TRB

TNTET

Thursday, 19 September 2019

பிளஸ்-1, பிளஸ்-2 தேர்வு முறையில் மாற்றம் தமிழக அரசு உத்தரவு

பிளஸ்-1, பிளஸ்-2 தேர்வு முறையில் தமிழக அரசு மாற்றம் கொண்டு வந்துள்ளது. இந்த மாற்றம் அடுத்த கல்வி ஆண்டு முதல் அமலுக்கு வரும் என்று அரசு உத்தரவிட்டுள்ளது.

பிளஸ்-1, பிளஸ்-2 வகுப்புகளுக்கு கடந்த சில ஆண்டுகளுக்கு முன்பு வரை 1200 மதிப்பெண்களுக்கு தேர்வு நடத்தப்பட்டது. அதன்பின்பு, இந்த நடைமுறையை தமிழக அரசு மாற்றி 600 மதிப்பெண்களுக்கு தேர்வு நடத்தி வருகிறது.

தற்போது வரை இந்த நடைமுறை அமலில் உள்ளது. இந்தநிலையில் பிளஸ்-1, பிளஸ்-2 தேர்வுக்கான மதிப்பெண் முறையில் தமிழக அரசு மாற்றத்தை கொண்டு வந்துள்ளது.

இதுதொடர்பாக தமிழக அரசு பிறப்பித்துள்ள அரசாணையில் கூறியிருப்பதாவது:-

மேம்படுத்தப்பட்ட பாடத்தொகுப்பு மற்றும் விதிகள் வடிவமைப்பிற்கான வல்லுனர் குழுவிடம் இருந்து பெறப்பட்ட கருத்துகளின் அடிப்படையில் மாநில பொதுப்பள்ளி கல்வி வாரிய நிர்வாகக்குழு கூட்டம் நடைபெற்றது.

அதன் தொடர்ச்சியாக தற்போது நடைமுறையில் உள்ள பாடத்தொகுப்பு மற்றும் விதிகளை மேம்படுத்தி மாணவர்கள் உயர்கல்வி மற்றும் வேலைவாய்ப்பு பெறுவதற்கு ஏதுவாகவும், மாணவர்களின் மன அழுத்தத்தை குறைக்கும் வகையிலும் பிளஸ்-1, பிளஸ்-2 வகுப்புகளில் பாடப்பிரிவுகளை ஏற்படுத்த முடிவு செய்யப்பட்டுள்ளது.

அதன்படி, பிளஸ்-1, பிளஸ்-2 வகுப்பில் தற்போது நடைமுறையில் உள்ள முதன்மை பாடத்தொகுப்புகளுடன் புதிதாக 3 முதன்மை பாடத்தொகுப்புகளை அறிமுகப்படுத்தி நடைமுறைப்படுத்த ஒப்புதல் வழங்கப்பட்டுள்ளது.

அதாவது பிளஸ்-1, பிளஸ்-2 வகுப்புகளுக்கு 6 பாடங்கள் இனிமேல் 5 பாடங்களாக குறைக்கப்படுகிறது. தற்போது பிளஸ்-1, பிளஸ்-2 வகுப்புகளில் 6 பாடங்கள் உள்ளன.

மருத்துவம் மற்றும் பொறியியல் இரண்டுக்கும் சேர்த்து படிக்கக்கூடிய வகையில் தமிழ், ஆங்கிலம், இயற்பியல், வேதியியல், உயிரியல், கணிதம் என 6 பாடங்கள் இருந்து வருகின்றன. இந்த பிரிவை தேர்வு செய்யும் மாணவர்கள் பொறியியல் மற்றும் மருத்துவம் என இரண்டு துறைகளுக்கும் செல்ல முடியும்.

தற்போது, இந்த பிரிவிலிருந்து கணிதப்பாடம் நீக்கப்பட்டு தமிழ், ஆங்கிலம், இயற்பியல், வேதியியல், உயிரியல் ஆகிய 5 பாடங்களை கொண்டு தனியாக ஒரு புதிய பிரிவு ஏற்படுத்தப்படுகிறது.

அதன்படி மருத்துவ படிப்பிற்கு மட்டும் செல்லக்கூடிய மாணவர்கள் இந்த பிரிவை தேர்வு செய்து கொள்ளலாம். அதே போல் பொறியியல் துறை சார்ந்த படிப்புகளுக்கு செல்லக்கூடிய மாணவர்கள் தமிழ், ஆங்கிலம், இயற்பியல், வேதியியல், கணிதம் என 5 பாடங்களை கொண்ட பிரிவை தேர்வு செய்யலாம்.

வணிகவியல், வரலாறு போன்ற கலைப்பிரிவு மற்றும் தொழிற்கல்வி பிரிவை தேர்வு செய்யக்கூடிய மாணவர்களுக்கும் 5 பாடங்கள் இருக்கும்.

அறிவியல், கலைப்பிரிவு மற்றும் தொழிற்கல்வி பிரிவில் ஏற்கனவே இருந்த 6 பாடங்களை எழுத விரும்பும் மாணவர்கள் அந்த பாடத்தொகுப்புகளை தேர்வு செய்து கொள்ளலாம். இவர்களுக்கு மட்டும் 600 மதிப்பெண்களுக்கு தேர்வு நடைபெறும்.

இந்த புதிய நடைமுறை அடுத்த கல்வி ஆண்டு (2020-2021) முதல் பிளஸ்-1 வகுப்பில் அமலுக்கு வரும்.

இவ்வாறு அதில் கூறப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, 18 September 2019

முதுகலை பட்டதாரி ஆசிரியர் பணி தேர்வுக்கு ஹால் டிக்கெட் வெளியீடு

ஆசிரியர் தேர்வு வாரியம் வெளியிட்டுள்ள செய்திக்குறிப்பில் கூறப்பட்டுள்ளதாவது:-

2018-19-ம் ஆண்டுக்கான முதுகலை பட்டதாரி ஆசிரியர், உடற்கல்வி இயக்குனர் நிலை-1 பணிக்கான கணினி வழித்தேர்வு வருகிற 27, 28, 29-ந் தேதிகளில் காலை மற்றும் மாலையில் நடைபெற இருக்கிறது. இந்த தேர்வுக்கான ஹால் டிக்கெட் www.trb.tn.nic.in என்ற ஆசிரியர் தேர்வு வாரிய இணையதளத்தில் வெளியிடப்பட்டுள்ளது.

தேர்வு அறைக்கு வரும்போது, ஹால் டிக்கெட், அசல் அடையாள அட்டை, விண்ணப்பிக்கும்போது பதிவேற்றம் செய்த புகைப்படத்தின் அசல் பிரதியையும் கொண்டு வரவேண்டும்.

காலையில் நடைபெறும் தேர்வுக்கு 7.30 மணிக்குள்ளாகவும், பிற்பகல் நடைபெறும் தேர்வுக்கு 12.30 மணிக்குள்ளாகவும் மையத்துக்குள் வரவேண்டும்.

இவ்வாறு அதில் கூறப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Saturday, 14 September 2019

எஸ்.எஸ்.எல்.சி. தமிழ், ஆங்கிலம் தேர்வுகள் ஒரே தாளாக நடத்தப்படும் நடப்பு கல்வியாண்டில் இருந்து அமலுக்கு வருகிறது

நடப்பாண்டு முதல் எஸ்.எஸ்.எல்.சி. தமிழ், ஆங்கிலம் பாடத்தேர்வுகள் ஒரேதாளாக நடத்தப்படும் என அரசாணை வெளியிடப்பட்டு உள்ளது.

பிளஸ்-2, பிளஸ்-1 பொதுத்தேர்வுகளில் தமிழ், ஆங்கிலம் மொழிப்பாட தேர்வுகள் தாள்-1, தாள்-2 என்ற வகையில் நடத்தப்பட்டது. அதை அரசு மாற்றி அமைத்து ஒரே தாள் தேர்வாக நடத்தியது.

அதன் தொடர்ச்சியாக தற்போது எஸ்.எஸ்.எல்.சி. தமிழ் மற்றும் ஆங்கிலம் மொழிப்பாட தேர்வுகளையும் ஒரே தாள் தேர்வாக நடத்த அரசு திட்டமிட்டு இருக்கிறது.

அதற்கான அரசாணையையும் நேற்று பிறப்பித்தது. இதுகுறித்து பள்ளிக்கல்வி துறை முதன்மை செயலாளர் பிரதீப் யாதவ் வெளியிட்டுள்ள அரசாணையில் கூறப்பட்டு இருப்பதாவது:-

எஸ்.எஸ்.எல்.சி. தேர்வர்களுக்கு தமிழ், ஆங்கிலம் பாடத்துக்கு 2 தாள்களாக தேர்வுகள் நடத்தப்படுவதை மாற்றி, ஒரே தாளாக தேர்வுகள் நடத்திட வேண்டி ஆசிரியர் சங்கங்கள், பொதுநல அமைப்புகள் முறையிட்டன என்று அரசு தேர்வுகள் இயக்குனர் தெரிவித்தார்.

அதன்படி, எஸ்.எஸ்.எல்.சி. தமிழ், ஆங்கிலம் பாடத்தேர்வுகள் ஒரே தாளாக நடத்தப்படுவதால், அதிக நாட்கள் விடைத்தாள் மதிப்பீட்டு பணிக்காக செலவிடும் நிலை மாறி கற்பித்தல் மற்றும் கல்வி மேம்பாட்டு பணியில் அதிக நேரம் செலவிட ஏதுவாகும். மாணவர்களின் தேர்வு காலம் குறைக்கப்படும். அவர்களின் கவனச்சிதறல், மனஅழுத்தம் பெருமளவில் குறையும்.

விடைத்தாள் மதிப்பீட்டு பணி நடைபெறும் நாட்கள் குறைவதால் தேர்வு முடிவுகள் விரைவில் வெளியிட வாய்ப்பு ஏற்படும். ஒவ்வொரு ஆண்டும் 10 லட்சம் மாணவர்கள் எஸ்.எஸ்.எல்.சி. தேர்வை எழுதுகிறார்கள். ஒரே தாளாக நடத்துவதால் 20 லட்சம் விடைத்தாட்கள் குறையும்.

இதனால் மேற்கண்ட காரணங்களை கருத்தில் கொண்டு தமிழகத்தில் எஸ்.எஸ்.எல்.சி. பொதுத்தேர்வுகளுக்கு தமிழ், ஆங்கில பாடத்தேர்வுகளில் 2 தாள்களுக்கு தேர்வு நடத்துவதற்கு பதிலாக 2019-20-ம் கல்வியாண்டு (நடப்பாண்டு) முதல் 2 தாள்களையும் ஒருங்கிணைத்து ஒரே தாளாக தேர்வு நடத்தப்படும்.

அவ்வாறு தேர்வு நடத்தும்போது பாடங்களின் மதிப்பீடு பாதிக்காதவாறும், முதல் மற்றும் 2-ம் தாள்களில் உள்ள அனைத்து பாடங்களில் உள்ள சாராம்சங்களை உள்ளடக்கியதாகவும் தேர்வுகள் நடத்த அரசு அனுமதியளித்து ஆணையிடுகிறது.இவ்வாறு அதில் தெரிவிக் கப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

நடப்பு கல்வியாண்டு முதல் 5, 8-ம் வகுப்புகளுக்கும் பொதுத்தேர்வு தமிழக அரசு அதிரடி அறிவிப்பு

பிளஸ்-2, பிளஸ்-1, எஸ்.எஸ்.எல்.சி.க்கு நடத்தப்படுவது போல நடப்பு கல்வியாண்டு முதல் 5 மற்றும் 8-ம் வகுப்புகளுக்கும் பொதுத்தேர்வு நடத்தப்படும் என்று தமிழக அரசு அறிவித்துள்ளது.

பள்ளிக்கல்வி துறை பல்வேறு அதிரடி மாற்றங்களை அவ்வப்போது அறிவித்து வருகிறது. அந்த வகையில் பிளஸ்-2, எஸ்.எஸ்.எல்.சி. பொதுத்தேர்வு முடிவு மதிப்பெண் அடிப்படையில் மாநில அளவில் பட்டியல் வெளியிடப்பட்டு வந்தது. இது மாணவர்களுக்கு பல்வேறு மன உளைச்சலை ஏற்படுத்துவதாக, அதை மாற்றி அமைத்தது.

அதன் தொடர்ச்சியாக எஸ்.எஸ்.எல்.சி., பிளஸ்-2 வகுப்புகளுக்கு பொதுத்தேர்வு நடத்தப்படுவது போல, பிளஸ்-1 வகுப்புக்கும் பொதுத்தேர்வு நடத்தப்படும் என்று பள்ளிக்கல்வி துறை அறிவித்தது.

அந்தவகையில், பிளஸ்-2, பிளஸ்-1, எஸ்.எஸ்.எல்.சி. ஆகிய வகுப்புகளுக்கு ஆண்டு பொதுத்தேர்வு நடத்தப்பட்டு வருகிறது. இந்த நிலையில் தற்போது 5 மற்றும் 8-ம் வகுப்புகளுக்கும் பொதுத்தேர்வு நடத்தப்படும் என்று தமிழக அரசு அதிரடி உத்தரவு ஒன்றை பிறப்பித்து இருக்கிறது.


இதுதொடர்பாக பள்ளிக் கல்வி துறை முதன்மை செயலாளர் பிரதீப் யாதவ் நேற்று இரவு வெளியிட்ட அரசாணையில் கூறப்பட்டு இருப்பதாவது:-

குழந்தைகளுக்கான இலவச மற்றும் கட்டாய கல்வி உரிமைச்சட்டம் 2009, மத்திய அரசால் இயற்றப்பட்டு, 1.4.2010 முதல் நடைமுறைப்படுத்தப்பட்டது. அதனைத் தொடர்ந்து பள்ளிக்கல்வி துறை 8.11.2011-ல் இதற்கான விதிகள் வகுத்து அரசால் அறிவிப்பு வெளியிடப்பட்டது.

அதன்பின்னரும், மத்திய அரசால் இச்சட்டத்துக்கு அவ்வப்போது திருத்தங்கள் மேற்கொள்ளப்பட்டு வந்தன. குழந்தைகளுக்கான இலவச மற்றும் கட்டாய கல்வி உரிமை திருத்தச்சட்டம் 2019-ல், ‘ஒவ்வொரு கல்வி ஆண்டின் இறுதியிலும் 5-ம் வகுப்பு மற்றும் 8-ம் வகுப்புக்கு பொதுத்தேர்வு நடத்தப்படும்.

இந்த தேர்வில் தோல்வி அடையும் மாணவர்களை துணை பிரிவு (1) என்று குறிப்பிடவேண்டும். இவ்வாறு தோல்வி அடைந்தவர்களுக்கு தேர்வு முடிவு வெளியாகிய 2 மாதங்களுக்குள் கூடுதல் அறிவுறுத்தல் வழங்குவதோடு, மறு தேர்வு எழுதுவதற்கு வாய்ப்பு வழங்கப்படும்.

சம்பந்தப்பட்ட பள்ளிகள் அந்த மாணவர்களை 5-ம் வகுப்பிலோ, 8-ம் வகுப்பிலோ அல்லது இரண்டு வகுப்புகளிலுமோ திரும்ப சேர்த்துக்கொள்வதற்கு அரசு அனுமதிக்கும். இந்த சூழலில் மறு தேர்விலும் அந்த மாணவர்கள் தோல்வி அடைந்தால், துணை பிரிவு (2) என்று குறிப்பிடவேண்டும்.

தொடக்கக்கல்வியை அந்த மாணவர்கள் நிறைவு செய்யும் வரை திரும்ப பெறக்கூடாது என்று முடிவு செய்யப்பட்டுள்ளது. தொடக்கக்கல்வியை நிறைவு செய்யும் வரையிலும் அந்த மாணவர்களை படிப்பில் இருந்து வெளியேற்றக்கூடாது’ என்று திருத்தங்கள் மேற்கொள்ளப்பட்டன.

இந்த சட்டத்திருத்தமானது 1.3.2019 முதல் நடைமுறைக்கு வருவதாக மத்திய அரசு ஆணையில் அறிவிக்கப்பட்டது.

குழந்தைகளுக்கான இலவச மற்றும் கட்டாய கல்வி உரிமை திருத்தச்சட்டம் 2019-ன்படி பள்ளிக்கல்வி துறையின் கீழ் உள்ள அரசு, அரசு உதவிபெறும் பள்ளிகள், சுயநிதி பள்ளிகள், மெட்ரிகுலேசன் பள்ளிகளிலும், மாநில பாடத்திட்டத்தினை பின்பற்றும் இதர துறைகளின் கீழ் வரும் ஆதி திராவிடர் நலத்துறை பள்ளிகள், கள்ளர் சீரமைப்பு பள்ளிகள், மாநகராட்சி பள்ளிகளிலும் 5 மற்றும் 8-ம் வகுப்பு படிக்கும் மாணவர்களுக்கு 2018-19-ம் கல்வி ஆண்டு முதல் அரசு பொதுத்தேர்வு நடத்துவதற்கு தொடக்கக் கல்வி இயக்குனர் அனுமதி கோரி இருந்தார்.

