தேர்ச்சி மாணவர்களை விட மாணவிகள் அதிகம் பேர் தேர்ச்சி பெற்றனர் | எஸ்.எஸ்.எல்.சி. தேர்வில் 94.5 சதவீதம் பேர் தேர்ச்சி பெற்றுள்ளனர். மாணவர்களை விட மாணவிகளே அதிகம் பேர் தேர்ச்சி பெற்றனர். எஸ்.எஸ்.எல்.சி. தேர்வு கடந்த மார்ச் மாதம் 16-ந் தேதி தொடங்கி ஏப்ரல் மாதம் 20-ந் தேதி முடிவடைந்தது. தமிழ்நாடு மற்றும் புதுச்சேரியில் பள்ளிக்கூட மாணவ-மாணவிகள், தனித்தேர்வர்கள் என மொத்தம் 10 லட்சத்து 1140 பேர் தேர்வு எழுதினார்கள். இவர்களில் பள்ளிக்கூட மாணவ-மாணவிகளின் எண்ணிக்கை 9 லட்சத்து 50 ஆயிரத்து 397. விடைத்தாள் மதிப்பீடு செய்யப்பட்டு தேர்வு முடிவு நேற்று காலை 9.30 மணிக்கு அரசு தேர்வுத்துறை இணையதளங்களில் ( www.tnresults.nic.in, www.dge.tn.nic.in, www.dge2.tn.nic.in ) வெளியிடப்பட்டது. எஸ்.எஸ்.எல்.சி. தேர்வு முடிவை வெளியிடும் முறையில் கடந்த வருடம் முதல் மாற்றம் கொண்டுவரப்பட்டது. அதேபோல இந்த வருடமும் மதிப்பெண் அடிப்படையில் மாநில அளவில் முதல் இடம், 2-வது இடம், 3-வது இடம் பெற்றவர்கள் விவரம் அறிவிக்கப்படவில்லை. மாணவ-மாணவிகளுக்கு மன அழுத்தம் ஏற்படக்கூடாது என்று இந்த முறை அறிவிக்கப்பட்டதாக பள்ளிக்கல்வித்துறை அமைச்சர் கே.ஏ.செங்கோட்டையன் ஏற்கனவே தெரிவித்தார். 94.5 சதவீதம் தேர்ச்சி இந்த ஆண்டு எஸ்.எஸ்.எல்.சி. தேர்வில் 94.5 சதவீதம் பேர் தேர்ச்சி பெற்றனர். கடந்த ஆண்டைவிட தேர்ச்சி .1 சதவீதம் கூடி உள்ளது. இந்த வருடம் மாணவிகள் 96.4 சதவீதமும், மாணவர்கள் 92.5 சதவீதம் பேர்களும் தேர்ச்சி பெற்றனர். மாணவர்களை விட மாணவிகள் 3.9 சதவீதம் பேர் கூடுதலாக தேர்ச்சி பெற்றனர். 401-க்கு அதிகமாக மதிப்பெண் இந்த தேர்வில் 500 மதிப்பெண்களுக்கு 401 மற்றும் அதற்கு மேல் மதிப்பெண்கள் பெற்ற மாணவ-மாணவிகள் 2 லட்சத்து 6 ஆயிரத்து 796 பேர். இவர்களில் மாணவர்களின் எண்ணிக்கை 78 ஆயிரத்து 950. மாணவிகளின் எண்ணிக்கை 1 லட்சத்து 27 ஆயிரத்து 846. 100 சதவீத தேர்ச்சி பெற்ற பள்ளிகளின் எண்ணிக்கை 5 ஆயிரத்து 584. இவற்றில் 100 சதவீத தேர்ச்சி பெற்ற அரசு பள்ளிகளின் எண்ணிக்கை 1,687. கடந்த ஆண்டு போலவும், கடந்த 16-ந் தேதி வெளியிட்ட பிளஸ்-2 தேர்வு முடிவு போலவும் மாணவ-மாணவிகளுக்கு எஸ்.எம்.எஸ். மூலம் தேர்வு முடிவு அனுப்பப்பட்டது. அதன் காரணமாக தேர்வு முடிவை தெரிந்துகொள்ள பள்ளிகளில் மாணவர்களின் கூட்டம் குறைந்தது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

9,402 பேர் 481-க்கும் மேல் மதிப்பெண் பெற்று சிறப்பிடம்

எஸ்எஸ்எல்சி பொதுத்தேர்வு முடிவில் 9,402 பேர் 500-க்கு 481-க்கும் மேல் மதிப்பெண் பெற்றுள்ளனர். அரசு தேர்வுத்துறை நேற்று வெளியிட்ட எஸ்எஸ்எல்சி பொதுத்தேர்வு முடிவில் மாணவர்கள் பெற்ற மொத்த மதிப்பெண்கள் பெற்ற விவரத்தை வெளியிட்டது. அதன்படி, அதிகபட்சமாக 9,402 பேர் 481-க்கும் மேல் மதிப்பெண்கள் பெற்று சாதனை புரிந்துள்ளனர். அடுத்ததாக 56,837 பேர் 451 – 480 இடைப்பட்ட மதிப்பெண்களையும், 64,144 பேர் 426 – 450 இடைப்பட்ட மதிப்பெண்களையும் பெற்றுள்ளனர். இதேபோல், 76,413 பேர் 401 – 425 இடைப்பட்ட மதிப்பெண்களையும், 3,66,084 பேர் 301 – 400 இடைப்பட்ட மதிப்பெண்களைப் பெற்றனர். 3,12,587 பேர் 201 – 300 இடைப்பட்ட மதிப்பெண்களையும், 26,248 பேர் 176 – 200 இடைப்பட்ட மதிப்பெண்களையும் பெற்றனர். 38,682 பேர் 175 மதிப்பெண்களுக்குகீழ் வாங்கியுள்ளனர். தலைவர்கள் வாழ்த்து எஸ்எஸ்எல்சி தேர்வில் வெற்றி பெற்ற மாணவ, மாணவிகளுக்கு பல்வேறு அரசியல் கட்சித் தலைவர்கள், கல்வியாளர்கள் வாழ்த்துகளை தெரிவித் துள்ளனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

சிவகங்கை மாவட்டம் முதலிடம்

சிவகங்கை மாவட்டம் முதலிடம் எஸ்எஸ்எல்சி தேர்வில் சிவகங்கை மாவட்டம் 98.50 சதவீதம் தேர்ச்சி பெற்று மாநில அளவில் முதலிடம் பிடித்துள்ளது. எஸ்எஸ்எல்சி பொதுத்தேர்வு முடிவில் மாவட்ட வாரியான தேர்ச்சி வகிதம் நேற்று வெளியிடப்பட்டது. அதில், 98.50 சதவீதம் பெற்று சிவகங்கை மாவட்டம் முதலிடம் பிடித்துள்ளது. இதேபோல், 98.38 சதவீதம் பெற்று ஈரோடு மாவட்டம் 2-ம் இடத்தையும், 98.26 சதவீதம் பெற்று விருதுநகர் மாவட்டம் 3-ம் இடத்தையும் பிடித்துள்ளது. இதேபோல், எஸ்எஸ்எல்சி தேர்வில் புதுச்சேரியில் 94.37 சதவீதம் பேர் தேர்ச்சி பெற்றுள்ளனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

1,687 அரசு பள்ளிகள் 100 சதவீதம் தேர்ச்சி

1,687 அரசு பள்ளிகள் 100 சதவீதம் தேர்ச்சி எஸ்எஸ்எல்சி தேர்வில் 12 ஆயிரத்து 336 பள்ளிகளைச் சேர்ந்த 9 லட்சத்து 50 ஆயிரத்து 397 மாணவ-மாணவிகள் கலந்துகொண்டனர். இப்பள்ளிகளில் 5,584 பள்ளிகள் 100 சதவீத தேர்ச்சி அடைந்துள்ளன. அதில் 1,687 பள்ளிகள் அரசு பள்ளிகள் என்பது குறிப்பிடத்தக்கது. பள்ளிகள் வாரியான தேர்ச்சி வீதத்தில் அரசு பள்ளிகள் 91.36 சதவீதமும், அரசு உதவி பெறும் பள்ளிகள் 94.36 சதவீதமும், மெட்ரிக்குலேஷன் பள்ளிகள் 98.79 சதவீதமும் தேர்ச்சி அடைந்துள்ளன.

விரிவாக படிக்க இங்கே கிளிக் செய்யுங்கள் | READ MORE | CLICK HERE

ஆரவாரம் இல்லாமல் வெளியான தேர்வு முடிவுகள்

ரேங்க் பட்டியல் ஒழிப்பு காரணமாக, எஸ்எஸ்எல்சி தேர்வு முடிவுகள் கடந்த ஆண்டை போல எந்தவிதமான ஆரவாரமும் இன்றி அமைதியான முறையில் நேற்று வெளியிடப்பட்டது. மாணவர்கள் மத்தியில் மனச்சோர்வு ஏற்படுவதை தவிர்க்கும் வகையிலும் பள்ளிகள் இடையே ஆரோக்கியமற்ற போட்டிச்சூழல் உருவாவதை தடுக்கும் நோக்கிலும் எஸ்எஸ்எல்சி, பிளஸ் 2 தேர்வில் ரேங்க் பட்டியல் வெளியிடும் முறை கடந்த ஆண்டு ரத்து செய்யப்பட்டது. ரேங்க் பட்டியல் முறை இருந்தபோது, பொதுத்தேர்வுகள் வெளியிடும் நாளன்று ரேங்க் பெறும் மாணவர்கள் படித்த பள்ளிகளில் ஒரே கொண்டாட்டமாக இருக்கும். சாதனை மாணவர்களுக்கு இனிப்பூட்டி வாழ்த்து சொல்வது, ஊடகங்களுக்கு பேட்டி என பள்ளி வளாகம் அமர்க்களமாக காணப்படும். இந்த ஆரவாரங்களுக்கு எல்லாம் ரேங்க் முறை ஒழிப்பு முற்றுப்புள்ளி வைத்துவிட்டது. கடந்த வாரம் பிளஸ் 2 தேர்வும் எந்தவித ஆரவாரமின்றி அமைதியாக வெளியிடப்பட்டது. அதேபோன்று எஸ்எஸ்எல்சி தேர்வு முடிவும் நேற்று அமைதியான முறையில் வெளியிடப்பட்டது. ஏற்கெனவே அறிவுறுத்தப்பட்டபடி, தேர்வு முடிவுகள் தொடர்பான அனைத்து விவரங்களையும் செய்தியாளர்கள் தங்கள் அலுவலகங்களில் இருந்தபடியே ஆன்லைனில் பதிவிறக்கம் செய்துகொண்டனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

எஸ்.எஸ்.எல்.சி. மாணவர்களுக்கு ‘தினத்தந்தி’ ரூ.34 லட்சம் கல்வி நிதி மாவட்டத்தில் தலா 10 பேருக்கு வழங்கப்படுகிறது