அதன்படி, அரசு பரிசீலனை செய்து அதனை ஏற்று 2019-20 (நடப்பு கல்வியாண்டு)-ம் கல்வியாண்டில் இருந்து 5 மற்றும் 8-ம் வகுப்பு மாணவர்களுக்கு கல்வியாண்டின் இறுதியில் பொதுத்தேர்வு நடத்திட தொடக்கக்கல்வி இயக்குனருக்கு அனுமதி அளித்தும், அத்தேர்வு முடிவின் அடிப்படையில் முதல் 3 ஆண்டுகளுக்கு மாணவர்களின் தேர்ச்சியை நிறுத்தி வைக்க வேண்டாம் எனவும் ஆணையிடப்படுகிறது.

பொதுத்தேர்வு நடத்துவதற்கான உரிய அறிவிப்புகளை வெளியிடவும், நடவடிக்கைகளை மேற்கொள்ளவும் சம்பந்தப்பட்ட இயக்குனர்கள் மற்றும் அலுவலர்கள் கேட்டுக்கொள்ளப்படுகிறார்கள்.

இவ்வாறு அதில் தெரிவிக்கப்பட்டுள்ளது.

இதுகுறித்து தமிழ்நாடு ஆசிரியர் சங்க மாநில தலைவர் பி.கே.இளமாறன் கூறுகையில், ‘இந்த அறிவிப்பில் முதல் 3 ஆண்டுகளுக்கு தேர்ச்சியை நிறுத்தக்கூடாது என்று தெரிவிக்கப்பட்டுள்ளது. அந்த வகையில், இது மாவட்ட அளவிலான பொதுத்தேர்வாக தான் பார்க்கப்படுகிறது. அதை நாங்கள் வரவேற்கிறோம்.

மாணவர்களுக்கு தேர்வு ஒழுக்கத்தை வலியுறுத்துவதாக இந்த பொதுத்தேர்வு அமையும். அதே நேரத்தில் மாநில அளவில் 5, 8-ம் வகுப்புக்கு பொதுத்தேர்வு என்று அறிவித்தால், மாணவர்களின் மனநிலையை பாதிக்கும். அதை கடுமையாக நாங்கள் எதிர்ப்போம். அது கூடாது’ என்றார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, 27 August 2019

TNTET - 2019 - SCORE CARD FOR PAPER II | தமிழ்நாடு ஆசிரியர் தகுதித் தேர்வு தாள்-2 க்கான மதிப்பெண் பட்டியல் (Score Card) வெளியிடப்பட்டுள்ளது.

TNTET - 2019 - SCORE CARD FOR PAPER II | தமிழ்நாடு ஆசிரியர் தகுதித் தேர்வு தாள்-2 க்கான மதிப்பெண் பட்டியல் (Score Card) வெளியிடப்பட்டுள்ளது. ஆசிரியர் தேர்வு வாரியம், சென்னை - 600 006 பத்திரிகைச் செய்தி ஆசிரியர் தேர்வு வாரியம் - தமிழ்நாடு ஆசிரியர் தகுதித் தேர்வு தாள்-II க்கான தேர்வு 09.06.2019 அன்று நடைபெற்றது. இந்த தேர்விற்கான தேர்வு முடிவுகள் 21.08.2019 அன்று ஆசிரியர் தேர்வு வாரிய இணையதளத்தில் (www.trb.tn.nic.in) வெளியிடப்பட்டுள்ளது. இத்தேர்வில் 316 தேர்வர்கள் தேர்ச்சி பெற்றுள்ளனர். பெண்கள் 243 பேர் மற்றும் ஆண்கள் 73 பேர் தேர்ச்சி பெற்றுள்ளனர். இத்தேர்வர்களுக்கான மதிப்பெண் பட்டியல் (Score Card) இன்று வெளியிடப்பட்டுள்ளது. அதனைத் தேர்வர்கள் 26.09.2019 வரை பதிவிறக்கம் செய்திடலாம் என்ற விவரம் தெரிவிக்கப்படுகிறது. 


விரிவாக படிக்க இங்கே கிளிக் செய்யுங்கள் | READ MORE | CLICK HERE

TNTET - 2019 - SCORE CARD FOR PAPER I | தமிழ்நாடு ஆசிரியர் தகுதித் தேர்வு தாள்-1 க்கான மதிப்பெண் பட்டியல் (Score Card) வெளியிடப்பட்டுள்ளது.

TNTET - 2019 - SCORE CARD FOR PAPER I | தமிழ்நாடு ஆசிரியர் தகுதித் தேர்வு தாள்-1 க்கான மதிப்பெண் பட்டியல் (Score Card) வெளியிடப்பட்டுள்ளது. ஆசிரியர் தேர்வு வாரியம், சென்னை - 600 006. பத்திரிக்கைச் செய்தி ஆசிரியர் தேர்வு வாரியம் - தமிழ்நாடு ஆசிரியர் தகுதித் தேர்வு தாள்-1 க்கான தேர்வு 08.06.2017 அன்று நடைபெற்றது. இந்த தேர்விற்கான தேர்வு முடிவுகள் 20.08.2019 அன்று ஆசிரியர் தேர்வு வாரிய இணையதளத்தில் (www.trb.tn.nic.in) வெளியிடப்பட்டுள்ளது. இத்தேர்வில் 551 தேர்வர்கள் தேர்ச்சி பெற்றுள்ளனர். பெண்கள் 410 பேர் மற்றும் ஆண்கள் 141 பேர் தேர்ச்சி பெற்றுள்ளனர். இத்தேர்வர்களுக்கான மதிப்பெண் பட்டியல் (Score Card) இன்று வெளியிடப்படவுள்ளது. அதனைத் தேர்வர்கள் 22.09.2019 வரை பதிவிறக்கம் செய்திடலாம் என்ற விவரம் தெரிவிக்கப்படுகிறது.


விரிவாக படிக்க இங்கே கிளிக் செய்யுங்கள் | READ MORE | CLICK HERE

Friday, 23 August 2019

16 லட்சம் பேர் விண்ணப்பித்த குரூப்-4 தேர்வுக்கான ‘ஹால் டிக்கெட்’ வெளியீடு 1-ந்தேதி தேர்வு நடக்கிறது

16 லட்சத்துக்கும் மேற்பட்டோர் விண்ணப்பித்த குரூப்-4 தேர்வுக்கான ஹால் டிக்கெட் வெளியிடப்பட்டுள்ளது. வருகிற 1-ந்தேதி தேர்வு நடைபெற உள்ளது. தமிழ்நாடு அரசு பணியாளர் தேர்வாணையம் சார்பில் வெளியிடப்பட்டுள்ள செய்திக்குறிப்பில் கூறப்பட்டுள்ளதாவது:- ‘ஹால் டிக்கெட்’ வெளியீடு தமிழ்நாடு அரசு பணியாளர் தேர்வாணையம் (டி.என்.பி.எஸ்.சி.) குரூப்-4-ல் அடங்கிய 6 ஆயிரத்து 491 காலி பணியிடங்களை நிரப்பும் பொருட்டு கடந்த ஜூன் மாதம் 14-ந்தேதி அறிவிப்பு வெளியிடப்பட்டது. இதற்கான எழுத்து தேர்வு வருகிற 1-ந்தேதி தமிழ்நாட்டின் 301 தாலுகா மையங்களில் நடைபெற உள்ளது. இத்தேர்வுக்காக 16 லட்சத்து 30 ஆயிரத்துக்கும் மேற்பட்ட விண்ணப்பங்கள் பெறப்பட்டுள்ளன. சரியான முறையில் விவரங்களை பதிவு செய்து, விண்ணப்பித்த தகுதியான விண்ணப்பதாரர்களுக்கு தேர்வுக்கூட நுழைவுச்சீட்டு(ஹால் டிக்கெட்) www.tnps-c-ex-ams.net மற்றும் www.tnps-c-ex-ams.in என்ற தமிழ்நாடு அரசு பணியாளர் தேர்வாணையத்தின் இணையதளத்தில் வெளியிடப்பட்டுள்ளது. விண்ணப்பதாரர்கள் தங்களது விண்ணப்ப எண், பயனாளர் குறியீடு மற்றும் பிறந்த தேதியினை உள்ளடு செய்து, நுழைவுச்சீட்டினை பதிவிறக்கம் செய்துகொள்ளலாம். கிடைக்கப்பெறாதவர்கள்... சரியான முறையில் விண்ணப்பங்களை பதிவுசெய்து, உரிய விண்ணப்பக்கட்டணம் செலுத்தியும் நுழைவுச்சீட்டு கிடைக்கப்பெறாத, தகுதியான விண்ணப்பதாரர்கள், தாங்கள் தேர்வுக்கட்டணமான ரூ.100 செலுத்தியதற்கான செலுத்துச்சீட்டின் நகலுடன், பெயர், விண்ணப்ப பதிவு எண், தேர்வு கட்டணம், கட்டணம் செலுத்திய இடம் (வங்கி அல்லது அஞ்சலகம்), முகவரி ஆகியவற்றை co-nt-a-ctt-n-psc@gm-a-il.com என்ற தேர்வாணையத்தின் மின்னஞ்சல் முகவரிக்கு வருகிற 28-ந்தேதிக்குள் அனுப்ப வேண்டும். அதன்பின்பு பெறப்படும் கோரிக்கைகளின் மீது எவ்வித நடவடிக்கையும் மேற்கொள்ளப்படமாட்டாது. விண்ணப்பதாரர்கள் தங்களது நுழைவுச்சீட்டினை பதிவிறக்கம் செய்துகொள்வதில் ஏதேனும் சந்தேகம் இருப்பின் 1800 425 1002 என்ற கட்டணமில்லா தொலைபேசியிலோ அல்லது co-nt-a-ctt-n-psc@gm-a-il.com என்ற மின்னஞ்சல் முகவரியிலோ தொடர்பு கொள்ளலாம். இவ்வாறு அதில் கூறப்பட்டுள்ளது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

Thursday, 15 August 2019

ஆசிரியர் தேர்வு வாரியத்தினால் அறிவிக்கப்பட்ட முதுகலை ஆசிரியர் நேரடி நியமனத்திற்கான இணையவழித் தேர்வு அட்டவணை தற்போது வெளியிடப்பட்டுள்ளது.

2018-2019ம் ஆண்டு முதுகலை ஆசிரியர் நேரடி நியமனத்திற்கான அறிவிக்கை (Notification) ஆசிரியர் தேர்வு வாரியத்தினால் 12.06.2017 அன்று வெளியிடப்பட்டது. இணையவழித் தேர்வுக்கான (Computer Based Examination) அட்டவணை ஆசிரியர் தேர்வு வாரிய இணையதளத்தில் (www.trb.tn.nic.in) தற்போது வெளியிடப்பட்டுள்ளது. தேர்வுகள் 27.09.2019 முதல் 29.09.2019 வரை முற்பகல் மற்றும் பிற்பகல் வேலைகளில் நடைபெற உள்ளது. நாள் : 14.08.2019 தலைவர்

விரிவாக படிக்க இங்கே கிளிக் செய்யுங்கள் | READ MORE | CLICK HERE

Sunday, 4 August 2019

2020-21-ம் ஆண்டுக்கான மாணவர் சேர்க்கை உடுமலை அமராவதி சைனிக் பள்ளியில் ஜன.5-ல் அகில இந்திய நுழைவுத் தேர்வு

திருப்பூர் மாவட்டம் உடுமலையை அடுத்த அமராவதி சைனிக் பள்ளி யில், 2020-21-ம் ஆண்டுக்கான மாணவர் சேர்க்கைக்கு வரும் ஜனவரி 5-ம் தேதி அகில இந்திய நுழைவுத் தேர்வு நடைபெறும் என்று அறிவிக்கப்பட்டுள்ளது.

இதுதொடர்பாக பள்ளி நிர்வாகம் நேற்று வெளியிட்டு அறிக்கை:

மத்திய அரசின் பாதுகாப்பு அமைச்சகமும், தமிழக அரசும் இணைந்து நடத்தி வரும் அமரா வதி சைனிக் பள்ளியில் 2020-21-ம் கல்வி ஆண்டில் 6 மற்றும் 9- ம் வகுப் புகளுக்கான மாணவர் சேர்க்கை அறிவிப்பு வெளியிடப்பட்டுள்ளது. இதற்கான நுழைவுத் தேர்வு 2020 ஜனவரி 5-ம் தேதி நடைபெறும். 9-ம் வகுப்புக்கு ஆங்கில மொழியி லும், 6-ம் வகுப்புக்கு தமிழ், ஆங்கி லம், இந்தி ஆகிய மொழிகளிலும் வினாத்தாள் வழங்கப்படும்.

6-ம் வகுப்பில் சேர விரும்பும் மாணவர், 2020 மார்ச் 31-ம் தேதி யன்று 10 முதல் 12 வயதுக்கு (1.4.2008 முதல் 31.3.2010-க்குள் பிறந்தவராக) உட்பட்டவராக இருக்க வேண்டும். அங்கீகரிக்கப் பட்ட பள்ளியில் 5-ம் வகுப்பு படித்திருக்க வேண்டும்.

9-ம் வகுப்பில் சேர 2020 மார்ச் 31-ம் தேதியன்று 13 வயது முதல் 15 வயதுக்கு உட்பட்டவராக (1.4.2005 முதல் 31.3.2007-க்குள் பிறந்தவராக) இருக்க வேண்டும். அங்கீகரிக்கப்பட்ட பள்ளியில் 8-ம் வகுப்பு படித்திருக்க வேண்டும்.

மத்திய, மாநில அரசுகளின் சட்ட விதிகளின்படி, ஆண்டுக்கு ரூ.50,000 வரை கல்வி உதவித் தொகை வழங்கப்படும். 6-வகுப் புக்கு 90, 9-ம் வகுப்புக்கு 6 இடங் களும் நுழைவுத் தேர்வு மூலமாக நிரப்பப்படும். ஏற்கெனவே உள்ள இடஒதுக்கீடு பின்பற்றப்படும்.

9-ம் வகுப்புக்கு உடுமலை, புதுச்சேரி, சென்னையில் தேர்வு நடைபெறும். 6-ம் வகுப்புக்கு உடுமலை அமராவதி நகர் மற்றும் புதுச்சேரியில் தேர்வு நடைபெறும்.

பொதுப் பிரிவினர் விண்ணப்பக் கட்டணம் ரூ.400, பட்டியல் இனத்த வர் ரூ.250 செலுத்தி ஆன்லைன் முறையில் விண்ணப்பத்தை பூர்த்தி செய்து, ஆக.5- முதல் செப்.23-க் குள் பதிவேற்ற வேண்டும்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

நடப்பு கல்வி ஆண்டில் நீட், ஜேஇஇ தேர்வுக்கான அரசின் இலவச பயிற்சியில் சேர தகுதி தேர்வில் தேர்ச்சி கட்டாயம் குறைந்தபட்ச காலஅவகாசம் வழங்கி தேர்வை நடத்த ஆசிரியர்கள், கல்வியாளர்கள் வலியுறுத்தல்

நடப்பு கல்வி ஆண்டில் நீட், ஜேஇஇ தேர்வுக்கான அரசின் இலவச பயிற்சியில் சேர மாணவர்கள் தகுதித்தேர்வில் தேர்ச்சி பெற வேண்டும் என்று பள்ளிக் கல்வித் துறை அறிவித்துள்ளது. இந்நிலையில் குறைந்தபட்ச காலஅவகாசம் வழங்கி தேர்வை நடத்த கல்வித் துறை முன்வர வேண்டும் என்று ஆசிரியர்கள், கல்வியாளர்கள் வலியுறுத்தியுள்ளனர்.

தமிழகத்தில் அரசு, அரசு உதவி பெறும் பள்ளி மாணவர்களுக்கு நீட், ஜேஇஇ உட்பட உயர்கல்வி படிப்புகளுக்கான போட்டித் தேர்வு களுக்கு 2017-ம் ஆண்டு முதல் பள்ளிக் கல்வித் துறை சார்பில் இலவச பயிற்சி அளிக்கப்பட்டு வருகிறது. மாநிலம் முழுவதும் வட்டாரத்துக்கு ஒன்று வீதம் 412 மையங்களில், ‘ஸ்பீடு’ என்ற தனியார் பயிற்சி நிறுவனத்துடன் இணைந்து இந்த முயற்சியை கல்வித் துறை மேற்கொண்டு வருகிறது.

எனினும், அரசின் மையங்களில் பயிற்சி பெறும் மாணவர்களில் மிகவும் குறைந்த நபர்களே நீட் தேர்வில் தேர்ச்சி பெறுகின்றனர். அவர்களிலும் ஒரு சிலருக்கே மருத்துவக் கல்லுாரிகளில் சேர இடம் கிடைப்பதால் அரசு பயிற்சி மையங்களின் தரம் குறித்து பல்வேறு விமர்சனங்கள் எழுந்தன.