எஸ்.எஸ்.எல்.சி. மாணவர்களுக்கு ‘தினத்தந்தி’ ரூ.34 லட்சம் கல்வி நிதி மாவட்டத்தில் தலா 10 பேருக்கு வழங்கப்படுகிறது எஸ்.எஸ்.எல்.சி. மாணவர்களுக்கு கல்வி நிதியாக, ‘தினத்தந்தி’ ரூ.34 லட்சம் வழங்குகிறது. இந்த நிதி உதவி, ஒவ்வொரு மாவட்டத்திலும் தலா 10 பேருக்கு வழங்கப்படுகிறது. ‘தினத்தந்தி’ கல்வி நிதி கல்வியில் சிறந்து விளங்குவதற்காக மாணவர்களை ‘தினத்தந்தி’ ஊக்குவித்து வருகிறது. பொருளாதார ரீதியில் பின்தங்கிய எஸ்.எஸ்.எல்.சி. மாணவ-மாணவிகளை ஊக்குவித்து, அவர்கள் மேல்படிப்பை தொடர்வதற்கு வசதியாக ‘தினத்தந்தி கல்வி நிதி’ என்ற திட்டத்தை ‘தினத்தந்தி’ கடந்த 2016-ம் ஆண்டு தொடங்கியது. இந்த திட்டத்தின்கீழ், தமிழகத்தில் மாவட்டத்துக்கு 10 மாணவ-மாணவிகள் வீதம் 340 பேர் (புதுச்சேரி மற்றும் காரைக்கால் உள்பட) தேர்வு செய்யப்பட உள்ளனர். ரூ.34 லட்சம் உதவித்தொகை 34 மாவட்டங்களுக்கும் மொத்த உதவித்தொகையாக ஆண்டுதோறும் ரூ.34 லட்சம் வழங்கப்படுகிறது. இந்த ஆண்டுக்கான கல்வி நிதியை பெற, 2017-18-ம் கல்வி ஆண்டில் நடைபெற்ற எஸ்.எஸ்.எல்.சி. அரசு பொதுத்தேர்வில் 375 மற்றும் அதற்கு கூடுதலான பெற்றிருக்க வேண்டும். பெற்றோரின் ஆண்டு வருமானம் ரூ.2 லட்சத்து 40 ஆயிரத்துக்குள் இருக்கவேண்டும். விதிகள் மற்றும் நிபந்தனைகள் விண்ணப்பிக்கும் மாணவர்கள் தமிழை ஒரு பாடமாக எடுத்து படித்திருக்க வேண்டும். விண்ணப்பத்துடன் மாற்றுச்சான்றிதழ், மதிப்பெண் பட்டியல், வருமான சான்றிதழ், குடும்ப அட்டை ஆகியவற்றின் நகல்களுடன் 2 பாஸ்போர்ட் அளவு புகைப்படங்களை அனுப்பி வைக்கவேண்டும். இதற்கான விண்ணப்ப படிவம் இன்றைய ‘தினத்தந்தி’யின் 16-ம் பக்கம் பிரசுரிக்கப்பட்டு உள்ளது. அந்த விண்ணப்ப படிவத்தில் மட்டுமே மாணவர்கள் பூர்த்தி செய்து அனுப்பவேண்டும். ஜெராக்ஸ் நகல் ஏற்றுக்கொள்ளப்பட மாட்டாது. தேர்வுக்குழுவின் முடிவே இறுதியானது. அது எந்த ஒரு நீதிமன்றத்தின் பரிசீலனைக்கும் உரியது அல்ல. ஜூன் 20-ந்தேதி கடைசி நாள் பூர்த்தி செய்யப்பட்ட விண்ணப்பங்களை ‘மேலாளர், தினத்தந்தி கல்வி நிதி, தினத்தந்தி, 86 ஈ.வி.கே.சம்பத் சாலை, சென்னை-7’, என்ற முகவரிக்கு அனுப்பிவைக்க வேண்டும். விண்ணப்பங்கள் வந்துசேர வேண்டிய கடைசி தேதி ஜூன் 20-ந்தேதி ஆகும்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழக அரசின் புதிய பாடத்திட்டம் குறித்து ஆசிரியர்களுக்கு பயிற்சி அமைச்சர் செங்கோட்டையன் தகவல்