இதையடுத்து நடப்பு ஆண்டு போட்டித்தேர்வுக்கான பயிற்சி முறையில் பல்வேறு மாற்றங்களை கல்வித் துறை செய்துள்ளது. முதல் கட்டமாக பயிற்சி மையங்களின் எண்ணிக்கை 412-ல் இருந்து 506 ஆக உயர்த்தப்பட்டுள்ளது. தொடர்ந்து அரசின் இலவச பயிற்சிக்கு தகுதியானவர்களை தேர்வு செய்வதற்காக தகுதித்தேர்வு நடத்தப்பட உள்ளது.

இதுகுறித்து பள்ளிக்கல்வி இயக்குநர் ச.கண்ணப்பன், மாவட்ட முதன்மை கல்வி அதிகாரிகளுக்கு அனுப்பியுள்ள சுற்றறிக்கை:

நீட், ஜேஇஇ பயிற்சி வகுப்பு களுக்கு தேர்வான மாணவர் களுக்கு ஆகஸ்ட் 7-ம் தேதி அவரவர் பள்ளிகளில் தகுதித்தேர்வு நடத்தப்பட வேண்டும். தேர்வுக்கான வினாக்கள் விடைக்குறிப்புடன் முதன்மை கல்வி அதிகாரிகளுக்கு மின்னஞ்சல் மூலம் அனுப்பி வைக்கப்படும்.

தகுதித்தேர்வில் மாணவர்கள் பெற்ற மதிப்பெண் விவரங்களை ஆகஸ்ட் 12-க்குள் dsejdv@nic.in என்ற மின்னஞ்சல் முகவரிக்கு அனுப்ப வேண்டும். இதில் தேர்ச்சி பெறுபவர்களுக்கு பயிற்சி அளிக்கப்படும்.

தொடர்ந்து மாணவர்களை திறம்பட தயார் செய்யும் பொருட்டு ஆகஸ்ட் 9-ம் தேதி முதல் வாரந் தோறும் வெள்ளிக்கிழமை குறுந் தேர்வு நடத்தப்படும். இதற்கான வினாத்தாள், விடைக்குறிப்புகள் முதன்மை கல்வி அதிகாரிகளுக்கு மின்னஞ்சலில் அனுப்பப்படும். அவர்கள் சம்பந்தபட்ட பள்ளி களுக்கு மின்னஞ்சல் மூலம் வினாத் தாள்களை அனுப்ப வேண்டும்.

குறுந்தேர்வுகளை மாணவர்கள் அவரவர் பள்ளிகளிலேயே எழுத லாம். நடப்பு கல்வி ஆண்டில் அதிக மாணவர்களை போட்டித் தேர்வுகளுக்கு தயார் செய்யும் வகையில் குறுந்தேர்வுகள் நடத் தப்படுகின்றன. இதுகுறித்த அறி வுறுத்தல்களை பள்ளி தலைமை ஆசிரியர்களுக்கு மாவட்ட முதன் மைக் கல்வி அதிகாரிகள் வழங்க வேண்டும். இவ்வாறு அதில் கூறப்பட்டுள்ளது.

இதுதொடர்பாக பள்ளிக் கல்வித் துறை அதிகாரிகளிடம் கேட்டபோது, ‘‘அரசின் பயிற்சிக்கு தகுதியற்ற மாணவர்கள் அதிக அளவில் வந்துவிடுவதால் அதன் நோக்கம் சிதைபட்டு வருகிறது. பள்ளிகளும் திறமையுள்ள மாண வர்களைத் தேர்வுசெய்து அனுப்பு வதில் சுணக்கம் காட்டுகின்றன.

இதைத் தவிர்க்கவே தகுதித் தேர்வு முறையை அமல்படுத்தி உள்ளோம். அதன்படி தகுதித்தேர் வில் வட்டார அளவில் முன்னி லையில் உள்ள 50 மாணவர்களை தேர்வு செய்து பயிற்சி அளிக்கப் படும். இவர்களுக்கு வாரந்தோறும் மாதிரித் தேர்வுகளும் நடத்தப்படும். இதற்கான வினாத்தாள்களை மாநில கல்வியியல் ஆராய்ச்சி மற்றும் பயிற்சி நிறுவனம் தயார் செய்யும். ஆகஸ்ட் 2-ம் வாரத்தில் பயிற்சி தொடங்கும்’’ என்றனர்.

இதற்கிடையே மதுரை உட்பட சில மாவட்டங்களில் ஆகஸ்ட் 7-ம் தேதி பருவத்தேர்வுகள் நடைபெற இருப்பதால் ஆசிரியர்கள் இடையே குழப்பம் ஏற்பட்டுள்ளது. மேலும், கல்வித் துறையின் இந்த முயற்சியால் மாணவர்கள் பெரிதும் பாதிக்கப்படுவார்கள்.

எவ்வித முன்னறிவிப்பும் இல் லாமல் திடீரென சில நாட்களுக்கு முன் தேர்வு அறிவிப்பை வெளியிடு வது ஏற்புடையதல்ல. வினாத்தாள் முறை, பாடப்பகுதி குறித்த தகவல் களும் வழங்கவில்லை. எனவே, குறைந்தபட்ச கால அவகாசம் வழங்கி தேர்வை நடத்த கல்வித் துறை முன்வர வேண்டும் என்று ஆசிரியர்கள், கல்வியாளர்கள் வலியுறுத்தியுள்ளனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

அரசு ஐடிஐகளில் சேர ஆக.20-க்குள் விண்ணப்பிக்கலாம் தமிழக அரசு அறிவிப்பு

தமிழக வேலைவாய்ப்பு, பயிற்சித் துறை ஆணையர் வெளியிட்டுள்ள செய்திக்குறிப்பு: இந்திய அளவில் தொழிற் பயிற்சி நிலையங்களின் (ஐடிஐ) தரத்தில் தமிழகம் முன்னிலையில் உள்ளது. தேசிய அளவில் நடத் தப்பட்ட தர நிர்ணயத் திட்டத் தில், சிறந்த தரம் உடையதாக 120 ஐடிஐகள் தேர்வு செய்யப் பட்டன. இதில் அதிகபட்சமாக, தமிழகத்தை சேர்ந்த 40 ஐடிஐகள் இடம்பெற்றுள்ளன. தேசிய அளவில் முதல் 10 இடங்களில் 5 இடங்களை தமிழகத்தில் உள்ள அரசு ஐடிஐகள் பெற்றுள்ளன. இன்றைய காலகட்டம் மற்றும் தொழில் நிறுவனங்களின் தேவைக்கு ஏற்ப சில அரசு ஐடிஐகளில் நவீன தொழிற்பிரிவு கள் தொடங்கப்பட்டுள்ளன. இது தவிர, அரசு ஐடிஐகளில் படிப்பை நிறைவு செய்யும் மாணவர்களை தொழில் நிறுவனங்களுக்கு அனுப்பி, இலவச பயிற்சியும் அரசால் வழங்கப்பட்டு வருகிறது. பயிற்சிக்குப் பிறகு தொழில் நிறுவனங்களில் வேலைவாய்ப்பும் பெற்றுத் தரப்படுகிறது. இந்த ஆண்டில் அரசு ஐடிஐ களில் உள்ள இடங்கள், அரசு உதவி பெறும் ஐடிஐ மற்றும் தனியார் ஐடிஐகளில் உள்ள அரசு ஒதுக்கீட்டு இடங்கள் என மொத்தம் 37,097 இடங்கள் உள்ளன. இதை நிரப்ப இணையதளம் வாயிலாக விண்ணப்பங்கள் பெறப்பட்டு, மாவட்ட கலந்தாய்வு மூலம் முதல் கட்ட பயிற்சியாளர்கள் சேர்க்கை முடிந்துள்ளது. இதன் முடிவில் அரசு ஐடிஐ களில் 7,840 இடங்களும், தனியார் ஐடிஐகளில் 5,888 இடங்களும் காலியாக உள்ளன. இந்த காலியிடங்களை நிரப்ப ஆகஸ்ட் 2-ம் தேதிமுதல் இணையதளம் (www.skilltraining.tn.gov.in) மூலம் விண்ணப்பிக்கலாம். விண்ணப் பங்களை ஆகஸ்ட் 20-ம் தேதிக் குள் சமர்ப்பிக்க வேண்டும். அரசு தொழிற்பயிற்சி நிலையங் களில் உள்ள காலியிடங்களில் ஏதேனும் ஒரு குறிப்பிட்டஇனத்த வருக்கான காலியிடங்களுக்கு விண்ணப்பங்கள் பெறப்படாவிட் டால், மாற்று இனத்தவரைக் கொண்டு அந்த இடங்களை நிரப்ப உத்தரவிடப்பட்டுள்ளது. எனவே, விண்ணப்பிக்கும் அனைவருக்கும் அரசு ஐடிஐகளில் இடம் கிடைக்க வாய்ப்பு உள்ளது. இவ்வாறு செய்திக்குறிப்பில் கூறப்பட்டுள்ளது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

Friday, 2 August 2019

சங்கர் ஐஏஎஸ் அகாடமி சார்பில் 25 நகரங்களில்  குரூப்-4 பணிகளுக்கான இலவச மாதிரி தேர்வு

சங்கர் ஐஏஎஸ் அகாடமி சார்பில் தமிழகத்தில் 25 நகரங்களில் ஆக. 25-ல் நடைபெறும் குரூப்-4 மாதிரி தேர்வில் மாணவர்கள் பங்கேற்க முன்பதிவு செய்துகொள்ளலாம். இதுகுறித்து வெளியிடப்பட்டுள்ள செய்திக்குறிப்பு: கிராம நிர்வாக அலுவலர், இள நிலை உதவியாளர், நில அளவர், தட்டச்சர் உள்ளிட்ட அரசுப் பணி களில் உள்ள 6,491 காலிப்பணியிடங்களுக்கு தமிழ்நாடு அரசுப் பணியாளர் தேர்வு ஆணையம் (டிஎன்பிஎஸ்சி) சார்பில் குரூப்-4 தேர்வு வரும் செப். 1-ம் தேதி நடை பெறவுள்ளது. இந்த போட்டித் தேர்வுக்கான இலவச மாதிரி தேர்வு சென்னை (அண்ணாநகர், அடையாறு), காஞ் சிபுரம், வேலூர், கிருஷ்ணகிரி, திரு வண்ணாமலை, சேலம், ஈரோடு, நாமக்கல், கோயம்புத்தூர், ஊட்டி, திருப்பூர், பழனி, விழுப்புரம், கடலூர், திருச்சி, தஞ்சாவூர், திரு வாரூர், மயிலாடுதுறை, நாகப்பட் டினம், மதுரை, விருதுநகர், திரு நெல்வேலி, தூத்துக்குடி மற்றும் நாகர்கோவில் என 25 நகரங்களில் வரும் ஆக.25-ம் தேதி நடைபெறு கிறது. இந்த தேர்வை எழுதி பயன்பெற விரும்புவோர் www.shankariasacademy.com, www.tnpscthervupettagam.com என்ற இணையதளங்கள் மூலம் பதிவு செய்துகொள்ளலாம். மேலும் விவரங்களுக்கு 766677 66266, 044-43533445, 45543082 ஆகிய எண்களில் தொடர்புகொள்ளலாம்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

புதிய பாடத்திட்ட தவறுகளை களைய தனி குழு பள்ளிக் கல்வித் துறை நடவடிக்கை

புதிய பாடப் புத்தகங்களில் இடம் பெற்றுள்ள தவறுகளைக் கண்ட றிந்து சரிசெய்ய பள்ளிக் கல்வித் துறையின் சார்பில் பிரத்யேக குழு அமைக்கப்பட்டுள்ளது. தமிழக பள்ளிக் கல்வியில் அனைத்து வகுப்புகளுக்கும் பாடத் திட்டம் மாற்றப்பட்டுள்ளது. இதற்கு பரவலாக வரவேற்பு கிடைத் துள்ளன, அதேநேரம் புதிய பாடப் புத்தகங்களில் பல்வேறு பிழைகள் உள்ளன. அவற்றை உடனே திருத் தம் செய்ய வேண்டுமென கல்வி யாளர்கள், ஆசிரியர்கள் வலியு றுத்தி வருகின்றனர். அந்தவகையில் புதிய பாடத் திட்டத்தில் இதுவரை 21 பிழைகளை மாநில கல்வியியல் ஆராய்ச்சி, பயிற்சி நிறுவனம் திருத்தம் செய் துள்ளது. மேலும், புதிய பாடத் திட் டத்தில் இருக்கும் குறைகளைக் களைவதற்காக பிரத்யேக குழுவை கல்வித் துறை அமைத்துள்ளது. இதுகுறித்து பள்ளிக் கல்வித் துறை அதிகாரிகள் கூறும்போது, ‘‘பாடப் புத்தகங்களில் உள்ள தவறுகளை சரிசெய்து மாணவர் கள் எளிதில் பாடங்களைப் படிக்க ஏதுவாக கடினமான பகுதிகளை நீக்கவும் திட்டமிடப்பட்டுள்ளது. இதற்காக மாநில கல்வியியல் ஆய்வு மற்றும் பயிற்சி நிறுவன இணை இயக்குநர்கள் தலைமை யில் குழு அமைக்கப்பட்டுள்ளது. இதில் மாநிலம் முழுவதும் 32 ஆசிரியர் பயிற்சி நிறுவனங் களில் பணிபுரியும் விரிவுரையா ளர்கள் தங்கள் பகுதியிலுள்ள பள்ளிகளுக்கு நேரில் சென்று மாணவர்கள், ஆசிரியர்களி டம் புதிய பாடப் புத்தகங்கள் குறித்து கலந்துரையாட வேண்டும். அப்போது கூறப்படும் பாடப் புத்தகத்தில் உள்ள பிழைகள், கடினமான பகுதிகள், முரண்பட்ட கருத்துகள் என திருத்தப்பட வேண்டிய பகுதிகளை விரி வாகக் குறிப்பிட்டு அறிக்கையாக சமர்ப்பிக்க வேண்டும். இந்த அறிக்கையை குழு வினர் ஆய்வு செய்து தேவை யான கருத்துகள் திருத்தம் செய் யப்படும்’’ என்றனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

Thursday, 1 August 2019

மத்திய அரசு ஊழியர்களுக்கு விரைவில் 5% அகவிலைப் படி உயர்வு

5% அகவிலைப் படி உயர்கிறது! அரசு ஊழியர்கள் மற்றும் ஆசிரியர்களுக்கு 01.07.2019 முதல் 5% அகவிலைப்படி உயர்கிறது. தற்போது 12% அகவிலைப்படி பெறும் அரசு ஊழியர்கள் 5% அகவிலைப்படி உயர்வினால், 01.07.2019 முதல் 17% அகவிலைப் படி பெறுவார்கள். ஜூலை, ஆகஸ்ட், செப்டம்பர் மாதங்களுக்கு நிலுவைத் தொகையாகவும், அக்டோபர் மாதம் முதல் ஊதியத்துடனும் இந்த அகவிலைப்படி உயர்வு வழங்கப் படும் எனத் தெரிகிறது. அகவிலைப்படி உயர்வுக்கான ஒப்புதலை, மத்திய அமைச்சரவை செப்டம்பர் மாதம் வழங்கிய பின், இதற்கான முறையான அறிவிப்பும், அதனைத் தொடர்ந்து அரசாணையும் வெளிவரும். மத்திய அரசு அரசாணை வெளியிட்ட பின், தமிழக அரசும் தனது ஊழியர்களுக்கு 5% அகவிலைப்படி உயர்வு பற்றி அறிவிக்கும் எனத் தெரிகிறது. அடுத்தடுத்து பண்டிகைகள் வரவுள்ள நிலையில், அரசு ஊழியர்கள் இந்த அகவிலைப்படி உயர்வு பற்றிய அறிவிப்பினை ஆவலுடன் எதிர்பார்த்து காத்திருக்கின்றனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

மத்திய ஆசிரியர் தகுதித்தேர்வு முடிவுகள் வெளியீடு நாடு முழுவதும் 3.50 லட்சம் பட்டதாரிகள் தேர்ச்சி

மத்திய ஆசிரியர் தகுதித்தேர்வு முடிவுகள் வெளியிடப்பட்டுள்ளன. இத்தேர்வில் மூன்றரை லட்சம் பேர் தேர்ச்சி பெற்றிருப்பதாக அறிவிக்கப்பட்டுள்ளது. இதுதொடர்பாக மத்திய இடைநிலை கல்வி வாரியம் (சிபிஎஸ்இ) வெளியிட்டுள்ள செய்திக்குறிப்பில் கூறப்பட்டு இருப்பதாவது:- இணையதளங்களில்... மத்திய ஆசிரியர் தகுதித்தேர்வு (சிடெட்) ஜூலை 7-ம் தேதி நாடு முழுவதும் 104 நகரங்களில் 2,942 மையங்களில் நடைபெற்றது. இடைநிலை ஆசிரியர் தகுதித் தேர்வை (தாள்-1) 13 லட்சத்து 59 ஆயிரத்து 478 பேர் எழு தினர். பட்டதாரி ஆசிரியர் தகுதித் தேர்வை (தாள்-2) 10 லட்சத்து 17 ஆயிரத்து 553 பேர் எழு தினர். தேர்வு முடிவுகள் பின்வரும் இணையதளத்தில் வெளியிடப் பட்டுள்ளன. www.ctet.nic.in www.cbse.nic.in முதல் தாளில் 2 லட்சத்து 14 ஆயிரத்து 658 பேரும் 2-வது தாளில் ஒரு லட்சத்து 37 ஆயிரத்து 172 பேரும் ஆக மொத்தம் 3 லட்சத்து 51 ஆயிரத்து 830 பேரும் தேர்ச்சி பெற்றிருக்கிறார்கள். தேர்ச்சி பெற்றவர்களுக்கான தேர்ச்சி சான்றிதழ் டிஜிலாக்கரில் (Digilocker) பதிவேற்றம் செய்யப் படும். அதிலிருந்து சான்றிதழை ஆன்லைனில் பதிவிறக்கம் செய்துகொள்வதற்கான லாக்-இன், பாஸ்வேர்டு விவரங்கள் தேர்வர்களின் செல்போன் எண்ணுக்கு எம்எஸ்எஸ் வாயிலாக தெரிவிக்கப்படும். இவ்வாறு செய்தி குறிப்பில் கூறப்பட்டுள்ளது. சி-டெட் தகுதித்தேர்வின் முடிவு கள் தேர்வு முடிந்த 23 நாட்களில் வெளியிடப்பட்டுள்ளது என்பது குறிப்பிடத்தக்கது. தேர்ச்சிக் கான குறைந்தபட்ச மதிப்பெண் பொதுப்பிரிவினருக்கு 90. இட ஒதுக்கீட்டுப் பிரிவினருக்கு (எஸ்சி, எஸ்டி, ஓபிசி) 82 மதிப் பெண் ஆகும். இத்தேர்ச்சி 7 ஆண்டுகள் செல்லத்தக்கது. சிபிஎஸ்இ பள்ளிகளில் இடைநிலை ஆசிரியர், பட்டதாரி ஆசிரியர் பணியில் சேர சிடெட் தேர்ச்சி கட்டாயம் ஆகும்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

POSTAL EXAM 2019 | ரத்து செய்யப் பட்ட தேர்வு வரும் செப்.15-ம் தேதி நடைபெறும் என அஞ்சல் துறை அறிவித்துள்ளது.

அஞ்சல் துறை எழுத்தர் மற்றும் ஏற்கெனவே பதவியில் உள்ளவர்கள் பதவி உயர்வு பெறுவதற்கான தேர்வு கடந்த மாதம் 14-ம் தேதி நடைபெறும் என அறிவிக்கப்பட்டிருந்தது. இதற்கிடையே, மத்திய தொலை தொடர்பு துறை கடந்த மாதம் 11-ம் தேதி அனுப்பிய சுற்றறிக்கையில், இனி அஞ்சல் துறை தேர்வுகளில் முதல் வினாத்தாள் இந்தி மற்றும் ஆங்கிலம் என இருமொழிகளில் மட்டுமே கேட்கப்படும் என தெரிவிக்கப்பட்டது. இந்த அறிவிப்பு தேர்வர்களுக்கு கடும் அதிர்ச்சியை ஏற்படுத்தியது. இதை எதிர்த்து மதுரை உயர் நீதிமன்ற கிளையிலும் அவசர வழக்குத் தொடரப்பட்டது. வழக்கை விசாரித்த நீதிமன்றம் தேர்வை நடத்த அனுமதி வழங்கி யது. ஆனால், தேர்வு முடிவுகளை வௌியிட தடை விதித்தது. இதையடுத்து, அஞ்சல் துறை தேர்வு நடைபெற்றது. இந்நிலை யில் அரசியல் கட்சிகளின் எதிர்ப் பால் மத்திய அரசு இத்தேர்வை ரத்து செய்தது. மறுதேர்வு உள் ளூர் மொழியில் நடத்தப்படும் என அறிவிக்கப்பட்டது. இந்நிலையில், ரத்து செய்யப் பட்ட தேர்வு வரும் செப்.15-ம் தேதி நடைபெறும் என அஞ்சல் துறை அறிவித்துள்ளது. இதுதொடர்பாக, அஞ்சல் துறை வெளியிட்டுள்ள அறிவிப்பில், கிராமிய அஞ்சல் ஊழியர்கள், தபால்காரர்கள் உள்ளிட்ட பணியிடங்களுக்கு வரும் செப்.15-ம் தேதி தேர்வு நடைபெறும். இந்தி மொழி பேசும் மாநிலங்களில் இத்தேர்வு இந்தி, ஆங்கிலம் ஆகிய மொழிகளில் நடத்தப்படும். இந்தி பேசாத மாநிலங்களில் இந்தி, ஆங்கிலம் தவிர உள்ளூர் மொழிகளில் கேள்வித்தாள் இடம் பெறும் என தெரிவிக்கப்பட்டுள்ளது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, 31 July 2019

10 லட்சம் மாணவர்களுக்கு திறன் மேம்பாட்டு பயிற்சி சிஸ்கோ நிறுவனம் திட்டம்

2025 ஆண்டுக்குள் 10 லட்சம் இந்திய மாணவர்களுக்கு திறன் மேம்பாட்டு பயிற்சி அளிக்க திட்டமிட்டிருப்பதாக சிஸ்கோ நிறுவனம் தகவல் தெரிவித்துள் ளது.சிஸ்கோ அமெரிக்காவைச் சார்ந்த தொழில்நுட்ப நிறுவனம் ஆகும். இந்நிறுவனம் தொழில் நுட்பத் துறையில் இந்திய மாண வர்களின் திறனை வளர்ப்பதற்கான பயிற்சியை அளித்துவருகிறது. இதுவரை 3.5 லட்சம் இந்திய மாணவர்களுக்கு இந்நிறுவனம் பயிற்சியளித்துள்ளது.இது குறித்து அந்நிறுவனத்தின் இந்திய பிரிவின் தலைமை தகவல் அதிகாரி வி சி கோபல்ரத்னம் கூறியபோது, 2020 க்குள் 2.5 லட்சம் இந்திய மாணவர்களுக்கு திறன் மேம்பாட்டு பயிற்சி அளிக்க வேண்டும் என்று 2016 ஆண்டு முடிவெடுத்து இருந் தோம். ஆனால், தற்போது நிர் ணயிக்கப்பட்ட எண்ணிக்கையை விட அதிக மாணவர்களுக்கு பயிற்சி அளித்துள்ளோம். எங்கள் திட்டத்தை மேலும் விரிவுபடுத்த உள்ளோம். 2025-க்குள் 10 லட் சம் மாணவர்களுக்கு பயிற்சி அளிப்பதை தற்போதைய நோக்க மாக கொண்டுள்ளோம்’ என்று தெரிவித்தார்.மத்திய திறன் மேம்பாட்டு அமைச்சகம் மற்றும் தொழில் பயிற்சி இயக்குனரகம், நாடு முழுவதுமுள்ள தொழில்துறை பயிற்சி நிறுவனங்களில் (ஐடிஐ) உள்ள 15 லட்சம் மாணவர்களுக்கு திறன் மேம்பாட்டு பயிற்சி அளிப் பதற்காக சிஸ்கோ, அசெஞ்சர், குவெஸ்ட் அலையன்ஸ் ஆகிய நிறுவனங்களுடன் ஒப்பந்தம் மேற்கொண்டுள்ளது என்பது குறிப்பிடத்தக்கது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

காவலர் தேர்வு நடப்பது எப்போது?  

காவலர் தேர்வு நடப்பது எப்போது?  4 மாதங்களாக காத்திருக்கும் இளைஞர்கள் தமிழகத்தில் காலியாக உள்ள 8,826 காவலர் பணியிடங்களுக்கான விண்ணப்பங்கள் பெறப்பட்டு 4 மாதங் களாகியும், தேர்வு தேதி அறிவிக்கப்படாததால், இத்தேர்வுக்கு விண்ணப்பித்த இளைஞர்கள் குழப்பம் அடைந்துள்ளனர். தமிழ்நாடு சீருடைப் பணியாளர் தேர்வுக் குழுமம் சார்பில், இரண்டாம் நிலை காவலர், இரண்டாம் நிலை சிறைக் காவலர் மற்றும் தீயணைப்பாளர் பதவிகளுக்கான பொதுத் தேர்வு அறிவிக்கை கடந்த மார்ச் 6-ம் தேதி வெளியிடப்பட்டது. மாவட்ட, மாநகர ஆயுதப்படைக்கு பெண் காவலர்கள் 2,465 பேர், தமிழ்நாடு சிறப்பு காவல் படைக்கு ஆண் காவலர்கள் 5,962 பேர், இரண்டாம் நிலை சிறை காவலர்கள் (ஆண்கள் 186, பெண்கள் 22) 208 பேர், தீயணைப்பாளர் (ஆண்கள்) 191 பேர் என மொத்தம் 8,826 காலியிடங்களை நிரப்புவதற்காக இந்த தேர்வு அறிவிக்கப்பட்டது. எழுத்துத் தேர்வுக்கு 4.25 லட்சம் பேர் ஆர்வமுடன் விண்ணப்பித்தனர். இவர்கள் உடனடியாக தனியார் பயிற்சி நிலையங்களிலும், அரசு சார்பில் நூலகங்களில் செயல்படும் பயிற்சி மையங்களிலும் சேர்ந்து இரவு பகலாக படித்து வருகின்றனர். ஜூலை 14-ம் தேதி எழுத்துத் தேர்வு நடைபெறும் என தகவல் வெளியானது. ஆனால், அன்று தேர்வு நடத்தப்படவில்லை. தற்போது, ஆகஸ்ட் 25-ம் தேதி நடைபெறும் என தகவல் வெளியாகியுள்ளது. இதுவும் அதிகாரப்பூர்வ தகவல் இல்லை என்பதால், தேர்வுக்கு விண்ணப்பித்தவர்கள் குழப்பம் அடைந்துள்ளனர். தூத்துக்குடி கின்ஸ் அகாடமி இலவச பயிற்சி மைய நிறுவனர் எஸ்.பேச்சிமுத்து கூறும்போது, ``தேர்வுக்கான தேதி அறிவிக்கப்படாத தால் இளைஞர்கள் சோர்வடைந் துள்ளனர். 3 மாதங்கள் வரை பயிற்சி பெற்ற பலர், தங்களது பயிற்சிகளை கைவிட்டு பிற வேலைகளுக்கு சென்றுவிட்டனர். தமிழ்நாடு சீருடைப் பணியாளர் தேர்வுக் குழுமத்தில் கேட்டால் முறையான பதில் இல்லை. தேர்வுக்கான தேதியை உடனடியாக வெளியிட வேண்டும். தேர்வு அறிவிக்கை வெளியிடும்போதே தேர்வு தேதியையும் வெளியிட்டால் மாணவர்கள் பயனடைவர்” என்றார் . தூத்துக்குடி மாவட்ட காவல் கண்காணிப்பாளர் அலுவலகத்தில் விசாரித்த போது, “காவலர் எழுத் துத் தேர்வு ஆகஸ்ட் 25-ம் தேதி நடைபெறும். தேர்வுக்கான ஏற்பாடு களை செய்யுமாறு தமிழ்நாடு சீருடைப் பணியாளர் தேர்வு குழுமத்தில் இருந்து சுற்றறிக்கை வந்துள்ளது. தேர்வுக்கு விண்ணப்பித்தவர்கள் ஆகஸ்ட் 10-ம் தேதி முதல் அனுமதி சீட்டை பதிவிறக்கம் செய்து கொள்ளலாம். விரைவில் அறிவிப்பு வரும்” என்றனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

‘படிக்கும் காலத்தில் ஹீரோ.. இப்போது ஜீரோ’ எதிர்காலத்தை தொலைத்த முன்னாள் ‘ரூட் தல’ மாணவர்கள் காவல்துறை சார்பில் விழிப்புணர்வு வீடியோ தயாரிப்பு

கல்லூரியில் படிக்கும் காலத்தில் அடிதடி, ரகளை, மோதலில் ஈடுபட்டு எதிர்காலத்தை இழந்த முன்னாள் ‘ரூட் தல’ மாணவர்களின் இன்றைய நிலையை தொகுத்து போலீஸார் ஒரு வீடியோ தயாரித்துள்ளனர். மாணவர்களிடம் விழிப்புணர்வை ஏற்படுத்தும் நோக்கில் இந்த வீடி யோவை ஓரிரு நாளில் வெளியிட உள்ளனர். சென்னையில் சில கல்லூரி களின் மாணவர்கள் ஆண்டுதோறும் ‘பஸ் தினம்’ என்ற பெயரில் மாநகரப் பேருந்தை சிறைபிடித்து, மேள தாளங்கள் முழங்க ஆட்டம் போடுவது வழக்கமாக இருந்தது. இதனால், பயணிகள், பொதுமக்கள் கடுமையாக பாதிக்கப்பட்டனர். இதைத் தொடர்ந்து, பஸ் தினத் துக்கு சென்னை காவல் துறை தடை விதித்தது. இந்த சூழலில், பேருந்து, ரயில்களில் எந்த வழித்தடத்தில் (ரூட்) வரும் மாணவர்கள் உயர்ந் தவர்கள் என்பது தொடர்பாக மாண வர்கள் இடையே மோதல் ஏற்பட் டது. இதில் எல்லை மீறும் மாண வர்களை போலீஸார் கைது செய் தனர். சம்பந்தப்பட்ட மாணவர்களை கல்லூரி நிர்வாகம் இடைநீக்கம் செய்தது. இந்த மோதலின் உச்சகட்டமாக கடந்த 23-ம் தேதி சென்னை பச்சையப்பன் கல்லூரி மாணவர் களில் ஒரு தரப்பினர் மற்றொரு தரப்பினரை விரட்டி அரிவாளால் வெட்டினர். பயணிகள், பொதுமக் களை பதறவைத்த இந்த காட்சி வாட்ஸ்அப், முகநூல், ட்விட்டர் உள்ளிட்ட சமூக வலை தளங்களில் வைரலானது. இதைத் தொடர்ந்து, சென்னை யில் ‘ரூட் தல’ என்ற அடையா ளத்துடன் சுற்றும் 58 மாணவர்களை போலீஸார் கண்டறிந்து, ‘இனி மோதலில் ஈடுபடமாட்டோம்’ என்று அவர்களிடம் பிரமாணப் பத்திரத் தில் எழுதி வாங்கினர். இதற்கிடை யில், தாக்குதலில் ஈடுபட்ட 2 மாண வர்கள் கைது செய்யப்பட்டனர். விசாரணைக்கு வந்த இடத்தில் கீழே விழுந்து கையை முறித்துக் கொண்டதால், கையில் கட்டு போட்ட நிலையில், அவர்களது புகைப்படமும் வெளியானது. இதையடுத்து, கடந்த சில நாட்க ளாக மாணவர்கள் மிகவும் அமைதி யாக கல்லூரிக்கு சென்று வருகின் றனர். இந்நிலையில், கல்லூரி மாண வர்கள் யாரேனும் ‘ரூட் தல’ என்ற பெயரில் சட்டவிரோத நடவடிக் கைகள், பொதுமக்களுக்கு இடை யூறு ஏற்படுத்தும் செயல்களில் ஈடுபட்டால் அவர்கள் பற்றிய தகவலை வாட்ஸ்அப், முகநூல், ட்விட்டரில் தெரிவிக்கலாம் என்று காவல் துறை அறிவித்து, அதற்கான எண், முகவரியை வெளியிட்டுள்ளது. நந்தனம், பச்சையப்பன், மாநிலக் கல்லூரி, புதுக் கல்லூரியின் தகவல் பலகைகளிலும் இந்த அறிவிப்பு ஒட்டப்பட்டுள்ளது. அடுத்த கட்டமாக, மாணவர்களுக்கு விழிப்புணர்வு ஏற்படுத்தவும், கல்வி கற்கும் வயதில் மோதலில் ஈடுபட்டால் எதிர்காலம் என்ன ஆகும் என்பதை புரியவைக்கவும் முன்னாள் ‘ரூட் தல’ மாணவர்களின் தற்போதைய நிலையை ஒரு வீடியோவாக போலீஸார் தயாரித்துள்ளனர். அதில் பேசும் முன்னாள் ‘ரூட் தல’ மாணவர் ஒருவர், ‘‘கல்லூரி காலத்தில் அரிவாளை தூக்குவது கெத்தாக தெரிந்தது. நண்பர்களுடன் சேர்ந்து எதிர் தரப்பினரை தாக்கினோம். இதனால், போலீஸார் எங்கள் மீது வழக்கு பதிவு செய்தனர். ஏராளமான அரியர் வைத்தேன். என்னுடன் படித்த மாணவர்கள் எல்லாம் நல்ல நிலையில் உள்ளனர். என் எதிர்காலம் பாழாகிவிட்டது. தற்போது கூலி வேலை செய்கிறேன். அன்று ஹீரோவாக இருந்த நான் இன்று ஜீரோ. எனவே, மாணவர்கள் யாரும் மோதலில் ஈடுபட வேண்டாம். மோதலில் ஈடுபட்டால் எனது நிலைதான் உங்களுக்கும்’’ என்று கூறியுள்ளார். இன்னொரு மாணவர் கூறும் போது, ‘‘நானும் ‘ரூட் தல’யாக இருந்து, அடிதடி, மோதல் என்று ஈடுபட்டவன்தான். பிறகு, அரசு வேலைக்காக விண்ணப்பித்தேன். ஆனால், என் மீது வழக்கு இருந் ததால் அரசு வேலைக்கு போக முடியவில்லை. தனியார் நிறுவனங் கள்கூட வேலைக்கு எடுக்க யோசித்தன. இதனால் தினக்கூலி வேலைக்கு சென்று வருகிறேன்’’ என்று அழுதபடி கூறுகிறார். இதுபோல 10-க்கும் மேற்பட்ட முன்னாள் ‘ரூட் தல’ மாணவர்கள் தாங்களாகவே முன்வந்து தங் களது இன்றைய நிலை குறித்து பேட்டி அளித்துள்ளனர். அவர்களது முகத்தை மறைத்து இந்த வீடியோ ஓரிரு நாளில் வெளியிடப் பட உள்ளது. ரகளையில் ஈடுபட்டு, மற்றவர்கள் மத்தியில் தங்களை ஒரு ஹீரோ போல காட்டிக்கொள்ள விரும்பும் மாணவர்களுக்கு இந்த வீடியோ நிச்சயம் மன மாற்றத்தை ஏற்படுத்தும் என்று போலீஸார் கூறினர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