தமிழக அரசின் புதிய பாடத்திட்டம் குறித்து ஆசிரியர்களுக்கு பயிற்சி அமைச்சர் செங்கோட்டையன் தகவல் புதிய பாடத்திட்டம் குறித்து ஆசிரியர்களுக்கு பயிற்சி அளிக்க அரசு பரிசீலித்து வருவதாக அமைச்சர் செங்கோட்டையன் கூறினார். சென்னை தலைமைச் செயலகத்தில் பள்ளி கல்வித்துறை அமைச்சர் கே.ஏ.செங்கோட்டையன் நிருபர்களுக்கு அளித்த பேட்டி வருமாறு:- எஸ்.எஸ்.எல்.சி. தேர்வில் கடந்த ஆண்டைவிட இந்த ஆண்டின் தேர்ச்சி விகிதம் அதிகரித்து உள்ளது. சிறைச்சாலையில் இருந்து படித்து தேர்வு எழுதிய 186 பேரில் 76 பேர் தேர்ச்சி பெற்றுள்ளனர். தேர்வில் வெற்றி பெற்றவர்களுக்கு அரசு சார்பில் வாழ்த்துகளை தெரிவித்துக்கொள்கிறேன். தோல்வி அடைந்தவர்கள் 4417 என்ற தொலைபேசியில் தொடர்பு கொண்டு கவுன்சிலிங் பெறலாம். பள்ளி கல்வித்துறை மூலம் உருவாக்கப்பட்டுள்ள ‘ஹெல்ப் லைன்’ மூலம் மன அழுத்தத்தை குறைக்கும் வகையில் தகுந்த அறிவுரை வழங்கப்படும். அவர்கள் ஜூன் 28-ந் தேதி மீண்டும் தேர்வு எழுதும் வாய்ப்பை அரசு அளித்துள்ளது. இந்த வாய்ப்பை பயன்படுத்தி தேர்ச்சி பெற்று பிளஸ்-1 அல்லது வேறு படிப்புகளுக்கு உடனே செல்ல முடியும். எனவே தோல்வியுற்ற மாணவர்கள் சோர்வடைய வேண்டாம். அடுத்ததாக வெற்றிபெறும் ஆலோசனைகளையும் தலைமை ஆசிரியர் வழங்குவார். சில பள்ளிகள் மாணவர்களின் மதிப்பெண்களை வைத்து விளம்பரம் செய்வதாக கேள்விப்பட்டேன். அப்படி விளம்பரம் செய்யக்கூடாது என அந்த பள்ளிகளுக்கு அரசு உத்தரவிட்டுள்ளது. மீண்டும் விளம்பரம் செய்தால் உரிய நடவடிக்கை எடுக்கப்படும். இனிமேல் பிளஸ்-1 வகுப்பில் 600 மதிப்பெண்ணும், பிளஸ்-2 வகுப்பில் 600 மதிப்பெண்ணும் சேர்த்து தான் 1,200 மதிப்பெண் கணக்கிடப்படும். ஒரு பாடத்துக்கு 100 மதிப்பெண் என்று மாற்றி அமைக்கப்பட உள்ளது. தேர்வு நேரத்தையும் 3 மணி நேரத்தில் இருந்து 2.30 மணி நேரமாக குறைத்திருக்கிறோம். செப்டம்பர் வரை அவகாசம் ஒரு மாணவர் கூட இல்லாத 29 அரசு தொடக்கப்பள்ளிகள் உள்ளன. தமிழகம் முழுவதும் கணக்கெடுத்து பார்க்கும்போது, 10-க்கும் குறைவான மாணவர்கள் படிக்கும் 890 அரசு பள்ளிகள் உள்ளன. இந்த பள்ளிகளை மூடும் எண்ணம் அரசுக்கு இல்லை. என்றாலும், அந்த பகுதியில் உள்ள மாணவர்களின் பெற்றோர் மற்றும் பொதுமக்களின் கருத்தை அறிந்து, அதன் பிறகு எடுக்கவேண்டிய நடவடிக்கைகள் குறித்து அரசு பரிசீலிக்கும். அதுபோன்ற பள்ளிகளில் கூடுதல் மாணவர்களை சேர்க்க மக்களுடன் இணைந்து ஆசிரியர்களும் செயல்படுவார்கள். கூடுதல் மாணவர்களை சேர்க்க கிராமங்களுக்கு ஆசிரியர்கள் சென்று, மாணவர்கள், பெற்றோரை சந்தித்து, தனியார் பள்ளிகளைவிட அரசு பள்ளிகளில் கிடைக்கும் சலுகைகள், புதிய பாடத்திட்டங்கள் பற்றி பேசி வருகின்றனர். செப்டம்பர் வரை இதற்கான அனுமதி அவர்களுக்கு வழங்கப்பட்டுள்ளது. புதிய பாடத்திட்டங்கள் மூலம் அனைத்து பொதுத்தேர்வுகளையும் சந்திக்க முடியும் என்பதை எடுத்துச்சொல்லும் வகையில் ஊர்வலமாகவும், முரசு கொட்டியும் கருத்துகளை வெளிப்படுத்துகின்றனர். செப்டம்பரில் மாணவர் சேர்க்கை குறைந்து இருந்தால் அதுபற்றி அரசு பரிசீலிக்கும். புதிய பாடத்திட்ட பயிற்சி புதிய பாடத்திட்டம் வெளியிட்டபோது காணப்பட்ட ஒரு சில பிழைகள் சரி செய்யப்பட்டுவிட்டன. ஜூன் மாதம் புத்தகங்களை வழங்கும்போது எந்த பிழையும் இருக்காது. புதிய பாடத்திட்டம் குறித்து ஆசிரியர்களுக்கு பயிற்சி அளிப்பதை, ஜூன், ஜூலை மாதங்களில் மேற்கொள்ளலாம் என அரசு பரிசீலிக்கிறது. 2013-ம் ஆண்டு ஆசிரியர் தேர்வு எழுதியவர்கள் 93 ஆயிரம் பேர். 2014, 2017-ம் ஆண்டுகளிலும் தேர்வு நடத்தப்பட்டது. தேர்வு முடிவுகள் அறிவிக்கப்பட்டு அவர்கள் தயார் நிலையில் உள்ளனர். ஆனாலும் ‘வெயிட்டேஜ்’ பற்றி அரசு பரிசீலிக்கிறது. மீண்டும் அவர்களுக்கு வாய்ப்பு அளிக்க அரசு என்னென்ன முயற்சிகள் எடுக்கலாம் என்பது பற்றி துறை ஆய்வு செய்து வருகிறது. விரைவில் நல்ல முடிவுகள் மேற்கொள்ளப்படும். ‘நீட்’ தேர்வு சி.பி.எஸ்.இ. பாடத்திட்டத்தில் படித்தவர்கள் பலர் மருத்துவ கல்விக்கான ‘நீட்’ தேர்வை எழுவதாக கூறப்படும் கருத்தின் அடிப்படையில் அந்த பாடத்திட்டத்தில் பலர் சேர்கின்றனர். ஆனால் இந்த ஆண்டு அப்படி இருக்காது. அரசு பள்ளிகளில் படித்த 10 ஆயிரத்துக்கு மேற்பட்ட மாணவர்கள் நீட் தேர்வு எழுதியுள்ளனர். பயிற்சி பெற்ற ஆயிரம் மாணவர்களாவது மருத்துவ படிப்பில் சேர வாய்ப்புள்ளது. எனவே எதிர்காலத்தில் சி.பி.எஸ்.இ. பள்ளிகளை நாடாமல் அரசு பள்ளிகளை நாடும் நிலை உருவாக்கப்படும். இவ்வாறு அவர் கூறினார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE
தொலைதூரக்கல்வி எம்பிஏ: ஜூன் 24-ல் நுழைவுத்தேர்வு இக்னோ பல்கலைக்கழக மண்டல இயக்குநர் எஸ்.கிஷோர் வெளியிட்டுள்ள செய்திக்குறிப்பில் கூறியிருப்பதாவது:- மத்திய அரசு பல்கலைக்கழகமான இக்னோ, தொலைதூரக்கல்வி திட்டத்தில் எம்பிஏ படிப்பை வழங்கி வருகிறது. இதற்கு நுழைவுத்தேர்வு அடிப்படையில் மாணவர் சேர்க்கை நடைபெறும். மனிதவள மேலாண்மை, நிதி மேலாண்மை, விற்பனை மேலாண்மை, இயக்க மேலாண்மை ஆகிய பலதரப்பட்ட பாடங்களில் வழங்கப்படும் இந்த எம்பிஏ படிப்பில் பட்டதாரிகள் சேரலாம். 2 ஆண்டு கால இந்த படிப்பு, அகில இந்திய தொழில்நுட்ப கல்வி கவுன்சில் (ஏஐசிடிஇ) அங்கீகாரம் பெற்றது. இந்த ஆண்டு எம்பிஏ மாணவர் சேர்க்கைக்கான நுழைவுத்தேர்வு ஜூன் 24-ம் தேதி நடைபெற உள்ளது. இதற்கான விண்ணப்பம் மற்றும் விளக்கவுரையை இக்னோ பல்கலைக்கழகத்தின் இணையதளத்தில் (www.ignou.ac.in) பதிவிறக்கம் செய்தும் பயன்படுத்தலாம். பூர்த்தி செய்யப்பட்ட விண்ணப்பங்களை ஜுன் 1-ம் தேதிக்குள் சமர்ப்பிக்க வேண்டும். கூடுதல் விவரங்களை அறிய இக்னோ பல்கலைக்கழக மண்டல அலுவலகத்தின் 044-26618039 என்ற தொலைபேசி எண்ணில் தொடர்பு கொள்ளலாம்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