பிளஸ் 1 படிக்கும் மாணவர்களுக்கு  இலவச சைக்கிள் வழங்கும் திட்டம் தொடரும்  தமிழக அரசு அறிவிப்பு

தமிழகத்தில் பிளஸ் 1 படிக்கும் மாணவர்களுக்கு இலவச சைக்கிள் வழங்கும் திட்டம் தொடர்ந்து செயல்படுத்தப்படும் என்று தமிழக அரசு தெரிவித்துள்ளது. தமிழகத்தில் அரசு மற்றும் அரசு உதவி பெறும் பள்ளிகளில் பிளஸ் 1 மற்றும் பிளஸ் 2 படிக்கும் மாணவர்களுக்கு இலவச சைக் கிள் வழங்கும் திட்டம் செயல்படுத் தப்பட்டு வருகிறது. இந்நிலை யில், சமீபத்தில் நடந்து முடிந்த சட்டப்பேரவை கூட்டத்தொடரின் போது, கடந்த 2017-18-ம் ஆண்டுக் கான இந்திய தணிக்கைத் துறை தலைவரின் கணக்கு தணிக்கை அறிக்கை சமர்ப்பிக்கப்பட்டது. அதில், இத்திட்டத்துக்கு 2017-18-ம் ஆண்டில் ரூ.16 கோடி மட்டுமே ஒதுக்கப்பட்டதாக குறிப்பிடப்பட்டி ருந்தது. இதுதவிர, இந்தாண்டுக் கான பள்ளிக்கல்வித் துறையின் மானியக் கோரிக்கையில் கடந்த ஆண்டைப்போல் இந்த ஆண்டும் திட்டம் செயல்படுத்தப்படும் என்று கூறப்பட்டிருந்ததே தவிர, நிதி ஒதுக்குவதைப் பற்றிய தகவல்கள் இல்லை. இலவச சைக்கிள் வழங்கும் திட்டம் கைவிடப்பட்டதோ என்ற தோற்றத்தை இது ஏற் படுத்தியது. இந்நிலையில், இலவச சைக்கிள் வழங்கும் திட்டம் தொடரும் என்று தமிழக அரசு தெரிவித்துள்ளது. இதுகுறித்து பிற்படுத்தப்பட்டோர், மிகவும் பிற்படுத்தப்பட்டோர் மற்றும் சீர்மரபினர் நலத்துறை வெளியிட்ட செய்திக்குறிப்பு: 87,147 சைக்கிள்கள் அரசு, அரசு நிதியுதவி பெறும், பகுதியாக நிதியுதவி பெறும் பள்ளிகளில் பிளஸ் 1 பயிலும் பிற்படுத்தப்பட்டோர், மிகவும் பிற்படுத்தப்பட்டோர் மற்றும் சீர் மரபின மாணவர்களுக்கு பொருளா தார உச்சவரம்பின்றி இலவச சைக்கிள்கள் வழங்கப்படுகின்றன. கடந்த 2017-18 மற்றும் 2018-19 ஆகிய 2 ஆண்டுகளுக்கும் சேர்த்து, 10 லட்சத்து 87 ஆயிரத்து 147 சைக்கிள்கள் 2018-19-ம் ஆண்டில் வழங்கப்பட்டுள்ளன. இத்திட்டத்துக்காக பிற்படுத்தப் பட்டோர் நலத்துறைக்கு ரூ.73 கோடி, மிகவும் பிற்படுத்தப் பட்டோர், சீர்மரபினர் நலத்துறைக்கு ரூ.65 கோடியே 48 லட்சத்து 11 ஆயிரம் என ரூ.138 லட்சத்து 48 ஆயிரத்து 11 ஆயிரம் ஒதுக்கீடு செய்யப்பட்டது. இலவச சைக்கிள் வழங்கும் திட்டத்தின்கீழ் பிளஸ் 1 பயிலும் அனைத்து வகுப்புகளைச் சேர்ந்த மாணவ, மாணவியருக்கும் தொடர்ந்து இலவச சைக்கிள் வழங்கப்படும். இத்திட்டம் இனி வரும் ஆண்டுகளிலும் தொடர்ந்து செயல்படுத்தப்படும். இவ்வாறு அதில் கூறப்பட் டுள்ளது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

பிளஸ் 2 ஆங்கில புத்தகத்தில் சர்ச்சைக்குரிய பாடம் நீக்கம் தமிழக கல்வித் துறை உத்தரவு

பிளஸ் 2 ஆங்கில பாடத்தில் தமிழின் தொன்மை குறித்த சர்ச்சை கருத்துகள் இடம்பெற்ற பாடம் முழுவதையும் நீக்க பள்ளிக்கல்வித் துறை அறிவுறுத்தியுள்ளது. தமிழகத்தில் கடந்த 2 கல்வி ஆண்டுகளாக முதல் வகுப்பு முதல் பிளஸ் 2 வரையிலான பாடத்திட்டங்கள் மாற்றப்பட்டுள்ளன. பாடத்திட்டம் மாற்றப்பட்ட நிலையில், முரண்பாடான கருத்துகள் இடம்பெற்றுள்ளதாக கூறி அவ்வப்போது சர்ச்சைகளும் உருவாகி வருகின்றன. இவை தொடர்பாக எதிர்ப்புகள் வரும்போது, கல்வித்துறை அப்பகுதிகளை நீக்குவதும் நடந்து வருகிறது. அந்த வகையில் சமீபத்தில் 19 பிழைகளை திருத்துவதற்கு கல்வித்துறை நடவடிக்கை எடுத்துள்ளது. இந்நிலையில், சமீபத்தில் பிளஸ் 2 ஆங்கில பாடப்புத்தகத்தில் தமிழ் மொழியின் தொன்மை குறித்த சர்ச்சைக்குரிய கருத்துகள் இடம்பெற்றிருந்த தகவல் வெளியானது. குறிப்பாக, தமிழ் மொழியைவிட சமஸ்கிருதம் தொன்மையானது என்ற பொருள்படும்படியான கருத்துகள் அதில் கூறப்பட்டிருந்தது. பாடப் புத்தகத்தில் இடம்பெற்றிருந்த இந்த கருத்துக்கு தமிழக அரசியல் கட்சிகள், கல்வியாளர்கள், தமிழ் ஆர்வலர்கள் என பல தரப்பில் இருந்தும் கண்டனக் குரல் எழும்பியது. இதுதொடர்பாக உடனடியாக நட வடிக்கை எடுக்கப்படும் என அமைச்சர் கே.ஏ.செங்கோட்டையன் அறிவித்தார். தொடர்ந்து, ஆங்கில பாடப்புத்தக தயாரிப்புக் குழுவில் இருந்த 13 ஆசிரியர் களுக்கு விளக்கம் கேட்டு நோட்டீஸ் அனுப்பப்பட்டது. இந்நிலையில், பிளஸ் 2 பாடப்புத்தகத்தில் சர்ச்சைக்குரிய பாடத்தை நீக்குமாறு அனைத்து முதன்மை கல்வி அதிகாரிகளுக்கும் அறிவுறுத்தப்பட்டுள்ளது. இதுதொடர்பாக மாநில கல்வியியல் ஆராய்ச்சி மற்றும் பயிற்சி நிறுவனம் வெளியிட்ட சுற்றறிக்கையில், ‘‘புதிய பாடத்திட்டம் பிளஸ் 2 வகுப்பு ஆங்கில பாடப்புத்தகத்தில், அலகு 5-ல் ‘தி ஸ்டேட்டஸ் ஆஃப் தமிழ் அஸ் எ கிளாசிக் லாங்குவேஜ்’ என்ற பாடம் முழுவதையும் குறிப்பாக பக்கம் 142 முதல் 150 வரை நீக்க வேண்டும்’’ என்று தெரிவிக்கப்பட்டுள்ளது. மேலும், முதன்மை கல்வி அலுவலர்கள் இதை மேனிலைப் பள்ளி தலைமை ஆசிரியர்களுக்கு தெரிவிக்கும்படியும் கூறப்பட்டுள்ளது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, 30 July 2019

உதவி சுற்றுலா அலுவலர் பணி


தமிழக அரசின் சுற்றுலா துறையில் உதவி சுற்றுலா அலுவலர் (கிரேடு-2) பதவியில் 42 காலியிடங்கள் முதல்முறையாக டி.என்.பி.எஸ்.சி. தேர்வு மூலம் நேரடியாக நிரப்பப்பட உள்ளன.

தகுதி

இப்பணிக்குச் சுற்றுலா, பயணத்தில் இளங்கலை பட்டப் படிப்பு படித்தவர்களும், ஏதேனும் ஒரு பட்டப் படிப்புடன் சுற்றுலாவில் டிப்ளமா முடித்தவர்களும் விண்ணப்பிக்கலாம். அதோடு கூடுதலாகத் தமிழக அரசின் கணினி சான்றிதழ் தேர்வில் (Certificate course in Computer on Office Automation) அல்லது அதற்கு இணையாக மத்திய மின்னணு, தகவல் தொழில்நுட்பத் துறை நடத்திய தேர்வில் தேர்ச்சி பெற்றிருக்க வேண்டியது அவசியம்.

வயது வரம்பு பொதுப் பிரிவினருக்கு 30 ஆக நிர்ணயிக்கப்பட்டுள்ளது. இட ஒதுக்கீட்டுப் பிரிவினருக்கும் (பி.சி., எம்.பி.சி., எஸ்.சி., எஸ்.டி.), பொதுப்பிரிவைச் சேர்ந்த ஆதரவற்ற விதவைகளுக்கும் வயது வரம்பு கட்டுப்பாடு கிடையாது.

தேர்வுமுறை

விண்ணப்பதாரர்கள் எழுத்துத் தேர்வு அடிப்படையில் மட்டுமே தேர்வுசெய்யப்படுவர். நேர்முகத் தேர்வு கிடையாது என்பது குறிப்பிடத்தக்கது. எழுத்துத் தேர்வில் சுற்றுலா, பயணம் தொடர்பான பாடத்தில் இருந்து 200 கேள்விகளும் (300 மதிப்பெண்), பொது அறிவு பகுதியில் இருந்து 100 கேள்விகளும் (200 மதிப்பெண்) அப்ஜெக்டிவ் முறையில் இடம்பெறும். மொத்த மதிப்பெண் 500.

தமிழ்வழிக்கு இட ஒதுக்கீடு

உரிய கல்வித் தகுதி உடைய பட்டதாரிகள் டி.என்.பி.எஸ்.சி. இணையதளத்தை (www.tnpsc.gov.in) பயன்படுத்தி விண்ணப்பிக்க வேண்டும். மொத்தக் காலியிடங்களில், தமிழ்வழியில் படித்தவர்களுக்கு 20 சதவீத இட ஒதுக்கீடு உண்டு. அவர்கள் நிர்ணயிக்கப்பட்ட கல்வித் தகுதியைத் தமிழ்வழியில் படித்திருந்தால் போதும்.

ஆன்லைனில் விண்ணப்பிக்கும் முறை, இட ஒதுக்கீட்டு வாரியான காலியிடங்கள், தேர்வுக்கான பாடத்திட்டம், தேர்வுக்கட்டணம், சம்பளம் தொடர்பான விவரங்களை டி.என்.பி.எஸ்.சி. இணையதளத்தில் விரிவாக அறிந்துகொள்ளலாம்.

நேரடியாக உதவி சுற்றுலா அலுவலர் (கிரேடு-2) பணியில் சேருவோர் உதவி சுற்றுலா அலுவலர் (கிரேடு-1), சுற்றுலா அலுவலர், உதவி இயக்குநர், துணை இயக்குநர், இணை இயக்குநர் எனப் படிப்படியாகப் பதவி உயர்வு பெறலாம். சுற்றுலா, பயணம், விருந்தோம்பல் போன்றவற்றில் ஆர்வம் கொண்டவர்களுக்கு உதவி சுற்றுலா அலுவலர் பணி அருமையான வாய்ப்பு.

விரிவாக படிக்க இங்கே கிளிக் செய்யுங்கள் | READ MORE | CLICK HERE

கடந்த வாரம் செய்திகள்

அழிவின் விளிம்பில் 7,000 புதிய உயிரினங்கள்

ஜூலை 19: அழிவின் விளிம்பில் இருக்கும் உயிரினங்கள் பட்டியலில் மேலும் 7,000 உயிரினங்கள் சேர்ந்திருப்பதாகத் தெரிவித்திருக்கிறது இயற்கைப் பாதுகாப்புக்கான சர்வதேசச் சங்கம் (IUCN). அத்துடன், ஐ.யு.சி.என். சிவப்புப் பட்டியலில் இருக்கும் 1,05,000 உயிரினங்களில் 27 சதவீதமானவை (28,338 உயிரினங்கள்) அழியும் தறுவாயில் இருப்பதாகத் தெரிவிக்கப்பட்டிருக்கிறது.

சந்திரயான்-2 விண்கலம் வெற்றி

ஜூலை 22: சந்திரயான்-2 விண்கலம் ஜி.எஸ்.எல்.வி. எம்கே III-எம்1 செயற்கைக்கோளில் ஹரிகோட்டாவில் இருந்து வெற்றிகரமாக விண்ணில் செலுத்தப்பட்டது. 3,840 கிலோ எடைகொண்ட சந்திரயான்-2 விண்கலத்துடன் ‘ஆர்பிட்டர்’, ‘லேண்டர்’ (விக்ரம்), ‘ரோவர்’ (பிரக்யான்) ஆகிய மூன்று கருவிகள் அனுப்பப்பட்டுள்ளன. செப்டம்பர் 7 அன்று சந்திரயான்-2 விண்கலத்தில் அனுப்பப்பட்டுள்ள ‘ரோவர்’ நிலவில் மென்மையாகத் தரையிறங்கவிருக்கிறது. இந்த முயற்சி வெற்றியடைந்தால், ரஷ்யா, அமெரிக்கா, சீனா ஆகிய நாடுகளைத் தொடர்ந்து நிலவில் மென்மையான தரையிறக்கத்தைச் சாத்தியப்படுத்திய நான்காம் நாடாக இந்தியா திகழும்.

பிரிட்டன் புதிய பிரதமர் போரிஸ் ஜான்சன்

ஜூலை 24: பிரிட்டனின் புதிய பிரதமராக போரிஸ் ஜான்சன் பதவியேற்றார். அக்டோபர் 31-ம் தேதிக்குள் ஐரோப்பிய ஒன்றியத்திலிருந்து பிரிட்டன் வெளியேற வேண்டியதை உறுதிப் படுத்தும் பொறுப்புடன் அவர் பதவியேற்றிருக்கிறார். அவர் தலைமையேற்ற பிறகு, பழைய அமைச்சரவை மாற்றியமைக்கப்பட்டது. அமைச்சரவையில் பாதிக்கும் மேற்பட்ட புதிய அமைச்சர்கள் நியமிக்கப்பட்டிருக்கிறார்கள்.

தகவல் அறியும் சட்டத்திருத்த மசோதா

ஜூலை 25: தகவல் அறியும் சட்டத்திருத்த மசோதா மாநிலங்களவையில் எதிர்க்கட்சியினரின் கடுமையான எதிர்ப்புக்கும் வெளிநடப்புக்கும் மத்தியில் நிறைவேற்றப்பட்டது. தகவல் அறியும் சட்டத் திருத்த மசோதா மக்களவையில் ஜூலை 22 அன்று நிறைவேற்றப்பட்டது. இந்தச் சட்டத் திருத்த மசோதா தகவல் அறியும் சட்டத்தை (2005) முற்றிலும் நீர்த்துப்போகச் செய்துவிட்டதாக எதிர்க்கட்சிகள் குற்றம்சாட்டியிருக்கின்றன.