24,000 பள்ளி மாணவர்களுக்கு கோ-ஆப்டெக்ஸில் சீருடை

24,000 பள்ளி மாணவர்களுக்கு கோ-ஆப்டெக்ஸில் சீருடை சென்னை மாநகராட்சி நடவடிக்கை மாநகராட்சி பள்ளிகளில் பயிலும் உயர்நிலை மற்றும் மேல்நிலை பள்ளி மாணவர்கள் 24,000 பேருக்கு இலவசமாக 2 செட் சீருடைகளை வழங்குவதற்காக ரூ.2 கோடியே 15 லட்சம் செலவில் கோ-ஆப்டெக்ஸ் நிறுவனத்தில் துணிகளை கொள்முதல் செய்ய மாநகராட்சி நடவடிக்கை எடுத்து வருகிறது. தமிழகத்தில் உள்ள அரசு உயர்நிலை மற்றும் மேல்நிலைப் பள்ளிகளில் 9-ம் வகுப்பு முதல் 12-ம் வகுப்பு வரை பயிலும் மாணவர்களுக்கு, அவர்களின் சொந்த செலவிலேயே சீருடைகளை வாங்க வேண்டும் என்று அரசு அறிவுறுத்தியுள்ளது. ஆனால், சென்னை மாநகராட்சி பள்ளிகளில் 9-ம் வகுப்பு முதல் 12-ம் வகுப்பு வரை பயிலும் மாணவர்களுக்கு 2 செட் சீருடைகளை இலவசமாக வழங்கி வருகிறது. 2018-19 நிதியாண்டில் 9-ம் வகுப்பு முதல் 12-ம் வகுப்பு வரை பயிலும் மாணவர்களின் எண்ணிக்கை 24,195 என மாநகராட்சி நிர்வாகம் கணக்கிட்டுள்ளது. இம்மாணவர்களுக்கு 2 செட் சீருடைகளை இலவசமாக வழங்க உள்ளது. அதற்கான துணிகளை கோ-ஆப்டெக்ஸ் நிறுவனத்தில் ரூ.2 கோடியே 15 லட்சம் செலவில் வாங்க மாநகராட்சி நிர்வாகம் நடவடிக்கை எடுத்து வருகிறது. பள்ளிகள் திறக்கப்படும்போது, அவர்களுக்கு சீருடைகளை வழங்கும் விதமாக பணிகள் துரிதமாக நடைபெற்று வருகின்றன.

விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, 22 May 2018

SSLC RESULT MARCH 2018 | பத்தாம் வகுப்பு தேர்வு முடிவுகள் 23.05.2018 காலை 9.30 மணிக்கு வெளியிடப்படுகிறது. உறுதிமொழிப்படிவத்தில் குறிப்பிட்டுள்ள கைபேசி எண்ணுக்கு குறுஞ்செய்தி மூலம் தேர்வு முடிவு அனுப்பப்படும்.

SSLC RESULT MARCH 2018 | பத்தாம் வகுப்பு தேர்வு முடிவுகள் 23.05.2018 காலை 9.30 மணிக்கு வெளியிடப்படுகிறது. உறுதிமொழிப்படிவத்தில் குறிப்பிட்டுள்ள கைபேசி எண்ணுக்கு குறுஞ்செய்தி மூலம் தேர்வு முடிவு அனுப்பப்படும். 16.03.2018 முதல் 20.04.2018 வரை நடைபெற்ற மார்ச் / ஏப்ரல் 2018, பத்தாம் வகுப்பு பொதுத் தேர்வெழுதிய பள்ளி மாணாக்கர் மற்றும் தனித்தேர்வர்களின் தேர்வு முடிவுகள் 23.05.2018 அன்று காலை 09.30 மணிக்கு வெளியிடப்படுகிறது. தேர்வர்கள் தங்களது பதிவெண் மற்றும் பிறந்த தேதி, மாதம், வருடத்தினை பதிவு செய்து தேர்வு முடிவுகளை மதிப்பெண்களுடன் கீழ்க் குறிப்பிட்டுள்ள இணையதளங்கள் மூலம் அறிந்து கொள்ளலாம்.
1. www.tnresults.nic.in
2. www.dge1.tn.nic.in
3. www.dge2.tn.nic.in
4. www.tnschools.in
மேலும், ஒவ்வொரு மாவட்டத்திலும், மாவட்ட ஆட்சியர் அலுவலகங்களில் இயங்கும் தேசிய தகவலியல் மையங்களிலும் (National Informatics Centres), அனைத்து மைய மற்றும் கிளை நூலகங்களிலும் கட்டணமின்றி தேர்வு முடிவுகளை அறிந்து கொள்ளலாம். பள்ளி மாணவர்கள் தாங்கள் பயின்ற பள்ளிகளிலும் மதிப்பெண்களுடன் கூடிய தேர்வு முடிவுகளை அறிந்து கொள்ளலாம். பள்ளி மாணவர்களுக்கு அவர்கள் பயின்ற பள்ளிகளில் சமர்ப்பித்த உறுதிமொழிப்படிவத்தில் குறிப்பிட்டுள்ள கைபேசி எண்ணுக்குக் குறுஞ்செய்தி மூலம் தேர்வு முடிவு அனுப்பப்படும். தனித்தேர்வர்களுக்கும், ஆன்-லைனில் விண்ணப்பிக்கும்போது வழங்கிய கைபேசி எண்ணிற்குத் தேர்வு முடிவுகள் குறுஞ்செய்தியாக ( SMS) அனுப்பப்படும். | DOWNLOAD