கர்நாடக முதல்வரானார் எடியூரப்பா

ஜூலை 26: கர்நாடக முதல்வர் ஹெச்.டி. குமாரசாமி தலைமையில் பதினான்கு மாதங்களாக நடைபெற்றுவந்த காங்கிரஸ்-மதச் சார்பற்ற ஜனதா தளக் கூட்டணி ஆட்சி ஜூலை 23 அன்று கவிழ்க்கப்பட்டது. சட்டப்பேரவையில் நடைபெற்ற நம்பிக்கை வாக்கெடுப்பில், குமாரசாமி தலைமையிலான ஆட்சிக்கு ஆதரவாக 99 வாக்குகளும், எதிராக 105 வாக்குகளும் பதிவாகின. அதனால், ஆறு வாக்குகள் வித்தியாசத்தில் அவர் தோல்வியடைந்தார். இதைத் தொடர்ந்து, கர்நாடகத்தின் முதல்வராக பா.ஜ.க.வின் மாநிலத் தலைவர் பி.எஸ். எடியூரப்பா பதவியேற்றார்.

54% பொறியியல் இடங்கள் காலி

ஜூலை 29: தமிழ்நாட்டின் பதினொரு அரசுக் கல்லூரிகள், இரண்டு தனியார் கல்லூரிகளில் மட்டுமே பொறியியல் படிப்புக்கான இடங்கள் முழுமையாக நிரப்பப்பட்டுள்ளன. தமிழ்நாடு பொறியியல் சேர்க்கைக்காக (TNEA) நடைபெற்ற நான்கு சுற்று ஆன்லைன் கலந்தாய்வில், 479 பொறியியல் கல்லூரிகளின் 54 சதவீத இடங்கள் காலியாக இருக்கின்றன. 16 தனியார் கல்லூரிகளில் ஒரு மாணவர்கூடச் சேரவில்லை. மொத்தம் இருந்த 1,67,101 பொறியியல் இடங்களில் 76,364 (46%) இடங்களே நிரப்பப்பட்டுள்ளன. 90,737 (54%) இடங்கள் நிரப்பப்படாமல் காலியாக இருக்கின்றன.

எஸ். ஜெயபால் ரெட்டி மறைவு

ஜூலை 28: முன்னாள் மத்திய அமைச்சரும், ஐந்து முறை நாடாளுமன்ற உறுப்பினருமான மூத்த காங்கிரஸ் தலைவர் எஸ். ஜெயபால் ரெட்டி உடல்நலக் குறைவால் ஹைதராபாத்தில் காலமானார். அவருக்கு வயது 77. அவர் மூன்று முறை மத்திய அமைச்சராகப் பதவி வகித்திருக்கிறார்.

இந்தியாவில் 2,967 புலிகள்

ஜூலை 29: சர்வதேசப் புலிகள் நாளையொட்டி, பிரதமர் நரேந்திர மோடி ‘புலிகள் கணிப்பு அறிக்கை’யை வெளியிட்டார். இந்த அறிக்கையின்படி, இந்தியாவில் 2,967 புலிகள் இருக்கின்றன. உலகின் 70 சதவீதத்துக்கும் அதிகமான புலிகள் இந்தியாவில் வசிக்கின்றன என்று இந்த அறிக்கை தெரிவிக்கிறது. கடந்த நான்கு ஆண்டுகளில், நாட்டின் புலிகள் வளர்ச்சி சதவீதம் 8.32 சதவீதமாக இருக்கிறது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

புற்றுநோய் பாதித்த அரசு ஊழியர்களுக்கு  கீமோ, ரேடியோ தெரபிக்கு 10 நாள் சிறப்பு விடுப்பு அரசாணை வெளியிட்டது தமிழக அரசு 

தமிழக அரசு ஊழியர்கள், ஆசிரியர்கள் உள்ளிட்டோருக்கு அவர்கள் பணிக்காலத்தில் அதிக பட்சமாக 540 நாட்கள் மருத்துவ விடுப்பு அனுமதிக்கப்படுகிறது. ஆனால், அவர்கள் ஒரே நேரத்தில் அந்த விடுப்புகளை எடுத்துக் கொள்ள அனுமதியில்லை. ஆனால், புற்றுநோய் உள்ளிட்ட சில நோய்களால் பாதிக்கப்பட்ட வர்கள் அதிக நாள் விடுப்பு எடுக்க வேண்டி வரும். இதுதவிர கீமோ தெரபி, ரேடியோ தெரபி உள்ளிட்ட சிகிச்சைகள் மேற்கொள்ளும் போது, மருத்துவ விடுப்பு எடுப் பதில் சிரமங்கள் ஏற்படும். இப் பிரச்சினையை தவிர்க்கும் வகை யில், அரசு ஊழியர்களுக்கு சிறப்பு விடுப்பு அனுமதிக்கப்படுகிறது. சின்னம்மை, விஷக்கடி உள் ளிட்ட சில பிரச்சினைகளுக்கு இது போன்ற குறிப்பிட்ட நாட்கள் சிறப்பு விடுப்புகள் வழங்கப்படுகின்றன. சம்பளத்துடன் விடுப்பு அந்த வகையில், சமீபத்தில் நடந்த சட்டப்பேரவை கூட்டத் தொடரில், தமிழக பணியாளர் நலன் மற்றும் நிர்வாக சீர்திருத் தத்துறை அமைச்சர் வெளியிட்ட அறிவிப்பில், ‘‘புற்றுநோயால் பாதிக்கப்பட்ட அரசுப் பணியாளர் களின் நலனை கருத்தில் கொண்டு தற்போது அனுமதிக்கப்பட்ட விடுப்புகளுடன், கீமோ தெரபி மற்றும் ரேடியோ தெரபி கிகிச்சை பெறும் ஒவ்வொரு முறையும் அவர்களுக்கு முழு ஊதியத்துடன் 10 நாட்கள் சிறப்பு விடுப்பு எடுக்கப்படும்’’ என்றார். இந்நிலையில் இந்த அறிவிப்பு தொடர்பான அரசாணை வெளியி டப்பட்டுள்ளது. இந்த அரசாணை யில், பொது சுகாதாரத்துறை இயக்குநர் பரிந்துரைப்படி, கீமோ தெரபி அல்லது ரேடியோ தெரபி சிகிச்சை பெறும் அரசு ஊழியர்களுக்கான 10 நாள் சிறப்பு விடுப்பானது. சிகிச்சை எடுத்துக் கொள்ளும் நாளுக்கு முந்தைய நாள், சிகிச்சை எடுத்துக் கொள்ளும் நாள் மற்றும் அந்த சிகிச்சையில் இருந்து முழுமையாக குணம் பெற 8 நாட்கள் என்ற அடிப்படையில் வழங்கப்படுவதாக தெரிவிக்கப் பட்டுள்ளது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, 9 July 2019

TRB TET 2019 PAPER 1,2 OFFICIAL KEY | ஆசிரியர் தகுதித் தேர்விற்கான விடை குறிப்பினை ஆசிரியர் தேர்வு வாரியம் வெளியிட்டுள்ளது.

ஆசிரியர் தேர்வு வாரியத்தால் 2019 ஆம் ஆண்டு ஆசிரியர் தகுதித்தேர்வு தாள் I, 08.06.2019 மற்றும் தாள் - II, 09.06.2019 அன்றும் நடத்தப்பட்டது. தற்பொழுது தேர்வுக்கான கேள்விகளுக்கு உரிய தற்காலிக விடைக் குறிப்புகள் (Tentative Key Answers) பாட வல்லுநர்களால் தயாரிக்கப்பட்டு ஆசிரியர் தேர்வு வாரிய இணையதளமான www.trb.tn.nic ல் வெளியிடப்பட்டு உள்ளன. ஆசிரியர் தேர்வு வாரியம் வெளியிட்டுள்ள தற்காலிக விடைக்குறிப்பின் மீது தேர்வர்கள் ஏதேனும் ஆட்சேபனை தெரிவிக்க விரும்பினால் 15.07.2019 மாலை 5:30 மணிக்குள் ஆசிரியர் தேர்வு வாரிய தகவல் மையத்தில் உள்ள பெட்டியிலோ அல்லது மேற்கண்ட நாட்களுக்குள் ஆசிரியர் தேர்வு வாரியத்தில் பெறும் வகையில் அஞ்சல் மூலமாகவோ ஒவ்வொரு விடைக்கும் தனித்தனியாக இணைய தளத்தில் வெளியிடப்பட்டுள்ள உரிய படிவத்தில் ஆதாரங்களுடன் அனுப்பி வைக்க வேண்டும். ஒவ்வொரு வினாவிற்கும் தவறாமல் தனித்தனியே விண்ணப்பிக்க வேண்டும். அங்கீகரிக்கப்பட்ட பாடப்புத்தகங்கள் / மேற்கோள் புத்தகங்கள் (Standard Text Books / Reference Books) ஆதாரம் மட்டுமே அளிக்க வேண்டும், கையேடுகள் மற்றும் தொலைதுார கல்வி நிறுவன ஆதாரங்கள் ஏற்றுக் கொள்ளப் படமாட்டாது. | DOWNLOAD

விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, 12 June 2019

TRB RECRUITMENT 2019 | 2144 முதுநிலை ஆசிரியர் பணியிடங்களுக்கான போட்டித் தேர்வு அறிவிப்பை ஆசிரியர் தேர்வு வாரியம் வெளியிட்டுள்ளது.

  • TRB RECRUITMENT 2019 | TRB அறிவித்துள்ள வேலைவாய்ப்பு அறிவிப்பு
  • பதவி : முதுகலை ஆசிரியர்
  • மொத்த காலிப்பணியிட எண்ணிக்கை : 2144
  • ஆன்லைன் முறையில் விண்ணப்பத்தைத் தொடங்குவதற்கான தேதி : 24.06.2019
  • விண்ணப்பிக்க கடைசி நாள் : 15.07.2019
  • இணைய முகவரி : http:// www.trb.tn.nic.in

TRB PG 2019 NOTIFICATION | முதுகலை ஆசிரியர்களுக்கான கணினி வழி போட்டித்தேர்வு அறிவிப்பினை ஆசிரியர் தேர்வு வாரியம் அறிவித்துள்ளது. விரிவான தகவல்கள்
காலி பணியிடங்கள்: 2144
தமிழ் : 319
ஆங்கிலம் : 223
கணிதம்: 279
இயற்பியல் : 210
வேதியியல் : 356
தாவரவியல் : 154
விலங்கியல் : 144
வரலாறு : 104
புவியியல் : 11
பொருளியியல்: 211
வணிகவியல் : 99
Political science : 14
Physical education : 16
Bio chemistry : 1
Micro biology : 1
Home science : 1
Indian culture : 1
கல்வித் தகுதி : PG with B.Ed.,

விரிவாக படிக்க இங்கே கிளிக் செய்யுங்கள் | READ MORE | CLICK HERE

Sunday, 9 June 2019

DSE PG DISTRICT LEVEL TRAINING | பன்னிரண்டாம் வகுப்பு புதிய பாட நூல்கள் குறித்து ஆசிரியர்களுக்கு மாவட்ட அளவிலான பயிற்சி - கால அட்டவணை

DSE PG DISTRICT LEVEL TRAINING | பன்னிரண்டாம் வகுப்பு புதிய பாட நூல்கள் குறித்து ஆசிரியர்களுக்கு மாவட்ட அளவிலான பயிற்சி நடத்துதல் சார்ந்து மாநிலக் கல்வியியல் ஆராய்ச்சி மற்றும் பயிற்சி நிறுவன இயக்குனர் செயல்முறைகள் பயிற்சி நடைபெற உள்ளது அதற்கான கால அட்டவணை

விரிவாக படிக்க இங்கே கிளிக் செய்யுங்கள் | READ MORE | CLICK HERE

Saturday, 8 June 2019

ஆன்லைன் மூலம் எம்.பி.பி.எஸ்., பி.டி.எஸ். படிப்புகளுக்கு விண்ணப்பிக்கும் நடைமுறை தொடக்கம் தரவரிசை பட்டியல் அடுத்த மாதம் 2-ந் தேதி வெளியாகிறது

எம்.பி.பி.எஸ்., பி.டி.எஸ். படிப்புகளுக்கு ஆன்லைன் மூலம் விண்ணப்பிக்கும் நடைமுறை நேற்று தொடங்கியது. தரவரிசை பட்டியல் அடுத்த மாதம் 2-ந் தேதி வெளியிடப்பட உள்ளது. எம்.பி.பி.எஸ்., பி.டி.எஸ். படிப்புகளுக்கான விண்ணப்பம் கடந்த ஆண்டு வரை அந்தந்த பகுதிகளில் உள்ள அரசு மருத்துவ கல்லூரிகளில் வழங்கப்பட்டன. இந்த ஆண்டு முதன் முறையாக ஆன்லைனில் விண்ணப்பிக்கும் நடைமுறை அமல்படுத்தப்பட்டுள்ளது. www.tnhealth.org, www.tnmedicalselection.org ஆகிய இணையதளங்களில் விண்ணப்பிக்கலாம் என்றும், அரசு ஒதுக்கீட்டு இடங்கள் மற்றும் நிர்வாக ஒதுக்கீட்டு இடங்களுக்கு தனித்தனியாக விண்ணப்பிக்க வேண்டும் என்றும் அறிவிக்கப்பட்டுள்ளது. இந்த நடைமுறை நேற்று தொடங்கியது. வருகிற 20-ந் தேதி மாலை 5 மணி வரை விண்ணப்பிக்கலாம் என்று அறிவிக்கப்பட்டுள்ளது. இதற்காக சென்னையில் ராஜீவ் காந்தி மருத்துவமனை உள்பட பல இடங்களில் சிறப்பு ஏற்பாடுகள் செய்யப்பட்டு இருந்தது. முதல் நாளான நேற்று 12 ஆயிரத்து 584 பேர் விண்ணப்பம் செய்துள்ளனர். மாணவ-மாணவிகள் ஆன்லைனில் அனுப்பிய விண்ணப்பத்தை பதிவிறக்கம் செய்து தகுந்த ஆவணங்களுடன் நேரிலோ, தபால் மூலமாகவோ ‘செயலாளர், தேர்வுக்குழு, மருத்துவ கல்வி இயக்ககம், 162, ஈ.வெ.ரா. நெடுஞ்சாலை, கீழ்ப்பாக்கம், சென்னை-600010’ என்ற முகவரியில் 21-ந் தேதி மாலை 5 மணிக்குள் சமர்ப்பிக்க வேண்டும். ஆன்லைனில் விண்ணப்பிக்க இயலாதவர்கள் அருகில் உள்ள அரசு மருத்துவ கல்லூரிகளுக்கு சென்று விண்ணப்பிக்கலாம். அரசு மருத்துவ கல்லூரிகள் இல்லாத 11 மாவட்டங்களைச் சேர்ந்த மாணவ-மாணவிகள் இணையதளத்தில் தெரிவிக்கப்பட்டுள்ள என்ஜினீயரிங் கல்லூரிகளுக்கு சென்று விண்ணப்பிக்கலாம். மேலும் இ-சேவை மையங்களிலும் விண்ணப்பிக்க வசதி ஏற்படுத்தப்பட்டுள்ளது. விண்ணப்பங்கள் பெறப்பட்ட பின்னர் தரவரிசை பட்டியல் அடுத்த மாதம் (ஜூலை) 2-ந் தேதி வெளியிடப்படுகிறது. அரசு மற்றும் தனியார் கல்லூரிகளின் அரசு ஒதுக்கீட்டு இடங்கள் மட்டுமல்லாமல் தனியார் கல்லூரிகளின் நிர்வாக ஒதுக்கீட்டுக்கும் மருத்துவ கல்வி இயக்குனரகம் கவுன்சிலிங் நடத்துகிறது. முதற்கட்ட மாணவர் சேர்க்கைக்கான கவுன்சிலிங் ஜூலை 4-ந் தேதி தொடங்கி 12-ந் தேதி வரை நடைபெறுகிறது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

முதன்மைக் கல்வி அலுவலரே தகுதிகாண்பருவம் முடித்தமைக்கான ஆணை வழங்கலாம்

இ.நி.உ க்கு 5 ஆண்டுகளுக்குள் பவாணி சாகர் பயிற்சி, DOM தேர்ச்சி பெற்றிருந்தால் முதன்மைக் கல்வி அலுவலரே தகுதிகாண்பருவம் முடித்தமைக்கான ஆணை வழங்கலாம் என்பதற்கான எடுத்துக்காட்டு...
விரிவாக படிக்க இங்கே கிளிக் செய்யுங்கள் | READ MORE | CLICK HERE

SPOUSE CERTIFICATE

SPOUSE CERTIFICATE | SPOUSE CERTIFICATE This is to certify that Sri/Smt -------------------------------------------W/O or H/O ------------------------------------ ------------------------------------------------------- has been working as --- ----------------------------------------- in the office of ------------------------------------------------------------------------------------------- since ----------- ----- ---------------------------.It is also further certified that She/He has not availed Spouse priority For Transfers for the last ______ years.