விரிவாக படிக்க இங்கே கிளிக் செய்யுங்கள் | READ MORE | CLICK HERE

தற்காலிக மதிப்பெண் சான்றிதழ்கள் 28.05.2018 பிற்பகல் பதிவிறக்கம் செய்து கொள்ளலாம்.

தற்காலிக மதிப்பெண் சான்றிதழ்கள் பதிவிறக்கம் செய்தல் 28.05.2018 பிற்பகல் முதல் பள்ளி மாணவர்கள் தாங்கள் பயின்ற பள்ளி தலைமையாசிரியர்கள் வழியாகவும், தனித்தேர்வர்கள் தாங்கள் தேர்வெழுதிய தேர்வு மைய தலைமையாசிரியர்கள் வழியாகவும், தற்காலிக மதிப்பெண் சான்றிதழ்களைப் பெற்றுக் கொள்ளலாம். மேலும், 28.05.2018 பிற்பகல் முதல் பள்ளி மாணவர்கள் / தனித்தேர்வர்கள் தங்களுக்கான தற்காலிக மதிப்பெண் சான்றிதழைத் தங்களது பிறந்த தேதி, பதிவெண் ஆகிய விவரங்களை அளித்து www.dge.tn.nic.in என்ற இணையதளத்திலும் தாங்களே பதிவிறக்கம் செய்து கொள்ளலாம். | DOWNLOAD

விரிவாக படிக்க இங்கே கிளிக் செய்யுங்கள் | READ MORE | CLICK HERE

SSLC EXAM MARCH 2018 RE TOTAL DETAILS | மறுகூட்டலுக்கு விண்ணப்பிக்கும் பள்ளி மாணாக்கர் மறுகூட்டலுக்கான கட்டணத்தை தாங்கள் பயின்ற பள்ளியில் செலுத்த வேண்டும்.

மறுகூட்டலுக்கு விண்ணப்பிக்கும் முறை மார்ச் / ஏப்ரல் 2018, பத்தாம் வகுப்பு பொதுத் தேர்வில் தாம் தேர்வெழுதிய எந்தவொரு பாடத்திற்கும் மறுகூட்டலுக்கு (Retotalling) விண்ணப்பிக்கலாம். மார்ச் / ஏப்ரல் 2018 பத்தாம் வகுப்பு தேர்வெழுதி விடைத்தாட்களின் மதிப்பெண் மறுகூட்டலுக்கு விண்ணப்பிக்க விழைவோர் 24.05.2018 (வியாழக் கிழமை) முதல் 26.05.2018 (சனிக் கிழமை) மாலை 5.45 மணி வரை பள்ளி மாணவர்கள் தங்கள் பள்ளி வழியாகவும், தனித்தேர்வர்கள் தாங்கள் தேர்வெழுதிய தேர்வு மையம் வழியாகவும் விண்ணப்பிக்க வேண்டும். மறுகூட்டல் கட்டணம் பகுதி – I மொழி - ரூ.305/- பகுதி – II மொழி (ஆங்கிலம்) - ரூ.305/- பகுதி – III - கணிதம், அறிவியல் மற்றும் - ரூ.205/- சமூக அறிவியல் பகுதி – IV விருப்ப மொழிப்பாடம் - ரூ.205/- மறுகூட்டலுக்கான கட்டணம் செலுத்தும் முறை மறுகூட்டலுக்கான கட்டணத்தை பள்ளி மாணாக்கர் தாங்கள் பயின்ற பள்ளியிலும், தனித்தேர்வர்கள் தாங்கள் தேர்வெழுதிய தேர்வு மையத்திலும் பணமாகச் செலுத்த வேண்டும். மறுகூட்டலுக்கு விண்ணப்பிக்கும்போது வழங்கப்படும் ஒப்புகைச் சீட்டினை மாணவர்கள் பாதுகாப்பாக வைத்துக்கொள்ள வேண்டும். ஒப்புகைச் சீட்டில் குறிப்பிட்டுள்ள விண்ணப்ப எண்ணைப் பயன்படுத்தியே தேர்வர்கள் மறுகூட்டல் முடிவுகளை அறிந்துகொள்ள இயலும். | DOWNLOAD

விரிவாக படிக்க இங்கே கிளிக் செய்யுங்கள் | READ MORE | CLICK HERE

பத்தாம் வகுப்பு சிறப்பு துணைப் பொதுத்தேர்வு 28.06.2018 முதல் நடைபெறவுள்ளது.