விரிவாக படிக்க இங்கே கிளிக் செய்யுங்கள் | READ MORE | CLICK HERE

குரூப்-4 தேர்வு அறிவிப்பு ஜூன் 14 முதல் ஆன்லைனில் விண்ணப்பிக்கலாம்

ஒரேநாளில் 7 போட்டித்தேர்வுகளின் முடிவுகளை வெளியிட்டு டிஎன்பிஎஸ்சி சாதனை புரிந்துள்ளது. அதில், 4 தேர்வுகளின் முடிவு கள் ஒரே மாதத்தில் வெளியிடப் பட்டுள்ளன என்பது குறிப்பிடத் தக்கது. மேலும் குரூப்-4 தேர்வுக்கான அறிவிப்பு வெளியிடப்பட்டுள்ளது. செப்டம்பர் 1-ம் தேதி நடைபெற உள்ள தேர்வுக்கு ஜூன் 14 முதல் ஜூலை 14 வரை ஆன்லைனில் விண்ணப்பிக்கலாம். கடந்த ஜனவரி 27-ம் தேதி நடைபெற்ற இளநிலை கூட்டுறவு ஆய்வாளர் தேர்வு, மார்ச் 2-ல் நடந்த தொழில் மற்றும் வணிகத் துறை விலை மதிப்பீட்டு உதவியா ளர் தேர்வு, ஏப்ரல் 27-ம் தேதி நடைபெற்ற வேலைவாய்ப்பு பயிற்சித்துறை விடுதி கண்காணிப் பாளர் மற்றும் உடற்பயிற்சி அலுவலர் தேர்வு முடிவுகள் வெளியிடப்பட்டுள்ளன. அத்துடன் மே 4-ம் தேதி நடந்த மீன்வள உதவி ஆய்வாளர் தேர்வு, மே 5-ல் நடைபெற்ற கருவூலம் மற்றும் கணக்குத் துறை கணக்கு அலுவலர் தேர்வு, அதே நாளில் நடத்தப்பட்ட தொழில் வணிகத்துறை வேதியியலர் தேர்வு மற்றும் சமூகப்பாதுகாப்புத் துறை உதவி கண்காணிப்பாளர் தேர்வு ஆகிய 7 போட்டித்தேர்வுகளின் முடிவுகளை டிஎன்பிஎஸ்சி வியா ழக்கிழமை ஒரேநாளில் வெளியிட் டது. இதில் 4 தேர்வுகளின் முடிவு கள் ஒரே மாதத்தில் வெளியிடப் பட்டுள்ளன என்பது குறிப்பிடத் தக்கது. மேற்கண்ட தேர்வுகளில் அடுத்த நிலைகளான சான்றிதழ் சரிபார்ப்பு மற்றும் நேர்காணலுக்கு தகுதி பெற்ற விண்ணப்பதாரர்களின் பதிவெண்கள் அடங்கிய பட்டி யல் தேர்வாணையத்தின் இணைய தளத்தில் (www.tnpsc.gov.in) வெளி யிடப்பட்டுள்ளதாக டிஎன்பிஎஸ்சி தேர்வு கட்டுப்பாட்டு அலுவலர் இரா.சுதன் தெரிவித்துள்ளார். குரூப்-4 தேர்வு இதற்கிடையே, குரூப்-4 தேர் வுக்கான அறிவிப்பை டிஎன்பிஎஸ்சி நேற்று வெளியிட்டது. அதன்படி, குரூப்-4 தேர்வு செப்டம்பர் 1-ம் தேதி நடைபெற உள்ளது. இதற்கு ஜூன் 14 முதல் ஜூலை 14 வரை ஆன்லைனில் விண்ணப்பிக்க லாம். இதுதொடர்பான முழு விவ ரங்கள் அடங்கிய அறிவிக்கை தேர்வாணையத்தின் இணைய தளத்தில் வருகிற 14-ம் தேதி வெளியிடப்படும் என டிஎன்பிஎஸ்சி செயலாளர் கே.நந்தகுமார் அறிவித்துள்ளார்.

பணிகள் :
1)கிராம நிர்வாக அலுவலர் (விஏஒ)
2)இளநிலை அலுவலர்
3)பில் கலெக்டர்
4)தட்டச்சர்
உள்ளிட்ட குரூப் 4 பணியிடங்களுக்காக விண்ணப்பங்கள் பெறப்படுகின்றன.

முக்கிய தேதிகள் :அறிவிப்பாணை வெளியான தேதி : 07.06.2019
ஆன்லைனில்
விண்ணப்பிக்கத் தொடங்கும் தேதி : 14.06.2019

விண்ணப்பிக்கக் கடைசி தேதி : 14.07.2019

தேர்வு நடைபெறும் தேதி : 01.09.2019

இத்தேர்விற்கான கல்வித்தகுதி, வயது வரம்பு, தேர்வுக்கட்டணம் உள்ளிட்ட இதர விபரங்களை அறிய www.tnpsc.gov.in

அல்லது www.tnpsc.exams.net

அல்லது www.tnpsc.exams.in என்னும் இணையதளங்களில் 14.06.2019 ஆம் தேதி முதல் தெரிந்துகொள்ளலாம்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

Friday, 7 June 2019

D.ELE.ED ADMISSION 2019 | தொடக்கக் கல்வி பட்டயப் படிப்பு மாணவர் சேர்க்கைக்கான அறிவிப்பு வெளியிடப்பட்டுள்ளது. விண்ணப்பிக்க வேண்டிய கடைசி நாள் 24 ஜூன் 2019

D.ELE.ED ADMISSION 2019 | தொடக்கக் கல்வி பட்டயப் படிப்பு மாணவர் சேர்க்கைக்கான அறிவிப்பு வெளியிடப்பட்டுள்ளது. விண்ணப்பிக்க வேண்டிய கடைசி நாள் 24 ஜூன் 2019
விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழ்நாடு அரசுப் பணியாளர் தேர்வாணையம் நடத்தும், குரூப்-4 தேர்வு பற்றிய அறிவிப்பு வெளியாகியுள்ளது.

தமிழ்நாடு அரசுப் பணியாளர் தேர்வாணையம் நடத்தும், குரூப்-4 தேர்வு பற்றிய அறிவிப்பு வெளியாகியுள்ளது. வரும் ஜூன் 14 ஆம் தேதி முதல் www.tnpsc.gov.in விண்ணப்பிக்கலாம். இதற்கு தகுதியும், விருப்பமும் உள்ளவர்களிடமிருந்து, ஆன்லைனில் விண்ணப்பங்கள் வரவேற்கப்படுகின்றன.

பணிகள்:
விஏஒ (VAO)
ஜூனியர் அசிஸ்டெண்ட் (Junior Assistant)
பில் கலெக்டர் (Bill Collector)
தட்டச்சர் (Typist)
உள்ளிட்ட பல்வேறு பணிகள்

முக்கிய தேதிகள்:
நாளிதழில் அறிவிப்பாணை வெளியான தேதி: 07.06.2019
ஆன்லைனில் விண்ணப்பிக்க தொடங்கும் தேதி: 14.06.2019
கடைசி தேதி: 14.07.2019
தேர்வு நடைபெறும் தேதி: 01.09.2019

கல்வித்தகுதி, வயது வரம்பு, தேர்வுக்கட்டணம் போன்ற இந்த தேர்வு பற்றிய பல்வேறு தகவல்களை www.tnpsc.gov.in அல்லது www.tnpsc.exams.net அல்லது www.tnpsc.exams.in - என்ற இணையதளங்களில் 14.06.2019 ஆம் தேதி முதல் தெரிந்துகொள்ளலாம் என தெரிவிக்கப்பட்டுள்ளது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 3 June 2019

நவோதயா பள்ளிகளில் ஆசிரியர் பணி

மத்திய பள்ளி கல்வி வாரியத்தின் கீழ் செயல்படும், மத்திய கல்வி அமைப்புகளில் ஒன்று நவோதயா வித்யாலயா சமிதி. தற்போது இந்த கல்வி அமைப்பின் கீழ் செயல்படும் பள்ளிகளில் முதுநிலை ஆசிரியர், இளநிலை ஆசிரியர் மற்றும் சிஸ்டம் அட்மின் போன்ற பணியிடங்களை நிரப்ப அறிவிப்பு வெளியாகி உள்ளது. மொத்தம் 370 பேர் தேர்வு செய்யப்படுகிறார்கள். இதில் முதுநிலை ஆசிரியர் பணிக்கு 128 இடங்களும், பட்டதாரி ஆசிரியர் பணிக்கு 172 இடங்களும், பகல்டி கம் சிஸ்டம் அட்மின் பணிக்கு 70 இடங்களும் உள்ளன. முதுநிலை படிப்புடன், பி.எட். படித்தவர்கள் முதுநிலை ஆசிரியர் பணிக்கும், இளநிலை பட்டப்படிப்புடன், பி.எட். படித்தவர்கள் பட்டதாரி ஆசிரியர் பணிக்கும், பட்டதாரிகள், சிஸ்டம் அட்மின் பணிக்கும் விண்ணப்பிக்கலாம். இவர்கள் சி.டெட் தேர்வில் தேர்ச்சி பெற்றிருப்பது அவசியம். விருப்பம் உள்ளவர்கள் விரிவான விவரங்களை இணையதளத்தில் பார்த்துவிட்டு விண்ணப்பிக்கலாம். விண்ணப்பம் சென்றடைய கடைசி நாள் 5-6-2019-ந் தேதியாகும். இதற்கான சான்றிதழ் சரி பார்த்தல் 17-6-2019-ந் தேதி நடக்கிறது. இது பற்றிய விவரங்களை navodaya.gov.in என்ற இணையதளத்தில் பார்க்கலாம்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

உருக்கு நிறுவனத்தில் என்ஜினீயர்களுக்கு வேலை

உருக்கு ஆலை நிறுவனத்தில் என்ஜினீயர்களுக்கு கேட் தேர்வின் அடிப்படையில் பணியிடங்கள் அறிவிக்கப்பட்டு உள்ளன. இது பற்றிய விவரம் வருமாறு:- இந்திய உருக்கு ஆணைய நிறுவனம் சுருக்கமாக செயில் ((SAIL) எனப்படுகிறது. புதுடெல்லியில் உள்ள செயில் நிறுவன தலைமை இடத்தில் இருந்து, இதன் கிளைகளில் மேனேஜ்மென்ட் டிரெயினி பணியிடங்களை நிரப்ப அறிவிப்பு வெளியாகி உள்ளது. கேட்-2019 தேர்வின் அடிப்படையில் இந்த பணியிடங்கள் நிரப்பப்படுகிறது. மொத்தம் 142 பேர் தேர்வு செய்யப்படுகிறார்கள். பிரிவு வாரியான காலியிடங்கள் விவரம் : மெக்கானிக்கல் - 66, எலக்ட்ரிக்கல் - 41, மெட்டலர்ஜிகல் - 7, கெமிக்கல் - 10, இன்ஸ்ட்ருமென்டேசன் 15, மைனிங்-3 இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை அறிவோம்... வயது வரம்பு விண்ணப்பதாரர்கள் 14-6-2019-ந் தேதியில் 28 வயதுக்கு உட்பட்டவர்களாக இருக்க வேண்டும். ஓ.பி.சி., எஸ்.சி., எஸ்.டி. பிரிவினருக்கு வயது வரம்பு தளர்வு அனுமதிக்கப்படும். கல்வித்தகுதி பணியிடங்கள் உள்ள என்ஜினீயரிங் பிரிவுகளில் பட்டப்படிப்பு படித்து, கேட் 2019-ல் தேர்ச்சி பெற்றவர்கள் விண்ணப்பிக்கலாம். தேர்வு செய்யும் முறை கேட் தேர்வு மதிப்பெண்கள் மற்றும் நேர்காணலில் பெறும் மதிப்பெண்கள் அடிப் படையில் தகுதியானவர்கள் பணியில் சேர்க்கப்படுவார்கள். கட்டணம் பொது மற்றும் ஓ.பி.சி. பிரிவினர் ரூ.700 கட்டணம் செலுத்த வேண்டும். எஸ்.சி., எஸ்.டி. பிரிவினர் ரூ.100 கட்டணம் செலுத்தினால் போதுமானது. விண்ணப்பிக்கும் முறை விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். ஜூன் 14-ந் தேதி விண்ணப்பிக்க கடைசி நாளாகும். இது பற்றிய விவரங்களை www.sailcareers.com என்ற இணைய தளத்தில் பார்க்கலாம்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

பட்டதாரிகள் விமானப்படையில் சேர்ப்பு ஆண்-பெண் இருபாலரும் விண்ணப்பிக்கலாம்

விமானப்படையில் பயிற்சியுடன் கூடிய அதிகாரி பணியிடங்களில் ஆண்- பெண் பட்டதாரிகள் சேர்க்கப்படுகிறார்கள். மொத்தம் 242 காலியிடங்கள் நிரப்பப்படுகிறது.

இது பற்றிய விரிவான விவரம் வருமாறு:-

விமானப்படை நாட்டின் முப்படை ராணுவ பிரிவுகளில் ஒன்றாகும். தற்போது இந்த படைப்பிரிவில் ‘கமிஷன்டு ஆபீசர்’ பணியில் தகுதியான இளைஞர்களை சேர்க்க அறிவிப்பு வெளியாகி உள்ளது. அப்கேட் (AFCAT 2/2019) என்ற தேர்வு மூலம் பிளையிங், டெக்னிக்கல், கிரவுண்ட் டியூட்டி ஆகிய பிரிவுகளில் இந்த பணியிடங்கள் நிரப்பப்படுகிறது. என்.சி.சி. வீரர் களுக்கான சிறப்பு நுழைவின் அடிப்படையிலும் குறிப்பிட்ட பேர் சேர்க்கப்படுகிறார்கள்.

இந்திய குடியுரிமை பெற்ற ஆண்/ பெண் பட்டதாரிகள் இந்த பணியிடங்களில் சேர விண்ணப்பிக்கலாம். மொத்தம் 242 பேர் இந்த பயிற்சியில் சேர்க்கப்படுவது குறிப்பிடத்தக்கது. அவர்கள் பெற்றிருக்க வேண்டிய இதர தகுதி விவரங்கள் கீழே...

வயது வரம்பு:

பிளையிங் பிரிவில் சேரும் விண்ணப்பதாரர்கள் 20 முதல் 24 வயதுடையவராக இருக்க வேண்டும். அதாவது 2-7-1996 மற்றும் 1-7-2000 ஆகிய தேதிகளுக்கு இடைப்பட்ட காலத்தில் விண்ணப்பதாரர் பிறந்திருக்க வேண்டும். பைலட் பயிற்சி பெற்றவர்கள் 26 வயதுடையவராக இருந்தாலும் விண்ணப்பிக்கலாம்.

டெக்னிக்கல் பிரிவு மற்றும் கிரவுண்ட் டியூட்டி விண்ணப்பதாரர்கள் 20 முதல் 26 வயதுக்கு உட்பட்டவர்களாக இருக்க வேண்டும். அதாவது 2-7-1994 மற்றும் 1-7-2000 ஆகிய தேதிகளுக்கு இடைப்பட்ட காலத்தில் பிறந் திருக்க வேண்டும். இந்த தகுதித் தேதிகளில் பிறந்தவர்களும் விண்ணப்பிக்கத் தகுதியானவர்களே.

கல்வித்தகுதி:

பிளையிங் பிரிவு பணிக்கு 3 ஆண்டு கால அளவு கொண்ட பட்டப்படிப்புகளில் 60 சதவீத மதிப்பெண்களுடன் தேர்ச்சி பெற்றவர்கள் விண்ணப்பிக்கலாம். இவர்கள் 10, 12-ம் வகுப்பில் கணிதம், இயற்பியல் பாடங்கள் அடங்கிய பிரிவை தேர்வு செய்து படித்திருக்க வேண்டும். பி.இ., பி.டெக். படிப்பில் 60 சதவீத மதிப்பெண்களுடன் தேர்ச்சி பெற்றவர்களும் விண்ணப்பிக்க தகுதி உடையவர்களே.

எலக்ட்ரிக்கல், மெக்கானிக்கல், எலக்ட்ரானிக்ஸ், ஏரோனாட்டிகல் என்ஜினீயரிங் மற்றும் இது சார்ந்த பொறியியல், தொழில்நுட்ப பட்டப்படிப்புகளை படித்தவர்கள் டெக்னிக்கல் பிரிவில் சேர விண்ணப்பிக்கலாம்.

பல்வேறு விதமான பிரிவுகளில் இளநிலை, முதுநிலை, முதுநிலை டிப்ளமோ, சி.ஏ. போன்ற படிப்புகளை முடித்தவர்களுக்கு கிரவுண்ட் டியூட்டி பிரிவில் பணிகள் காத்திருக்கின்றன.

தேர்வு செய்யும் முறை:

விண்ணப்பதாரர்கள் அந்தந்த பணிக்கான உயரம், எடை, மார்பளவு, பார்வைத்திறன் மற்றும் உடல்- உள நலம் பெற்றிருக்க வேண்டும். ஸ்டேஜ்-1, ஸ்டேஜ்-2 என இரு நிலைகளில் தேர்வுகள் நடைபெறும். விமானப்படை பொது சேர்க்கைத் தேர்வு (அப்கேட்) எனப்படும் எழுத்து தேர்வு, சான்றிதழ் சரிபார்த்தல், உடற் தகுதி, உடற்திறன் சோதித்தல், உளவியல் தேர்வு, குழுத் தேர்வு, நேர்காணல் ஆகியவை இதில் அடங்கும். அனைத்திலும் தேர்ச்சி பெறுபவர்களுக்கு குறிப்பிட்ட காலம் பயிற்சி அளிக்கப்படும். பின்னர் பணி நியமனம் பெறலாம்.

கட்டணம் :

தேர்வுக் கட்டணமாக ரூ.250 செலுத்தி விண்ணப்பிக்க வேண்டும்.

விண்ணப்பிக்கும் முறை :

இணையதளம் வழியாகவே விண்ணப்பங்களை சமர்ப்பிக்க முடியும். careerindianairforce.edac.in மற்றும் afcat.cdac.in என்ற இணையதள முகவரியில் முழுமையான விவரங்களை படித்தறிந்து கொண்டு விண்ணப்பங்களை சமர்ப்பிக்கலாம். முன்னதாக புகைப்படத்தை குறிப்பிட்ட அளவுக்குள் ஸ்கேன் செய்து வைத்துக் கொள்ளவும்.

முக்கிய தேதிகள்:

விண்ணப்பங்கள் சமர்ப்பிக்க கடைசி நாள் : 30-6-2019

இதற்கான ஆன்லைன் தேர்வு ஆகஸ்டு 24,25-ந் தேதிகளில் நடைபெற உள்ளது.

கூடுதல் விவரங்களை மேற்கண்ட இணைய தளத்தில் பார்க்கலாம்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

வேலை செய்து கொண்டே ராணுவ சேவை செய்யலாம் பிராந்திய ராணுவத்தில் இளைஞர்கள் சேர்ப்பு

பிராந்திய ராணுவத்தில் அதிகாரி பணிக்கு பட்டதாரிகள் சேர்க்கப்படுகிறார்கள். இதில் சேர்பவர்கள் வேறு வேலை பார்த்துக் கொண்டே ராணுவ அதிகாரியாக சேவை செய்யலாம். இது பற்றிய விவரம் வருமாறு:- இந்திய ராணுவம் தரைப்படை, கடற்படை, விமானப்படை எனும் முப்பிரிவுகளாக செயல்படுகிறது. சர்வதேச அளவில் நமது நாட்டின் பாதுகாப்பிற்கு அச்சுறுத்தல் நேரா வண்ணம் இந்த படைப்பிரிவுகள் காத்து கடமையாற்றுகின்றன. உள்நாட்டிற்குள் ஏற்படும் சமூக விரோத செயல்களை அடக்குவதற்காக துணை ராணுவ படைகள் செயல்பட்டு வருகின்றன. இந்த ராணுவ அமைப்புகளுக்கு உதவிகரமாக செயல்படும் வகையில் ‘டெரிட்டோரியல் ஆர்மி’ எனும் ‘பிராந்திய ராணுவ’ அமைப்பு இயங்குகிறது. காவல்துறைக்கு உதவியாக ஊர்க் காவல் படையினர் செயல்படுவதுபோல, ராணுவத்தின் ஓர் உதவி அமைப்பாக இந்த பிராந்திய ராணுவம் செயல்படுகிறது. ராணுவப் பணியை விரும்பும் இளைஞர்கள், தாங்கள் செய்யும் வேலைக்கு இடையூறு இல்லாமல், இருக்கும் இடத்திலேயே குறிப்பிட்ட கால பயிற்சி பெற்று பிராந்திய ராணுவத்தில் சேவையாற்றலாம். அரசு பணி, தனியார் பணி, சுயதொழில் என எந்த தொழிலில் இருப்பவர்களும் இதில் சேரலாம். ஆனால் காவல்துறை, ஆயுதப்படை, துணை ராணுவ பிரிவுகளில் பணியில் இருப்பவர்கள் இதற்கு விண்ணப்பிக்க முடியாது. பணிக்காலத்தில் ராணுவ அதிகாரிகள் பெறும் ஊதியம் மற்றும் சலுகைகளையும் பெறலாம். விளையாட்டு வீரர்கள் மற்றும் பிரபலங்கள் பலர், இந்த பிரிவில் கவுரவ ராணுவ சேவையாற்றுவது குறிப்பிடத்தக்கது. தற்போது பிராந்திய ராணுவத்தில் அதிகாரி பணிக்கு பட்டதாரிகளை சேர்க்கும் அறிவிப்பு வெளியாகி உள்ளது. இதில் சேருவதற்கான மேலும் சில தகுதி விவரங்களை இனி பார்ப்போம்... வயது வரம்பு: விண்ணப்பதாரர்கள் 25-6-2019-ந் தேதியில் 18 வயது முதல் 42 வயதுக்கு உட்பட்டவர்களாக இருக்க வேண்டும். கல்வித் தகுதி: அங்கீகாரம் பெற்ற பல்கலைக்கழகங்களில் ஏதேனும் ஒரு பிரிவில் பட்டப்படிப்பில் தேர்ச்சி பெற்றிருக்க வேண்டும். தேர்வு செய்யும் முறை: எழுத்துத் தேர்வு, நேர்காணல் மூலம் தகுதியானவர்கள் தேர்வு செய்யப்படுவார்கள். அவர்களுக்கு மருத்துவ பரிசோதனை நடத்தப்பட்டு, பயிற்சியில் சேர்த்துக் கொள்ளப்படுவார்கள். முதல் 2 ஆண்டுகளுக்கு அவ்வப்போது ராணுவ பயிற்சி வழங்கப்படும். பயிற்சிக்குப் பின் அவர்கள் வழக்கமாக செய்யும் பணியில் நீடித்துக் கொண்டே ராணுவ அதிகாரியாக பணியாற்றலாம். லெப்டினன்ட் அதிகாரியாக பணி பெறும் அவர்கள் பணிக்காலத்தில் பதவி உயர்வு மற்றும் ஊதிய உயர்வு பெற முடியும். விண்ணப்பிக்கும் முறை: விருப்பமும், தகுதியும் உள்ளவர்கள் இணையதளத்தில் இருந்து விண்ணப்ப படிவத்தை பதிவிறக்கம் செய்து நிரப்பி அனுப்ப வேண்டும். அத்துடன் தேவையான சான்றிதழ் நகல்கள், புகைப்படங்கள், சுயமுகவரியிட்ட அஞ்சல் உறை ஆகியவை இணைக்க வேண்டும். முக்கிய தேதிகள்: விண்ணப்பிக்க கடைசி நாள் : 25-6-2019 எழுத்து தேர்வு நடைபெறும் நாள் : 28-7-2019 இது பற்றிய மேலும் விரிவான விவரங்களை அறிய பார்க்க வேண்டிய இணையதள முகவரி : www.jointerritorialarmy.gov.in

விரிவாக படிக்க இங்கே கிளிக் செய்யுங்கள் | READ MORE | CLICK HERE

ரெயில்வேயில் அதிகாரி வேலை

தெற்கு ரெயில்வேயில் எக்சிகியூட்டிவ் அசிஸ்டன்ட்ஸ் பணியிடங்களை நிரப்ப அறிவிப்பு வெளியாகி உள்ளது, மொத்தம் 95 பேர் தேர்வு செய்யப்படுகிறார்கள். இட ஒதுக்கீடு அடிப்படையில் பொதுப் பிரிவுக்கு 48 இடங்களும், ஓ.பி.சி. பிரிவினருக்கு 26 இடங்களும், எஸ்.சி. பிரிவினருக்கு 14 இடங்களும், எஸ்.டி. பிரிவினருக்கு 7 இடங்களும் உள்ளன. இவை ஒப்பந்த அடிப்படையிலான பணியிடங்களாகும். இந்த பணிகளுக்கு 1-1-2019-ந் தேதியில் 18 முதல் 28 வயதுக்கு உட்பட்டவர்கள் விண்ணப்பிக்கலாம். குறிப்பிட்ட பிரிவினருக்கு வயது வரம்பில் தளர்வு அனுமதிக்கப்படும். பி.சி.ஏ., பி.எஸ்சி. கம்ப்யூட்டர் சயின்ஸ், ஐ.டி. படித்தவர்கள் விண்ணப்பிக்கலாம். எம்.எஸ். ஆபீஸ் மென்பொருள் பயிற்சி சான்றிதழ் அறிந்திருப்பது அவசியம். பொது மற்றும் ஓ.பி.சி. பிரிவினர் ரூ.500 கட்டணம் செலுத்தி விண்ணப்பிக்கலாம். எஸ்.சி., எஸ்.டி. பிரிவினர் மாற்றுத் திறனாளிகள், அனைத்துப் பிரிவு பெண் விண்ணப்பதாரர்கள், பொருளாதாரத்தில் பின்தங்கியவர்கள், சிறுபான்மையினர் ஆகியோர் ரூ.250 கட்டணம் செலுத்தினால் போதுமானது. தேர்வு மற்றும் திறமைத் தேர்வு அடிப்படையில் தகுதியானவர்கள் தேர்வு செய்யப்படுகிறார்கள். விருப்பமும், தகுதியும் உள்ளவர்கள் இணைய தளம் வழியாக விண்ணப்பம் சமர்ப்பிக்கலாம். விண்ணப்பிக்க கடைசி நாள் 30-6-2019-ந் தேதியாகும். விரிவான விவரங்களை www.rrcmas.in என்ற இணையதளத்தில் பார்க்கலாம்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

நிதி நிறுவனத்தில் 280 உதவியாளர் பணிகள்

மத்திய நிதி நிறுவனத்தில் உதவியாளர் பணிக்கு 280 பேர் தேர்வு செய்யப்படுகிறார்கள். பட்டதாரிகள் இந்த பணிகளுக்கு விண்ணப்பிக்கலாம்.

இது பற்றிய விவரம் வருமாறு:-

பிராவிடன்ட் பண்ட் எனப்படும் ஊழியர்கள் வருவாய் நிதி கழக நிறுவனம் சுருக்கமாக இ.பி.எப்.ஓ. என அழைக்கப்படுகிறது. தற்போது இந்த மத்திய அரசு நிறுவனத்தில் உதவியாளர் பணியிடங்களை நிரப்ப அறிவிப்பு வெளியாகி உள்ளது. மொத்தம் 280 பேர் தேர்வு செய்யப்படுகிறார்கள். இந்த பணியிடங்களுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்...

வயது வரம்பு

விண்ணப்பதாரர்கள் 25-6-2019-ந் தேதியில் 20 வயது முதல் 27 வயதுக்கு உட்பட்டவர்களாக இருக்க வேண்டும். குறிப்பிட்ட பிரிவினருக்கு மத்திய அரசு விதிகளின்படி வயது வரம்பு தளர்வு அனுமதிக்கப்படும்.

கல்வித் தகுதி

அங்கீகாரம் பெற்ற பல்கலைக்கழகத்தின் கீழ் ஏதேனும் ஒரு பிரிவில் பட்டப்படிப்பு தேர்ச்சி பெற்றவர்கள் விண்ணப்பிக்கலாம்.

கட்டணம்

பொது மற்றும் ஓ.பி.சி. பிரிவினர் ரூ.500 கட்டணமாக செலுத்த வேண்டும். எஸ்.சி., எஸ்.டி. பிரிவினர் மாற்றுத் திறனாளிகள், பெண் விண்ணப்பதாரர்கள், பொருளாதாரத்தில் பின்தங்கியவர்கள் ரூ.250 கட்டணம் செலுத்தினால் போதுமானது.

விண்ணப்பிக்கும் முறை

விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். விண்ணப்பிக்க கடைசி நாள் 25-6-2019-ந் தேதியாகும். ஜூலை 10-ந் தேதிக்குள் விண்ணப்பத்தை பிரிண்ட் எடுக்கலாம். இதற்கான முதல்நிலைத் தேர்வு (பேஸ்-1) ஜூலை 30,31-ந் தேதிகளில் நடைபெறுகிறது. முதன்மைத் தேர்வு (பேஸ்-2) தேதி முதல்நிலைத் தேர்வு முடிவுக்குப் பின்னர் அறிவிக்கப்படும்.

விண்ணப்பிக்கவும், விரிவான விவரங்களை தெரிந்து கொள்ளவும் www.epfindia.gov.in என்ற இணையதள பக்கத்தைப் பார்க்கலாம்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழக அரசு துறைகளில் என்ஜினீயர்களுக்கான தேர்வு 475 பணியிடங்கள் நிரப்பப்படுகிறது

தமிழக அரசு துறைகளில் என்ஜினீயர்களுக்கான பணியிடங்களை நிரப்பும் தேர்வை டி.என்.பி.எஸ்.சி. அறிவித்துள்ளது. இதன் மூலம் 475 பணியிடங்கள் நிரப்பப்படுகிறது. இது பற்றிய விவரம் வருமாறு:- தமிழ்நாடு அரசுப் பணியாளர் தேர்வாணையம் சுருக்கமாக டி.என்.பி.எஸ்.சி. என அழைக்கப்படுகிறது. இந்த அமைப்பு அரசுப் பணியிடங்களுக்குத் தகுதியானவர்களை தேர்வு செய்யும் அமைப்பாக விளங்குகிறது. அரசுத் துறைகளில் ஏற்படும் என்ஜினீயரிங் தொடர்பான பணியிடங்களை நிரப்ப ‘ஒருங்கிணைந்த பொறியியல் பணிகள் தேர்வு’ எனும் தேர்வு நடத்தி பணியிடங்களை நிரப்புகிறது. தற்போது 475 பணியிடங்களை நிரப்ப இந்த தேர்வு அறிவிக்கப்பட்டு உள்ளது. பணிவாரியாக உள்ள காலியிட விவரம் : அசிஸ்டன்ட் எலக்ட்ரிக்கல் இன்ஸ்பெக்டர் -10, அசிஸ்டன்ட் என்ஜினீயர் (அக்ரி) - 93, அசிஸ்டன்ட் என்ஜினீயர் (சிவில்) - 193, அசிஸ்டன்ட் என்ஜினீயர் (எலக்ட்ரிக்கல்) - 13, அசிஸ்டன்ட் டைரக்டர் (இண்டஸ்ட்ரியல் சேப்டி அண்ட் ஹெல்த்)- 26, அசிஸ்டன்ட் என்ஜினீயர் (சிவில்-ஹைவே) - 123, அசிஸ்டன்ட் என்ஜினீயர் (சிவில் மாரிடைம்) - 2, ஜூனியர் ஆர்கிடெக்ட்-15. இந்த பணியிடங்களுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி அறிவோம்... எலக்ட்ரிக்கல், சிவில், மெக்கானிக்கல், ஆட்டோமொபைல், புரொடக்சன், அக்ரி, இண்டஸ்ட்ரியல் என்ஜினீயரிங், டெக்ஸ்டைல், கெமிக்கல், ஆர்கிடெக்சர், ஸ்டக்சரல் என்ஜினீயரிங் உள்ளிட்ட பிரிவுகளில் பி.இ., பி.டெக் படித்தவா்கள் விண்ணப்பிக்கலாம். ஒவ்வொரு பணிக்கும் வயது வரம்பு வேறுபடுகிறது. அசிஸ்டன்ட் எலக்ட்ரிக்கல் இன்ஸ்பெக்டர் பணிக்கு 39 வயதுக்கு உட்பட்டவர்களும், மற்ற பணிகளுக்கு 30 வயதுக்கு உட்பட்டவர்களும் விண்ணப்பிக்கலாம். தமிழக அரசு விதி களின்படி இட ஒதுக்கீடு பெறும் பிரிவினருக்கு உச்ச வயது வரம்பு தடையில்லை. விருப்பமுள்ளவர்கள், விண்ணப்பப் பதிவு கட்டணமாக ரூ.150, தேர்வுக் கட்டணமாக ரூ. 200 செலுத்தி விண்ணப்பிக்கலாம். சில பிரிவினருக்கு இதில் விதிவிலக்கு அனுமதிக்கப்படுகிறது. விருப்பமும், தகுதியும் உள்ளவர்கள் இணைய தளம் வழியாக விண்ணப்பம் சமர்ப்பிக்கலாம். வருகிற 28-ந் தேதி விண்ணப்பிக்க கடைசி நாளாகும். இதற்கான எழுத்துத் தேர்வு ஆகஸ்டு 10-ந் தேதி நடைபெறுகிறது. இவை பற்றிய கூடுதல் விவரங்களை www.tnpsc.gov.in என்ற இணையதள பக்கத்தில் பார்க்கலாம்.

விரிவாக படிக்க இங்கே கிளிக் செய்யுங்கள் | READ MORE | CLICK HERE