பத்தாம் வகுப்பு சிறப்பு துணைப் பொதுத்தேர்வு 28.06.2018 முதல் நடைபெறவுள்ளது. பத்தாம் வகுப்பு சிறப்பு துணைப் பொதுத்தேர்வு, ஜூன் / ஜூலை 2018 மார்ச் / ஏப்ரல் 2018-ல் நடைபெற்ற பத்தாம் வகுப்பு பொதுத்தேர்வில் தேர்வெழுத பதிவுசெய்து, தேர்ச்சி பெறாதோருக்கும் / வருகை புரியாதோருக்கும் நடத்தப்படும் சிறப்பு துணைப் பொதுத்தேர்வு 28.06.2018 முதல் நடைபெறவுள்ளது. இத்தேர்விற்கு விண்ணப்பிக்கும் முறை குறித்து விரைவில் தனியே அறிவிப்பு வெளியிடப்படும் எனத் தெரிவித்துக் கொள்ளப்படுகிறது. | DOWNLOAD

விரிவாக படிக்க இங்கே கிளிக் செய்யுங்கள் | READ MORE | CLICK HERE

சென்னை பல்கலைக்கழகம் சார்பில் தேசிய தகுதி தேர்வுக்கு இலவச பயிற்சி வகுப்புகள் 31-ந் தேதிக்குள் விண்ணப்பிக்கலாம்

சென்னை பல்கலைக்கழகம் நேற்று வெளியிட்ட செய்திக்குறிப்பில் கூறியிருப்பதாவது:- பல்கலைக்கழக மானியக் குழு(யு.ஜி.சி.) சார்பில் நடத்தப்படும் தேசிய தகுதி தேர்வு(நெட்) முதல் தாளுக்கு இலவச பயிற்சி வகுப்புக்கு ஏற்பாடு செய்யப்பட்டுள்ளது. சென்னை பல்கலைக்கழக மாணவர்கள் ஆலோசனை மையம் சார்பில் நடத்தப்படும் இந்த பயிற்சி வகுப்பில் சேர்வதற்கு எஸ்.சி., எஸ்.டி., ஓ.பி.சி. மற்றும் சிறுபான்மையின பிரிவு மாணவர்கள் தகுதி உடையவர்கள் ஆவார்கள். ஜூன் 2-ந் தேதி முதல் 24-ந் தேதி வரையில் உள்ள சனி மற்றும் ஞாயிற்றுக்கிழமைகளில் இலவச பயிற்சி வகுப்புகள் நடைபெறும். இதற்கான விண்ணப்ப வினியோகம் 21-ந் தேதி (அதாவது, நேற்று) தொடங்கியது. பூர்த்தி செய்த விண்ணப்பங்களை வருகிற 31-ந் தேதி மாலை 4 மணிக்குள் சமர்ப்பிக்க வேண்டும். விண்ணப்ப படிவத்தை சென்னை பல்கலைக்கழகத்தின் இணையதளமான www.unom.ac.in -ல் பதிவிறக்கம் செய்துகொள்ளலாம். மேலும் விவரங்களுக்கு அந்த இணைய தளத்தை பார்வையிடலாம். இவ்வாறு அதில் கூறப்பட்டுள்ளது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

மாணவர் சேர்க்கை குறைந்தால் அரசு பள்ளி ஆசிரியர்கள் மீது கடும் நடவடிக்கை எடுக்கப்படும் அமைச்சர் செங்கோட்டையன் எச்சரிக்கை

அரசு பள்ளிகளில் மாணவர் சேர்க்கை குறைந்தால், ஆசிரியர்கள் மீது நடவடிக்கை எடுக்கப்படும் என்று பள்ளிக்கல்வி அமைச்சர் கே.ஏ.செங்கோட்டையன் எச்சரித்துள்ளார். தமிழகத்தில் உள்ள அனைத்து மாவட்ட முதன்மை கல்வி அதிகாரிகளின் ஆய்வுக்கூட்டம் சென்னை கோட்டூர் புரத்தில் உள்ள அண்ணா நூற்றாண்டு நூலக கூட்டரங்கில் அமைச்சர் செங்கோட்டையன் தலைமையில் நேற்று நடைபெற்றது. ஆய்வுக்கூட்டம் முடிந்த பிறகு அமைச்சர் செங்கோட்டையன் செய்தியாளர்களிடம் கூறியதாவது: அரசு பள்ளிகளில் மாணவர் சேர்க்கையை அதிகரிக்குமாறு ஆசிரியர்களுக்கு அறிவுரை அளித்துள்ளோம். அரசு பள்ளிகளில் மாணவர்கள் சேர்க்கை குறைந்தால் ஆசிரியர்கள் மீது நடவடிக்கை எடுக்கப்படும். தனியார் பள்ளிகளில் கட்டண விவரங்களை அறிவிப்பு பலகையில் வைக்க வேண்டும். அரசு நிர்ணயித்த கட்டணத்தை விட கூடுதல் கட்டணம் வசூலிக்கப்படுவது தொடர்பாக ஆதாரங்களுடன் புகார் வரப்பெற்றால் சம்பந்தப்பட்ட பள்ளிகள் மீது நடவடிக்கை எடுக்கப்படும். 25 சதவீத இடஒதுக்கீட்டில் சேர இந்த ஆண்டு 1 லட்சத்து 32 ஆயிரம் பேர் ஆன்லைனில் விண்ணப்பித்துள்ளனர். மாணவர் சேர்க்கைக்கான குலுக்கல் 28-ம் தேதி கல்வி அதிகாரிகள் முன்னிலையில் நடைபெறும். இவ்வாறு அமைச்சர் கே.ஏ.செங்கோட்டையன் கூறினார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

கால்நடை மருத்துவ படிப்புகளுக்கு ஆன்லைன் மூலம் விண்ணப்ப பதிவு தொடக்கம்

கால்நடை மருத்துவப் படிப்புகளுக்கு ஆன்லைன் மூலம் விண்ணப்பிப்பது தொடங்கியது. இது தொடர்பாக தமிழ்நாடு கால்நடை மருத்துவ அறிவியல் பல்கலைக்கழகத்தின் துணைவேந்தர் சி.பாலச்சந்திரன் சென்னையில் நேற்று செய்தியாளர்களிடம் கூறியதாவது: தமிழ்நாடு கால்நடை மருத்துவ அறிவியல் பல்கலைக்கழகத்தின் கீழ் சென்னை, நாமக்கல், திருநெல்வேலி, ஒரத்தநாடு ஆகிய இடங்களில் கால்நடை மருத்துவக் கல்லூரிகள் உள்ளன. இந்த கல்லூரிகளில் ஐந்தரை ஆண்டுகள் கொண்ட கால்நடை மருத்துவம் மற்றும் பராமரிப்பு படிப்புகளுக்கு (பி.வி.எஸ்சி. - ஏ.ஹெச்) 360 இடங்கள் இருக் கின்றன. அதேபோல, சென்னை கோடுவளியில் உள்ள உணவு, பால்வளத் தொழில்நுட்பக் கல்லூரியில் உணவு தொழில்நுட்ப பட்டப்படிப்புக்கு 40 இடங்கள், பால்வளத் தொழில்நுட்ப பட்டப்படிப்புக்கு 20 இடங்கள், ஓசூர் மத்தி கிரியில் உள்ள கோழியின உற்பத்தி, மேலாண்மை கல்லூரியில் கோழியின தொழில்நுட்ப பட்டப்படிப்புக்கு 40 இடங்கள் என மொத்தம் 460 இடங்களுக்கு பிளஸ் 2 மதிப்பெண் அடிப்படையில் மாணவர் சேர்க்கை நடைபெற உள்ளது. கால்நடை மருத்துவப் படிப்புகளுக்கு ஆன்லைன் மூலம் விண்ணப்பிப்பது தமிழ்நாடு கால்நடை மருத்துவ அறிவியல் பல்கலைக்கழகத்தின் www.tanuvas.ac.in என்ற இணையதளத்தில் இன்று (நேற்று) காலை 10 மணிக்கு தொடங்கியது. ஜூன் 6-ம் தேதி மாலை 6 மணி வரை விண்ணப்பிக்கலாம். பூர்த்தி செய்யப்பட்ட விண்ணப்பத்தை பதிவிறக்கம் செய்து தகுந்த சான்றிதழ்களுடன் ‘தலைவர், சேர்க்கைக் குழு (இளநிலை பட்டப்படிப்பு, தமிழ்நாடு கால்நடை மருத்துவ அறிவியல் பல்கலைக்கழகம், மாதவரம் பால்பண்ணை, சென் னை-600 051’ என்ற முகவரிக்கு ஜூன் 11 மாலை 5.45 மணிக்குள் கிடைக்குமாறு அனுப்ப வேண்டும். எவ்வாறு விண்ணப்பத்தை பூர்த்தி செய்வது என்பதை இணையதளத்தில் உள்ள Spcimen Copy-ஐ பார்த்து மாணவர்கள் தெரிந்துகொள்ளலாம். பி.வி.எஸ்.சி-ஏ.ஹெச் மற்றும் பி.டெக் ஆகிய இரண்டு படிப்புகளுக்கு விண்ணப்பிப்பவர்கள் தனித்தனியாக விண்ணப்பிக்க வேண்டும். பிடெக் படிப்புகளுக்கு விண்ணப்பிப்பவர்கள் ஒரே விண்ணப்பத்தில் விண்ணப்பிக்க வேண்டும். விண்ணப்பங்கள் பரிசீலிக்கப்பட்டு ஜூலை முதல் வாரத்தில் தரவரிசைப் பட்டியல் வெளியாக வாய்ப்புள்ளது. இவ்வாறு பாலச்சந்திரன் கூறினார். பேட்டியின்போது தமிழ்நாடு கால்நடை மருத்துவ அறிவியல் பல்கலைக்கழக பதிவாளர் திருநாவுக்கரசு, சென்னை கால்நடை மருத்துவக் கல்லூரி முதல்வர் கே.குமணன், மாணவர் சேர்க்கை தலைவர் செல்வகுமார் ஆகி யோர் உடனிருந்தனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

பிளஸ் 2 மாணவ, மாணவிகளுக்கு தற்காலிக மதிப்பெண் சான்றிதழ் அந்தந்த பள்ளியிலேயே பதிவிறக்கம் செய்து வழங்கப்பட்டது

பிளஸ் 2 மாணவ, மாணவிகளுக்கு தற்காலிக மதிப்பெண் சான்றிதழ்கள் விநியோகிக்கப்பட்டன. பிளஸ் 2 தேர்வு முடிவுகள் கடந்த 16-ம் தேதி வெளியிடப்பட்டன. மாணவர்கள் உடனடியாக மேற்படிப்புக்கு விண்ணப்பிக்க வசதியாக தற்காலிக மதிப்பெண் சான்றிதழை அரசு தேர்வுத்துறையின் இணையதளத்தில் இருந்து 21-ம் தேதி பிற்பகல் முதல் ஆன்லைனிலேயே பதிவிறக்கம் செய்துகொள்ளலாம் என தேர்வுத்துறை அறிவித்திருந்தது. இந்த நிலையில், பிளஸ் 2 மாணவர்களுக்கான தற்காலிக மதிப் பெண் சான்றிதழ் நேற்று அந்தந்த பள்ளியிலேயே ஆன்லைனில் பதிவிறக்கம் செய்து மாணவர்களிடம் வழங்கப்பட்டது. தற்காலிக மதிப்பெண் சான்றிதழை மாணவர்களும் அரசு தேர்வுத்துறையின் இணையதளத்தில் தங்கள் பதிவெண் மற்றும் பிறந்த தேதியைக் குறிப்பிட்டு பதிவிறக்கம் செய்துகொள்ளலாம். அவர்கள் தற்காலிக மதிப் பெண் சான்றிதழை பயன்படுத்தி கல்லூரியில் சேர விண்ணப்பிக்கலாம். அசல் மதிப்பெண் சான்றிதழ்கள் மாணவர்களுக்கு வழங்கப்படும் நாள் பின்னர் அறிவிக்கப்படும் என்று தேர்வுத்துறையினர் தெரிவித்தனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE